നീലക്കുറിഞ്ഞി കാണാൻ രാജമലയിൽ പോകണമെന്ന മോഹവുമായി ചെന്ന് കയറിയത്…

Total
0
Shares

നീലക്കുറിഞ്ഞി കാണാൻ രാജമലയിൽ പോകണമെന്ന മോഹവുമായി ചെന്ന് കയറിയത് ഒരു KSRTC ബസ്സിൽ… ഉസ്താദ്‌ കണ്ടക്ടർ ഖാൻ… ആഗ്രഹം അറിയിച്ചപ്പോൾ ദക്ഷിണയായി ടിക്കറ്റെടുക്കാൻ പറഞ്ഞു… ഊരുതെണ്ടിയുടെ ഓട്ടകീശയിൽ എന്തുണ്ടാകാൻ…. സഞ്ചാരത്തിന്റെ ആദ്യാക്ഷരങ്ങൾ പഠിപ്പിച്ച സുജിത് ഭക്തനെ മനസ്സിൽ ധ്യാനിച്ച് കിലുകിലു രാഗത്തിൽ ചില്ലറപ്പൈസയുടെ ഒരു കിഴിയങ്ങോട്ടു നീട്ടി. ഉസ്താദ്‌ ഫ്ളാറ്റ്… എണ്ണി മുഴുമിപ്പിക്കും മുൻപ് വിറയാർന്ന കൈകൾ കൊണ്ട് ചില്ലറപ്പൈസ വാരി പുണർന്ന് ടിക്കറ്റ് തന്നു…

പിന്നെ മൊബൈൽ ഫോണിൽ സഞ്ചാരത്തിന്റെ ഭാഗമായ ഫോട്ടോയെടുപ്പുമായി ദൂരമൊരുപാട്. ഒടുവിൽ ഒരുപാട് ദൂരം പിന്നിട്ട് രാജമല സ്റ്റോപ്പിലിറങ്ങി ബസ്സിന്റെ ഡോർ വലിച്ചടച്ച് ഇരവികുളം ദേശീയോദ്യാനത്തിലേക്ക് യാത്ര തുടർന്നു… ഒരിക്കലും തീരാത്ത യാത്ര. “സഫറോംകി സിന്ദകി ജോ കഭി നഹി ഘദം ഹൊ ജാത്തെ ഹൈ…” ആ_കഥയാണ്‌_ഇവിടെ_പറയുന്നത്.

അടിമാലിയിൽ നിന്ന് കാലത്ത് 6:30 നുള്ള KSRTC ബസ്സിൽ മൂന്നാറിലേക്ക് യാത്ര തിരിച്ചു, സൈഡ് സീറ്റിലിരുന്ന് വഴിനീളെ ഫോട്ടോ പിടുത്തമായിരുന്നു പരിപാടി. തൊട്ടടുത്ത സീറ്റിലിരുന്ന മൂന്നാർ KSRTC ഡിപ്പോയിലെ ഒരു ജീവനക്കാരൻ ഏതാടാ ഈ അപ്പാവി എന്ന രൂപത്തിൽ ഒളികണ്ണിട്ട് നോക്കുന്നുണ്ടായിരുന്നു, നമ്മളിതെത്ര കണ്ടതാ എന്ന ഭാവത്തിൽ ഞാനും. അയാൾ ഡിപ്പോ സ്റ്റോപ്പിലിറങ്ങി, ഞാൻ മൂന്നാർ ബസ്റ്റാന്റിലിറങ്ങി നേരെ തമിഴന്റെ ടീ സ്റ്റാളിൽ പോയി പതിവ് (ഉഴുന്നുവടയും ചായയും) കഴിച്ചപ്പോഴേക്കും നമ്മുടെ ഉദുമൽപേട്ട KSRTC പോകാൻ റെഡിയായി നിൽക്കുന്നു ചാടിക്കേറി നോക്കുമ്പോൾ ഞാൻ മുകളിൽ പറഞ്ഞയാളാണ് ഈ ബസ്സിന്റെ സാരധി. 15 മിനിറ്റ് കൊണ്ട് വണ്ടി രാജമല സ്റ്റോപ്പിലെത്തി ഞാനവിടെ ഇറങ്ങി.

സമയം 8:15 #ഇരവികുളം_നാഷണൽ_പാർക്ക്* രാജമല, ടിക്കറ്റ് കൗണ്ടറിൽ തിരക്കൊന്നുമില്ല, പാസ്സെടുത്തു 120 രൂപ, കഴിഞ്ഞ തവണ വന്നപ്പോൾ 95 രൂപയായിരുന്നു ചാർജ്ജ്, ഇപ്പോൾ 25 കൂടി 120 രൂപയായി, അൽപ സമയത്തിനുള്ളിൽ കുറിഞ്ഞി ഉദ്യാനത്തിലേക്ക് പോകാനുള്ള വാഹനം വന്നു അതിൽ കയറി സൈഡ് സീറ്റ് പിടിച്ചു, വെസ്റ്റേൺ ഘാട്ട്സിലെ ഹൈയസ്റ്റ് പീക്ക് ആയ #ആനമുടി* തലയുയർത്തി നിൽക്കുന്ന മനോഹരമായ കാഴ്ച വാഹനത്തിലിരുന്ന് കാണാം.

കഴിഞ്ഞ യാത്രയിൽ കണ്ട കിടിലൻ വെള്ളച്ചാട്ടം മെലിഞ്ഞുണങ്ങി നൂലുപോലെയായിട്ടുണ്ട്, വഴിയരികിൽ അവിടവിടെയായി #നീലക്കുറിഞ്ഞി* പൂത്തു നിൽക്കുന്ന കാഴ്ചകൾ കാണാം, വാഹനത്തിൽ നിന്നിറങ്ങി ചെക്കിംഗ് കഴിഞ്ഞ് ഉദ്യാനത്തിലേക്ക് കടന്നു, വഴിയരികിൽ സുന്ദരമായ നീലക്കുറിഞ്ഞി പൂക്കൾ, കാലവർഷം സംഹാര താണ്ഡവമാടിയതു കാരണം വളരെ കുറച്ച് ചെടികളേ ഉള്ളൂ, എന്നിരുന്നാലും കാണേണ്ട കാഴച തന്നെയാണ്. ധാരാളം വരയാടുകളേയും അവിടെ കാണാൻ സാധിച്ചു, ടൂറിസ്റ്റുകളെ തട്ടിയുരുമ്മി റോഡിലൂടെ മേഞ്ഞു നടക്കുന്ന #വരയാടുകൾ* നയന മനോഹര കാഴ്ച തന്നെ ഒരുക്കിത്തന്നു.

കാഴചകൾ കണ്ടും ഫോട്ടോകളെടുത്തും സമയം പോയതറിഞ്ഞില്ല, വൈറ്റമിൻ D യുടെ വിതരണം ശക്തമായതോടെ മടങ്ങാൻ തീരുമാനിച്ചു പതിനൊന്നര മണിയോടെ തിരികെ എൻട്രൻസിലെത്തി, അപ്പോഴേക്കും ടൂറിസ്റ്റുകളുടെ തള്ളിക്കയറ്റം ടിക്കറ്റ് കൗണ്ടറിനെയും പരിസരങ്ങളെയും പ്രകമ്പനം കൊള്ളിച്ചു കൊണ്ടിരിക്കുകയായിരുന്നു.

മെയിൻ റോഡിൽ വന്ന് താമസിയാതെ ഒരു തമിഴൻ ബസ്സ് കിട്ടിയെങ്കിലും, മുടിഞ്ഞ ബ്ലോക്ക് കാരണം ഒന്നര മണിക്കൂറെടുത്ത് ഒരു മണിയോടെയാണ് മൂന്നാറിലെത്തിയത് (വന്നപ്പോൾ 15 മിനിറ്റ്, തിരികെ പോകാൻ 1:30 മണിക്കൂർ). രണ്ട് മണിയോടെ അടിമാലിയിൽ തിരികെയെത്തി.

ഇരവികുളം_നാഷണൽ_പാർക്ക്: മൂന്നാറിൽ നിന്ന് 11 കിലോമീറ്റർ അകലെയായി വംശനാശം നേരിടുന്ന വരയാടുകളുടെ സംരക്ഷണം പ്രധാന ലക്ഷ്യമാക്കി നിലവിൽ വന്ന ദേശീയോദ്യാനമാണ് ഇരവികുളം ദേശീയോദ്യാനം. പശ്ചിമഘട്ടത്തിന്റെ ചെരുവിൽ 2000 മീറ്റർ ഉയരത്തിൽ സ്ഥിതിചെയ്യുന്ന ഈ പ്രദേശം കേരളത്തിലെ ഏറ്റവും ഉയരത്തിൽ സ്ഥിതിചെയ്യുന്ന ദേശീയോദ്യാനമാണ്‌.

ആനമുടി: തെക്കേ ഇന്ത്യയിലെതന്നെ ഏറ്റവും ഉയരമുള്ള കൊടുമുടിയാണ് ആനമുടി. പശ്ചിമഘട്ടത്തിലെ ഏലമലകളിൽ ഉയരം കൂടിയ കൊടുമുടി ആണ് ഇത്. ഇരവികുളം ദേശീയോദ്യാനത്തിന് തെക്കായി ആണ് ആനമുടി സ്ഥിതിചെയ്യുന്നത്.2,695 മീറ്റർ (8,842 അടി) ഉയരമുണ്ട്. ഇടുക്കി ജില്ലയിലെ മൂന്നാർ പഞ്ചായത്തിൽ സ്ഥിതി ചെയ്യുന്നു.

നീലക്കുറിഞ്ഞി: പശ്ചിമഘട്ടത്തിലെ മലകളിൽ 1500 മീറ്ററിനു മുകളിൽ ചോലവനങ്ങൾ ഇടകലർന്ന പുൽമേടുകളിൽ കാണപ്പെടുന്ന കുറ്റിച്ചെടിയാണ് നീലക്കുറിഞ്ഞി (Strobilanthes kunthiana). 12 വർഷം കൂടുമ്പോൾ കൂട്ടത്തോടെ പൂക്കുന്നു എന്നതാണ് ഇതിന്റെ പ്രത്യേകത.

വരയാട്: നീലഗിരി ജൈവമണ്ഡലത്തിൽ മാത്രം കാണുന്ന തദ്ദേശീയ ജൈവവംശമാണ് വരയാടുകൾ (ശാസ്ത്രീയനാമം: Nilgiritragus hylocrius). തമിഴ്നാടിന്റെ സംസ്ഥാന മൃഗമാണ് നീലഗിരി താർ (വരയാട്).

സഞ്ചാരികളുടെ_ശ്രദ്ധക്ക്: #1 – മൂന്നാറിൽ നിന്ന് മറയൂർ – ഉദുമൽപേട്ട റൂട്ടിൽ 15 മിനിറ്റ് (ട്രാഫിക് ബ്ലോക്കിൽ പെടാതിരുന്നാൽ) യാത്ര ചെയ്താൽ രാജമലയെത്താം.
#2 -മൂന്നാറിൽ നിന്ന്‌ ഏകദേശം ഒരു മണിക്കൂർ ഇടവിട്ടേ ബസ് സർവ്വീസ് ഉള്ളൂ എന്നാണ് തോന്നുന്നത്, ട്രിപ്പ് ഓട്ടോ ലഭിക്കും, 20 രൂപയാണ് ചാർജ്ജ്. #3 – അവധി ദിനങ്ങളിൽ വരുന്നവർ കഴിയുന്നതും രാവിലെ 8 or 9 മണിയോടെ എത്തിയാൽ റിലാക്സ്ഡ് ആയി കാഴചകൾ കണ്ട് മടങ്ങാം. #4 – യാത്രക്ക് വലിയ വാഹനങ്ങൾ പരമാവധി ഒഴിവാക്കുക ( ട്രാഫിക് ബ്ലോക്ക് കുറക്കാം – വഴി പൊതുവെ വീതി കുറഞ്ഞതാണ്. #5 – പെരിയവരൈ ഫാക്ടറിക്കടുത്തുള്ള തകർന്ന പാലത്തിന് പകരം പാരലൽ വഴി ഒരുക്കിയിട്ടുണ്ട് ശ്രദ്ധിച്ചു പോകുക.

യാത്രാമംഗളങ്ങൾ നേർന്നുകൊണ്ട് – ഷഹീർ_അരീക്കോട്.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

മണാലി ബസ് സ്റ്റാൻഡിൽ ഒരു മലയാളിയെ പറ്റിച്ചു മുങ്ങിയ മലയാളി

വിവരണം – Zainudheen Kololamba. അപരിചിതമായ വഴികളിൽ കണ്ടുമുട്ടുന്ന മലയാളികളെ ബന്ധുക്കളേക്കാൾ സ്വന്തമാണെന്ന് തോന്നാറില്ലേ? ഹിന്ദി, ഉറുദു കലപിലകൾക്കിടയിൽ ആരെങ്കിലും വന്ന് മലയാളിയാണോ എന്ന് ചോദിക്കുമ്പോൾ അത്യാനന്ദം അനുഭവപ്പെടാറില്ലേ? തീർച്ചയായും എനിക്ക് തോന്നാറുണ്ട്. കേരള സമ്പർക്രാന്തിയുടെ സെക്കന്റ് ക്ലാസ് ഡബ്ബയുടെ ബർത്തിലിരുന്ന്…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

മൂന്നാറിൻ്റെ തലവര മാറ്റാൻ ‘എസ്കേപ്പ് റോഡ്’

എഴുത്ത് – ദയാൽ കരുണാകരൻ. ഇപ്പോൾ കൊടൈക്കനാലും മൂന്നാറും തമ്മിലുള്ള യാത്രാ അകലം വാസ്തവത്തിൽ വെറും 13 കിലോമീറ്ററാണ്. കൊടൈക്കനാലിന്റ്റെ തെക്കുപടിഞ്ഞാറ് ഭാഗത്തുള്ള ടൂറിസ്റ്റ് സ്പോട്ടാണ് ബെരിജം തടാകം. ദിവസവും ഇവിടേക്ക് നിശ്ചിത എണ്ണം സന്ദർശ്ശകരുടെ വാഹനങ്ങൾ കടത്തി വിടുന്നുമുണ്ട്. ഇനി…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

ജനമൈത്രി പോലീസിനൊപ്പം പൂയംകുട്ടി വനത്തിലേക്ക്

വിവരണം – അരുൺ കളപ്പില. ശ്വാസം അടക്കിപ്പിടിച്ചനുഭവിച്ച അതി കഠിനമായൊരു വനയാത്രയാണിത്. ആനച്ചൂരിൽ, ഇരുണ്ട കാട്ടിലൂടെ കടന്നുപോകുമ്പോൾ നാമറിയാതെ അനുഭവിക്കുന്ന ഒരു ലഹരിയുണ്ട്. അതാണീ യാത്രയുടെ ജീവൻ. കാടിനെ സ്നേഹിക്കുന്ന ഓരോ മനുഷ്യന്റേയും ആഗ്രഹമാണ്, കാടിനെ നോവിക്കാതെ നിശബ്ദമായി മരങ്ങളെ, പക്ഷികളെ,…
View Post

പെട്രോൾ പമ്പുകളിൽ മലയാളികൾ പറ്റിക്കപ്പെടുന്നത് ഇങ്ങനെ – ഒരു ടാക്സി ഡ്രൈവറുടെ അനുഭവക്കുറിപ്പ്…

അന്യസംസ്ഥാനങ്ങളിലേക്കൊക്കെ സ്വന്തം വാഹനങ്ങളുമായി പോകാറുള്ളവരാണല്ലോ നമ്മളൊക്കെ. യാത്രയ്ക്കിടയിൽ കേരളത്തിനു പുറത്തു വെച്ച് വണ്ടിയിൽ ഇന്ധനം കുറഞ്ഞുപോയാൽ നമ്മൾ സാധാരണ ചെയ്യാറുള്ളതു പോലെ അടുത്തുള്ള പമ്പിൽ കയറി ഇന്ധനം നിറയ്ക്കുകയും ചെയ്യും. എന്നാൽ ഇത്തരത്തിൽ ഇന്ധനം നിറയ്ക്കുവാൻ പമ്പിൽ ചെല്ലുന്നവർ തങ്ങൾ കബളിപ്പിക്കപ്പെടുന്ന…
View Post

എറണാകുളം ജില്ലയിലെ ഏറ്റവും ഉയർന്നതും കൊടുംകാട്ടിലൂടെയുമുള്ള ബസ് റൂട്ട്

‘കോതമംഗലം – കുട്ടമ്പുഴ – മാമലക്കണ്ടം’ : എറണാകുളം ജില്ലയിലുള്ള കോതമംഗലം കെഎസ്ആർടിസി ഡിപ്പോയിലെ ഏറ്റവും പ്രയാസവും, എന്നാൽ ഏറ്റവും മനോഹരവുമായ പ്രദേശത്തേക്കുള്ള ബസ് റൂട്ടാണിത്. കാട്ടാനകൾ ധാരാളമുള്ള വനത്തിലൂടെ ഒരു ബസിനു മാത്രം പോകാൻ കഴിയുന്ന റോഡ്, പോകും വഴിയേ…
View Post