ലോകസഞ്ചാരി ഇബ്നു ബത്തൂത്തയുടെ നാട്ടിലൂടെ ഒരു യാത്ര

Total
13
Shares

ലോക പ്രസിദ്ധനായ സഞ്ചാരി ഇബ്നു ബത്തൂത്തയുടെ ജന്മ നാടായ മൊറോക്കോയിലെ ടാഞ്ചിയറിലാണ് ഞങ്ങൾ ഇപ്പോൾ. സ്പെയിനിനോട് അടുത്ത് കിടക്കുന്ന ആഫ്രിക്കൻ രാജ്യം. ജിബ്രാൾട്ടർ കടലിടുക്ക് കടന്നാൽ യൂറോപ്പ്. മൊറോക്കോയിൽ ലോക്ക്ഡൗൺ ആരംഭിക്കുന്നതിനു മുന്നോടിയായിട്ടായിരുന്നു ഞങ്ങളുടെ ഈ കറക്കം.

രാവിലെ തന്നെ ഗൈഡ് നിസ്‌റിൻ കാറുമായി ഹോട്ടലിനു വെളിയിലെത്തിച്ചേർന്നു. ഞങ്ങൾ താമസിച്ചിരുന്ന ഹോട്ടലിൽ ബ്രേക്ക്ഫാസ്റ്റ് ഇല്ലാതിരുന്നതിനാൽ ഞങ്ങൾ രാവിലത്തെ ഭക്ഷണം കഴിക്കാനായി ഒരു റെസ്റ്റോറന്റ് തപ്പി ഇറങ്ങി. പാർസൽ വാങ്ങി എവിടെയെങ്കിലും ഇരുന്നു സുരക്ഷിതമായി കഴിക്കുക എന്നതായിരുന്നു പ്ലാൻ.

അങ്ങനെ ഞങ്ങൾ ഒരു ബേക്കറിയ്ക്ക് സമീപത്ത് വണ്ടി നിർത്തി അവിടെക്കയറി കഴിക്കുവാനായി സ്നാക്ക്സ് പാർസൽ വാങ്ങി. തിരികെ വന്നു കാറിലിരുന്നുകൊണ്ടു തന്നെ ഞങ്ങൾ പ്രഭാതഭക്ഷണം കഴിച്ചു. അങ്ങനെ ഞങ്ങൾ വീണ്ടും യാത്ര തുടർന്നു.

സുരക്ഷയുടെ മുൻകരുതലെന്നോണം വഴിയരികിലെ ചില കടകളൊക്കെ അടച്ചിട്ടിരുന്നു. ലോകപ്രശസ്ത സഞ്ചാരിയായ ഇബ്ൻ ബത്തൂത്തയുടെ ഖബറിടം കാണുവാനായിരുന്നു ഞങ്ങളുടെ പ്ലാൻ. അവിടേക്ക് ലക്ഷ്യമാക്കി ഞങ്ങൾ നീങ്ങി. ഗൂഗിൾ മാപ്പ് ഇട്ടെങ്കിലും ലൊക്കേഷൻ കൃത്യമായി മനസ്സിലാക്കാൻ സാധിച്ചില്ല. അങ്ങനെ ചോദിച്ചു ചോദിച്ചു ഞങ്ങൾ യാത്രയായി.

ദൗർഭാഗ്യമെന്നു പറയാമല്ലോ. കൊറോണ വൈറസ് വ്യാപനം തടയുന്നതിന്റെ ഭാഗമായി ഇബ്ൻ ബത്തൂത്തയുടെ ഖബറിടം അടച്ചിട്ടിരിക്കുകയാണെന്ന വാർത്തയായിരുന്നു ഞങ്ങൾക്ക് കേൾക്കുവാൻ കഴിഞ്ഞത്. സന്ദർശിക്കുവാൻ വളരെയധികം ആഗ്രഹിച്ചിരുന്ന സ്ഥലമായിരുന്നു. ഇനിയെന്നെങ്കിലും മൊറോക്കോയിൽ വരികയാണെങ്കിൽ അവിടം സന്ദർശിക്കാം എന്നു മനസ്സിൽ വിചാരിച്ചുകൊണ്ട് ഞങ്ങൾ ആ ഉദ്യമം അവസാനിപ്പിച്ചു.

ആ സമയം നമ്മുടെ നാട്ടിൽ സാഹചര്യം വളരെ മോശമായിക്കൊണ്ടിരിക്കുകയായിരുന്നുവെന്ന് ഓൺലൈൻ വാർത്തകളിലൂടെ ഞങ്ങൾക്ക് അറിയുവാൻ സാധിച്ചു. പക്ഷേ കൊറോണപ്പേടി കാരണം നമ്മുടെ നാട്ടിൽ വിനോദസഞ്ചാരികളായ വിദേശികളെ പിടികൂടി പോലീസിൽ ഏൽപ്പിക്കുന്ന തരത്തിലുള്ള വാർത്തകൾ ഞങ്ങളെ വളരെയധികം വിഷമിപ്പിച്ചു. കാരണം മൊറോക്കോയിൽ ഞങ്ങൾ വിദേശികളാണ്. പക്ഷേ ഞങ്ങൾക്ക് അവിടെ നിന്നും യാതൊരു തരത്തിലുള്ള ബുദ്ധിമുട്ടുകളോ പ്രകോപനങ്ങളോ ഒന്നും ജനങ്ങളുടെ പക്ഷത്തു നിന്നും ഉണ്ടായിട്ടില്ല.

നിസ്റിനോടൊപ്പം ഞങ്ങൾ കാറിൽ കറങ്ങിനടന്നു കാഴ്ചകളും സ്ഥലങ്ങളുമൊക്കെ കണ്ടു. വിജനമായ സ്ഥലത്തു മാത്രം ഞങ്ങൾ പുറത്തിറങ്ങി. അല്ലാത്തയിടത്തു ഞങ്ങൾ കാറിൽത്തന്നെ ഇരുന്നു. റോഡിൽ തിരക്ക് പൊതുവെ കുറവായിരുന്നു. ട്രക്കുകൾ ആയിരുന്നു റോഡിൽ അധികവും. കുന്നും മലയുമൊക്കെ കയറി ഞങ്ങൾ ഉഗ്രൻ കാഴ്ചകൾ കണ്ടുകൊണ്ട് യാത്ര തുടർന്നു.

മൊറോക്കോയിലെ മൂന്നാറിലേക്കാണോ ഞങ്ങൾ പോകുന്നതെന്ന് ഒരു നിമിഷം സംശയിച്ചു. നല്ല തണുത്ത കാലാവസ്ഥയും, അതോടൊപ്പം തന്നെ മനുഷ്യനെ കറക്കിയെറിയുന്ന തരത്തിലുള്ള ഉഗ്രൻ കാറ്റും. നിസ്‌റിന്റെ പ്ലാൻ പ്രകാരം ഞങ്ങൾ മുകളിലുള്ള ഒരു നഗരത്തിലേക്ക് യാത്രയായി… ആ വിശേഷങ്ങൾ ഇനി അടുത്ത ഭാഗത്തിൽ.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post

സ്‌കോഡ ‘കുശാഖ്’ പുറത്തിറങ്ങി; വില 10.49 ലക്ഷം മുതൽ

വാഹനപ്രേമികളുടെ കാത്തിരിപ്പിന് വിരാമമായി സ്‌കോഡ കുശാഖ് ഇന്ത്യയില്‍ അവതരിപ്പിച്ചു. സ്‌കോഡ-ഫോക്‌സ്‌വാഗണ്‍ കൂട്ടുക്കെട്ടില്‍ വികസിപ്പിച്ചിട്ടുള്ള MQB-AO-IN പ്ലാറ്റ്‌ഫോമില്‍ ആദ്യമായി ഒരുങ്ങുന്ന സ്‌കോഡ വാഹനമാണ് കുഷാക്ക്. 4225 എം.എം. നീളവും 1760 എം.എം. വീതിയും 1612 എം.എം. ഉയരവും 2651 എം.എം. വീല്‍ബേസും 188…
View Post

ഒരു കെഎസ്ആർടിസി ബസ് മുഴുവനും ബുക്ക് ചെയ്ത് ഞങ്ങളുടെ കോളേജ് ടൂർ…

നിങ്ങളുടെ ജീവിതത്തിൽ ഏറ്റവും കൂടുതൽ സന്തോഷിച്ചിട്ടുള്ള, മറക്കാനാവാത്ത നിമിഷങ്ങൾ എപ്പോഴായിരിക്കും? കോളേജ് ദിനങ്ങൾ എന്നായിരിക്കും ഭൂരിഭാഗം ആളുകളുടെയും ഉത്തരം. അതെ എൻ്റെ ജീവിതത്തിലെയും മറക്കാനാവാത്ത നിമിഷങ്ങൾ സമ്മാനിച്ചത് എൻ്റെ കലാലയ ജീവിതമായിരുന്നു. ബെംഗളൂരുവിലെ ന്യൂ ഹൊറൈസൺ കോളേജിൽ ആയിരുന്നു എൻ്റെ ബി.ടെക്.…
View Post

മലപ്പുറത്ത് 10 ലക്ഷം രൂപയ്ക്ക് പണി കഴിപ്പിച്ച 1300 Sqft വീട്

ഏതൊരു വ്യക്തിയുടെയും സ്വപ്നമാണ് സ്വന്തമായി ഒരു വീട് എന്നത്. ഇക്കാലത്ത് ഒരു നല്ല വീട് വെക്കണമെങ്കിൽ എത്ര രൂപ ചെലവാകും? 20, 30, 35 അങ്ങനെ പോകും ലക്ഷങ്ങൾ. എന്നാൽ ഇതൊന്നുമല്ലാതെ ചുരുങ്ങിയ തുകയ്ക്ക് മനോഹരമായ വീട് പണിത് താമസിക്കുന്നവരും നമുക്കിടയിലുണ്ട്.…
View Post

തിരുവനന്തപുരത്തെ അധികമാരും അറിയാത്ത മനോഹര സ്ഥലങ്ങള്‍…

കേരളത്തിന്റെ തലസ്ഥാന നഗരിയായ തിരുവനന്തപുരത്തേക്കുറിച്ച് അധികം വിശേഷണത്തിന്റെ ആവശ്യമില്ല. ‘ട്രിവാന്‍ട്രം’ എന്ന് വിദേശികള്‍ വിളിക്കുന്ന തിരുവനന്തപുരത്ത് വന്നാല്‍ കണ്ടിരിക്കേണ്ടതും അധികമാരും അറിയാത്തതുമായ ചില സ്ഥലങ്ങളെ പരിചയപ്പെടുത്തുകയാണ് ഇവിടെ. മങ്കയം വെള്ളച്ചാട്ടം – തിരുവനന്തപുരത്ത് പാലോടിനു സമീപമാണ് ഹൃദയഹാരിയായ മങ്കയം വെള്ളച്ചാട്ടം. സംസ്ഥാന…
View Post

ബെംഗളൂരു നഗരത്തിനുള്ളിൽ നിങ്ങൾ കണ്ടിരിക്കേണ്ട 15 സ്ഥലങ്ങൾ..

ബെംഗളൂരു ഇന്ത്യയിലെ വലിയ മെട്രോ നഗരങ്ങളിൽ ഒന്നാണ്. അതുകൊണ്ടു തന്നെ ഇവിടെ കാഴ്ചകളും ധാരാളമുണ്ട്. ബെംഗളുരുവിലേക്ക് വരുന്നവർക്ക് സന്ദർശിക്കാവുന്ന 15 സ്ഥലങ്ങളെയാണ് ഈ ലേഖനത്തിലൂടെ പരിചയപ്പെടുത്തുവാൻ പോകുന്നത്. 1 ടിപ്പു സുൽത്താൻ സമ്മർ പാലസ് : ബെംഗളൂരുവിലെ കെആർ മാർക്കറ്റിനു സമീപമാണ്…
View Post

വയനാട്ടിൽ സെലിബ്രിറ്റികൾ ഏറ്റവുമധികം സന്ദർശിക്കുന്ന ഒരു റെസ്റ്റോറന്റ്…!!

വയനാട്ടിലേക്ക് യാത്രകൾ ചെയ്യുന്ന സഞ്ചാരികൾ ഏറെയാണ്. ഫാമിലിയായും കൂട്ടുകാരുമായും ഒക്കെ അടിച്ചുപൊളിക്കാൻ പറ്റിയ ഒരു സ്ഥലം തന്നെയാണ് വയനാട് എന്നതിൽ ആർക്കും തർക്കമുണ്ടാകില്ല. പലതവണ വയനാട് പോയിട്ടുണ്ടെങ്കിലും കുറച്ചുനാൾ മുൻപ് ഞാൻ നടത്തിയ വയനാട് യാത്രയാണ് എൻ്റെ മനസ്സിൽ ഇന്നും മായാതെ…
View Post

തിരുവനന്തപുരത്തു നിന്നും ഒരു മണിക്കൂര്‍ കൊണ്ട് കാണാം ഈ വെള്ളച്ചാട്ടങ്ങള്‍…

മനസ്സു കുളിര്‍പ്പിക്കാന്‍ ഏതെങ്കിലും സ്ഥലങ്ങളിലേക്ക് യാത്ര പോകുവാന്‍ പ്ലാന്‍ ചെയ്യുന്നവരാണ് പലരും. അങ്ങനെയെങ്കില്‍ അധികമാരും അറിയാത്ത… തിരുവനന്തപുരത്തു നിന്നും ഒരു മണിക്കൂര്‍ മാത്രം യാത്രയുള്ള ഈ വെള്ളച്ചാട്ടങ്ങള്‍ ഒന്ന് സന്ദര്‍ശിച്ചാലോ? തൃപ്പരപ്പ് വെള്ളച്ചാട്ടം : തിരുവനന്തപുരത്തു നിന്നും 55 കിലോമീറ്റര്‍ മാത്രം…
View Post