ബസ് നിർത്താതെ പോയി; യാത്രക്കാരന് ബസുടമ 20,000 രൂപ നഷ്ടപരിഹാരം നൽകാൻ വിധി..

Total
0
Shares

മുൻകൂറായി ടിക്കറ്റ് ബുക്ക് ചെയ്‍തിട്ട് യാത്രക്കാരനെ കയറ്റാതെ ബസ് പോയാൽ എന്ത് ചെയ്യും? ട്രാവൽസിൽ വിളിച്ചു പരാതി പറയും, കുറെ ചീത്ത വിളിക്കും, അവസാനം അവർ ചിലപ്പോൾ റീഫണ്ട് തരും. അല്ലെങ്കിൽ ഗുണ്ടായിസം കാണിച്ച് പാവം യാത്രക്കാരനെ ഭീഷണിപ്പെടുത്തും. എന്നാൽ ഇത്തരമൊരു അവസ്ഥയുണ്ടായപ്പോൾ നീലേശ്വരം സ്വദേശിയായ ഒരു യാത്രക്കാരൻ ചെയ്തത് നേരെ ഉപഭോക്‌തൃ കോടതിയിൽ കേസ് കൊടുക്കുകയാണ്.

കേസിനാസ്പദമായ സംഭവം ഇങ്ങനെ. 2018 സെപ്റ്റംബർ 16 നു എറണാകുളത്ത് ഒരു ആവശ്യത്തിനായി പൊകേണ്ടതിനാൽ നീലേശ്വരം സ്വദേശിയും ബെസ്റ്റ്, ബെറ്റർ ബേക്കറി ഉടമയും ബേക്കേഴ്‌സ് അസോസിയേഷൻ കേരള സംസ്ഥാന വൈസ് പ്രസിഡന്റുമായ അമ്പുരാജ് നീലേശ്വരത്തു നിന്നും എറണാകുളത്തേക്ക് SRS ട്രാവൽസ് ബസ്സിൽ ഒരു ടിക്കറ്റ് ബുക്ക് ചെയ്തു. 1,215 രൂപയായിരുന്നു ടിക്കറ്റ് നിരക്ക്. തൊട്ടടുത്ത ദിവസം രാത്രിയിൽ എറണാകുളത്തു നിന്നും നീലേശ്വരത്തേക്കു മടക്കയാത്രയ്ക്കുള്ള ടിക്കറ്റ് 966 രൂപയ്ക്കും അദ്ദേഹം ബുക്ക് ചെയ്തു.

ടിക്കറ്റിൽ കൊടുത്തിരുന്ന ഫോൺ നമ്പറിൽ ബന്ധപ്പെട്ടപ്പോൾ 16നു രാത്രി നീലേശ്വരം മാർക്കറ്റ് ജംക്‌ഷനിൽ ചെറുവത്തൂർ ഭാഗത്തേക്കുള്ള ബസ് സ്റ്റോപ്പിൽ കാത്തുനിൽക്കാൻ ട്രാവൽസ് ജീവനക്കാരുടെ നിർദേശം ലഭിച്ചു. ഇതനുസരിച്ചു രാത്രി 11 മണിക്ക് ബസ് വന്നപ്പോൾ യാത്രക്കാരനായ അംബുരാജ് കൈ കാണിച്ചിട്ടും പ്രസ്തുത ബസ് നിർത്താതെ പോയി. ഇതിനെത്തുടർന്ന് മുൻപ് വിളിച്ച നമ്പറിൽ ഒരിക്കൽക്കൂടി അദ്ദേഹം ബന്ധപ്പെട്ടു. എന്നാൽ അവിടെ നിന്നും ലഭിച്ച മറുപടി വളരെ നിരാശാജനകമായിരുന്നു. ബസ് 10 കിലോമീറ്റർ അകലെ എത്തിയെന്നും 3 മിനിറ്റിനകം എത്തുമെങ്കിൽ കാത്തുനിൽക്കാമെന്നും ബസ് ജീവനക്കാർ ഫോണിലൂടെ പറഞ്ഞു. പലവട്ടം അപേക്ഷിച്ചു നോക്കിയെങ്കിലും ബസ് ജീവനക്കാർ തങ്ങളുടെ ഭാഗത്ത് ഉറച്ചു നിൽക്കുകയായിരുന്നു.

മൂന്നു മിനിറ്റ് കൊണ്ട് പത്തുകിലോമീറ്റർ എത്തുക എന്നത് അസാധ്യമായതിനാൽ അംബുരാജ് യാത്ര ഒഴിവാക്കി തിരികെ വീട്ടിലേക്ക് മടങ്ങുകയും ചെയ്തു. തിരികെ വീട്ടിലെത്തിയ ഇദ്ദേഹം സംഭവം വിവരിച്ചുകൊണ്ട് ഉപഭോക്‌തൃ ഫോറത്തിൽ പരാതി നൽകുകയാണുണ്ടായത്. ഇതിനെത്തുടർന്ന് കാസർകോട് ഉപഭോക്തൃ തർക്കപരിഹാര ഫോറം നോട്ടിസ് അയച്ചിട്ടും കേസ് വിചാരണയ്ക്കിടെ എസ്ആർഎസ് ട്രാവൽസ് പ്രതിനിധികൾ ഉപഭോക്തൃ കോടതിയിൽ ഹാജരായതുമില്ല.

ഇതോടെ യാത്രക്കാരനെ കയറ്റാതെ പോയ സംഭവത്തിൽ ട്രാവൽസിനെതിരെ കോടതി വിധി വന്നിരിക്കുകയാണ് ഇപ്പോൾ. മുൻകൂട്ടി ബുക്ക് ചെയ്ത യാത്രക്കാരനെ കയറ്റാതെ ബസ് പോയത് വളരെ ഗൗരവകരമായ കുറ്റമാണെന്നും യാത്രക്കാരന് ഇതുമൂലം ഉണ്ടായ ബുദ്ധിമുട്ടുകൾ കണക്കിലെടുത്ത് 20,000 രൂപ നഷ്ടപരിഹാരമായി നൽകുവാനും കോടതി ഉത്തരവിട്ടു. ബെംഗളൂരു ജിടി റോഡിലെ എസ്ആർഎസ് ട്രാവൽസ് മാനേജർക്കെതിരെയാണ് വിധി പുറപ്പെടുവിച്ചത്. വിധിന്യായത്തിന്റെ പകർപ്പു ലഭിച്ച് ഒരു മാസത്തിനകം നഷ്ടപരിഹാരത്തുകയും, ഒപ്പം തന്നെ 3,000 രൂപ കോടതിച്ചെലവും നൽകണം.

ബസ് ജീവനക്കാർ യാത്രക്കാരെ എറണാകുളത്തു വെച്ച് മർദ്ദിച്ച സംഭവത്തോടെ അന്തർ സംസ്ഥാന പ്രൈവറ്റ് ബസ്സുകൾക്കെതിരായ പരാതികൾ ധാരാളമായി വന്നുകൊണ്ടിരിക്കുകയാണ് ഇപ്പോൾ. മിക്ക യാത്രക്കാരും തങ്ങൾക്കു നേരിടേണ്ടി വന്ന കയ്പ്പേറിയ അനുഭവങ്ങൾ ബസുകാരുടെ ഗുണ്ടാ ആക്രമണം ഭയന്നു പുറത്തു പറയാതെ ഇരിക്കുകയായിരുന്നു. എന്നാൽ ഇപ്പോൾ പരക്കെ പ്രൈവറ്റ് ഓപ്പറേറ്റർമാർക്കെതിരെ ജനവികാരം ആളിക്കത്തിയ സാഹചര്യത്തിൽ എല്ലാവരും തങ്ങളുടെ പരാതികളുമായി മുന്നോട്ടു വന്നുകൊണ്ടിരിക്കുകയാണ്. ഈ അവസരം കണക്കിലെടുത്ത് കെഎസആർടിസി കൂടുതൽ സർവ്വീസുകൾ ആരംഭിക്കുകയും ചെയ്തിട്ടുണ്ട്.

Photo – Shantanu Autoclickz.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

കേരളത്തിലെ പത്രങ്ങളുടെ ചരിത്രം – ഒരു മലയാളി അറിഞ്ഞിരിക്കേണ്ട കാര്യങ്ങൾ..

കേരളീയരുടെ ജീവിതത്തിന്‍്റെ ഭാഗമാണ് പത്രങ്ങള്‍. കേരളീയ സംസ്കാരത്തിന്‍്റെ ഭാഗമാണ് പത്രവായന. ഒരു ശരാശരി മലയാളിയുടെ ദിവസം ആരംഭിക്കുന്നത് ഒരു കൈയില്‍ കാപ്പിയും മറ്റേ കൈയില്‍ പത്രവുമായിട്ടാണ്. കേരളത്തിലെ സാംസ്കാരിക ചരിത്രം പരിശോധിച്ചാല്‍ ഏറ്റവും മികച്ച സംഭാവന നല്‍കിയത് പത്രങ്ങളും പ്രസിദ്ധീകരണങ്ങളുമാണെന്നു കാണാം.…
View Post

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

മുഗൾ സാമ്രാജ്യം – ചക്രവർത്തിമാരും അവരുടെ അന്ത്യവും

ഇന്ത്യയിൽ ഏറ്റവും അധികം കാലം ഭരിച്ച മുസ്ലീം രാജാക്കന്മാരുടെ സാമ്രാജ്യമാണ് മുഗൾ സാമ്രാജ്യം. പിതൃത്വം വഴി മദ്ധ്യേഷ്യൻ ഭരണാധികാരി തിമൂറിന്റെ പിൻ‌ഗാമികളും, മാതൃത്വം വഴി മംഗോൾ നേതാവായ ജെംഗിസ് ഖാന്റെ പാരമ്പര്യം ഉള്ളവരുമാണ്‌ മുഗളർ. മംഗോൾ എന്നതിന്റെ പേർഷ്യൻ/ചഗതായ് രൂപഭേദമായ മുഗൾ…
View Post

കടുവ വേലായുധൻ – ആനപ്പണിക്കാരിലെ എക്കാലത്തെയും വലിയ അതികായൻ !!

എഴുത്ത് – വിനു പൂക്കാട്ടിയൂർ. ആനപ്പണിയിലെ എക്കാലത്തെയും വലിയ അതികായൻ ‘കടുവ വേലായുധേട്ടൻ’ ആനയില്ലാത്ത ലോകത്തേക്ക് യാത്രയായിട്ട് എട്ട് വർഷങ്ങൾ. അദ്ദേഹത്തിന്റെ ഓർമ്മകൾക്ക് മുൻപിൽ അനന്തകോടിപ്രണാമം. ഒരുപാട് പേരുടെ അഭ്യർത്ഥനയായിരുന്നു സാക്ഷാൽ കടുവയുടെ കഥകൾ കേൾക്കണമെന്ന്. എന്നാൽ എന്നെപോലെയുള്ള ഒരാൾക്ക് വലിയ…
View Post

KSRTC SWIFT വോൾവോ സ്ലീപ്പർ ബസ്സിലെ യാത്ര; ഒരു പാസഞ്ചർ റിവ്യൂ

വിവരണം – ലിജോ ചീരൻ ജോസ്. ഇരുപത്തിരണ്ടു വർഷമേ ആയിട്ടുള്ളു ഞാൻ നമ്മുടെ ആനവണ്ടിയിലെ ദീർഘദൂര യാത്രകൾ ആരംഭിച്ചിട്ട്. ഗുരുവായൂർ – കോയമ്പത്തൂർ ഫാസ്റ്റിലാണ് തുടക്കം. കുറച്ചു വര്ഷം മുൻപ് വരെ കര്ണാടക ആർ ടി സി വോൾവോ ബസുകൾ കേരളത്തിലേക്ക്…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post