കേരളത്തിലേക്ക് പുതിയ സർവ്വീസുകളുമായി തമിഴ്‌നാട്; മടിയനെപ്പോലെ കെഎസ്ആർടിസി

Total
0
Shares

ഒരു മാസം മുൻപ് തമിഴ്‌നാടുമായുള്ള പുതുക്കിയ അന്തർ സംസ്ഥാന ബസ് സർവ്വീസ് കരാർ പ്രകാരം കെഎസ്ആർടിസി പുതിയ ഇന്റർസ്റ്റേറ്റ് സർവ്വീസുകൾ ആരംഭിക്കുവാൻ പോകുന്ന വാർത്ത വളരെ ആവേശത്തോടെയാണ് കേരളം വായിച്ചത്. കണ്ണൂർ – കോയമ്പത്തൂർ, കോഴിക്കോട് – ഗൂഡല്ലൂർ, സുൽത്താൻ ബത്തേരി – കോയമ്പത്തൂർ, മാനന്തവാടി – കോയമ്പത്തൂർ, തൃശ്ശൂർ – ഊട്ടി, അർത്തുങ്കൽ – വേളാങ്കണ്ണി, കോട്ടയം – പഴനി, എറണാകുളം – പഴനി എന്നിവയായിരുന്നു ഉടൻ തുടങ്ങുമെന്ന് കെഎസ്ആർടിസി അറിയിച്ച റൂട്ടുകൾ. ഇതിനായി വിവിധ ഡിപ്പോകളിലേക്ക് വേണ്ട ബസ്സുകൾ അലോട്ട് ചെയ്യുകയും ചെയ്തു.

സർവീസുകളുടെ സമയവിവരങ്ങൾ ഉൾപ്പെടെയുള്ള പട്ടിക തയ്യാറാക്കി 03-06-2019 നു മുൻപായി ഇഡിഒ യ്ക്ക് നൽകുന്നതിനായി അതാത് യൂണിറ്റുകളിലെ ഓഫീസർമാരെ ചുമതലപ്പെടുത്തിയെങ്കിലും ഇപ്പോൾ മാസം ഒന്നു കഴിഞ്ഞിട്ടും ഒരു സർവ്വീസ് പോലും ആരംഭിച്ചില്ല എന്നതാണ് സത്യം. എന്നാൽ മറുവശത്ത് തമിഴ്‌നാട് നടത്തിയത് വൻനീക്കമായിരുന്നു. പുതുക്കിയ കരാർ പ്രകാരം കേരളത്തിലേക്ക് പുതിയ 7 സർവീസുകളാണ് തമിഴ്‌നാട് ട്രാൻസ്‌പോർട്ട് കോർപ്പറേഷൻ ഘടകമായ SETC ആരംഭിച്ചിരിക്കുന്നത്. അതും സ്ലീപ്പർ കോച്ച് ഉൾപ്പെടെയുള്ള പുത്തൻ ഡീലക്സ് ബസ്സുകൾ.

കാരൂർ – ചങ്ങനാശ്ശേരി, ചെന്നൈ – തേനി വഴി – മൂന്നാർ, സേലം – തിരുവനന്തപുരം, വേളാങ്കണ്ണി – കുമളി വഴി – മൂവാറ്റുപുഴ, മയിലാടുംതുറൈ – കുംഭകോണം വഴി – ഗുരുവായൂർ, കന്യാകുമാരി – വടക്കൻ പറവൂർ വഴി – കോഴിക്കോട്, കന്യാകുമാരി – തിരുനെൽവേലി വഴി- മൂന്നാർ എന്നിവയാണ് SETC പുതുതായി ആരംഭിച്ചിരിക്കുന്ന ബസ് സർവ്വീസുകൾ.

ഒരു കാലത്ത് എല്ലാവരും പുച്ഛിച്ചു തള്ളിയിരുന്ന തമിഴ്‌നാട് ട്രാൻസ്‌പോർട്ട് കോർപ്പറേഷൻ ഡീലക്സ് ബസ്സുകൾ കണ്ടാൽ ഇന്ന് ആരും അതിശയിച്ചു പോകും. നല്ല വെള്ള നിറത്തിൽ പച്ചക്കളർ ഡിസൈനുകളോടു കൂടിയ. ചില്ലു ഗ്ലാസ്സിട്ട മനോഹരമായ ബസ്. ബസ്സിനുള്ളിലെ സൗകര്യങ്ങളും കാഴ്ച്ചയിൽ മികച്ചതു തന്നെയാണ്. ദീർഘദൂര യാത്രകൾക്ക് പറ്റിയ സീറ്റുകളും, പ്രകാശം പരത്തുന്ന ലൈറ്റുകളും കൂടിയാകുമ്പോൾ നല്ല സൂപ്പർ വണ്ടി.

ഒരിക്കലും കെഎസ്ആർടിസിക്ക് സാധിക്കുവാൻ കഴിയാത്ത ഒന്നല്ല ഇതൊന്നും. അതുകൊണ്ടു തന്നെയാണ് സർവ്വീസുകൾ വൈകിപ്പിക്കുന്ന ഈ നടപടിയ്‌ക്കെതിരെ ആനവണ്ടി പ്രേമികളുടെയും യാത്രക്കാരുടെയും ഭാഗത്തു നിന്നും പ്രതികരണങ്ങൾ ഉയരുന്നത്. തമിഴ്‌നാട്ടിൽ നിന്നുള്ള പുതിയ സർവീസുകളെല്ലാം ഡീലക്സ് കാറ്റഗറി ആണെങ്കിലും പുതിയ റൂട്ടുകളിലേക്ക് കെഎസ്ആർടിസി ഓടിക്കുവാൻ തയ്യാറാക്കി നിർത്തിയിരിക്കുന്നത് സൂപ്പർഫാസ്റ്റ്, ഫാസ്റ്റ് പാസഞ്ചർ ബസ്സുകളെയാണ്. സത്യം പറഞ്ഞാൽ സാധാരണക്കാരായ, കണക്ഷൻ യാത്രക്കാരെ കെഎസ്ആർടിസിയ്ക്ക് കിട്ടും എന്നർത്ഥം. പക്ഷേ ഇതൊക്കെ ആദ്യം ഒന്നു തുടങ്ങിക്കിട്ടണ്ടേ…

കെഎസ്ആർടിസി ആരംഭിക്കുവാനിരിക്കുന്ന പുതിയ റൂട്ടുകളിൽ എല്ലാവരും പ്രതീക്ഷയോടെ ഉറ്റുനോക്കുന്നത് തൃശ്ശൂർ – ഊട്ടി, എറണാകുളം – പഴനി എന്നിവയെയാണ്. കാരണം ഇവ രണ്ടും കടന്നു പോകുന്നത് നല്ല കിടിലൻ റൂട്ടിലൂടെയാണ്. എറണാകുളം – പഴനി സർവ്വീസ് കടന്നു പോകുന്നത് മൂന്നാർ, മറയൂർ, ചിന്നാർ വഴിയാണ്. അതുകൊണ്ട് സഞ്ചാരികൾക്കായിരിക്കും ഈ ബസ് സർവ്വീസ് ഏറ്റവും കൂടുതൽ അനുഗ്രഹമാകുന്നതും. എന്തായാലും തമിഴ്നാടിനെപ്പോലെ തന്നെ നമ്മുടെ കെഎസ്ആർടിസിയും ഉടനെ തന്നെ പുതിയ സർവ്വീസുകൾ ആരംഭിക്കും എന്നുള്ള പ്രതീക്ഷയിലാണ് എല്ലാവരും.

Image – SGB Kottarakkara.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

മണാലി ബസ് സ്റ്റാൻഡിൽ ഒരു മലയാളിയെ പറ്റിച്ചു മുങ്ങിയ മലയാളി

വിവരണം – Zainudheen Kololamba. അപരിചിതമായ വഴികളിൽ കണ്ടുമുട്ടുന്ന മലയാളികളെ ബന്ധുക്കളേക്കാൾ സ്വന്തമാണെന്ന് തോന്നാറില്ലേ? ഹിന്ദി, ഉറുദു കലപിലകൾക്കിടയിൽ ആരെങ്കിലും വന്ന് മലയാളിയാണോ എന്ന് ചോദിക്കുമ്പോൾ അത്യാനന്ദം അനുഭവപ്പെടാറില്ലേ? തീർച്ചയായും എനിക്ക് തോന്നാറുണ്ട്. കേരള സമ്പർക്രാന്തിയുടെ സെക്കന്റ് ക്ലാസ് ഡബ്ബയുടെ ബർത്തിലിരുന്ന്…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

മൂന്നാറിൻ്റെ തലവര മാറ്റാൻ ‘എസ്കേപ്പ് റോഡ്’

എഴുത്ത് – ദയാൽ കരുണാകരൻ. ഇപ്പോൾ കൊടൈക്കനാലും മൂന്നാറും തമ്മിലുള്ള യാത്രാ അകലം വാസ്തവത്തിൽ വെറും 13 കിലോമീറ്ററാണ്. കൊടൈക്കനാലിന്റ്റെ തെക്കുപടിഞ്ഞാറ് ഭാഗത്തുള്ള ടൂറിസ്റ്റ് സ്പോട്ടാണ് ബെരിജം തടാകം. ദിവസവും ഇവിടേക്ക് നിശ്ചിത എണ്ണം സന്ദർശ്ശകരുടെ വാഹനങ്ങൾ കടത്തി വിടുന്നുമുണ്ട്. ഇനി…
View Post

പെട്രോൾ പമ്പുകളിൽ മലയാളികൾ പറ്റിക്കപ്പെടുന്നത് ഇങ്ങനെ – ഒരു ടാക്സി ഡ്രൈവറുടെ അനുഭവക്കുറിപ്പ്…

അന്യസംസ്ഥാനങ്ങളിലേക്കൊക്കെ സ്വന്തം വാഹനങ്ങളുമായി പോകാറുള്ളവരാണല്ലോ നമ്മളൊക്കെ. യാത്രയ്ക്കിടയിൽ കേരളത്തിനു പുറത്തു വെച്ച് വണ്ടിയിൽ ഇന്ധനം കുറഞ്ഞുപോയാൽ നമ്മൾ സാധാരണ ചെയ്യാറുള്ളതു പോലെ അടുത്തുള്ള പമ്പിൽ കയറി ഇന്ധനം നിറയ്ക്കുകയും ചെയ്യും. എന്നാൽ ഇത്തരത്തിൽ ഇന്ധനം നിറയ്ക്കുവാൻ പമ്പിൽ ചെല്ലുന്നവർ തങ്ങൾ കബളിപ്പിക്കപ്പെടുന്ന…
View Post

എറണാകുളം ജില്ലയിലെ ഏറ്റവും ഉയർന്നതും കൊടുംകാട്ടിലൂടെയുമുള്ള ബസ് റൂട്ട്

‘കോതമംഗലം – കുട്ടമ്പുഴ – മാമലക്കണ്ടം’ : എറണാകുളം ജില്ലയിലുള്ള കോതമംഗലം കെഎസ്ആർടിസി ഡിപ്പോയിലെ ഏറ്റവും പ്രയാസവും, എന്നാൽ ഏറ്റവും മനോഹരവുമായ പ്രദേശത്തേക്കുള്ള ബസ് റൂട്ടാണിത്. കാട്ടാനകൾ ധാരാളമുള്ള വനത്തിലൂടെ ഒരു ബസിനു മാത്രം പോകാൻ കഴിയുന്ന റോഡ്, പോകും വഴിയേ…
View Post