ഒരു അംബാസിഡർ ടാക്സി കാറുമായി തുടങ്ങിയ പർവീൺ ട്രാവൽസിൻ്റെ കഥ

Total
170
Shares

സൗത്ത് ഇന്ത്യയിലെ മികച്ച കോൺട്രാക്ട് കാരിയേജ് ബസ് ഓപ്പറേറ്റർമാരിൽ ഒന്നാണ് പർവീൺ ട്രാവൽസ്. ഒരു സിംഗിൾ ടാക്സി ടൂറിസ്റ്റ് ഓപ്പറേറ്ററിൽ നിന്നും വളർന്നു പന്തലിച്ച പർവീൺ ട്രാവൽസിൻ്റെ ചരിത്രവും വിശേഷങ്ങളും ഒന്നറിഞ്ഞിരിക്കാം.

1967 ൽ ചെന്നൈയിലെ ഒരു സംരംഭകനായ അല്ലാ ബക്ഷ് രണ്ടു അംബാസിഡർ മീറ്റർ ടാക്സി കാറുകളുമായി ടൂറിസ്റ്റ് ഓപ്പറേറ്ററായി ബിസിനസ്സ് രംഗത്തേക്കിറങ്ങി. ടൂറിസ്റ്റ് ടാക്സി രംഗത്ത് മികച്ച പേരെടുത്തതോടെ അവർ കുറച്ചു ലോറികൾ വാങ്ങുകയും കാർഗോ സർവ്വീസുകൾ ആരംഭിക്കുകയും ചെയ്തു.

അല്ലാ ബക്ഷിൻ്റെ 15 വയസ്സുകാരനായ മകൻ അഫ്സലും അക്കാലത്ത് പഠനത്തിനിടയിൽ ബിസിനസ്സ് കാര്യങ്ങളിൽ പിതാവിനെ സഹായിക്കാൻ മുൻപന്തിയിൽ ഉണ്ടായിരുന്നു. കാലങ്ങൾ കടന്നു പോയി. 1980 ൽ അഫ്‌സൽ ഡിഗ്രി ഒന്നാം വർഷവിദ്യാർത്ഥി ആയിരിക്കുമ്പോൾ ഒരു അംബാസഡർ കാറുമായി ‘പർവീൺ ട്രാവൽസ്’ എന്ന പേരിൽ ഒരു ടൂറിസ്റ്റ് ടാക്സി സർവ്വീസ് സ്വന്തമായി ആരംഭിച്ചു. പർവീൺ എന്നത് അദ്ദേഹത്തിൻ്റെ സഹോദരിയുടെ പേരായിരുന്നു.

ഈ സമയത്ത് പിതാവായ അല്ലാ ബക്ഷ് തൻ്റെ കൈവശമുണ്ടായിരുന്ന മീറ്റർ ടാക്‌സികൾ വിൽക്കുകയും, പാർസൽ ലോറി ബിസിനസ്സ് നിർത്തുവാൻ തയ്യാറെടുക്കുകയുമായിരുന്നു. എന്നാൽ മകൻ തുടങ്ങിയ പർവീൺ ട്രാവൽസ് അതിഗംഭീരമായ തുടക്കത്തോടെ മുന്നോട്ടു കുതിക്കുകയായിരുന്നു. ചെന്നൈയിൽ നിന്നും വിവിധ സ്ഥലങ്ങളിലേക്കുള്ള പർവീൺ ട്രാവൽസിന്റെ കസ്റ്റമൈസ്‌ഡ്‌ പാക്കേജ് ടൂറുകൾ ഹിറ്റായി.

ഒരു അംബാസിഡർ കാർ മാത്രമായി പ്രവർത്തനമാരംഭിച്ച് ഒരു വർഷം തികയുമ്പോൾ പർവീൺ ട്രാവൽസിനു ആറ് അംബാസിഡർ കാറുകൾ ഉണ്ടായിരുന്നു. 1981 ൽ പർവീൺ ട്രാവൽസ് ചെന്നൈ – ബെംഗളൂരു റൂട്ടിൽ അവരുടെ ആദ്യത്തെ ഇന്റർസിറ്റി ബസ് സർവ്വീസ് ആരംഭിച്ചു. ഉടമയായ അഫ്‌സൽ വീക്കെൻഡുകളിൽ ബസ്സിൽ യാത്ര ചെയ്ത് യാത്രക്കാരുടെ ആവശ്യങ്ങളും, സർവ്വീസിലെ പോരായ്മകളുമൊക്കെ നേരിട്ടു മനസ്സിലാക്കിയിരുന്നു.

അങ്ങനെ ടൂറിസ്റ്റ് ടാക്സി സർവ്വീസുകൾക്കൊപ്പം കോൺട്രാക്ട് കാരിയേജ് ബസ് സർവ്വീസുകളും പർവീൺ ട്രാവൽസ് നടത്തുവാൻ തുടങ്ങി. തൊണ്ണൂറുകളിൽ യാത്രക്കാർക്ക് മികച്ച സേവനങ്ങളും കരുതലുകളും നൽകി പർവീണിൻ്റെ ബസ്സുകൾ നല്ല പേരെടുത്തു. ഇതിനിടെ വിവിധ കമ്പനികൾക്കു വേണ്ടി സ്റ്റാഫ് ട്രാൻസ്‌പോർട്ട് ബസ്സുകളും പർവീൺ ട്രാവൽസ് സർവ്വീസ് നടത്തിയിരുന്നു.

ട്രാവൽ രംഗത്ത് പർവീണിന് മാത്രമായി അവകാശപ്പെടാവുന്ന നിരവധി വസ്തുതകൾ ഉണ്ട്. അന്തർസംസ്‌ഥാന സർവീസ് രംഗത്ത് ആദ്യമായി ഓൺലൈൻ ബുക്കിങ് സംവിധാനം കൊണ്ടുവന്നത് പർവീൺ ട്രാവൽസാണ്. മെഴ്‌സിഡസ് ബെൻസ് ഇന്ത്യയിൽ ആദ്യമായി പുറത്തിറക്കിയ മൾട്ടി ആക്സിൽ ബസ്സ് വാങ്ങിയത് പർവീൺ ട്രാവൽസാണ്. കൂടാതെ വോൾവോ, സ്‌കാനിയ തുടങ്ങിയ ലക്ഷ്വറി ബസുകൾ പർവീൺ ട്രാവൽസ് ഫ്‌ലീറ്റിലുണ്ട്.

ട്രാവൽ & ടൂറിസം രംഗത്ത് 14 ഓളം അവാർഡുകൾ പർവീൺ ട്രാവൽസ് സ്വന്തമാക്കിയിട്ടുണ്ട്. ഡെക്കാൻ ഓട്ടോസിന്റെ നിർമ്മിതിയായ സോങ്‌ടോങ് ബസ്സ് സ്വന്തമായി ഉള്ള ഏക അന്തർസംസ്‌ഥാന ബസ് ഓപ്പറേറ്ററാണ് പർവീൺ ട്രാവൽസ്. ഈ ബസ്സ് ചെന്നൈയിൽ നിന്ന് കോയമ്പത്തൂരിലേക്കും തിരിച്ചും ആണ് സർവീസ് നടത്തുന്നത്. ഇവയ്‌ക്കെല്ലാം പുറമെ സമൂഹ നന്മ പ്രൊമോട്ട് ചെയ്യുന്ന ഗോ ഗ്രീൻ, റെസ്പെക്ക്ട് വിമൺ എന്നിങ്ങനെ ഇനീഷ്യേറ്റിവുകൾ പർവീൺ ട്രാവൽസ് പ്രാവർത്തികമാക്കിയിട്ടുണ്ട്.

ഇന്ന് 1400 ലധികം വാഹനങ്ങൾ പർവീൺ ട്രാവൽസ് ഫ്‌ലീറ്റിലുണ്ട്. ചെന്നൈ ആസ്‌ഥാനമാക്കി പ്രവർത്തിക്കുന്ന ഇവർക്ക് സൗത്ത് ഇന്ത്യയൊട്ടാകെ നൂറോളം സർവീസുകൾ ദിനംപ്രതി ഉണ്ട്. ചെന്നൈയിൽ നിന്നും ബെംഗളൂരു, എറണാകുളം, ഹൈദരാബാദ്, കോയമ്പത്തൂർ, മധുര, കൊടൈക്കനാൽ, കന്യാകുമാരി, നാഗർകോവിൽ, രാമേശ്വരം, തഞ്ചാവൂർ, തിരുപ്പതി, തിരുവനന്തപുരം, ഊട്ടി, വേളാങ്കണ്ണി തുടങ്ങിയ പ്രധാനപ്പെട്ട സ്ഥലങ്ങളിലേക്കൊക്കെ പർവീൺ ട്രാവൽസ് ബസ്സുകൾ സർവ്വീസ് നടത്തുന്നുണ്ട്.

കേവലം ഒരു അംബാസിഡർ ടാക്സി കാറുമായി തുടങ്ങിയ പർവീൺ ട്രാവൽസ് ഇന്ന് കോടിക്കണക്കിനു ലാഭം കൊയ്യുന്ന കമ്പനിയായി വളർന്നതിനു പിന്നിൽ പരിശ്രമത്തിൻറെയും ഉത്തരവാദിത്വത്തിൻ്റെയും കൈക്കരുത്താണ് ഉള്ളത്,

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

KSRTC SWIFT വോൾവോ സ്ലീപ്പർ ബസ്സിലെ യാത്ര; ഒരു പാസഞ്ചർ റിവ്യൂ

വിവരണം – ലിജോ ചീരൻ ജോസ്. ഇരുപത്തിരണ്ടു വർഷമേ ആയിട്ടുള്ളു ഞാൻ നമ്മുടെ ആനവണ്ടിയിലെ ദീർഘദൂര യാത്രകൾ ആരംഭിച്ചിട്ട്. ഗുരുവായൂർ – കോയമ്പത്തൂർ ഫാസ്റ്റിലാണ് തുടക്കം. കുറച്ചു വര്ഷം മുൻപ് വരെ കര്ണാടക ആർ ടി സി വോൾവോ ബസുകൾ കേരളത്തിലേക്ക്…
View Post

മണാലി ബസ് സ്റ്റാൻഡിൽ ഒരു മലയാളിയെ പറ്റിച്ചു മുങ്ങിയ മലയാളി

വിവരണം – Zainudheen Kololamba. അപരിചിതമായ വഴികളിൽ കണ്ടുമുട്ടുന്ന മലയാളികളെ ബന്ധുക്കളേക്കാൾ സ്വന്തമാണെന്ന് തോന്നാറില്ലേ? ഹിന്ദി, ഉറുദു കലപിലകൾക്കിടയിൽ ആരെങ്കിലും വന്ന് മലയാളിയാണോ എന്ന് ചോദിക്കുമ്പോൾ അത്യാനന്ദം അനുഭവപ്പെടാറില്ലേ? തീർച്ചയായും എനിക്ക് തോന്നാറുണ്ട്. കേരള സമ്പർക്രാന്തിയുടെ സെക്കന്റ് ക്ലാസ് ഡബ്ബയുടെ ബർത്തിലിരുന്ന്…
View Post

കേരളത്തിലെ പത്രങ്ങളുടെ ചരിത്രം – ഒരു മലയാളി അറിഞ്ഞിരിക്കേണ്ട കാര്യങ്ങൾ..

കേരളീയരുടെ ജീവിതത്തിന്‍്റെ ഭാഗമാണ് പത്രങ്ങള്‍. കേരളീയ സംസ്കാരത്തിന്‍്റെ ഭാഗമാണ് പത്രവായന. ഒരു ശരാശരി മലയാളിയുടെ ദിവസം ആരംഭിക്കുന്നത് ഒരു കൈയില്‍ കാപ്പിയും മറ്റേ കൈയില്‍ പത്രവുമായിട്ടാണ്. കേരളത്തിലെ സാംസ്കാരിക ചരിത്രം പരിശോധിച്ചാല്‍ ഏറ്റവും മികച്ച സംഭാവന നല്‍കിയത് പത്രങ്ങളും പ്രസിദ്ധീകരണങ്ങളുമാണെന്നു കാണാം.…
View Post

കടുവ വേലായുധൻ – ആനപ്പണിക്കാരിലെ എക്കാലത്തെയും വലിയ അതികായൻ !!

എഴുത്ത് – വിനു പൂക്കാട്ടിയൂർ. ആനപ്പണിയിലെ എക്കാലത്തെയും വലിയ അതികായൻ ‘കടുവ വേലായുധേട്ടൻ’ ആനയില്ലാത്ത ലോകത്തേക്ക് യാത്രയായിട്ട് എട്ട് വർഷങ്ങൾ. അദ്ദേഹത്തിന്റെ ഓർമ്മകൾക്ക് മുൻപിൽ അനന്തകോടിപ്രണാമം. ഒരുപാട് പേരുടെ അഭ്യർത്ഥനയായിരുന്നു സാക്ഷാൽ കടുവയുടെ കഥകൾ കേൾക്കണമെന്ന്. എന്നാൽ എന്നെപോലെയുള്ള ഒരാൾക്ക് വലിയ…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post