പോണ്ടിച്ചേരിയെ അടുത്തറിയാം; പോകുന്നവർ സന്ദർശിച്ചിരിക്കേണ്ട സ്ഥലങ്ങൾ..

Total
117
Shares

പോണ്ടിച്ചേരി അഥവാ പുതുച്ചേരി – ഇന്ത്യയിലെ കേന്ദ്രഭരണ പ്രദേശങ്ങളിലൊന്ന്. പണ്ട് സ്‌കൂളിലെ സാമൂഹ്യപാഠം ക്ലാസ്സിൽ നിന്നായിരിക്കും മിക്കവരും പോണ്ടിച്ചേരിയെക്കുറിച്ച് ആദ്യമായി കേൾക്കുന്നത്. മൂന്നു സംസ്ഥാനങ്ങളിലായി ചിതറിക്കിടക്കുന്ന കേന്ദ്ര ഭരണപ്രദേശമാണ് പോണ്ടിച്ചേരി. വടക്കൻ കേരളത്തിലെ മാഹി; തമിഴ്നാട്ടിലെ പോണ്ടിച്ചേരി, കാരയ്ക്കൽ എന്നിവ; ആന്ധ്രപ്രദേശിലെ യാനം എന്നീ പ്രദേശങ്ങളാണ് ഈ ഭാഗങ്ങൾ. ഈ പ്രദേശങ്ങൾ ഏറെ കാലം ഫ്രഞ്ചുകാരുടെ അധീനതയിലായിരുന്നു സമീപ കാലംവരെ പോണ്ടിച്ചേരി എന്ന പേരിലാണ് അറിയപ്പെട്ടിരുന്നത്. പുതിയ ഗ്രാമം എന്നർഥം വരുന്ന പുതുച്ചേരി എന്ന തമിഴ്‌ പേരാണ്‌ ഫ്രഞ്ച്‌ അധിനിവേശത്തോടെ പോണ്ടിച്ചേരിയായത്‌. 2006-ൽ പഴയ പേരിലേക്ക് മടങ്ങിപ്പോകാൻ ഇവിടത്തെ സർക്കാർ തീരുമാനിച്ചു. എങ്കിലും ഇന്നും പോണ്ടിച്ചേരി എന്ന പേരിൽത്തന്നെയാണ് ഈ സ്ഥലം അറിയപ്പെടുന്നത്.

ഒരു കേന്ദ്രഭരണ പ്രദേശം എന്നതിലുപരി പോണ്ടിച്ചേരി ഒരു ടൂറിസ്റ്റ് കേന്ദ്രം കൂടിയാണ്. നിരവധിയാളുകളാണ് പോണ്ടിച്ചേരിയിലേക്ക് ട്രിപ്പ് പ്ലാൻ ചെയ്തുകൊണ്ട് വരുന്നത്. ബെംഗളൂരുവിൽ നിന്നും ചെന്നൈയിൽ നിന്നുമൊക്കെ ധാരാളം ടെക്കികളും മറ്റുമൊക്കെ വീക്കെൻഡ് ട്രിപ്പ് പോകുന്നതിനും പോണ്ടിച്ചേരി തിരഞ്ഞെടുക്കാറുണ്ട്. പോണ്ടിച്ചേരിയിൽ വന്നാൽ കണ്ടിരിക്കേണ്ട ചില സ്ഥലങ്ങളെ നമുക്കൊന്ന് പരിചയപ്പെടാം.

1 പാരഡൈസ് ബീച്ച് – പോണ്ടിച്ചേരി ബസ് സ്റ്റാൻഡിൽ നിന്നും 8 കി.മീ.അകലെ പുതുച്ചേരി – കടലൂർ റൂട്ടിൽ ചുണ്ണാമ്പാർ ബോട്ട് ഹൗസിൽ നിന്നും ബോട്ട് മാർഗ്ഗം മാത്രം ചെന്നെത്താവുന്ന ബീച്ചാണ് പാരഡൈസ് ബീച്ച്. പോണ്ടിച്ചേരിയിലെ ഏറ്റവും മനോഹരമായ ബീച്ചാണിത്. കടലിനു നടുവിൽ ഒരു ബീച്ച് അതാണ് പാരഡെസ് ബീച്ചിന്റെ പ്രത്യേകത. സൂര്യോദയം കാണുന്നതിന് ഇവിടെ ധാരാളമാളുകളാണ് എത്തിച്ചേരുന്നത്.
രാവിലെ 9 മണി മുതൽ വൈകുന്നേരം 4 മണി വരെ ബീച്ചിലേക്ക് ബോട്ട് സവാരിയുണ്ട്‌. ബീച്ചിൽ നിന്ന് തിരിച്ചുള്ള ബോട്ട് സവാരി വൈകുന്നേരം 6 മണിയോടെ അവസാനിക്കുന്നു. ചുണ്ണാമ്പാർ ജലാശയത്തിലൂടെയുള്ള ബോട്ട് യാത്രയും വിനോദസഞ്ചാരികളെ ആകർഷിക്കുന്നു.

2. ഓറോവില്ല : പോണ്ടിച്ചേരിയിൽ നിന്നും ഏകദേശം 10 കിലോമീറ്റർ ദൂരത്തായി സ്ഥിതി ചെയ്യുന്ന ഒരു ചെറിയ ടൗൺഷിപ്പാണ് (ആശ്രമം എന്നു വേണമെങ്കിൽ പറയാം) ഓറോവില്ല. വിവിധ രാജ്യങ്ങളിൽ നിന്നുള്ള ആളുകൾ ഇവിടെ താമസിക്കുന്നുണ്ട്. കൂടാതെ വിവിധ രാജ്യങ്ങളില്‍നിന്നായി ശേഖരിച്ച മണ്ണു നിറച്ച തറയിലാണ് ഇവിടത്തെ പ്രധാനപ്പെട്ട മാതൃമന്ദിര്‍ നിർമ്മിച്ചിരിക്കുന്നത്. ആയിരക്കണക്കിനാളുകളുടെ മുപ്പതു വർഷക്കാലത്തെ അധ്വാനമാണ് ആയിരം ഇതളുകളുള്ള സുവർണ്ണഗ്ലോബ്. സ്റ്റീലും സ്വർണവും സ്ഫടികവും ഉപയോഗിച്ച് നിർമിച്ചിട്ടുള്ള ഗോളത്തിന്റെ മധ്യത്തിലൊരു ക്രിസ്റ്റൽ ഗ്ലാസുണ്ട്. ഇന്ത്യൻ ആത്മീയതയെക്കുറിച്ച് കൂടുതലറിയുവാൻ ആഗ്രഹിക്കുന്നവർക്ക് സന്ദർശിക്കുവാൻ പറ്റിയ ഒരു സ്ഥലമാണിത്. ജാതിയുടെയും മതത്തിന്റെയും വർണ്ണത്തിന്റെയും വേലിക്കെട്ടുകൾ പൊളിച്ച് മനുഷ്യനെ മനുഷ്യനായി മാത്രം കാണുന്ന ഒരിടം. ശരിക്കും പറഞ്ഞാൽ അതാണ് ഓറോവില്ല.

3. പോണ്ടിച്ചേരി ബീച്ച് : പോണ്ടിച്ചേരിയിൽ എത്തുന്ന ടൂറിസ്റ്റുകളാരും പോണ്ടിച്ചേരി ബീച്ച് കാണാതെ പോകില്ല. ബീച്ചിനോട് ചേർന്ന് റിസോർട്ടുകളും കോട്ടേജുകളും ബഡ്‌ജറ്റ്‌ റേറ്റിനു ലഭ്യമാണ്. ഇവിടെ ധാരാളം ബീച്ച് ആക്ടിവിറ്റികളും സ്പോർട്സ് ആക്ടിവിറ്റികളും നടക്കാറുണ്ട്. മറ്റു ബീച്ചുകളെപ്പോലെ അത്ര വികസിതമൊന്നുമല്ല പോണ്ടിച്ചേരി ബീച്ച്.

4. റോക്ക് ബീച്ച് : പാറക്കെട്ടുകളിലിരുന്നുകൊണ്ട് കടലിന്റെ സൗന്ദര്യം ആസ്വദിക്കണമെന്ന് ആഗ്രഹമുള്ളവർക്ക് പോണ്ടിച്ചേരിയിലെ റോക്ക് ബീച്ചിലേക്ക് പോകാം. പോണ്ടിച്ചേരി ബസ് സ്റ്റാൻഡിൽ നിന്നും വെറും മൂന്നു കിലോമീറ്റർ മാത്രം സഞ്ചരിച്ചാൽ റോക്ക് ബീച്ചിലെത്താം. ബീച്ചിനു സമീപത്തുള്ള പഴയ ലൈറ്റ് ഹൗസ് അതി മനോഹരം തന്നെയാണ്. ഫോട്ടോഗ്രാഫി താല്പര്യമുള്ളവർക്ക് പറ്റിയ ഒരു ലൊക്കേഷൻ കൂടിയാണിത്.

ഈ പറഞ്ഞവ കൂടാതെ പോണ്ടിച്ചേരിയിലെ മറ്റ് ആകർഷണങ്ങൾ ഇവയാണ് – അരബിന്ദോ ആശ്രമം, ഫ്രഞ്ച് വാർ മെമ്മോറിയൽ, മഹാത്മാഗാന്ധി പ്രതിമ, പോണ്ടിച്ചേരി ബൊട്ടാണിക്കൽ ഗാർഡൻ, പോണ്ടിച്ചേരി മ്യൂസിയം, പ്രൊമനേഡ്, ഭാരതി ഗവണ്മെന്റ് പാർക്ക്, സേക്രട്ട് ഹാർട്ട് ജീസസ് ബസിലിക്ക, Eglise de Notre Dame des Anges, Immaculate Conception Cathedral, വരദരാജ പെരുമാൾ ക്ഷേത്രം, ശ്രീ കാരണേശ്വര നടരാജ ക്ഷേത്രം. ഇവ കൂടാതെ ഷോപ്പിംഗും സ്ട്രീറ്റ് ഫുഡുമൊക്കെ ആസ്വദിക്കുവാൻ പറ്റിയ ഒരിടം കൂടിയാണ് പോണ്ടിച്ചേരി.

ചുരുക്കിപ്പറഞ്ഞാൽ ഫാമിലിയായിട്ടും, ബാച്ചിലേഴ്‌സ് ആയിട്ടും സന്ദർശിച്ചു അടിച്ചു പൊളിക്കുവാൻ പറ്റിയ ഒരിടം തന്നെയാണ് പോണ്ടിച്ചേരി. നിങ്ങളുടെ അടുത്ത യാത്രാ പ്ലാനിങ്ങിൽ പോണ്ടിച്ചേരി കൂടി ഉൾപ്പെടുത്തി നോക്കൂ.

2 comments
Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

കേരളത്തിലെ പത്രങ്ങളുടെ ചരിത്രം – ഒരു മലയാളി അറിഞ്ഞിരിക്കേണ്ട കാര്യങ്ങൾ..

കേരളീയരുടെ ജീവിതത്തിന്‍്റെ ഭാഗമാണ് പത്രങ്ങള്‍. കേരളീയ സംസ്കാരത്തിന്‍്റെ ഭാഗമാണ് പത്രവായന. ഒരു ശരാശരി മലയാളിയുടെ ദിവസം ആരംഭിക്കുന്നത് ഒരു കൈയില്‍ കാപ്പിയും മറ്റേ കൈയില്‍ പത്രവുമായിട്ടാണ്. കേരളത്തിലെ സാംസ്കാരിക ചരിത്രം പരിശോധിച്ചാല്‍ ഏറ്റവും മികച്ച സംഭാവന നല്‍കിയത് പത്രങ്ങളും പ്രസിദ്ധീകരണങ്ങളുമാണെന്നു കാണാം.…
View Post

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

മുഗൾ സാമ്രാജ്യം – ചക്രവർത്തിമാരും അവരുടെ അന്ത്യവും

ഇന്ത്യയിൽ ഏറ്റവും അധികം കാലം ഭരിച്ച മുസ്ലീം രാജാക്കന്മാരുടെ സാമ്രാജ്യമാണ് മുഗൾ സാമ്രാജ്യം. പിതൃത്വം വഴി മദ്ധ്യേഷ്യൻ ഭരണാധികാരി തിമൂറിന്റെ പിൻ‌ഗാമികളും, മാതൃത്വം വഴി മംഗോൾ നേതാവായ ജെംഗിസ് ഖാന്റെ പാരമ്പര്യം ഉള്ളവരുമാണ്‌ മുഗളർ. മംഗോൾ എന്നതിന്റെ പേർഷ്യൻ/ചഗതായ് രൂപഭേദമായ മുഗൾ…
View Post

കടുവ വേലായുധൻ – ആനപ്പണിക്കാരിലെ എക്കാലത്തെയും വലിയ അതികായൻ !!

എഴുത്ത് – വിനു പൂക്കാട്ടിയൂർ. ആനപ്പണിയിലെ എക്കാലത്തെയും വലിയ അതികായൻ ‘കടുവ വേലായുധേട്ടൻ’ ആനയില്ലാത്ത ലോകത്തേക്ക് യാത്രയായിട്ട് എട്ട് വർഷങ്ങൾ. അദ്ദേഹത്തിന്റെ ഓർമ്മകൾക്ക് മുൻപിൽ അനന്തകോടിപ്രണാമം. ഒരുപാട് പേരുടെ അഭ്യർത്ഥനയായിരുന്നു സാക്ഷാൽ കടുവയുടെ കഥകൾ കേൾക്കണമെന്ന്. എന്നാൽ എന്നെപോലെയുള്ള ഒരാൾക്ക് വലിയ…
View Post

KSRTC SWIFT വോൾവോ സ്ലീപ്പർ ബസ്സിലെ യാത്ര; ഒരു പാസഞ്ചർ റിവ്യൂ

വിവരണം – ലിജോ ചീരൻ ജോസ്. ഇരുപത്തിരണ്ടു വർഷമേ ആയിട്ടുള്ളു ഞാൻ നമ്മുടെ ആനവണ്ടിയിലെ ദീർഘദൂര യാത്രകൾ ആരംഭിച്ചിട്ട്. ഗുരുവായൂർ – കോയമ്പത്തൂർ ഫാസ്റ്റിലാണ് തുടക്കം. കുറച്ചു വര്ഷം മുൻപ് വരെ കര്ണാടക ആർ ടി സി വോൾവോ ബസുകൾ കേരളത്തിലേക്ക്…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post