ഒമാനി ഖൻജാർ – പ്രൗഢിയുടെയും ചരിത്രത്തിൻ്റെയും അടയാളം

Total
2
Shares

ലേഖകൻ – Siddieque Padappil.

മധ്യപൂർവ്വേഷ്യൻ രാജ്യമായ ഒമാൻ എന്ന കൊച്ചു രാജ്യത്തിനേറെ പ്രത്യേകതകളുണ്ട്‌. അറേബ്യൻ ഉപഭൂഖണ്ഡത്തിന്റെ തെക്ക്‌ കിഴക്കൻ ഭാഗത്തായി സ്ഥിതി ചെയ്യുന്ന രാജ്യത്ത്‌ ഭൂപ്രദേശം നമ്മുടെ ഇന്ത്യയുമായി ഏറെ സാമ്യത പുലർത്തുന്നുണ്ട്‌. ഗൾഫ്‌ രാജ്യങ്ങളിൽ കാണപ്പെടുന്ന മണലാരണ്യം ഒമാനിൽ തീരെയില്ലായെന്ന് പറയാം. മസ്കറ്റ്‌ എന്ന നഗരപ്രദേശം ഒഴിച്ചുള്ള രാജ്യത്തിന്റെ മിക്ക ഭാഗങ്ങളിലും അത്യാവശ്യം കൃഷിഭൂമിയും വളർത്ത്‌ മൃഗങ്ങളെ വളർത്തലുമൊക്കെയായി വടക്കൻ കർണ്ണാടകയുമായി ഏറെ സാമ്യം തോന്നിപ്പിക്കുന്ന ഭൂമിയാണ്‌ ഒമാനിലേത്‌. ഇന്തയുമായി ഏറെ സഹകരണത്തിൽ കഴിയുന്ന രാജ്യമായ ഒമാനിന്റെ ദേശീയ ചിഹ്നമായ കഠാരിയെ (Khanjar) കുറിച്ചുള്ള ചരിത്രവും പ്രത്യേകതയെ കുറിച്ചൊരു കുറിപ്പ്‌.

റൂസ്‌ അൽ ജിബൽ പ്രദേശത്ത്‌ നിന്ന് കണ്ടെത്തിയ പാറകളിലെ കൊത്തുപണികളിൽ ഖൻജാർ കണ്ടെത്തിയിട്ടുണ്ട്‌. പതിനേഴാം നൂറ്റാണ്ടിന്റെ അവസാന കാലത്ത്‌ കൊത്തിയ രൂപമാണിതെന്ന് ചരിത്രകാരന്മാർ അഭിപ്രായപ്പെടുന്നു. ഓട്ടോമൻ ഭരണകാലത്തെ പോലീസുകാർ ഇത്‌ പോലൊരു കഠാര സ്ഥിരം അണിഞ്ഞിരുന്നു. Handschar എന്നറിയപ്പെടുന്ന ആ കഠാരയുടെ പിറവി, സെർബിയ-ബോസ്നിയ ഉൾപ്പെടുന്ന ബാൾക്കൻ ഉപദ്വീപാണെന്ന് ചരിത്രകാരന്മാർ പറഞ്ഞു വെക്കുന്നു. ഓട്ടോമൻ പോലീസുകാരിൽ നിന്നായിരിക്കും കഠാരി അണിയുന്ന രീതി ഒമാനിൽ എത്തിയത്‌ എന്ന് കരുതപ്പെടുന്നു.

ഏതായാലും നൂറ്റാണ്ടുകളായി ഒമാനി പുരുഷന്മാരുടെ വസ്ത്രത്തിന്റെ ഭാഗം കൂടിയാണ്‌ പ്രാദേശികമായി ഖൻജാർ എന്ന് വിളിക്കുന്ന ഈ ഒമാനി ചിഹ്നം. ‘തീവ്രാവേശമുള്ള’ എന്നർത്ഥമുളള പേർഷ്യൻ വാക്കായാ خونگر ൽ നിന്നാണ്‌ ഖൻജാർ എന്ന പദമുണ്ടാവുന്നത്‌. ഉറുദുവിലും ഖൻജാർ എന്ന വാക്ക്‌ തന്നെയാണ്‌ കഠാരി (dagger) യെ സൂചിപ്പിക്കാൻ ഉപയോഗിക്കുന്നത്‌. റീനാ റോയ്‌ മുഖ്യ കഥാപാത്രമായി വന്ന 1980 ലിറങ്ങിയ ‘ഖൻജാർ’, ഒരു കഠാരിയെ ചുറ്റിപ്പറ്റിയുള്ള കുറ്റന്വേഷണ സിനിമയായിരുന്നു.

ഒമാനി പാരമ്പര്യവസ്ത്രത്തിന്റെ ഭാഗമാണെങ്കിലും ഇന്ന് സാധാരണ വേഷത്തിന്റെ കൂടെ ഖൻജാർ ധരിക്കാറില്ല. കല്ല്യാണം, മറ്റു ചടങ്ങുകൾ, പ്രധാന ദിവസങ്ങൾ, ആഘോഷങ്ങൾ, ദേശീയ ദിന പരേഡുകൾ തുടങ്ങിയ വേളകളിലൊക്കെ ഖൻജാർ ധരിക്കുന്നത്‌ ഒഴിവാക്കാറുമില്ല. പുരുഷന്മാരുടെ വസ്ത്രത്തിന്റെ പുറത്ത്‌ അണിയുന്ന അരപ്പട്ടയുടെ തൊട്ട്‌ താഴെയായി വസ്ത്രത്തിന്റെ മുൻവശത്തായാണ്‌ ഖൻജാർ ധരിക്കാർ.

സാധാരണ കാണപ്പെടുന്ന കഠാരയിൽ നിന്ന് വ്യത്യസ്തമാണ്‌ ഖൻജാർ. 45 ഡിഗ്രി വളഞ്ഞ്‌ ഏകദേശം J അക്ഷരത്തിന്റെ ആകൃതിയിൽ ഉരുക്കു കൊണ്ട്‌ നിർമ്മിക്കുന്ന കഠാരയാണിത്‌. പരമ്പരാഗതമായി ഒമാനി കരകൗശലവിദഗ്ദർ നിർമ്മിച്ചിരുന്ന ഇവ നിർമ്മിക്കാൻ പ്രത്യേക അനുമതി ഭരണകൂടത്തിൽ നിന്ന് വാങ്ങേണ്ടതുണ്ട്‌. തുരുമ്പെടുക്കാത്ത മുന്തിയയിനം സ്റ്റീൽ ഉപയോഗിച്ചായിരിക്കണം കഠാരയുടെ വായ്‌മുന നിർമ്മിക്കേണ്ടത്‌. പിടി നിർമ്മിക്കാൻ മരവും കൊമ്പുകളും ഉപയോഗിച്ചു വരുന്നു. കഠാരിയുടെ ഉറയും മികച്ച ക്രാഫ്റ്റ്മെൻഷിപ്പോട്‌ കൂടിയാണ്‌ നിർമ്മിക്കാർ.

വെള്ളി അല്ലെങ്കിൽ സ്വർണ്ണം കൊണ്ട്‌ എബ്രോഡറി വർക്ക്‌ ചെയിത കത്തിയുറക്കുള്ളിലാണ്‌ കഠാരയുടെ വിശ്രമം. പട്ടയിൽ കോർത്ത്‌ പിടിപ്പിക്കാനുപയോഗിച്ചിരുന്ന 4 അല്ലെങ്കിൽ 7 ചെറുവളയങ്ങൾ ഉപയോഗിച്ചിരുന്ന രീതി ഇന്നും പിന്തുടരുന്നു. മികച്ചയിനം മരം അല്ലെങ്കിൽ മൃഗകൊമ്പ്‌ കൊണ്ടൊക്കെ നിർമ്മിക്കുന്ന പിടിയിലും കൊത്തു പണികളുണ്ടായിരിക്കും. ഏറ്റവും മികച്ച കഠാരകളുടെ പിടി നിർമ്മിക്കുന്ന കണ്ടാമൃഗത്തിന്റെ കൊമ്പ്‌ ഉപയോഗിച്ചാണ്‌. ഒരു കണ്ടാമൃഗത്തിന്റെ കൊമ്പ്‌ കൊണ്ട്‌ നാലോ അഞ്ചോ പിടികൾ മാത്രമേ ഉണ്ടാക്കാനാവൂ എന്നത്‌ കൊണ്ട്‌ തന്നെ ഇത്തരം കൊമ്പ്‌ ഉപയോഗിക്കുന്ന ഖൻജാറുകൾ നല്ല വിലയും നൽകേണ്ടി വരുന്നു.

സൂരി, നിസ്‌വാരി, സെയിദി, ബതാനി, സാഹിലി തുടങ്ങി നിരവധിയിനം ഖൻജാറുകളുണ്ട്‌. നിർമ്മാണ രീതി, ഉപയോഗിക്കുന്ന സാമാഗ്രികൾ, നിർമ്മിക്കുന്ന പ്രദേശമനുസരിച്ചാണ്‌ ഇങ്ങനെ തരം തിരിക്കുന്നത്‌. സെയിദി മാതൃകയിലുള്ള ഖൻജാറുകളാണ്‌ ഒമാൻ രാജകുടുംബം ഉപയോഗിക്കുന്നത്‌. കിഴക്കൻ പ്രദേശമായ സൂർ പ്രവിശ്യയിൽ നിർമ്മിക്കപ്പെടുന്ന സ്വർണ്ണ വർണ്ണ പിടിയായിരിക്കും ഉണ്ടാവുക. കനം കുറഞ്ഞയിനമാണ്‌ സാഹിലി. ബതാനി മാതൃകയിൽ നിർമ്മിക്കുന്ന ഖൻജാറുകൾക്ക്‌ വെള്ളിയിൽ തീർത്ത എംബ്രോഡറി പണിയുണ്ടായിരിക്കും. ആനകൊമ്പ്‌ കൊണ്ട്‌ പിടി ഉണ്ടാക്കുന്ന ഖൻജാറുകൾക്ക് ഏറെ വില നൽകേണ്ടി വരും. മികച്ചയിനമായ നിസ്‌വാനിയുടെ പിടി ദാരു നിർമ്മിതമാണ്‌.

100 റിയാൽ (18,000 രൂപ) മുതൽ 1000 റിയാൽ വരെയുള്ള ഖൻജാറുകൾ വിപണിയിൽ വാങ്ങിക്കാൻ കിട്ടും. പുരാതന ശേഖരത്തിലെ ആന്റിക്‌ ഖൻജാറുകൾക്ക്‌ വെള്ളി, സ്വർണ്ണം ഉപയോഗിച്ച്‌ വരുന്ന ഖൻജാറുകളെക്കാൾ ഡിമാന്റുണ്ട്‌. ഒമാനിലെ ഖൻജാർ നിർമ്മാണ മേഖലയിൽ മുമ്പ്‌ മലയാളികളടക്കം വിദേശ രാജ്യങ്ങളിലെ തൊഴിലാളികളും സജീവമായിരുന്നെങ്കിലും ഈ അടുത്ത്‌ ഒമാൻ ഭരണകൂടം ഈ മേഖലയിൽ ഏറെ നിയമനിർമ്മാണങ്ങൾ നടത്തി. വില കുറഞ്ഞ സാമാഗ്രികൾ ഉപയോഗിച്ച്‌ നിർമ്മിക്കുന്ന ഖൻജാറുകൾ രാജ്യത്തിന്റെ പഴയകാല യശസ്സിനെയും പ്രൗഢിയെയും ബാധിക്കുമെന്ന സംശയത്തിൽ നിന്ന് കൂടുതൽ കർക്കശ നിയമങ്ങൾ കൊണ്ട്‌ വന്നിട്ടുണ്ട്‌. ഒമാനിന്റെ ദേശീയ പതാകയിലും ആലേഖനം ചെയിതിട്ടുള്ള ഖൻജാർ ഓരോ ഒമാനിയുടെയും അഭിമാനമാണ്‌.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

കേരളത്തിലെ പത്രങ്ങളുടെ ചരിത്രം – ഒരു മലയാളി അറിഞ്ഞിരിക്കേണ്ട കാര്യങ്ങൾ..

കേരളീയരുടെ ജീവിതത്തിന്‍്റെ ഭാഗമാണ് പത്രങ്ങള്‍. കേരളീയ സംസ്കാരത്തിന്‍്റെ ഭാഗമാണ് പത്രവായന. ഒരു ശരാശരി മലയാളിയുടെ ദിവസം ആരംഭിക്കുന്നത് ഒരു കൈയില്‍ കാപ്പിയും മറ്റേ കൈയില്‍ പത്രവുമായിട്ടാണ്. കേരളത്തിലെ സാംസ്കാരിക ചരിത്രം പരിശോധിച്ചാല്‍ ഏറ്റവും മികച്ച സംഭാവന നല്‍കിയത് പത്രങ്ങളും പ്രസിദ്ധീകരണങ്ങളുമാണെന്നു കാണാം.…
View Post

കടുവ വേലായുധൻ – ആനപ്പണിക്കാരിലെ എക്കാലത്തെയും വലിയ അതികായൻ !!

എഴുത്ത് – വിനു പൂക്കാട്ടിയൂർ. ആനപ്പണിയിലെ എക്കാലത്തെയും വലിയ അതികായൻ ‘കടുവ വേലായുധേട്ടൻ’ ആനയില്ലാത്ത ലോകത്തേക്ക് യാത്രയായിട്ട് എട്ട് വർഷങ്ങൾ. അദ്ദേഹത്തിന്റെ ഓർമ്മകൾക്ക് മുൻപിൽ അനന്തകോടിപ്രണാമം. ഒരുപാട് പേരുടെ അഭ്യർത്ഥനയായിരുന്നു സാക്ഷാൽ കടുവയുടെ കഥകൾ കേൾക്കണമെന്ന്. എന്നാൽ എന്നെപോലെയുള്ള ഒരാൾക്ക് വലിയ…
View Post

KSRTC SWIFT വോൾവോ സ്ലീപ്പർ ബസ്സിലെ യാത്ര; ഒരു പാസഞ്ചർ റിവ്യൂ

വിവരണം – ലിജോ ചീരൻ ജോസ്. ഇരുപത്തിരണ്ടു വർഷമേ ആയിട്ടുള്ളു ഞാൻ നമ്മുടെ ആനവണ്ടിയിലെ ദീർഘദൂര യാത്രകൾ ആരംഭിച്ചിട്ട്. ഗുരുവായൂർ – കോയമ്പത്തൂർ ഫാസ്റ്റിലാണ് തുടക്കം. കുറച്ചു വര്ഷം മുൻപ് വരെ കര്ണാടക ആർ ടി സി വോൾവോ ബസുകൾ കേരളത്തിലേക്ക്…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

മുഗൾ സാമ്രാജ്യം – ചക്രവർത്തിമാരും അവരുടെ അന്ത്യവും

ഇന്ത്യയിൽ ഏറ്റവും അധികം കാലം ഭരിച്ച മുസ്ലീം രാജാക്കന്മാരുടെ സാമ്രാജ്യമാണ് മുഗൾ സാമ്രാജ്യം. പിതൃത്വം വഴി മദ്ധ്യേഷ്യൻ ഭരണാധികാരി തിമൂറിന്റെ പിൻ‌ഗാമികളും, മാതൃത്വം വഴി മംഗോൾ നേതാവായ ജെംഗിസ് ഖാന്റെ പാരമ്പര്യം ഉള്ളവരുമാണ്‌ മുഗളർ. മംഗോൾ എന്നതിന്റെ പേർഷ്യൻ/ചഗതായ് രൂപഭേദമായ മുഗൾ…
View Post

മണാലി ബസ് സ്റ്റാൻഡിൽ ഒരു മലയാളിയെ പറ്റിച്ചു മുങ്ങിയ മലയാളി

വിവരണം – Zainudheen Kololamba. അപരിചിതമായ വഴികളിൽ കണ്ടുമുട്ടുന്ന മലയാളികളെ ബന്ധുക്കളേക്കാൾ സ്വന്തമാണെന്ന് തോന്നാറില്ലേ? ഹിന്ദി, ഉറുദു കലപിലകൾക്കിടയിൽ ആരെങ്കിലും വന്ന് മലയാളിയാണോ എന്ന് ചോദിക്കുമ്പോൾ അത്യാനന്ദം അനുഭവപ്പെടാറില്ലേ? തീർച്ചയായും എനിക്ക് തോന്നാറുണ്ട്. കേരള സമ്പർക്രാന്തിയുടെ സെക്കന്റ് ക്ലാസ് ഡബ്ബയുടെ ബർത്തിലിരുന്ന്…
View Post