കെഎസ്ആർടിസി ബസ്സുകളിൽ വിദ്യാർത്ഥികൾക്ക് ‘ഫ്രീ’ പാസ്സ് എങ്ങനെ ലഭിക്കും?

Total
0
Shares

വീണ്ടുമൊരു അധ്യയന കാലം കൂടി ആരംഭിക്കുകയാണ്. ഇനി രാവിലെയും വൈകുന്നേരവുമൊക്കെ ബസ്സുകളിൽ വിദ്യാർത്ഥികളുടെ തിരക്കായിരിക്കും. ബസ്സുകാരും വിദ്യാർത്ഥികളും തമ്മിലുള്ള വഴക്കുകൾക്കും വാക്തർക്കങ്ങൾക്കും ഒക്കെ കാലങ്ങളുടെ പഴക്കമുണ്ട്. എങ്കിലും ഇന്നും ആ കലാപരിപാടികൾ വളരെ മികച്ച രീതിയിൽ നടക്കാറുണ്ട്. പ്രൈവറ്റ് ബസ്സുകാരും വിദ്യാർത്ഥികളും തമ്മിലാണ് എല്ലായ്‌പ്പോഴും വഴക്കുകൾ ഉണ്ടാകാറുള്ളത്.

പലപ്പോഴും “നിങ്ങൾ കെഎസ്ആർടിസിയിൽ ഫുൾ ടിക്കറ്റ് എടുത്തു പോകുമല്ലോ, ഇവിടെ മാത്രം എന്താ എസ്.ടി?” എന്നായിരിക്കും പ്രൈവറ്റ് ബസ് ജീവനക്കാർ വിദ്യാർത്ഥികളോട് ചോദിക്കാറുള്ളത്. പൊതുവെ ആളുകൾക്കിടയിൽ അങ്ങനെയൊരു ധാരണയും ഉണ്ട്. അതായത് “പ്രൈവറ്റ് ബസ്സിൽ മാത്രമേ വിദ്യാർത്ഥികൾക്ക് കൺസെഷൻ കിട്ടുകയുള്ളൂ, കെഎസ്ആർടിസിയിൽ ആ പരിപാടി ഇല്ല, അവിടെ ഫുൾ ടിക്കറ്റ് എടുക്കണം” എന്നൊക്കെ. എന്നാൽ കേട്ടോളൂ, കെഎസ്ആർടിസിയിലും ടിക്കറ്റ് കൺസെഷൻ ലഭിക്കും. പക്ഷെ അതിനു കെഎസ്ആർടിസി ഡിപ്പോയിൽ നിന്നും ഇഷ്യു ചെയ്യുന്ന കൺസെഷൻ കാർഡ് കൈപ്പറ്റണമെന്നു മാത്രം. പ്രൈവറ്റ് ബസ്സുകളിൽ ടിക്കറ്റ് നിരക്കിളവ് ആണെങ്കിൽ കെഎസ്ആർടിസിയിൽ പ്ലസ്‌ടു വരെയുള്ള വിദ്യാർത്ഥികൾക്ക്, മേൽപ്പറഞ്ഞ കാർഡ് കൈവശമുണ്ടെങ്കിൽ ഒറ്റ പൈസ പോലും കൊടുക്കാതെ ഫ്രീയായി സഞ്ചരിക്കാം.

അതിനായി വിദ്യാർഥികൾ ചെയ്യേണ്ടത് ഇത്ര മാത്രം. തൊട്ടടുത്തുള്ള കെഎസ്ആർടിസി ഡിപ്പോയിൽ ചെന്ന് കൺസെഷൻ കാർഡിനെക്കുറിച്ച് അന്വേഷിക്കുക. അവിടെ നിന്നും ലഭിക്കുന്ന അപേക്ഷാ ഫോറം പൂരിപ്പിച്ച് സാക്ഷ്യപത്രം എന്ന ഭാഗത്ത് പഠിക്കുന്ന സ്‌കൂളിലെ ഹെഡ്‌മാസ്റ്റർ/ പ്രിൻസിപ്പാൾ ഇവരിലരെക്കൊണ്ടെങ്കിലും സാക്ഷ്യപ്പെടുത്തുക. ഫോമിൽ പാസ്സ്‌പോർട്ട് സൈസ് ഫോട്ടോ ഒട്ടിച്ച ഭാഗങ്ങളിൽ പ്രിൻസിപ്പലിനെക്കൊണ്ട് ഒപ്പും സീലും പതിപ്പിക്കുക. എന്നിട്ട് വിദ്യാർത്ഥിയുടെ ആധാർ കാർഡിന്റെ പകർപ്പ് സഹിതം താമസ സ്ഥലത്തിന്റെ പരിധിയ്ക്കുള്ളിൽ വരുന്ന കെഎസ്ആർടിസി ഡിപ്പോയിൽ അപേക്ഷ നൽകുക.

ഇത്തരത്തിൽ അപേക്ഷിക്കുവാനായി വിദ്യാർത്ഥികൾ നേരിട്ട് കെഎസ്ആർടിസി ഡിപ്പോയിൽ പോകണമെന്നില്ല. മാതാപിതാക്കൾക്കോ ബന്ധുക്കൾക്കോ ഒക്കെ ചെന്ന് അപേക്ഷിക്കാവുന്നതാണ് (ഫോം കൊടുക്കാവുന്നതാണ്). പത്തു രൂപ ഫീസ് അടച്ചാൽ കെഎസ്ആർടിസി ഡിപ്പോയിൽ നിന്നും ഒരു ടോക്കൺ ലഭിക്കും. ഡിപ്പോയിൽ നിന്നും പറയുന്ന സമയത്ത് ഈ ടോക്കണുമായി ചെന്ന് സൗജന്യ യാത്രാകാർഡ് കൈപ്പറ്റാം.

ഇത്തരത്തിൽ വിദ്യാർത്ഥികളിൽ നിന്നും മെയ് 25 മുതൽ അപേക്ഷകൾ സ്വീകരിച്ചു തുടങ്ങിയിട്ടുണ്ട്. അധ്യയന വർഷം തുടങ്ങി 30 ദിവസത്തിനകം കാർഡ് എടുത്തിരിക്കണം. ഈ കാർഡുമായി കെഎസ്ആർടിസി ബസ്സുകളിൽ യാത്ര ചെയ്യുന്ന വിദ്യാർത്ഥികളോട് ആരും മര്യാദവിട്ടു പെരുമാറില്ല. സീറ്റിൽ ഇരിക്കുന്നതിനെച്ചൊല്ലി ആർക്കും പരാതികൾ ഉണ്ടാകില്ല. ഇനി ഉണ്ടായാൽത്തന്നെ പറയുക “ഇത് ഞങ്ങളുടെ അവകാശമാണ്. കെഎസ്ആർടിസി പൊതുസ്വത്താണ്..”

കെഎസ്ആർടിസിയുടെ വിദ്യാർത്ഥി കൺസെഷൻ സംബന്ധിച്ച് അറിഞ്ഞിരിക്കേണ്ട ചില കാര്യങ്ങൾ : വിദ്യാർത്ഥികളുടെ താമസ സ്ഥലം മുതൽ പഠിക്കുന്ന സ്ഥാപനം വരെയുള്ളതും തിരിച്ചുമായ യാത്രകൾക്ക് മാത്രമേ ഈ കാർഡ് ഉപയോഗിക്കുവാൻ പാടുള്ളൂ. യാത്രയുടെ ദൂരപരിധി 40 കിലോമീറ്റർ ആയി നിജപ്പെടുത്തിയിട്ടുണ്ട്. കെഎസ്ആർടിസിയുടെ സാധാരണ ഓർഡിനറി ബസുകളിൽ മാത്രമേ കൺസെഷൻ ലഭിക്കുകയുള്ളൂ. ടിടി മുതൽ മുകളിലേക്കുള്ള സർവീസുകളിൽ ഈ ആനുകൂല്യം ലഭിക്കില്ല. യാത്രയ്ക്കിടെ വിദ്യാർഥികൾ പഠിക്കുന്ന സ്ഥാപനത്തിലെ ഐഡി കാർഡ് (ഉണ്ടെങ്കിൽ) കൈവശം കരുതേണ്ടതാണ്. ചെക്കിംഗ് ഇൻസ്‌പെക്ടർമാർ കയറുമ്പോൾ ഇത് ചിലപ്പോൾ ആവശ്യപ്പെടാറുണ്ട്.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

കേരളത്തിലെ പത്രങ്ങളുടെ ചരിത്രം – ഒരു മലയാളി അറിഞ്ഞിരിക്കേണ്ട കാര്യങ്ങൾ..

കേരളീയരുടെ ജീവിതത്തിന്‍്റെ ഭാഗമാണ് പത്രങ്ങള്‍. കേരളീയ സംസ്കാരത്തിന്‍്റെ ഭാഗമാണ് പത്രവായന. ഒരു ശരാശരി മലയാളിയുടെ ദിവസം ആരംഭിക്കുന്നത് ഒരു കൈയില്‍ കാപ്പിയും മറ്റേ കൈയില്‍ പത്രവുമായിട്ടാണ്. കേരളത്തിലെ സാംസ്കാരിക ചരിത്രം പരിശോധിച്ചാല്‍ ഏറ്റവും മികച്ച സംഭാവന നല്‍കിയത് പത്രങ്ങളും പ്രസിദ്ധീകരണങ്ങളുമാണെന്നു കാണാം.…
View Post

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

മുഗൾ സാമ്രാജ്യം – ചക്രവർത്തിമാരും അവരുടെ അന്ത്യവും

ഇന്ത്യയിൽ ഏറ്റവും അധികം കാലം ഭരിച്ച മുസ്ലീം രാജാക്കന്മാരുടെ സാമ്രാജ്യമാണ് മുഗൾ സാമ്രാജ്യം. പിതൃത്വം വഴി മദ്ധ്യേഷ്യൻ ഭരണാധികാരി തിമൂറിന്റെ പിൻ‌ഗാമികളും, മാതൃത്വം വഴി മംഗോൾ നേതാവായ ജെംഗിസ് ഖാന്റെ പാരമ്പര്യം ഉള്ളവരുമാണ്‌ മുഗളർ. മംഗോൾ എന്നതിന്റെ പേർഷ്യൻ/ചഗതായ് രൂപഭേദമായ മുഗൾ…
View Post

കടുവ വേലായുധൻ – ആനപ്പണിക്കാരിലെ എക്കാലത്തെയും വലിയ അതികായൻ !!

എഴുത്ത് – വിനു പൂക്കാട്ടിയൂർ. ആനപ്പണിയിലെ എക്കാലത്തെയും വലിയ അതികായൻ ‘കടുവ വേലായുധേട്ടൻ’ ആനയില്ലാത്ത ലോകത്തേക്ക് യാത്രയായിട്ട് എട്ട് വർഷങ്ങൾ. അദ്ദേഹത്തിന്റെ ഓർമ്മകൾക്ക് മുൻപിൽ അനന്തകോടിപ്രണാമം. ഒരുപാട് പേരുടെ അഭ്യർത്ഥനയായിരുന്നു സാക്ഷാൽ കടുവയുടെ കഥകൾ കേൾക്കണമെന്ന്. എന്നാൽ എന്നെപോലെയുള്ള ഒരാൾക്ക് വലിയ…
View Post

KSRTC SWIFT വോൾവോ സ്ലീപ്പർ ബസ്സിലെ യാത്ര; ഒരു പാസഞ്ചർ റിവ്യൂ

വിവരണം – ലിജോ ചീരൻ ജോസ്. ഇരുപത്തിരണ്ടു വർഷമേ ആയിട്ടുള്ളു ഞാൻ നമ്മുടെ ആനവണ്ടിയിലെ ദീർഘദൂര യാത്രകൾ ആരംഭിച്ചിട്ട്. ഗുരുവായൂർ – കോയമ്പത്തൂർ ഫാസ്റ്റിലാണ് തുടക്കം. കുറച്ചു വര്ഷം മുൻപ് വരെ കര്ണാടക ആർ ടി സി വോൾവോ ബസുകൾ കേരളത്തിലേക്ക്…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post