ഹൈറേഞ്ചുകാരുടെ സ്വന്തം പാറേക്കര മോട്ടോർ സർവ്വീസിൻ്റെ കഥ

Total
45
Shares

എറണാകുളം ജില്ലയിലെ പ്രധാന സ്വകാര്യ ബസ് കമ്പനി ആയിരുന്നു PMS. പാറേക്കര മോട്ടോർ സർവ്വീസ് എന്നായിരുന്നു PMS ന്റെ മുഴുവൻ പേര്. ഇരുപത്തഞ്ചിലേറെ ഹൈറേഞ്ച് സർവീസുകളാണ് ഇവർക്ക് പല റൂട്ടുകളിലായി ഉണ്ടായിരുന്നത്. ബസ് സർവീസുകൾ കൂടാതെ ഇവർക്ക് സ്വന്തമായി ബസ് ബോഡി ബിൽഡിങ് വർക്ക്ഷോപ്പും ഉണ്ടായിരുന്നു.

ഇടുക്കി ജില്ലയിലെ മലയോര പ്രദേശങ്ങളായ അടിമാലി, മുന്നാർ, കോവില്ലൂർ, കാന്തല്ലൂർ, രാജാക്കാട്, കുമളി, ബൈസ്സൺവാലി എന്നിവടങ്ങളിലേക്ക് ആയിരുന്നു PMS കൂടുതൽ സർവ്വീസുകൾ നടത്തിയിരുന്നത്. ഇന്ന് ഹൈറേഞ്ച് റൂട്ട് വഴുന്നത് KSRTC ആണെങ്കിലും PMS എന്ന ഈ നാമം അങ്ങനെ വേഗത്തിൽ മറക്കാൻ സാധിക്കില്ല. അതുകൊണ്ടു തന്നെയാണ് ചില പെർമിറ്റുകളിൽ ഇപ്പോഴും ആ പേര് നില നിൽക്കുന്നതും.

ഹൈറേഞ്ച് റൂട്ടുകളിൽ വിരലിൽ എണ്ണാവുന്ന KSRTC കൾ ഉണ്ടായിരുന്ന സമയത്താണ് PMS, PPK, NMS, Sangamam തുടങ്ങി അനേകം ബസ് ഓപ്പറേറ്റർമാർ സർവീസുകൾ തുടങ്ങിയത്. ധാരാളം കടുത്ത പ്രതിസന്ധികൾ എല്ലാ സർവീസുകളും അക്കാലത്ത് നേരിട്ടിട്ടുണ്ട്. കോവിലൂർ റൂട്ടിലോടിയിരുന്ന PMS പണ്ടുകാലത്ത് ടോപ് സ്റ്റേഷൻ മുതൽ ചെളിയിലുടെയാണ് ഓടിയിരുന്നത്. കാന്തല്ലൂർ പോകുന്ന വഴി പയസ് നഗറിലെ വളവുകൾ മുന്നും നാലും തവണ റിവേഴ്സ് എടുക്കുന്നതും പുലർച്ചെ ടൈറ്റ് ലോഡുമായി കഷ്ടപ്പെട്ടു കയറി വരുന്നതുമൊക്കെ ഇന്നും മനസ്സിൽ നിന്ന് മായാത്ത കാഴ്ചകളാണ്.

ആദ്യ കാലത്ത് കല്ലാർ വഴി മുന്നാറിനും, കുഞ്ചിത്തണ്ണി വഴി രാജാക്കാടിനായിരുന്നു കൂടുതൽ സർവീസുകളും. പിന്നീട് ആനച്ചാൽ വഴിയും പൊൻമുടി വഴിയും PMS ഓടിത്തുടങ്ങി. കോവിലൂർ പ്രദേശത്തെ കൃഷി വിളകൾ എറണാകുളം എത്തിക്കുന്നതിലും ഇവന്റെ പങ്ക് അതു വലുതായിരുന്നു.

ഇടുക്കി ജില്ലയിലെ സാധാരണക്കാർക്ക് പിഎംഎസ് വെറുമൊരു ബസ് മാത്രമായിരുന്നില്ല. അതിലെ ജീവനക്കാർ ബസിലെ പണിക്കാരും മാത്രമായിരുന്നില്ല. അവർ സ്വന്തം കുടുംബത്തിലെ അംഗങ്ങളെ പോലെയായിരുന്നു. അവർ വണ്ടിപ്പണിക്കാരുടെ കൈവശം മരുന്നുകൾ കൊടുത്തുവിട്ടു. നാട്ടിലില്ലാത്ത ബന്ധുക്കൾക്ക് ഒരുപൊതി ഏലയ്ക്കാ കൊടുത്തുവിട്ടു. എല്ലാം എത്തേണ്ടിടത്ത് കൃത്യമായി എത്തി. പണിക്കാർ തങ്ങളെ ഏൽപിച്ച ദൗത്യം ഭംഗിയായി നിർവഹിച്ചു. അങ്ങനെ പിഎംഎസ് എന്ന മൂന്നക്ഷരങ്ങൾക്ക് മറ്റൊരു നിർവചനം കൂടി അവർ ചാർത്തി. പോസ്റ്റ് മെയിൽ സർവീസ്.

ഹൈറേഞ്ച് റൂട്ടുകളിലെ ആദ്യകാല ഫാസ്റ്റ് പെർമിറ്റുകൾ PMS സിന്റെ പേരുകളിലായിരിക്കും. അതിൽ പ്രധാനിയായിരുന്നു കോട്ടയം – രാജാക്കാട് FP. KLE 7475 എന്ന കടും ചുവപ്പ് നിറത്തിലുള്ള ഗ്ലാസ് വണ്ടി ഈ പെർമിറ്റിലെ പ്രധാനിയായിരുന്നു. ഇന്നത്തെ റോഡിന്റെ സ്പീഡ് അന്ന് കിട്ടില്ലെങ്കിലും കോതമംഗലം – തൊടുപുഴ ഒരു മണിക്കൂർ കൊണ്ട് PMS ഓടിയെത്തുമായിരുന്നു. ഒരിക്കലും മുടക്കാറില്ലാത്ത സർവ്വീസ് ആയിരുന്നു ഇത്.

അതുപോലെ തന്നെ വണ്ടിയുടെ എല്ലാ ജോലികളും അറിയാവുന്നവരായിരുന്നു PMS ലെ ജീവനക്കാർ. യാത്രയ്ക്കിടയിൽ എന്തെങ്കിലും കുഴപ്പം ഉണ്ടായാൽ മാറ്റുന്നതിനായി അഡീഷണൽ ആക്‌സിൽ വരെ പുറകിലായി കെട്ടിവെച്ചായിരുന്നു PMS സർവ്വീസ് നടത്തിയിരുന്നത്. വണ്ടിക്ക് എന്തെങ്കിലും പണി ഉണ്ടെങ്കിൽ കോതമംഗലത്ത് നിന്ന് പണിക്കാരെ കയറ്റി രാത്രി കോട്ടയത്ത് ചെന്ന് പണിയും.

2000 ത്തിൽ PMS കോട്ടയം – രാജാക്കാട് സർവ്വീസ് നിർത്തി. പിന്നാലെ ഒരുപാട് സർവ്വീസുകൾ ഇതേപോലെ PMS നിർത്തുകയാണുണ്ടായത്. 2015 ഓടെ അവസാനത്തെ സർവ്വീസും വിട്ടുകൊണ്ട് PMS നിരത്തിൽ നിന്നും എന്നെന്നേക്കുമായി വിടവാങ്ങി. കെഎസ്ആർടിസിയുടെ കടന്നുകയറ്റവും, നഷ്ടക്കണക്കുകളും തുടങ്ങി സാധാരണയായി ബസ് ഓപ്പറേറ്റർമാർ നേരിടേണ്ടി വരുന്ന പ്രശ്നങ്ങൾ തന്നെയായിരുന്നു PMS നെയും ബാധിച്ചത്.

വർഷങ്ങളായി സർവ്വീസ് നടത്തി പേരെടുത്ത PMS ബസുകൾ എന്നെന്നേക്കുമായി നിർത്തിപ്പോയത് യാത്രക്കാർക്ക് വലിയ നഷ്ടം തന്നെയാണ്. മായാത്ത ഓർമകൾ സമ്മാനിച്ചു PMS ഓർമ്മകളിലേക്ക് ഒളിച്ചിട്ട് നാളുകൾ കഴിഞ്ഞു. ഇടുക്കിയുടെ മണ്ണിൽ ബസ് സർവീസിനു ചുക്കാൻ പിടിച്ച PMS ന്റെ പിൻവാങ്ങൽ പത്രങ്ങളിൽ വരെ വാർത്ത ആയിരുന്നു. അത്രമേൽ ഉണ്ടായിരുന്നു PMS നു ഇടുക്കിയിൽ ജനസമ്മതി. PMS ന്റെ പെർമിറ്റുകളിൽ സർവീസ് നടത്തുന്ന ഓപ്പറേറ്റർമാർ ഇന്നും ആ പേര് നെറുകയിൽ സൂക്ഷിക്കുന്നു.

കടപ്പാട് – ബേസിൽ ബാബു, Private Bus Kothamangalam, Private Bus Kerala.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

മണാലി ബസ് സ്റ്റാൻഡിൽ ഒരു മലയാളിയെ പറ്റിച്ചു മുങ്ങിയ മലയാളി

വിവരണം – Zainudheen Kololamba. അപരിചിതമായ വഴികളിൽ കണ്ടുമുട്ടുന്ന മലയാളികളെ ബന്ധുക്കളേക്കാൾ സ്വന്തമാണെന്ന് തോന്നാറില്ലേ? ഹിന്ദി, ഉറുദു കലപിലകൾക്കിടയിൽ ആരെങ്കിലും വന്ന് മലയാളിയാണോ എന്ന് ചോദിക്കുമ്പോൾ അത്യാനന്ദം അനുഭവപ്പെടാറില്ലേ? തീർച്ചയായും എനിക്ക് തോന്നാറുണ്ട്. കേരള സമ്പർക്രാന്തിയുടെ സെക്കന്റ് ക്ലാസ് ഡബ്ബയുടെ ബർത്തിലിരുന്ന്…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

മൂന്നാറിൻ്റെ തലവര മാറ്റാൻ ‘എസ്കേപ്പ് റോഡ്’

എഴുത്ത് – ദയാൽ കരുണാകരൻ. ഇപ്പോൾ കൊടൈക്കനാലും മൂന്നാറും തമ്മിലുള്ള യാത്രാ അകലം വാസ്തവത്തിൽ വെറും 13 കിലോമീറ്ററാണ്. കൊടൈക്കനാലിന്റ്റെ തെക്കുപടിഞ്ഞാറ് ഭാഗത്തുള്ള ടൂറിസ്റ്റ് സ്പോട്ടാണ് ബെരിജം തടാകം. ദിവസവും ഇവിടേക്ക് നിശ്ചിത എണ്ണം സന്ദർശ്ശകരുടെ വാഹനങ്ങൾ കടത്തി വിടുന്നുമുണ്ട്. ഇനി…
View Post

പെട്രോൾ പമ്പുകളിൽ മലയാളികൾ പറ്റിക്കപ്പെടുന്നത് ഇങ്ങനെ – ഒരു ടാക്സി ഡ്രൈവറുടെ അനുഭവക്കുറിപ്പ്…

അന്യസംസ്ഥാനങ്ങളിലേക്കൊക്കെ സ്വന്തം വാഹനങ്ങളുമായി പോകാറുള്ളവരാണല്ലോ നമ്മളൊക്കെ. യാത്രയ്ക്കിടയിൽ കേരളത്തിനു പുറത്തു വെച്ച് വണ്ടിയിൽ ഇന്ധനം കുറഞ്ഞുപോയാൽ നമ്മൾ സാധാരണ ചെയ്യാറുള്ളതു പോലെ അടുത്തുള്ള പമ്പിൽ കയറി ഇന്ധനം നിറയ്ക്കുകയും ചെയ്യും. എന്നാൽ ഇത്തരത്തിൽ ഇന്ധനം നിറയ്ക്കുവാൻ പമ്പിൽ ചെല്ലുന്നവർ തങ്ങൾ കബളിപ്പിക്കപ്പെടുന്ന…
View Post

കേരളത്തിലെ പത്രങ്ങളുടെ ചരിത്രം – ഒരു മലയാളി അറിഞ്ഞിരിക്കേണ്ട കാര്യങ്ങൾ..

കേരളീയരുടെ ജീവിതത്തിന്‍്റെ ഭാഗമാണ് പത്രങ്ങള്‍. കേരളീയ സംസ്കാരത്തിന്‍്റെ ഭാഗമാണ് പത്രവായന. ഒരു ശരാശരി മലയാളിയുടെ ദിവസം ആരംഭിക്കുന്നത് ഒരു കൈയില്‍ കാപ്പിയും മറ്റേ കൈയില്‍ പത്രവുമായിട്ടാണ്. കേരളത്തിലെ സാംസ്കാരിക ചരിത്രം പരിശോധിച്ചാല്‍ ഏറ്റവും മികച്ച സംഭാവന നല്‍കിയത് പത്രങ്ങളും പ്രസിദ്ധീകരണങ്ങളുമാണെന്നു കാണാം.…
View Post