നായരുടെ കടയിലെ പുട്ടും പരിപ്പും; അസാധ്യ കോംബോ, കിടിലൻ ലൊക്കേഷൻ

Total
83
Shares

നല്ല രുചിയിടങ്ങൾ തേടി എത്ര ദൂരം സഞ്ചരിക്കാൻ വരെ തയ്യാറാണ് ആളുകൾ. അതിനൊരുദാഹരണമാണ് എറണാകുളം ജില്ലയിലെ ചാത്തനാട് എന്ന ഗ്രാമത്തിൽ വീരൻപുഴയുടെ തീരത്തു സ്ഥിതി ചെയ്യുന്ന നായരുടെ പുട്ടുകട. ചാത്തനാട് എന്നു പറയുമ്പോൾ വടക്കൻ പറവൂരിൽ നിന്നും ഏകദേശം 15 കിലോമീറ്റർ അകലെയായി സ്ഥിതിചെയ്യുന്ന ഒരു സാധാ ഗ്രാമം. ചാത്തനാട് സെന്റ് മേരീസ് യാക്കോബായ സുറിയാനി ചാപ്പൽ കഴിഞ്ഞാൽ വലത്തേക്ക് ചെറിയൊരു വഴി പോകുന്നുണ്ട്. ആ വഴി നേരെയങ്ങു പോയാൽ അവസാനിക്കുന്നത് നായരുടെ പുട്ടുകടയിലാണ്.

പടിഞ്ഞാറൻ കാറ്റിനൊപ്പം താളംതുള്ളുന്ന വീരൻ പുഴയുടെ കരയിൽ ഒരു ചെറിയ ചായക്കട. അതാണ് നായരുടെ പുട്ടുകട. കടയ്ക്ക് അന്നുമിന്നും പേരൊന്നുമിട്ടിട്ടില്ലെങ്കിലും ആളുകൾക്ക് ഇത് നായരുടെ പുട്ടുകടയാണ്. ഏതാണ്ട് 50 വർഷത്തോളമായി ഈ ചായക്കട അവിടെയുണ്ട്. തൻ്റെ സഹോദരൻ തുടങ്ങിയ കട പിന്നെ അനുജനായ മോഹനൻ പിള്ളയാണ് ഇതുവരെ നോക്കി നടത്തിക്കൊണ്ടുപോകുന്നത്. മോഹനൻ പിള്ളയെ നാട്ടുകാർ സ്നേഹത്തോടെ വിളിക്കുന്ന പേരാണ് നായരേട്ടനെന്ന്.

തുടക്കത്തിൽ കായലിലെ വള്ളക്കാരും മീൻപിടുത്തക്കാരുമൊക്കെയായിരുന്നു പുട്ടുകടയിലെ കസ്റ്റമേഴ്സ്. പിന്നീട് ആളുകൾ പറഞ്ഞറിഞ്ഞു പുറത്തു നിന്നുള്ളവർ ഇവിടത്തെ രുചിയാന്വേഷിച്ചു വരാൻ തുടങ്ങി. സോഷ്യൽ മീഡിയയുടെ വരവോടെ നായരുടെ കട നല്ല ഫേമസായി. ധാരാളം യൂട്യൂബ് വ്ലോഗർമാർ ഇവിടെ വന്ന് വീഡിയോ ചെയ്തിട്ടുണ്ട്. എന്തിനേറെ പറയുന്നു, സെലിബ്രിറ്റികൾ വരെ ഇവിടത്തെ പുട്ടിന്റെയും പരിപ്പിന്റെയും രുചിയറിയുവാൻ വന്നിട്ടുണ്ടത്രേ.

ആ അതു പറയാൻ വിട്ടു, നായരുടെ കടയിൽ ചെന്നിട്ട് മെനുവൊന്നും ചോദിയ്ക്കാൻ നിൽക്കരുത്. കാരണം അവിടെ ആകെ ഒരു കോംബോ വിഭവം മാത്രമേയുള്ളൂ. അരിപ്പുട്ട്, പരിപ്പ്, നാടൻ താറാവ് മുട്ടറോസ്റ്റ്, ഒരു ഭീമൻ പപ്പടം. ഈ പുട്ടും പരിപ്പും കഴിക്കുവാനായാണ് നാനാദിക്കിൽ നിന്നും ആളുകൾ കഷ്ടപ്പെട്ട് ഇവിടെവരെ വരുന്നത്. അത്രയ്ക്ക് രുചിയാണേ. പുട്ടും പരിപ്പും, പുട്ടും മുട്ടയും അങ്ങനെ ഇഷ്ടപ്പെട്ടത് നോക്കി വാങ്ങാം. ചായയും അതോടൊപ്പം ലഡു. ആലുവ എന്നിവയും കടയിലെ താരങ്ങളാണ്. തീർന്നു, ഇത്രയും ഐറ്റംസ് മാത്രമേ ഇവിടെ കിട്ടുകയുള്ളൂ.

എല്ലാ ദിവസവും വൈകുന്നേരം അഞ്ചരയോടെയാണ് പുട്ടുകടയിൽ കച്ചവടം ആരംഭിക്കുന്നത്. രാത്രി 11.30 വരെ കട പ്രവർത്തിക്കുമെങ്കിലും ചിലപ്പോൾ അതിനു മുൻപേ തന്നെ ഐറ്റംസ് ഒക്കെ ആളുകൾ വന്നു കാലിയാക്കിയിട്ടുണ്ടാകും. രാത്രി എട്ടുമണി മുതൽ പത്തര വരെയായിരിക്കും കടയിലെ തിരക്ക് സമയം. ഈ സമയം നായരേട്ടൻ നല്ല ഓട്ടത്തിലായിരിക്കും. കാരണം, ഉടമയും പാചകക്കാരനും വിളമ്പുകാരനുമെല്ലാം ഇദ്ദേഹം തന്നെ.

കടയുടെ അകത്തു പത്തുപതിനഞ്ചു പേർക്ക് ഇരിക്കാം. പുറത്തും ഇരിപ്പിടങ്ങളുണ്ട്. പുറത്തിരുന്നു ഭക്ഷണം കഴിക്കുവാനാണ് ഇവിടെ വരുന്നവർ താൽപര്യപ്പെടുന്നത്. കാരണം ആ ആമ്പിയൻസ് തന്നെ. നല്ല കാറ്റും കൊണ്ട്, നേരമിരുട്ടുന്നതിനു മുന്നേയുള്ള കായൽക്കാഴ്ചകളും ആസ്വദിച്ച്, അസ്തമയ സൂര്യനെയും കണ്ട് അതിലേറെ രുചിയുള്ള പുട്ടും പരിപ്പും കഴിക്കുമ്പോഴുള്ള ആ ഒരു സുഖം… അത് പറഞ്ഞറിയിക്കാനാകില്ല ടീമേ… നേരിട്ടു വന്നനുഭവിക്കണം.

സാധാരണ പുട്ടിനൊപ്പം ഒഴുകിനടക്കുന്ന പരിപ്പുകറിയായിരിക്കും നമ്മൾ കണ്ടിട്ടുണ്ടാകുക. എന്നാൽ ഇവിടെ പരിപ്പ് വെള്ളംവറ്റിച്ചു വരട്ടി വരട്ടി പുട്ടുപോലെയായിരിക്കുന്നു. വരണ്ട പരിപ്പും കൂട്ടി കഴിച്ചാൽ പുട്ട് തൊണ്ടയിൽ നിന്നിറങ്ങുമോ എന്ന് ശങ്കയുള്ളവർ ഇവയ്‌ക്കൊപ്പം ഒരു മുട്ടക്കറി കൂടി മേടിച്ചാൽ മതി. മുട്ടക്കറിയിൽ നല്ല നാടൻ താറാവുമുട്ടയായിരിക്കും ഉണ്ടാകുക. പപ്പടവും പൊടിച്ച് എല്ലാംകൂട്ടിക്കുഴച്ച് ഒരുരുള പുട്ട് കഴിച്ച്, കടുപ്പമുള്ള കട്ടൻ ചായയും ഒന്നു മോന്തുമ്പോൾ കിട്ടുന്ന ആ ഒരു ഫീൽ… അതു തന്നെയാണ് നായരേട്ടൻസ് മാജിക്.

ഇവിടേക്ക് വരുന്നവരുടെ ശ്രദ്ധയ്ക്ക് : കാറിനാണ് വരുന്നതെങ്കിൽ മെയിൻ റോഡിൽ കാർ പാർക്ക് ചെയ്തിട്ട് അഞ്ചു മിനിറ്റോളം നടക്കേണ്ടി വരും. ടൂവീലറിലാണ് വരുന്നതെങ്കിൽ കടയുടെ അടുത്തുവരെ ചെല്ലാം. കടയുടമ മോഹനൻ ചേട്ടനും കടയിൽ വരുന്നവരുമെല്ലാം നാട്ടിൻപുറത്തുകാരാണ്. അതനുസരിച്ചു പെരുമാറണം. വൈകുന്നേരം ആറു മണിയോടെ വരുന്നതായിരിക്കും ഏറ്റവും ബെസ്റ്റ്. കാരണം അപ്പോൾ സൂര്യാസ്തമയം കൂടി കാണുവാനുള്ള ഭാഗ്യം ലഭിക്കും. പുട്ട്, പരിപ്പ്, മുട്ടക്കറി, പപ്പടം, കട്ടൻചായ എന്നിവയ്‌ക്കെല്ലാം കൂടി ഒരാൾക്ക് 100 രൂപയാകും.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

കേരളത്തിലെ പത്രങ്ങളുടെ ചരിത്രം – ഒരു മലയാളി അറിഞ്ഞിരിക്കേണ്ട കാര്യങ്ങൾ..

കേരളീയരുടെ ജീവിതത്തിന്‍്റെ ഭാഗമാണ് പത്രങ്ങള്‍. കേരളീയ സംസ്കാരത്തിന്‍്റെ ഭാഗമാണ് പത്രവായന. ഒരു ശരാശരി മലയാളിയുടെ ദിവസം ആരംഭിക്കുന്നത് ഒരു കൈയില്‍ കാപ്പിയും മറ്റേ കൈയില്‍ പത്രവുമായിട്ടാണ്. കേരളത്തിലെ സാംസ്കാരിക ചരിത്രം പരിശോധിച്ചാല്‍ ഏറ്റവും മികച്ച സംഭാവന നല്‍കിയത് പത്രങ്ങളും പ്രസിദ്ധീകരണങ്ങളുമാണെന്നു കാണാം.…
View Post

കടുവ വേലായുധൻ – ആനപ്പണിക്കാരിലെ എക്കാലത്തെയും വലിയ അതികായൻ !!

എഴുത്ത് – വിനു പൂക്കാട്ടിയൂർ. ആനപ്പണിയിലെ എക്കാലത്തെയും വലിയ അതികായൻ ‘കടുവ വേലായുധേട്ടൻ’ ആനയില്ലാത്ത ലോകത്തേക്ക് യാത്രയായിട്ട് എട്ട് വർഷങ്ങൾ. അദ്ദേഹത്തിന്റെ ഓർമ്മകൾക്ക് മുൻപിൽ അനന്തകോടിപ്രണാമം. ഒരുപാട് പേരുടെ അഭ്യർത്ഥനയായിരുന്നു സാക്ഷാൽ കടുവയുടെ കഥകൾ കേൾക്കണമെന്ന്. എന്നാൽ എന്നെപോലെയുള്ള ഒരാൾക്ക് വലിയ…
View Post

KSRTC SWIFT വോൾവോ സ്ലീപ്പർ ബസ്സിലെ യാത്ര; ഒരു പാസഞ്ചർ റിവ്യൂ

വിവരണം – ലിജോ ചീരൻ ജോസ്. ഇരുപത്തിരണ്ടു വർഷമേ ആയിട്ടുള്ളു ഞാൻ നമ്മുടെ ആനവണ്ടിയിലെ ദീർഘദൂര യാത്രകൾ ആരംഭിച്ചിട്ട്. ഗുരുവായൂർ – കോയമ്പത്തൂർ ഫാസ്റ്റിലാണ് തുടക്കം. കുറച്ചു വര്ഷം മുൻപ് വരെ കര്ണാടക ആർ ടി സി വോൾവോ ബസുകൾ കേരളത്തിലേക്ക്…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

മുഗൾ സാമ്രാജ്യം – ചക്രവർത്തിമാരും അവരുടെ അന്ത്യവും

ഇന്ത്യയിൽ ഏറ്റവും അധികം കാലം ഭരിച്ച മുസ്ലീം രാജാക്കന്മാരുടെ സാമ്രാജ്യമാണ് മുഗൾ സാമ്രാജ്യം. പിതൃത്വം വഴി മദ്ധ്യേഷ്യൻ ഭരണാധികാരി തിമൂറിന്റെ പിൻ‌ഗാമികളും, മാതൃത്വം വഴി മംഗോൾ നേതാവായ ജെംഗിസ് ഖാന്റെ പാരമ്പര്യം ഉള്ളവരുമാണ്‌ മുഗളർ. മംഗോൾ എന്നതിന്റെ പേർഷ്യൻ/ചഗതായ് രൂപഭേദമായ മുഗൾ…
View Post

മണാലി ബസ് സ്റ്റാൻഡിൽ ഒരു മലയാളിയെ പറ്റിച്ചു മുങ്ങിയ മലയാളി

വിവരണം – Zainudheen Kololamba. അപരിചിതമായ വഴികളിൽ കണ്ടുമുട്ടുന്ന മലയാളികളെ ബന്ധുക്കളേക്കാൾ സ്വന്തമാണെന്ന് തോന്നാറില്ലേ? ഹിന്ദി, ഉറുദു കലപിലകൾക്കിടയിൽ ആരെങ്കിലും വന്ന് മലയാളിയാണോ എന്ന് ചോദിക്കുമ്പോൾ അത്യാനന്ദം അനുഭവപ്പെടാറില്ലേ? തീർച്ചയായും എനിക്ക് തോന്നാറുണ്ട്. കേരള സമ്പർക്രാന്തിയുടെ സെക്കന്റ് ക്ലാസ് ഡബ്ബയുടെ ബർത്തിലിരുന്ന്…
View Post