മഴ പെയ്തു കുളമായി പത്തനംതിട്ട ബസ് സ്റ്റാൻഡ്; പ്രതിഷേധവുമായി ട്രോളന്മാർ…

Total
0
Shares

മഴക്കാലമായതോടെ കഴിഞ്ഞ വർഷത്തെപ്പോലെ തന്നെ ഇത്തവണയും പത്തനംതിട്ട ബസ് സ്റ്റാൻഡ് വാർത്തകളിൽ നിറയുകയാണ്. പത്തനംതിട്ട നഗരസഭയുടെ മുനിപ്പല്‍ ബസ് സ്റ്റാന്‍ഡില്‍ ആനവണ്ടി കൂടി എത്തിയതോടെ കുളം കലങ്ങിയ അവസ്ഥയാണിപ്പോൾ. ഭരണപക്ഷമായാലും പ്രതിപക്ഷമായാലും ഇതിനൊരു പരിഹാരത്തിനായി മുറവിളി കൂട്ടാൻ ആരുമില്ലാത്ത അവസ്ഥയാണിപ്പോൾ. അങ്ങനെ ഇതിനൊരു പരിഹാരം തേടി സോഷ്യൽ മീഡിയയിലെ ട്രോളന്മാർ ഇറങ്ങിയിരിക്കുകയാണ്.

ബസ് സ്റ്റാൻഡിൽ വേനൽക്കാലത്ത് പൊടിശല്യവും എന്നാൽ ചെറിയൊരു മഴ പെയ്താല്‍ അടവി ഇക്കൊ ടൂറിസത്തിന്‍റെ കുട്ട വഞ്ചി ഇറക്കണ്ട സ്ഥിതിയുമാകും. പണ്ട് പ്രെെവറ്റ് ബസ് സ്റ്റാന്‍ഡ് റിങ് റോഡ് ഹൃദയ ഭാഗത്ത് നടുവില്‍ ആയിരുന്നു. എന്നാൽ ട്രാഫിക് ബ്ലോക്ക് കാരണം അതൊഴിവാക്കി റിങ്ങ് റോഡ് വശം തന്നെ വയൽ നികത്തിയ ചതുപ്പ് നിറഞ്ഞ സ്ഥലത്തേക്ക് പറിച്ചു പാകുകയായിരുന്നു. വണ്ടികള്‍ കയറിയിറങ്ങി വിത്ത് മുളക്കും പോലെ അടിസ്ഥാന ടാറിങ്ങും കോണ്‍ക്രീറ്റും മെറ്റലുകളും ഒക്കെ ചാഞ്ചാടിക്കിടക്കുകയാണ്.ഇതെല്ലാം അനുഭവിക്കുന്നതോ യാത്രക്കാരും പിന്നെ ബസ് ജീവനക്കാരും.

കഴിഞ്ഞ വർഷം പ്രളയം വന്നതുകാരണം ഇങ്ങനെയൊക്കെയായിപ്പോയി എന്നു സമാധാനിച്ചിരുന്ന പത്തനംതിട്ടക്കാർക്ക് ഇക്കൊല്ലവും അനുഭവം ഒന്നുതന്നെയാണ്. നഗരസഭയുടെ പത്തനംതിട്ട സ്റ്റാന്‍ഡ് മാത്രം തഥെെവാ.. ഭരണപക്ഷത്തിന്‍റെയും നഗരസഭ ഭരിക്കുന്നവരുടെയും പിടിപ്പുകേടിനെ രാഷ്ട്രീയഭേദം ഇല്ലാതെ അടപടലം ട്രോളുകയാണ് പത്തനംതിട്ടയിലെ അടക്കം കേരളത്തിലെ ട്രോളന്മാർ.

എന്തിനേറെ മഴ പെയ്ത് മഞ്ഞ, ഓറഞ്ച്, റെഡ് അലെർട്ടുകൾ പ്രഖ്യാപിച്ചപ്പോഴും പത്തനംതിട്ട കളക്ടര്‍ ബ്രോയുടെ പേജിലെ കമന്‍റ് ബോക്സില്‍ വരെ “ലീവ് വേണം” എന്ന് കമന്‍റ് ചെയ്യുമ്പോഴും #ഹാഷ് ടാഗ് പത്തനംതിട്ട ബസ് സ്റ്റാന്‍ഡ് ആണ്. എന്നിട്ടും അധികാരികൾക്ക് ഒരു കുലുക്കവും ഇല്ല. സംഭവം കളക്ടർ ബ്രോയുടെ ശ്രദ്ധയിൽപ്പെട്ടതോടെ ഇതിനൊരു പരിഹാരം കാണണമെന്ന തീരുമാനത്തിലാണ് അദ്ദേഹവും.

ബസ് സ്റ്റാൻഡിന്റെ കഷ്ടതകൾ നിറഞ്ഞ ചിത്രങ്ങളിൽ എഡിറ്റിങ് പുലികളായ ട്രോളന്മാർ അതിൽ സ്വിമ്മിംഗ് പൂൾ, കുട്ടവഞ്ചി, ആറന്മുള വള്ളംകളി, ടൈറ്റാനിക് ദുരന്തം, പലതരം കൃഷികൾ, ബൈക്ക് – ജീപ്പ് റേസിംഗ് തുടങ്ങി രസകരമായ ആവിഷ്ക്കാരങ്ങൾ നൽകി സംഭവത്തിലേക്ക് പൊതുജനശ്രദ്ധ ആകർഷിക്കുകയാണ്. ഡിപ്പോ ഒരു തുറമുഖമായി പ്രഖ്യാപിക്കേണ്ട സമയം അതിക്രമിച്ചു എന്നാണു ഇപ്പോൾ എല്ലാവരും ഒരേസ്വരത്തിൽ പറയുന്നത്.

ഇതെല്ലാം കണ്ട് വേണ്ടപ്പെട്ട അധികാരികളെല്ലാം ചിരിക്കുന്നുണ്ടാകും. സ്റ്റാൻഡിന്റെ അവസ്ഥ തഥൈവ… ആരോട് പറയാൻ? ആരു കേൾക്കാൻ? എന്തായാലും ഇതിനൊരു പരിഹാരം കാണുന്നതുവരെ ട്രോളന്മാർ പണിപ്പുരയിൽത്തന്നെയായിരിക്കും. എന്നെങ്കിലും അധികാരികളുടെ കണ്ണുതുറക്കും എന്ന പ്രതീക്ഷയിൽ… കൂടാതെ മിടുക്കനായ പത്തനംതിട്ട കളക്ടർ സംഭവത്തിൽ ഇടപെടുമെന്ന വിശ്വാസവും…

മഴ പെയ്താൽ പത്തനംതിട്ട കൂടാതെ കേരളത്തിലെ മറ്റു ചില ബസ് സ്റ്റാൻഡുകളുടെ അവസ്ഥയും ഇതൊക്കെ തന്നെയാണ്. അതിൽ ഏറ്റവും മുന്നിൽ നിൽക്കുന്നയാളാണ് എറണാകുളം കെഎസ്ആർടിസി ബസ് സ്റ്റാൻഡ്. മഴക്കാലമായാൽ എറണാകുളം സ്റ്റാൻഡ് ജലഗതാഗത വകുപ്പ് (SWTD) ഏറ്റെടുക്കും എന്നാണു ട്രോളന്മാർ പറയുന്നത്. പ്രളയം വരാതെ തന്നെ പ്രളയത്തെ അനുഭവിക്കേണ്ട അവസ്ഥ ഇനി നമ്മുടെ നാട്ടിലെ ബസ് സ്റ്റാൻഡുകൾക്കും പൊതുസ്ഥലങ്ങൾക്കും ഉണ്ടാകുവാൻ ഇടവരുത്തരുതേ എന്ന് വേണ്ടപ്പെട്ടവരോട് ഒരപേക്ഷ…

വിവരങ്ങൾക്ക് കടപ്പാട് – ജോമോൻ വി., ചിത്രങ്ങൾ – Yahiya H. Pathanamthitta, Troll Pathanamthitta, Troll KSRTC.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

കേരളത്തിലെ പത്രങ്ങളുടെ ചരിത്രം – ഒരു മലയാളി അറിഞ്ഞിരിക്കേണ്ട കാര്യങ്ങൾ..

കേരളീയരുടെ ജീവിതത്തിന്‍്റെ ഭാഗമാണ് പത്രങ്ങള്‍. കേരളീയ സംസ്കാരത്തിന്‍്റെ ഭാഗമാണ് പത്രവായന. ഒരു ശരാശരി മലയാളിയുടെ ദിവസം ആരംഭിക്കുന്നത് ഒരു കൈയില്‍ കാപ്പിയും മറ്റേ കൈയില്‍ പത്രവുമായിട്ടാണ്. കേരളത്തിലെ സാംസ്കാരിക ചരിത്രം പരിശോധിച്ചാല്‍ ഏറ്റവും മികച്ച സംഭാവന നല്‍കിയത് പത്രങ്ങളും പ്രസിദ്ധീകരണങ്ങളുമാണെന്നു കാണാം.…
View Post

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

മുഗൾ സാമ്രാജ്യം – ചക്രവർത്തിമാരും അവരുടെ അന്ത്യവും

ഇന്ത്യയിൽ ഏറ്റവും അധികം കാലം ഭരിച്ച മുസ്ലീം രാജാക്കന്മാരുടെ സാമ്രാജ്യമാണ് മുഗൾ സാമ്രാജ്യം. പിതൃത്വം വഴി മദ്ധ്യേഷ്യൻ ഭരണാധികാരി തിമൂറിന്റെ പിൻ‌ഗാമികളും, മാതൃത്വം വഴി മംഗോൾ നേതാവായ ജെംഗിസ് ഖാന്റെ പാരമ്പര്യം ഉള്ളവരുമാണ്‌ മുഗളർ. മംഗോൾ എന്നതിന്റെ പേർഷ്യൻ/ചഗതായ് രൂപഭേദമായ മുഗൾ…
View Post

കടുവ വേലായുധൻ – ആനപ്പണിക്കാരിലെ എക്കാലത്തെയും വലിയ അതികായൻ !!

എഴുത്ത് – വിനു പൂക്കാട്ടിയൂർ. ആനപ്പണിയിലെ എക്കാലത്തെയും വലിയ അതികായൻ ‘കടുവ വേലായുധേട്ടൻ’ ആനയില്ലാത്ത ലോകത്തേക്ക് യാത്രയായിട്ട് എട്ട് വർഷങ്ങൾ. അദ്ദേഹത്തിന്റെ ഓർമ്മകൾക്ക് മുൻപിൽ അനന്തകോടിപ്രണാമം. ഒരുപാട് പേരുടെ അഭ്യർത്ഥനയായിരുന്നു സാക്ഷാൽ കടുവയുടെ കഥകൾ കേൾക്കണമെന്ന്. എന്നാൽ എന്നെപോലെയുള്ള ഒരാൾക്ക് വലിയ…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

KSRTC SWIFT വോൾവോ സ്ലീപ്പർ ബസ്സിലെ യാത്ര; ഒരു പാസഞ്ചർ റിവ്യൂ

വിവരണം – ലിജോ ചീരൻ ജോസ്. ഇരുപത്തിരണ്ടു വർഷമേ ആയിട്ടുള്ളു ഞാൻ നമ്മുടെ ആനവണ്ടിയിലെ ദീർഘദൂര യാത്രകൾ ആരംഭിച്ചിട്ട്. ഗുരുവായൂർ – കോയമ്പത്തൂർ ഫാസ്റ്റിലാണ് തുടക്കം. കുറച്ചു വര്ഷം മുൻപ് വരെ കര്ണാടക ആർ ടി സി വോൾവോ ബസുകൾ കേരളത്തിലേക്ക്…
View Post

കരിയെ മെരുക്കിയ കടുവ വേലായുധൻ; ആനപ്പണിക്കാരിലെ ധീരൻ – പാർട്ട് 3

ആനപ്പണിയിലെ എക്കാലത്തെയും വലിയ അതികായനായ ‘കടുവ വേലാധൻ’ എന്ന അപൂർവ്വ മനുഷ്യനെക്കുറിച്ചുള്ള കഥ. അവസാന ഭാഗം. ആദ്യഭാഗം വായിക്കുവാൻ : https://bit.ly/33rRcbo. എഴുത്ത് – വിനു പൂക്കാട്ടിയൂർ. തെച്ചിക്കോട്ടുകാവ് രാമചന്ദ്രന്റെ അപ്രതീക്ഷിത ഇടിയേറ്റ് പുതുനഗരം പാടത്തു വീണ്ടുകിടക്കുന്ന കർണ്ണൻ. കർണ്ണന്റെ നെഞ്ചുപിളർക്കാൻ കുതിച്ചുവരുന്ന…
View Post