കേരളത്തിലെ പ്രധാനപ്പെട്ട ചില സ്ഥലങ്ങളുടെ അതേ പേരിലുള്ള അപരന്മാർ..

Total
212
Shares

കേരളത്തിലെ സ്ഥലപ്പേരുകളെക്കുറിച്ചുള്ള രസകരമായ കാര്യങ്ങൾ നമ്മൾ മുൻപ് പല ലേഖനങ്ങളിൽക്കൂടി വായിച്ചറിഞ്ഞിട്ടുണ്ട്. എന്നാൽ പ്രധാനപ്പെട്ട ചില സ്ഥലങ്ങളുടെ അപരന്മാരായി അതേ പേരുള്ള ചില സ്ഥലങ്ങളും കേരളത്തിലുണ്ട്. അവയിൽ ചിലത് നമുക്കൊന്ന് അറിഞ്ഞിരിക്കാം.

കോട്ടയം – കേരളത്തിലെ 14 ജില്ലകളിൽ ഒന്നാണ് കോട്ടയം. കോട്ടയത്തിന്റെ പുസ്തക പ്രസിദ്ധീകരണ മേഖലയിലുള്ള പാരമ്പര്യം കണക്കിലെടുത്ത് ഈ നഗരം “അക്ഷര നഗരി” എന്ന അപരനാമത്തിലും അറിയപ്പെടുന്നു. ഇന്ത്യയിലാദ്യമായി സമ്പൂർണ്ണസാക്ഷരത കൈവരിച്ച നഗരമാണ് കോട്ടയം.

ഈ കോട്ടയത്തിന് ഒരു അപരൻ കേരളത്തിൽ തന്നെയുണ്ട്. കണ്ണൂർ ജില്ലയിലാണ് ഈ കോട്ടയം സ്ഥിതി ചെയ്യുന്നത്. കോട്ടയം (മലബാർ) (Cotiote) കേരളത്തിലെ പഴയ ജന്മികൾ ഭരിച്ച ഒരു ചെറിയ നാട്ടുരാജ്യമായിരുന്നു. പഴശിരാജാവിന്റെ ഭരണത്താൽ ഈ സ്ഥലം പ്രസിദ്ധമാണ്. ഇന്നത്തെ തലശ്ശേരി താലൂക്കിലെ 1000 ചതുരശ്രകിലോമീറ്ററും വയനാട് ജില്ലയിലെ 2000 ചതുരശ്രകിലോമീറ്ററും അടങ്ങിയ ഒരു പ്രദേശമായിരുന്നു കോട്ടയം (മലബാർ). പുന്നക്കാട്ട് സ്വരൂപം എന്നാണ് ഇവിടം ഭരിച്ചവർ അറിയപ്പെട്ടിരുന്നത്.

കോഴിക്കോട് – കേരളത്തിന്റെ വടക്കു ഭാഗത്തുള്ള ഒരു ജില്ലയാണ് കോഴിക്കോട്. ബ്രിട്ടീഷ്‌ ഭരണ കാലത്ത്‌ മദ്രാസ് സംസ്ഥാനത്തിന്റെ ഭാഗമായിരുന്ന മലബാർ ജില്ലയുടെ തലസ്ഥാനമായിരുന്നു കാലിക്കറ്റ് എന്നറിയപ്പെട്ടിരുന്ന കോഴിക്കോട്. കോഴിക്കോട് എന്ന പേരിന്റെ ആവിർഭാവത്തെപ്പറ്റി പല അഭിപ്രായങ്ങളും നിലവിലുണ്ട് കോ എന്നാൽ കോട്ട എന്നും അഴി എന്നാൽ അഴിമുഖം എന്നും കോട് എന്നാൽ നാട് എന്നും ആണ് അർത്ഥം ഈ മൂന്ന് വാക്കുകളും ചേരുമ്പോൾ കോഴിക്കോട് എന്നാവും ഇതല്ല കോയിൽ(കൊട്ടാരം) കോട്ട എന്നീ വാക്കുകളിൽ നിന്നാണ് കോഴിക്കോട് ഉണ്ടായത് എന്നും പറയപ്പെടുന്നു.

കോഴിക്കോടിന് ഒരു അപരൻ തെക്കൻ കേരളത്തിലാണ് ഉള്ളത്. കൊല്ലം ജില്ലയിൽ കരുനാഗപ്പളളി മുൻസിപ്പാലിറ്റിയുടെ കീഴിലുളള അയണിവേലിക്കുളങ്ങര വില്ലേജിലെ ഒരു ഗ്രാമമാണ് കോഴിക്കോട്. കരുനാഗപ്പളളി ടൗണിൽ നിന്നും ഒരു കിലോമീറ്റർ പടിഞ്ഞാറായിട്ടും അറബിക്കടലിന്റെ തീരങ്ങൾക്കും മദ്ധ്യേ ആയിട്ടാണ് ഈ നാട് സ്ഥിതി ചെയ്യുന്നു.തീരപ്രദേശമായ വെളളനാതുരത്തിനെയും കോഴിക്കോടിനെയും ബന്ധിപ്പിക്കുന്ന എസ് വി മാർക്കറ്റ് ബോട്ട് ജെട്ടി ഇവിടുത്തെ പ്രശസ്തമായ തുറമുഖങ്ങളിൽ ഒന്നായിരുന്നു. കാലക്രമേണ റോഡ് ഗതാഗതം സുലഭിതമായത് കൊണ്ട് അധികമായുള്ള ജലമാർഗ്ഗം കാലാഹരണപ്പെട്ടു. കേരളത്തിലെ തന്നെ കോഴിക്കോട് ജില്ലയുമായി പ്രാദേശിക സാദർശ്യമുണ്ടായത് കൊണ്ടാണ് ഈ സ്ഥലനാമം ലഭ്യമായത്. ഇക്കാര്യമൊന്നും അറിയാതെ കരുനാഗപ്പള്ളി ബസ് സ്റ്റാൻഡിൽ ചെന്നാൽ കോഴിക്കോട് ബോർഡ് വെച്ച ഓർഡിനറി ബസ്സുകൾ കണ്ട് നിങ്ങൾ അന്തംവിടും. ഇതുപോലെ കോഴിക്കോട് ജില്ലയിൽ കൊയിലാണ്ടിക്കടുത്ത് ഒരു കൊല്ലവും ഉണ്ട്.

ചിറ്റൂർ – പാലക്കാട് ജില്ലയിൽ ചിറ്റൂർ പുഴയുടെ കരയിൽ സ്ഥിതി ചെയ്യുന്ന ഒരു ചെറിയ പട്ടണമാണ് ചിറ്റൂർ‍. ചിറ്റൂർ പുഴയ്ക്ക് ശോകനാശിനി എന്നും പേരുണ്ട്. തുഞ്ചത്ത് രാമാനുജനെഴുത്തച്ഛൻ ഈ പുഴയുടെ തീരത്താണ് അവസാന കാലത്ത് താമസിച്ചിരുന്നത്. സഹ്യപർവതത്തിനു സമീപത്തായി കേരളത്തെയും തമിഴ്‌നാടിനെയും ബന്ധിപ്പിക്കുന്ന പരമ്പരാഗത പാതയാണ് ചിറ്റൂർ – പൊള്ളാച്ചി വഴി. ചിറ്റൂർ ഭഗവതി ക്ഷേത്രത്തിലെ ഉത്സവത്തിനോടനുബന്ധിച്ചുള്ള കൊങ്കൻ പട ചരിത്ര പ്രസിദ്ധമാണ്.

പേരുകേട്ട ചിറ്റൂർ പാലക്കാട് ജില്ലയിൽ ആണെങ്കിലും എറണാകുളം ജില്ലയിലും ഉണ്ട് ഒരു ചിറ്റൂർ. ചേരാനെല്ലൂർ ഗ്രാമപഞ്ചായത്തിൽ ഉൾപ്പെട്ട ഈ ചിറ്റൂരിലാണ് മൾട്ടിസ്പെഷ്യലിറ്റി ഹോസ്പിറ്റലായ ആസ്റ്റർ മെഡിസിറ്റി സ്ഥിതി ചെയ്യുന്നത്. എറണാകുളം സൗത്ത് റെയിൽവേ സ്റ്റേഷൻ പരിസരത്തു നിന്നും കച്ചേരിപ്പടി വരെയുള്ള റോഡിനു ചിറ്റൂർ റോഡ് എന്നാണു പേര്. ഇവയൊക്കെ കൂടാതെ ആന്ധ്രപ്രദേശിലെ ഒരു ജില്ലയുടെ പേരും ചിറ്റൂർ എന്നാണ്.

പറവൂർ – എറണാകുളം ജില്ലയുടെ വടക്കു ഭാഗത്തായി സ്ഥിതി ചെയ്യുന്ന ചരിത്ര പ്രസിദ്ധമായ ഒരു സ്ഥലമാണ് പറവൂർ. എറണാകുളം ജില്ലയിലെ ആദ്യ നഗരസഭകളിൽ ഒന്നാണ് പറവൂർ നഗരസഭ. എറണാകുളം ജില്ലയുടെ തെക്കേ അറ്റത്തുള്ള മറ്റൊരു പറവൂർ തെക്കൻ പറവൂർ എന്നറിയപ്പെടുന്നതിനാൽ, ഈ പ്രദേശം വടക്കൻ പറവൂർ എന്നറിയപ്പെടുന്നു. തെക്കൻ പറവൂർ എറണാകുളം ജില്ലയിൽത്തന്നെ വൈക്കം എറണാകുളം റൂട്ടിൽ ഉദയം പേരൂരിന് അടുത്തുള്ള സ്ഥലമാണ്. കൊല്ലം ജില്ലയിൽ ഇതിനോടു സാമ്യം ഉള്ള പേരിൽ പരവൂർ എന്ന ഒരു പട്ടണവും ഉണ്ട്.

പാളയം – തിരുവനന്തപുരത്തെ ഒരു തിരക്കേറിയ സ്ഥലമാണ് പാളയം അഥവാ കണ്ടോന്റ്മെന്റ്. കണ്ണിമാറ ചന്ത, പാളയം രക്തസാക്ഷി മണ്ഡപം, ചന്ദ്രശേഖരൻ നായർ സ്റ്റേഡിയം എന്നിവ ഇവിടെയാണു സ്ഥിതി ചെയ്യുന്നതു്. തിരുവിതാംകൂർ സൈന്യം ഇവിടെ താവളമടിച്ചിരുന്നതിനാലാണു് ഈ പേരു കിട്ടിയതെന്നു വിശ്വസിക്കുന്നു.

തിരുവനന്തപുരത്തെക്കൂടാതെ കോഴിക്കോട് ജില്ലയിലും ഒരു പാളയം ഉണ്ട്. കോഴിക്കോട്ടെ പ്രധാന കച്ചവട കേന്ദ്രങ്ങളിൽ ഒന്നാണ് പാളയം. പാളയം പച്ചക്കറി മാർക്കറ്റ്‌, പാളയം ബസ്സ്റ്റാൻഡ് എന്നിവ ഇവിടെ സ്ഥിതി ചെയ്യുന്നു. മുൻപ് കോഴിക്കോട്ടു നിന്ന് സംസ്ഥാനത്തിന്റെ പല ഭാഗങ്ങളിലേക്ക് ബസ് സർവീസ് പാളയത്തു നിന്നായിരുന്നു. ഇപ്പോൾ പാളയം ബസ്സ്റ്റാൻഡിൽ നിന്നും കുന്ദമംഗലം, മാവൂർ, തിരുവമ്പാടി, താമരശ്ശേരി, മുക്കം തുടങ്ങിയ ജില്ലയുടെ ഉള്ളിൽ ഉള്ള സ്ഥലങ്ങളിലേക്കാണ് ബസ് സർവീസ് ഉള്ളത്.

ലക്കിടി – വയനാട് ജില്ലയുടെ പ്രവേശന കവാടമാണ് ലക്കിടി. ദക്ഷിണേന്ത്യയിൽ തന്നെ ഏറ്റവും കൂടുതൽ മഴ ലഭിക്കുന്ന പ്രദേശങ്ങളിലൊന്നാണ് ലക്കിടി. സമുദ്രനിരപ്പിൽ നിന്ന് 700 മീറ്റർ ഉയരത്തിൽ താമരശ്ശേരി ചുരത്തിനു മുകളിലായാണ് ലക്കിടി സ്ഥിതി ചെയ്യുന്നത്.

പാലക്കാട് ജില്ലയിലെ കിള്ളിക്കുറിശ്ശിമംഗലത്തിനും ലക്കിടി എന്ന അപരനാമം ഉണ്ട്. ഭാരതപ്പുഴയുടെ തീരത്തുള്ള ഈ സ്ഥലത്താണ് മലയാളത്തിലെ ഹാസ്യകവിയായ കുഞ്ചൻ നമ്പ്യാർ ജനിച്ചത്. തൃശ്ശൂർ – പാലക്കാട് ജില്ലയുടെ അതിർത്തി കൂടിയാണ് ലക്കിടി.

തിരൂർ – മലപ്പുറം ജില്ലയിലെ ഒരു നഗരസഭയാണ് തിരൂർ. കേരളത്തിലെ പ്രശസ്തമായ ഒരു സ്ഥലം കൂടിയാണിത്. എന്നാൽ തിരൂർ എന്ന പേരിൽ തൃശ്ശൂർ ജില്ലയിൽ വിയ്യൂരിനടുത്ത് ഒരു സ്ഥലം കൂടിയുണ്ട്. അതുപോലെ അത്താണി എന്ന പേരിൽ തൃശ്ശൂരിലും, എറണാകുളത്തെ നെടുമ്പാശ്ശേരിയ്ക്ക് സമീപത്തും, ഇതുകൂടാതെ കേരളത്തിലെ വിവിധ ഭാഗങ്ങളിലുമൊക്കെ സ്ഥലങ്ങളുണ്ട്.

പെരുമ്പടപ്പ് – മലപ്പുറം ജില്ലയിലെ ഒരു പഞ്ചായത്താണ് പെരുമ്പടപ്പ്. ചരിത്രപ്രസിദ്ധമായ ഒരു സ്ഥലം കൂടിയാണിത്. എന്നാൽ എറണാകുളം ജില്ലയിൽ പള്ളുരുത്തിയ്ക്കും കുമ്പളങ്ങിയ്ക്കും ഇടയിൽ പെരുമ്പടപ്പ് എന്നൊരു സ്ഥലം കൂടിയുണ്ട്. എറണാകുളം സിറ്റിയിൽ പെരുമ്പടപ്പ് ബോർഡ് വെച്ച ബസ്സുകൾ ധാരാളമായി നമുക്ക് കാണാവുന്നതാണ്.

ഇവയെക്കൂടാതെ കേരളത്തിൽ നിരവധി സ്ഥലങ്ങൾ ഒരേപേരിൽ സ്ഥിതി ചെയ്യുന്നുണ്ട്. അവയെക്കുറിച്ച് നിങ്ങൾക്ക് അറിയാവുന്ന കൂടുതൽ വിവരങ്ങൾ കമന്റിൽ രേഖപ്പെടുത്തുക.

10 comments
  1. പാലക്കാട് ജില്ലയിലും ത്രിശ്ശൂർ ജില്ലയിലും കൊട്ടേക്കാട് ഉണ്ട്.
    അതുപോലെ ഇടുക്കിയിലും കോട്ടയത്തും ആലപ്പുഴയിലും കഞ്ഞിക്കുഴി ഉണ്ട്.

  2. പാറത്തോട് (ഇടുക്കി ജില്ലയിൽ അടിമാലി അടുത്ത്, കോട്ടയം ജില്ലയിൽ മുണ്ടക്കയം അടുത്തും ഉണ്ട്)

    മഞ്ഞപ്പാറ (ഇടുക്കി ജില്ലയിൽ നെടും കണ്ടം അടുത്തും, ഇടുക്കി ജില്ലയിൽ തന്നെ ഇടുക്കി അടുത്തും ഉണ്ട്.)

  3. കോട്ടയത്തും റഷ്യയിലും മോസ്കോ ഉണ്ട്

  4. കണ്ണൂരിലെ ഒരു നഗരമാണ് തലശ്ശേരി. ഇതേ പേരിൽ തൃശൂർ ജില്ലയിൽ ഒരു സ്ഥലം ഉണ്ട്
    . തൃശ്ശൂർ ജില്ലയുടെ വടക്ക് കിഴക്ക് ഭാഗത്ത് ഭാഗത്തായി വരും. പാലക്കാട് ജില്ലാ അതിർത്തിയായ ആറങ്ങോട്ടുകരയിൽ നിന്നും 1 കിലോമീറ്റർ. റെയിൽവേ നഗരമായ ഷൊർണൂർ നിന്നും 13 കിലോമീറ്റർ അകലെ

  5. പുതിയകാവ്
    മാവേലിക്കര യിലും
    കരുനാഗപ്പള്ളി യിലും

  6. മുബൈയിലെ ചെമ്പൂര് പോലെ നെയ്യാറ്റിൻകരയിലും ചെമ്പൂരുണ്ട്. നെയ്യാറ്റിൻകരയിൽ വെള്ളാപ്പള്ളിയുണ്ട്.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

കേരളത്തിലെ പത്രങ്ങളുടെ ചരിത്രം – ഒരു മലയാളി അറിഞ്ഞിരിക്കേണ്ട കാര്യങ്ങൾ..

കേരളീയരുടെ ജീവിതത്തിന്‍്റെ ഭാഗമാണ് പത്രങ്ങള്‍. കേരളീയ സംസ്കാരത്തിന്‍്റെ ഭാഗമാണ് പത്രവായന. ഒരു ശരാശരി മലയാളിയുടെ ദിവസം ആരംഭിക്കുന്നത് ഒരു കൈയില്‍ കാപ്പിയും മറ്റേ കൈയില്‍ പത്രവുമായിട്ടാണ്. കേരളത്തിലെ സാംസ്കാരിക ചരിത്രം പരിശോധിച്ചാല്‍ ഏറ്റവും മികച്ച സംഭാവന നല്‍കിയത് പത്രങ്ങളും പ്രസിദ്ധീകരണങ്ങളുമാണെന്നു കാണാം.…
View Post

കടുവ വേലായുധൻ – ആനപ്പണിക്കാരിലെ എക്കാലത്തെയും വലിയ അതികായൻ !!

എഴുത്ത് – വിനു പൂക്കാട്ടിയൂർ. ആനപ്പണിയിലെ എക്കാലത്തെയും വലിയ അതികായൻ ‘കടുവ വേലായുധേട്ടൻ’ ആനയില്ലാത്ത ലോകത്തേക്ക് യാത്രയായിട്ട് എട്ട് വർഷങ്ങൾ. അദ്ദേഹത്തിന്റെ ഓർമ്മകൾക്ക് മുൻപിൽ അനന്തകോടിപ്രണാമം. ഒരുപാട് പേരുടെ അഭ്യർത്ഥനയായിരുന്നു സാക്ഷാൽ കടുവയുടെ കഥകൾ കേൾക്കണമെന്ന്. എന്നാൽ എന്നെപോലെയുള്ള ഒരാൾക്ക് വലിയ…
View Post

മുഗൾ സാമ്രാജ്യം – ചക്രവർത്തിമാരും അവരുടെ അന്ത്യവും

ഇന്ത്യയിൽ ഏറ്റവും അധികം കാലം ഭരിച്ച മുസ്ലീം രാജാക്കന്മാരുടെ സാമ്രാജ്യമാണ് മുഗൾ സാമ്രാജ്യം. പിതൃത്വം വഴി മദ്ധ്യേഷ്യൻ ഭരണാധികാരി തിമൂറിന്റെ പിൻ‌ഗാമികളും, മാതൃത്വം വഴി മംഗോൾ നേതാവായ ജെംഗിസ് ഖാന്റെ പാരമ്പര്യം ഉള്ളവരുമാണ്‌ മുഗളർ. മംഗോൾ എന്നതിന്റെ പേർഷ്യൻ/ചഗതായ് രൂപഭേദമായ മുഗൾ…
View Post

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

കരിയെ മെരുക്കിയ കടുവ വേലായുധൻ; ആനപ്പണിക്കാരിലെ ധീരൻ – പാർട്ട് 3

ആനപ്പണിയിലെ എക്കാലത്തെയും വലിയ അതികായനായ ‘കടുവ വേലാധൻ’ എന്ന അപൂർവ്വ മനുഷ്യനെക്കുറിച്ചുള്ള കഥ. അവസാന ഭാഗം. ആദ്യഭാഗം വായിക്കുവാൻ : https://bit.ly/33rRcbo. എഴുത്ത് – വിനു പൂക്കാട്ടിയൂർ. തെച്ചിക്കോട്ടുകാവ് രാമചന്ദ്രന്റെ അപ്രതീക്ഷിത ഇടിയേറ്റ് പുതുനഗരം പാടത്തു വീണ്ടുകിടക്കുന്ന കർണ്ണൻ. കർണ്ണന്റെ നെഞ്ചുപിളർക്കാൻ കുതിച്ചുവരുന്ന…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

KSRTC SWIFT വോൾവോ സ്ലീപ്പർ ബസ്സിലെ യാത്ര; ഒരു പാസഞ്ചർ റിവ്യൂ

വിവരണം – ലിജോ ചീരൻ ജോസ്. ഇരുപത്തിരണ്ടു വർഷമേ ആയിട്ടുള്ളു ഞാൻ നമ്മുടെ ആനവണ്ടിയിലെ ദീർഘദൂര യാത്രകൾ ആരംഭിച്ചിട്ട്. ഗുരുവായൂർ – കോയമ്പത്തൂർ ഫാസ്റ്റിലാണ് തുടക്കം. കുറച്ചു വര്ഷം മുൻപ് വരെ കര്ണാടക ആർ ടി സി വോൾവോ ബസുകൾ കേരളത്തിലേക്ക്…
View Post