താമരശ്ശേരിക്ക് മുച്ചക്ര വാഹനം പരിചയപ്പെടുത്തിയ പ്രേമേട്ടൻ…

Total
1
Shares

കടപ്പാട് – എസ്.വി.സുമേഷ്, താമരശ്ശേരി.

ഒരു ദിവസം വൈകുന്നേരം യാദൃശ്ചികമായാണ് താമരശ്ശേരി വട്ടക്കുണ്ട് പാലത്തിന് സമീപത്ത് നിന്ന് താമരശ്ശേരി പഴയ ബസ്റ്റാന്റിലേക്ക് പ്രേമേട്ടന്റെ ഓട്ടോയിൽ യാത്ര ചെയ്യാനിടയായത്. പ്രേമേട്ടനോട് കൊച്ചുവർത്തമാനങ്ങൾ പറഞ്ഞ് യാത്ര തുടരവെ കുട്ട്യാലിയുടെ ആശുപത്രിക്ക് മുൻവശത്തെത്തിയപ്പോഴേക്കും താമരശ്ശേരി ടൗൺ പതിവുപോലുള്ള വൈകുന്നേരത്തിരക്കിൽ അമർന്നിരുന്നു. പുതിയ ബസ്റ്റാന്റിൽ നിന്നും KSRTC യിൽ നിന്നും ദേശീയ പാതയിലേക്ക് പ്രവേശിക്കുന്ന ബസ്സുകളും, കാരാടി ജംഗ്ഷനിലെ ട്രാഫിക് ജാമും സൃഷ്ടിക്കുന്ന ഗതാഗതക്കുരുക്കിലൂടെ “നമ്മളിതെത്ര കണ്ടതാണെന്ന ഭാവത്തിൽ” പ്രേമേട്ടൻ അനായാസേന ഓട്ടോ ഓടിച്ച് മുന്നോട്ടു നീങ്ങി.

കാരാടി കയറ്റം കയറി താമരശ്ശേരി ഗവ:യു .പി.സ്കൂളിന് മുന്നിലെത്തിയപ്പോൾ സ്കൂൾ കുട്ടികൾക്ക് റോഡ് ക്രോസു ചെയ്യുവാൻ കുറച്ച് നേരം ഓട്ടോ നിർത്തിക്കൊടുത്തു. ഓട്ടോയിലിരുന്ന് ഞാൻ പഠിച്ച താമരശ്ശേരി ജി. യു.പി .സ്കൂൾ കണ്ടപ്പോഴാണ് മനസ്സ് ആ പഴയ സ്കൂൾ കാലത്തേക്ക് തിരികെ നടന്നത്. ഇവിടുത്തെ പഠനകാലത്താണ് പ്രേമേട്ടന്റെ ഓട്ടോ കാണുന്നത്. എന്റ ഓർമ്മ ശരിയാണെങ്കിൽ അക്കാലത്ത് താമരശ്ശേരിയിൽ മൂന്നോ, നാലോ ഓട്ടോകളാണ് ഉണ്ടായിരുന്നത്. അമ്പായത്തോട് സ്വദേശി ഇബ്രാഹിംക്കായുടെ അൽഅമീനും, വാവാട് സ്വദേശി ഭാസ്ക്കരേട്ടന്റെ മാട്ടാപ്പൊയിലും, പരപ്പൻ പൊയിലിലെ പുഷ്പേട്ടന്റെ അന്നേടത്തും പിന്നെ പ്രേമേട്ടന്റ പേരില്ലാത്ത KRD 2529 ഓട്ടോയും.

ഇതിൽ ഒട്ടേറെ പ്രത്യേകതകൾ ഉള്ളതായിരുന്നു പ്രേമേട്ടന്റെ ഓട്ടോ. മറ്റ് ഓട്ടോകളെല്ലാം കാണാനഴകുള്ള സുന്ദരന്മാരായിരുന്നെങ്കിൽ പ്രേമേട്ടന്റെ ഓട്ടോ കാണാൻ തീരെ മൊഞ്ചില്ലാത്ത ഒരു തരം കരിവണ്ട്. ഞങ്ങൾ കുട്ടികളിൽ ചിലർ സൗകര്യപൂർവ്വം ഇതിനെ ആമത്തൊണ്ടെന്നും ഉമ്മൻ തൊണ്ടെന്നും വിളിച്ച് പരിഹരിച്ചു. മറ്റ് ഓട്ടോകൾ കാലുകൊണ്ട് ചവിട്ടി സ്റ്റാർട്ടാക്കുമ്പോൾ പ്രേമേട്ടൻ മാത്രം ഇടത്തെ കൈകൊണ്ട് രണ്ടടിയോളം വരുന്ന ഒരു ലിവർ വലിച്ചെടുത്താണ് സ്റ്റാർട്ടാക്കിയിരുന്നത്. പഴയ ബസ്റ്റാൻറിനടുത്തെ ട്രഷറിക്ക് മുൻവശത്ത് ഊഴം കാത്ത് നിർത്തിയിടുകയും, താമരശ്ശേരി ടൗണിലൂടെ തലങ്ങും വിലങ്ങും ഓടുകയും ചെയ്യുന്ന ഈ ഓട്ടോകൾ ഞങ്ങൾ സ്കൂൾ കുട്ടികൾക്ക് എന്നുമൊരു കൗതുകമായിരുന്നു ..

താമരശ്ശേരിയുടെ നിരത്തുകളിൽ ഇന്നത്തെപ്പോലെ തിരക്കുകളില്ലാത്ത എൺപതുകളിൽ ഓട്ടോ ഓടിച്ച് തുടങ്ങിയതാണ് പ്രേമേട്ടൻ. ജന്മം കൊണ്ട് താമരശ്ശേരിക്കാരനാണെങ്കിലും പിന്നീട് കൈതപ്പൊയിലിലേക്ക് താമസം മാറിയ പ്രേമേട്ടൻ ഇന്നും ദിവസവും രാവിലെ താൻ ജനിച്ചു വളർന്ന, തന്റെ ബാല്യവും, കൗമാരവും, യൗവ്വനവും ജീവിതത്തിന്റെ സിംഹഭാഗവും ചിലവഴിച്ച താമരശ്ശേരിയുടെ ഹൃദയഭൂവിലൂടെ ഓട്ടോ ഓടിക്കാനായി, ഇന്നാട്ടുകാരുടെ ശുഭയാത്രകളിൽ പങ്കുചേരാനായി പതിവുപോലെ താമരശ്ശേരിയിലെത്തുന്നു.

പത്ത് നാൽപ്പതു വർഷമായി തുടർന്ന് വരുന്ന ഈ പതിവ് ഇതുവരെ പ്രേമേട്ടൻ തെറ്റിച്ചിട്ടില്ല. പ്രേമേട്ടന്റെ കൂടെ ഓട്ടോ ഓടിച്ചുതുടങ്ങിയവരും അതിനു ശേഷം വന്നവരും ഈ മേഖലയിൽ നിന്ന് പിൻവാങ്ങിയെങ്കിലും പ്രേമേട്ടൻ ഇന്നും യാത്രകൾ തുടരുന്നു. അൽ അമീൻ ഇബ്രാഹിംക്കായും ഇന്നും താമരശ്ശേരിയിലെ പഴയ ബസ്റ്റാന്റിൽ ഓട്ടോ ഓടിക്കുന്നുണ്ട്. നാൽപ്പതു വർഷമായി തുടരുന്ന യാത്രയിൽ തന്റെ സന്തത സഹചാരിയായ 1981ൽ 25000 രൂപയ്ക്ക് സ്വന്തമാക്കിയ പഴയ KRD 2592 ബജാജ് ഓട്ടോ കൈവിട്ടെങ്കിലും മറ്റൊരു ഓട്ടോയുമായി പ്രേമേട്ടൻ ഇന്നും താമരശ്ശേരിക്കൊപ്പമുണ്ട്. തന്റെ ജീവിതയാത്രയിൽ ഇതുവരെ ഒരു അപകടമോ, പോലീസ് കേസോ ഒന്നുമില്ലാതെ..

പ്രേമേട്ടൻ ഓട്ടോ ഓടിച്ച് തുടങ്ങിയ കാലത്ത് താമരശ്ശേരി ചുങ്കത്തെ പെട്രോൾ പമ്പിൽ നൂറ് മില്ലി ഓയിലടക്കം ലിറ്ററിന് മൂന്നര രൂപയാണ് വില. ഇന്നത് തൊണ്ണൂറു രൂപയിലേയ്ക്കെത്തിനിൽക്കുന്നു. പെട്രോൾ പമ്പ് ഒന്നിന് പകരം താമരശ്ശേരിയിൽ ആറെണ്ണമായി. മിനിമം ചാർജ് അന്നത്തെ ഒന്നര രൂപയിൽ നിന്ന് വളർന്ന് വളർന്ന് ഇന്നത്തെ ഇരുപത് രൂപയിലേക്കെത്തി. ട്രഷറിക്ക് മുന്നിൽ നിർത്തിയിരുന്ന നാലു ഓട്ടോകളിൽ നിന്ന് മുന്നൂറോളം ഓട്ടോകളിലേക്ക് താമരശ്ശേരിയുടെ യാത്രകൾ വികാസം പൂണ്ടു.

താൻ ഓട്ടോ ഓടിച്ചു തുടങ്ങിയ താമരശ്ശേരിയിന്ന് പരപ്പൻ പൊയിൽ മുതൽ ചുങ്കത്തെ ചെക്ക് പോസ്റ്റിനപ്പുറം വരെയും കോരങ്ങാടുവരെയും വളർന്നിരിക്കുന്നു. എല്ലാറ്റിനും മുക സാക്ഷിയായ് ഉപജീവനത്തിന്റെയും പഠിച്ച തൊഴിലിന്റെയും ഭാഗമായി പ്രേമദാസെന്ന ഈ കുറിയ മനുഷ്യൻ ഇന്നും താമരശ്ശേരിയിലുണ്ട്…

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

മണാലി ബസ് സ്റ്റാൻഡിൽ ഒരു മലയാളിയെ പറ്റിച്ചു മുങ്ങിയ മലയാളി

വിവരണം – Zainudheen Kololamba. അപരിചിതമായ വഴികളിൽ കണ്ടുമുട്ടുന്ന മലയാളികളെ ബന്ധുക്കളേക്കാൾ സ്വന്തമാണെന്ന് തോന്നാറില്ലേ? ഹിന്ദി, ഉറുദു കലപിലകൾക്കിടയിൽ ആരെങ്കിലും വന്ന് മലയാളിയാണോ എന്ന് ചോദിക്കുമ്പോൾ അത്യാനന്ദം അനുഭവപ്പെടാറില്ലേ? തീർച്ചയായും എനിക്ക് തോന്നാറുണ്ട്. കേരള സമ്പർക്രാന്തിയുടെ സെക്കന്റ് ക്ലാസ് ഡബ്ബയുടെ ബർത്തിലിരുന്ന്…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

മൂന്നാറിൻ്റെ തലവര മാറ്റാൻ ‘എസ്കേപ്പ് റോഡ്’

എഴുത്ത് – ദയാൽ കരുണാകരൻ. ഇപ്പോൾ കൊടൈക്കനാലും മൂന്നാറും തമ്മിലുള്ള യാത്രാ അകലം വാസ്തവത്തിൽ വെറും 13 കിലോമീറ്ററാണ്. കൊടൈക്കനാലിന്റ്റെ തെക്കുപടിഞ്ഞാറ് ഭാഗത്തുള്ള ടൂറിസ്റ്റ് സ്പോട്ടാണ് ബെരിജം തടാകം. ദിവസവും ഇവിടേക്ക് നിശ്ചിത എണ്ണം സന്ദർശ്ശകരുടെ വാഹനങ്ങൾ കടത്തി വിടുന്നുമുണ്ട്. ഇനി…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

ജനമൈത്രി പോലീസിനൊപ്പം പൂയംകുട്ടി വനത്തിലേക്ക്

വിവരണം – അരുൺ കളപ്പില. ശ്വാസം അടക്കിപ്പിടിച്ചനുഭവിച്ച അതി കഠിനമായൊരു വനയാത്രയാണിത്. ആനച്ചൂരിൽ, ഇരുണ്ട കാട്ടിലൂടെ കടന്നുപോകുമ്പോൾ നാമറിയാതെ അനുഭവിക്കുന്ന ഒരു ലഹരിയുണ്ട്. അതാണീ യാത്രയുടെ ജീവൻ. കാടിനെ സ്നേഹിക്കുന്ന ഓരോ മനുഷ്യന്റേയും ആഗ്രഹമാണ്, കാടിനെ നോവിക്കാതെ നിശബ്ദമായി മരങ്ങളെ, പക്ഷികളെ,…
View Post

പെട്രോൾ പമ്പുകളിൽ മലയാളികൾ പറ്റിക്കപ്പെടുന്നത് ഇങ്ങനെ – ഒരു ടാക്സി ഡ്രൈവറുടെ അനുഭവക്കുറിപ്പ്…

അന്യസംസ്ഥാനങ്ങളിലേക്കൊക്കെ സ്വന്തം വാഹനങ്ങളുമായി പോകാറുള്ളവരാണല്ലോ നമ്മളൊക്കെ. യാത്രയ്ക്കിടയിൽ കേരളത്തിനു പുറത്തു വെച്ച് വണ്ടിയിൽ ഇന്ധനം കുറഞ്ഞുപോയാൽ നമ്മൾ സാധാരണ ചെയ്യാറുള്ളതു പോലെ അടുത്തുള്ള പമ്പിൽ കയറി ഇന്ധനം നിറയ്ക്കുകയും ചെയ്യും. എന്നാൽ ഇത്തരത്തിൽ ഇന്ധനം നിറയ്ക്കുവാൻ പമ്പിൽ ചെല്ലുന്നവർ തങ്ങൾ കബളിപ്പിക്കപ്പെടുന്ന…
View Post

എറണാകുളം ജില്ലയിലെ ഏറ്റവും ഉയർന്നതും കൊടുംകാട്ടിലൂടെയുമുള്ള ബസ് റൂട്ട്

‘കോതമംഗലം – കുട്ടമ്പുഴ – മാമലക്കണ്ടം’ : എറണാകുളം ജില്ലയിലുള്ള കോതമംഗലം കെഎസ്ആർടിസി ഡിപ്പോയിലെ ഏറ്റവും പ്രയാസവും, എന്നാൽ ഏറ്റവും മനോഹരവുമായ പ്രദേശത്തേക്കുള്ള ബസ് റൂട്ടാണിത്. കാട്ടാനകൾ ധാരാളമുള്ള വനത്തിലൂടെ ഒരു ബസിനു മാത്രം പോകാൻ കഴിയുന്ന റോഡ്, പോകും വഴിയേ…
View Post