സെന്റ് ജോർജ്ജ് മോട്ടോഴ്‌സ് സി.എന്‍.ജിയിലേക്ക് മാറി ; ഇന്ധനച്ചിലവ് 50% കുറഞ്ഞു

Total
30
Shares

കോട്ടയം ജില്ലയിലെ ആദ്യത്തെ സി.എന്‍.ജി. ദീര്‍ഘദൂര സര്‍വീസുമായി സെന്റ് ജോർജ്ജ് മോട്ടോഴ്‌സ്. സിഎൻജി നിറച്ച് സെന്റ് ജോർജ്ജ് മോട്ടോഴ്‌സ് ബസിന്റെ മൂന്ന് ദിവസത്തെ സർവീസ് പൂർത്തിയാകുമ്പോൾ ഉടമസ്ഥനും ജീവനക്കാർക്കും പെരുത്ത് സന്തോഷം. ഇന്ധനം നിറയ്ക്കാൻ പമ്പിൽ കടം പറഞ്ഞിരുന്നിടത്ത് ചെലവ് കഴിഞ്ഞ് പണം കൈയിലേക്ക് കിട്ടിത്തുടങ്ങി. കമ്പനി നൽകിയ നൂറ് ശതമാനം ഉറപ്പിൽ ആത്മവിശ്വാസത്തോടെയാണ് മുണ്ടക്കയം – എറണാകുളം റൂട്ടിൽ മുന്നോട്ടുള്ള യാത്ര.

അതിജീവനത്തിന്റെ പാതയിലാണ് ഒരു വർഷമായി സ്വകാര്യ ബസ് സർവീസ്. അതിനിടയിലാണ് ഡീസലിന്റെ വില അടിക്കടി ഉയരുന്നത്. ഒരു വർഷത്തിനിടെ പത്ത് രൂപയുടെ വില വ്യത്യാസമുണ്ടായപ്പോഴാണ് സെന്റ് ജോർജ്ജ് മോട്ടോഴ്‌സും പുതിയ പരീക്ഷണത്തിന് തയ്യാറായത്. എറണാകുളം കളമശ്ശേരിയിൽ പ്രവർത്തിക്കുന്ന കേന്ദ്രസർക്കാരിന്റെ അംഗീകാരമുള്ള കമ്പനിക്കാരാണ് സി.എൻ.ജി. എന്ന ആശയവുമായി മുന്നോട്ടുവന്നത്. ഇതിനോടകം എറണാകുളം, തൃശ്ശൂർ ജില്ലകളിലെ നിരവധി ബസ്സുകളിൽ സിഎൻജി വിജയകരമായതിൽ നിന്ന് പ്രചോദനം ഉൾക്കൊണ്ടാണ് സെന്റ് ജോർജ്ജ് മോട്ടോഴ്സും സിഎൻജിയിലേക്ക് മാറുന്നതിനെപ്പറ്റി ചിന്തിച്ചത്.

ബസിന്റെ എൻജിൻ, റേഡിയേറ്റർ, പമ്പ് എന്നീ ഭാഗങ്ങളിൽ മാറ്റങ്ങൾ വരുത്തുന്നതിനും പുതിയ സിലിണ്ടറുകൾ ഘടിപ്പിക്കുന്നതിനുമായി നാലു നക്ഷത്തിന് മുകളിൽ ചെലവഴിച്ചു.
ബസ് നൽകിയതിന് ശേഷം ആർ.ടി.ഓഫീസിൽ പേപ്പറുകൾ മാറ്റുന്നതുൾപ്പെടെയുള്ള പണികളിലെല്ലാം കമ്പനിക്കാരുടെ നല്ല സഹകരണമുണ്ടായിരുന്നു. 10,000 കിലോമീറ്റർ വരെ 70 കിലോമീറ്ററിന് മുകളിൽ പോകാതെ നിയന്ത്രിച്ച് ഓടിക്കണം. ഇതിന് ശേഷം ബസ് സാധാരണ രീതിയിലാകും. ലോക്ഡൗണിന് ശേഷം ബസുകൾ സർവീസ് തുടങ്ങിയപ്പോൾ ജീവനക്കാർക്ക് വേതനം കൊടുക്കാൻ പോലും കഴിഞ്ഞിരുന്നില്ല. ഇപ്പോൾ ജീവനക്കാർക്കും വിഷമമില്ല.

എറണാകുളം, തൃശ്ശൂർ റൂട്ടുകളിൽ നിരവധി സിഎൻജി ബസുകളുണ്ട്. ഇപ്പോൾ കോട്ടയവും. ഡീസൽ എൻജിനേക്കാൾ ശബ്ദവും പുകയും സി.എൻ.ജി. എൻജിനിൽ കുറവാണ്. സിലിൻഡറുകൾക്ക് 15 വർഷത്തെ ഗ്യാരന്റി കമ്പനി നൽകുന്നുണ്ട്. കേന്ദ്ര-സംസ്ഥാന സർക്കാരുകളും ഈ സംവിധാനത്തെ പ്രോത്സാഹിപ്പിക്കുന്നുണ്ട്. ബജറ്റിൽ കിലോഗ്രാമിന് അഞ്ച് രൂപ കുറയ്ക്കാമെന്നുള്ള വാഗ്ദാനം സിഎൻജിയിലേക്ക് മാറുന്നവർക്ക് പ്രോത്സാഹനമാണ്. സിഎൻജിയിലേക്ക് മാറുന്ന ബസുടമകൾക്ക് കൂടുതൽ ഇളവുകൾ നൽകാൻ സർക്കാർ തയ്യാറാകണമെന്നാണ് ബസുടമകളുടെ അഭ്യർത്ഥന.

എറണാകുളം ജില്ലയിലെ ടാക്സി കാറുകളിൽ ഭൂരിഭാഗവും സി.എൻ.ജിയിലേക്ക് മാറിക്കഴിഞ്ഞു. ഓട്ടോ റിക്ഷകളും ഒപ്പമുണ്ട്. കുറഞ്ഞ നിരക്കും അധിക മൈലേജും തന്നെയാണ് ഡ്രൈവർമാരെ ഇതിലേക്ക് ആകർഷിച്ചത്. അതേസമയം ട്രക്കുകൾക്ക് സി.എൻ.ജിയിലേക്ക് മാറ്റാൻ അനുമതിയായിട്ടില്ല. അനുമതി ലഭിച്ചാൽ ട്രക്കുകളും കൂട്ടത്തോടെ സി.എൻ.ജിയാക്കാനാണ് ട്രക്ക് ഉടകളുടെ ആലോചന. സി.എൻ.ജിയുടെ ഗുണങ്ങൾ തിരിച്ചറിഞ്ഞ് ഗ്രാമങ്ങളിലും ഒട്ടേറെപ്പേർ ഇതിലേക്ക് മാറുന്നുമുണ്ട്.

കടപ്പാട് – മാതൃഭൂമി, കറ കളഞ്ഞ ബസ് പ്രേമി.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

കേരളത്തിലെ പത്രങ്ങളുടെ ചരിത്രം – ഒരു മലയാളി അറിഞ്ഞിരിക്കേണ്ട കാര്യങ്ങൾ..

കേരളീയരുടെ ജീവിതത്തിന്‍്റെ ഭാഗമാണ് പത്രങ്ങള്‍. കേരളീയ സംസ്കാരത്തിന്‍്റെ ഭാഗമാണ് പത്രവായന. ഒരു ശരാശരി മലയാളിയുടെ ദിവസം ആരംഭിക്കുന്നത് ഒരു കൈയില്‍ കാപ്പിയും മറ്റേ കൈയില്‍ പത്രവുമായിട്ടാണ്. കേരളത്തിലെ സാംസ്കാരിക ചരിത്രം പരിശോധിച്ചാല്‍ ഏറ്റവും മികച്ച സംഭാവന നല്‍കിയത് പത്രങ്ങളും പ്രസിദ്ധീകരണങ്ങളുമാണെന്നു കാണാം.…
View Post

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

മുഗൾ സാമ്രാജ്യം – ചക്രവർത്തിമാരും അവരുടെ അന്ത്യവും

ഇന്ത്യയിൽ ഏറ്റവും അധികം കാലം ഭരിച്ച മുസ്ലീം രാജാക്കന്മാരുടെ സാമ്രാജ്യമാണ് മുഗൾ സാമ്രാജ്യം. പിതൃത്വം വഴി മദ്ധ്യേഷ്യൻ ഭരണാധികാരി തിമൂറിന്റെ പിൻ‌ഗാമികളും, മാതൃത്വം വഴി മംഗോൾ നേതാവായ ജെംഗിസ് ഖാന്റെ പാരമ്പര്യം ഉള്ളവരുമാണ്‌ മുഗളർ. മംഗോൾ എന്നതിന്റെ പേർഷ്യൻ/ചഗതായ് രൂപഭേദമായ മുഗൾ…
View Post

കടുവ വേലായുധൻ – ആനപ്പണിക്കാരിലെ എക്കാലത്തെയും വലിയ അതികായൻ !!

എഴുത്ത് – വിനു പൂക്കാട്ടിയൂർ. ആനപ്പണിയിലെ എക്കാലത്തെയും വലിയ അതികായൻ ‘കടുവ വേലായുധേട്ടൻ’ ആനയില്ലാത്ത ലോകത്തേക്ക് യാത്രയായിട്ട് എട്ട് വർഷങ്ങൾ. അദ്ദേഹത്തിന്റെ ഓർമ്മകൾക്ക് മുൻപിൽ അനന്തകോടിപ്രണാമം. ഒരുപാട് പേരുടെ അഭ്യർത്ഥനയായിരുന്നു സാക്ഷാൽ കടുവയുടെ കഥകൾ കേൾക്കണമെന്ന്. എന്നാൽ എന്നെപോലെയുള്ള ഒരാൾക്ക് വലിയ…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

KSRTC SWIFT വോൾവോ സ്ലീപ്പർ ബസ്സിലെ യാത്ര; ഒരു പാസഞ്ചർ റിവ്യൂ

വിവരണം – ലിജോ ചീരൻ ജോസ്. ഇരുപത്തിരണ്ടു വർഷമേ ആയിട്ടുള്ളു ഞാൻ നമ്മുടെ ആനവണ്ടിയിലെ ദീർഘദൂര യാത്രകൾ ആരംഭിച്ചിട്ട്. ഗുരുവായൂർ – കോയമ്പത്തൂർ ഫാസ്റ്റിലാണ് തുടക്കം. കുറച്ചു വര്ഷം മുൻപ് വരെ കര്ണാടക ആർ ടി സി വോൾവോ ബസുകൾ കേരളത്തിലേക്ക്…
View Post

കരിയെ മെരുക്കിയ കടുവ വേലായുധൻ; ആനപ്പണിക്കാരിലെ ധീരൻ – പാർട്ട് 3

ആനപ്പണിയിലെ എക്കാലത്തെയും വലിയ അതികായനായ ‘കടുവ വേലാധൻ’ എന്ന അപൂർവ്വ മനുഷ്യനെക്കുറിച്ചുള്ള കഥ. അവസാന ഭാഗം. ആദ്യഭാഗം വായിക്കുവാൻ : https://bit.ly/33rRcbo. എഴുത്ത് – വിനു പൂക്കാട്ടിയൂർ. തെച്ചിക്കോട്ടുകാവ് രാമചന്ദ്രന്റെ അപ്രതീക്ഷിത ഇടിയേറ്റ് പുതുനഗരം പാടത്തു വീണ്ടുകിടക്കുന്ന കർണ്ണൻ. കർണ്ണന്റെ നെഞ്ചുപിളർക്കാൻ കുതിച്ചുവരുന്ന…
View Post