ഇതിലും കുറഞ്ഞ തുകയ്ക്ക് എറണാകുളത്ത് മറ്റൊരു ബോട്ട് യാത്ര നിങ്ങൾക്ക് കിട്ടില്ല…

Total
46
Shares
Photo – Visakh Vijayan.

ബോട്ട് യാത്രയ്ക്ക് പേരുകേട്ട സ്ഥലമാണ് ആലപ്പുഴ. എന്നാൽ ആലപ്പുഴ പോലെ തന്നെ എറണാകുളത്തും ബോട്ട് യാത്രകൾ നടത്താവുന്നതാണ്. രണ്ടു സ്ഥലങ്ങളിലെയും കാഴ്ചകൾ വ്യത്യസ്തമാണെന്നു മാത്രം. ആലപ്പുഴയിൽ ഗ്രാമീണത ജീവിതവും പച്ചപ്പുമൊക്കെ ബോട്ട് യാത്രകളിൽ ആസ്വദിക്കുവാൻ സാധിക്കും. എറണാകുളത്താണെങ്കിൽ കപ്പലുകളും തുറമുഖവും അഴിമുഖവുമെല്ലാം കണ്ടുകൊണ്ട് വ്യത്യസ്തമായൊരു യാത്ര നടത്താം.

എറണാകുളത്ത് എത്തുന്ന ടൂറിസ്റ്റുകളിൽ ഭൂരിഭാഗവും ബോട്ട് യാത്രയ്ക്കായി മിക്കവാറും പ്രൈവറ്റ് സർവ്വീസുകളെയാണ് ആശ്രയിക്കാറുള്ളത്. പാട്ടും മേളവുമായി കായൽ യാത്ര ആസ്വദിക്കുവാൻ ആഗ്രഹിക്കുന്നവർക്ക് ഇത്തരം പ്രൈവറ്റ് ബോട്ടുകൾ തിരഞ്ഞെടുക്കാവുന്നതാണ്. എന്നാൽ കുറഞ്ഞ ചെലവിൽ കായൽ സൗന്ദര്യം ആസ്വദിക്കുവാൻ ആഗ്രഹിക്കുന്നവർക്ക് ഒരനുഗ്രഹമാണ് ജലഗതാഗത വകുപ്പിന്റെ (SWTD) ബോട്ട് സർവ്വീസുകൾ. എറണാകുളം, വൈപ്പിൻ, ഫോർട്ട്കൊച്ചി, വില്ലിങ്ടൻ ഐലൻഡ് എന്നിവിടങ്ങളിലേക്ക് ബോട്ടിൽ യാത്ര ചെയ്യുവാൻ വെറും നാലു രൂപയാണ് ടിക്കറ്റ് ചാർജ്ജ്. കൂടുതൽ വിശേഷങ്ങൾക്കായി താഴെ കൊടുത്തിരിക്കുന്ന വീഡിയോ കാണുക.

എറണാകുളത്തു നിന്നും ഐലൻഡ് വഴി ഫോർട്ട് കൊച്ചിയിലേക്ക് പോകുന്ന ബോട്ട് സർവ്വീസുകളിലാണ് യാത്രക്കാർ കൂടുതലും കയറുന്നത്. അവധി ദിവസങ്ങളിലും വീക്കെൻഡുകളിലും ആണെങ്കിൽ പറയുകയേ വേണ്ട. ടിക്കറ്റെടുക്കാൻ കൗണ്ടറിൽ നല്ല ക്യൂ ആയിരിക്കും. ഒരാൾക്ക് മൂന്നു ടിക്കറ്റുകൾ വീതമേ ടിക്കറ്റ് കൗണ്ടറിൽ നിന്നും ലഭിക്കുകയുള്ളൂ. വലിയ ഗ്രൂപ്പായി വരുന്നവർ ഈ കണക്കനുസരിച്ച് കൂടുതലാളുകളായി നിന്നു ടിക്കറ്റെടുക്കാൻ പ്രത്യേകം ശ്രദ്ധിക്കണം. ടിക്കറ്റ് എടുത്തശേഷം വേഗം ബോട്ടിൽ കയറിപ്പറ്റുവാൻ നോക്കണം. എന്നാലേ സീറ്റ് കിട്ടുകയുള്ളൂ. എന്നുവെച്ച് അശ്രദ്ധമായി ബോട്ടിൽ കയറുവാൻ ശ്രമിക്കരുതേ.. ചെളിയുള്ള കായലാണ് പണി പാളും.

ബോട്ടിൽ കയറിയാൽ ഉടനെ അനുയോജ്യമായ സീറ്റ് പിടിക്കുക. യാതൊരു കാരണവശാലും ബോട്ടിന്റെ വാതിൽപ്പടിയിൽ ഇരുന്നോ നിന്നോ യാത്ര ചെയ്യരുത്. അതുപോലെ തന്നെ ക്യാമറ, മൊബൈൽഫോൺ തുടങ്ങിയവ ഉപയോഗിച്ച് ഫോട്ടോകളും വീഡിയോകളും എടുക്കുന്നവർ ഈ സാധനങ്ങൾ പുറത്തേക്ക് വീണുപോകാതിരിക്കാൻ ശ്രദ്ധിക്കുക.

എറണാകുളത്തു നിന്നും ഫോർട്ട്കൊച്ചിയിലേക്ക് പോകുമ്പോൾ ബോട്ടിന്റെ വലതു വശത്ത് വല്ലാർപാടം കണ്ടെയ്‌നർ ടെര്മിനലിന്റെയും അവിടെ നങ്കൂരമിട്ടിരിക്കുന്ന കപ്പലുകളുടെയും കാഴ്ചയാണ് ആസ്വദിക്കുവാൻ സാധിക്കുന്നത്. ഇടതു വശത്താണെങ്കിൽ കൊച്ചി തുറമുഖം, വില്ലിങ്ടൻ ഐലൻഡിലെ കൊച്ചിൻ പോർട്ട് ട്രസ്റ്റ് ഓഫീസ് തുടങ്ങിയവയുടെ മനോഹര ദൃശ്യങ്ങളും കാണാം. ലക്ഷദ്വീപിലേക്ക് സർവ്വീസ് നടത്തുന്ന കപ്പലും ചിലപ്പോൾ ഈ ഭാഗത്ത് (വാർഫിൽ) കാണാവുന്നതാണ്. നല്ല സൂം ഉള്ള ക്യാമറയാണെങ്കിൽ വ്യത്യസ്തങ്ങളായ തകർപ്പൻ ചിത്രങ്ങൾ എടുക്കുവാൻ സാധിക്കും.

ഫോർട്ട്കൊച്ചി ജെട്ടിയിൽ ഇറങ്ങിയതിനു ശേഷം കുറച്ചു ദൂരം നടന്നാൽ ബീച്ചും പരിസരവുമെല്ലാം കാണാം. ഫോർട്ട്കൊച്ചിയിലെ കാഴ്ചകൾ ആസ്വദിച്ചതിനു ശേഷം ബസ് സ്റ്റാൻഡിനു സമീപമുള്ള ബോട്ട് ജെട്ടിയിൽ നിന്നും വൈപ്പിനിലേക്ക്‌ ബോട്ട് കയറാം. ഒരു ബാർജ്ജ് പോലെ തോന്നിക്കുന്ന വലിയ ബോട്ടിൽ 3 രൂപയാണ് ഒരാൾക്ക് ചാർജ്ജ്. ഈ ബോട്ട് കൂടാതെ വാഹനങ്ങൾ കയറ്റിക്കൊണ്ടു വൈപ്പിനിലേക്ക്‌ പോകുന്ന ജങ്കാറും (റോ-റോ) അവിടെ ലഭ്യമാണ്. വൈപ്പിനിൽ എത്തി കായൽക്കരയിലൂടെ കുറച്ചു ദൂരം പടിഞ്ഞാറ് ഭാഗത്തേക്ക് നടന്നാൽ ഫോർട്ട്കൊച്ചി ബീച്ചിനു പാരലലായ സ്ഥലത്തെ കാഴ്ചകൾ ആസ്വദിക്കുവാൻ സാധിക്കും. അങ്ങേയറ്റം വരെ പോകുകയാണെങ്കിൽ കടലിൽ ഇറങ്ങുന്നതിനു സൗകര്യമുണ്ട്.

ഇവിടെ ചെലവഴിച്ചതിനു ശേഷം ജങ്കാർ ജെട്ടിയുടെ അപ്പുറത്തുള്ള വൈപ്പിൻ SWTD ബോട്ട് ജെട്ടിയിൽ നിന്നും എറണാകുളത്തേക്ക് ബോട്ടിൽ യാത്ര തിരിക്കാം. എറണാകുളത്തേക്കുള്ള ബോട്ടുകൾ പുറപ്പെടുന്ന വൈപ്പിൻ ബോട്ട് ജെട്ടി പെട്ടെന്നു കാണില്ല. സംശയമുണ്ടെങ്കിൽ ആരോടെങ്കിലും ചോദിച്ചാൽ വഴി കാണിച്ചു തരും. വൈപ്പിൻ – എറണാകുളം ടിക്കറ്റ് ചാർജ്ജ് നാല് രൂപയാണ്. അങ്ങനെ മൊത്തം 4+3+4= 11 രൂപ. കണ്ടില്ലേ വെറും 11 രൂപയ്ക്ക് കൊച്ചി കായലിൽ മനോഹരമായൊരു ബോട്ട് യാത്ര ആസ്വദിക്കുവാൻ സാധിച്ചില്ലേ? ഇനി കൊച്ചിയിൽ വരുന്നവർ ഈ സർക്കിൾ ട്രിപ്പ് ഒന്നു പരീക്ഷിച്ചു നോക്കുക. Photo – Visakh Vijayan.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

KSRTC SWIFT വോൾവോ സ്ലീപ്പർ ബസ്സിലെ യാത്ര; ഒരു പാസഞ്ചർ റിവ്യൂ

വിവരണം – ലിജോ ചീരൻ ജോസ്. ഇരുപത്തിരണ്ടു വർഷമേ ആയിട്ടുള്ളു ഞാൻ നമ്മുടെ ആനവണ്ടിയിലെ ദീർഘദൂര യാത്രകൾ ആരംഭിച്ചിട്ട്. ഗുരുവായൂർ – കോയമ്പത്തൂർ ഫാസ്റ്റിലാണ് തുടക്കം. കുറച്ചു വര്ഷം മുൻപ് വരെ കര്ണാടക ആർ ടി സി വോൾവോ ബസുകൾ കേരളത്തിലേക്ക്…
View Post

മണാലി ബസ് സ്റ്റാൻഡിൽ ഒരു മലയാളിയെ പറ്റിച്ചു മുങ്ങിയ മലയാളി

വിവരണം – Zainudheen Kololamba. അപരിചിതമായ വഴികളിൽ കണ്ടുമുട്ടുന്ന മലയാളികളെ ബന്ധുക്കളേക്കാൾ സ്വന്തമാണെന്ന് തോന്നാറില്ലേ? ഹിന്ദി, ഉറുദു കലപിലകൾക്കിടയിൽ ആരെങ്കിലും വന്ന് മലയാളിയാണോ എന്ന് ചോദിക്കുമ്പോൾ അത്യാനന്ദം അനുഭവപ്പെടാറില്ലേ? തീർച്ചയായും എനിക്ക് തോന്നാറുണ്ട്. കേരള സമ്പർക്രാന്തിയുടെ സെക്കന്റ് ക്ലാസ് ഡബ്ബയുടെ ബർത്തിലിരുന്ന്…
View Post

കേരളത്തിലെ പത്രങ്ങളുടെ ചരിത്രം – ഒരു മലയാളി അറിഞ്ഞിരിക്കേണ്ട കാര്യങ്ങൾ..

കേരളീയരുടെ ജീവിതത്തിന്‍്റെ ഭാഗമാണ് പത്രങ്ങള്‍. കേരളീയ സംസ്കാരത്തിന്‍്റെ ഭാഗമാണ് പത്രവായന. ഒരു ശരാശരി മലയാളിയുടെ ദിവസം ആരംഭിക്കുന്നത് ഒരു കൈയില്‍ കാപ്പിയും മറ്റേ കൈയില്‍ പത്രവുമായിട്ടാണ്. കേരളത്തിലെ സാംസ്കാരിക ചരിത്രം പരിശോധിച്ചാല്‍ ഏറ്റവും മികച്ച സംഭാവന നല്‍കിയത് പത്രങ്ങളും പ്രസിദ്ധീകരണങ്ങളുമാണെന്നു കാണാം.…
View Post

കടുവ വേലായുധൻ – ആനപ്പണിക്കാരിലെ എക്കാലത്തെയും വലിയ അതികായൻ !!

എഴുത്ത് – വിനു പൂക്കാട്ടിയൂർ. ആനപ്പണിയിലെ എക്കാലത്തെയും വലിയ അതികായൻ ‘കടുവ വേലായുധേട്ടൻ’ ആനയില്ലാത്ത ലോകത്തേക്ക് യാത്രയായിട്ട് എട്ട് വർഷങ്ങൾ. അദ്ദേഹത്തിന്റെ ഓർമ്മകൾക്ക് മുൻപിൽ അനന്തകോടിപ്രണാമം. ഒരുപാട് പേരുടെ അഭ്യർത്ഥനയായിരുന്നു സാക്ഷാൽ കടുവയുടെ കഥകൾ കേൾക്കണമെന്ന്. എന്നാൽ എന്നെപോലെയുള്ള ഒരാൾക്ക് വലിയ…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post