ഇന്ത്യൻ നിരത്തുകൾ കീഴടക്കാൻ ‘ടാറ്റാ സഫാരി’യുടെ റീ എൻട്രി

Total
238
Shares

പ്രമുഖ ഇന്ത്യൻ കാർ നിർമ്മാതാക്കളായ ടാറ്റയുടെ പേരെടുത്ത ഒരു മോഡലാണ് സഫാരി. 1998 ലായിരുന്നു ടാറ്റ സഫാരിയെ നിരത്തിലെത്തിച്ചത്. ടാറ്റയുടെ ആദ്യ എസ്‍യുവികളിലൊന്നായ സഫാരി പിന്നീട് ഇന്ത്യൻ വാഹനലോകത്തെ കരുത്തിന്റെ പ്രതീകമായി മാറുകയായിരുന്നു. ഇന്ത്യൻ സൈന്യത്തിൽ വരെ സാന്നിധ്യമറിയിച്ചുകൊണ്ട് സഫാരി പേരെടുത്തു. ഒടുവിൽ 2019 ൽ വിപണിയിൽ നിന്നും പിൻവലിക്കുമ്പോഴും സഫാരിയുടെ ജനപ്രീതി അതേപടി നിലനിന്നിരുന്നു.

ഇന്ന് ഹാരിയർ അടക്കമുള്ള മികച്ച മോഡലുകളുമായി ജൈത്രയാത്ര തുടരുമ്പോൾ, 2021 ൽ സഫാരിയെ പുത്തൻ വേഷത്തിൽ അവതരിപ്പിക്കുകയാണ് ടാറ്റ മോട്ടോർസ്. ടാറ്റയുടെ ഇമ്പാക്ട് 2.0 ഡിസൈൻ ശൈലിയിലാണ് പുതിയ സഫാരി എസ്യുവി ഒരുങ്ങുന്നത്. ഇക്കാരണത്താൽ ടാറ്റ ഹാരിയറുമായി സാമ്യമുള്ളതാണ് സഫാരിയും. ബൈ ആരോ ഡിസൈനിലുള്ള ഗ്രില്ലാണ് ഹാരിയറിൽ നിന്നും പുതിയ സഫാരിയെ വ്യത്യസ്തമാക്കുന്നത്.

കഴിഞ്ഞ ഓട്ടോ എക്സ്പോയിൽ അവതരിപ്പിച്ച ഗ്രാവിറ്റാസിനെയാണ് സഫാരി എന്ന പേരിൽ ടാറ്റ വിപണിയിലെത്തിക്കുന്നത്. ഹാരിയർ എസ്‌യുവിയുടെ 7 സീറ്റർ മോഡലാണ് ഇത്. സഫാരി എന്ന ബ്രാന്റിന്മേലുള്ള വിശ്വാസ്യതയും ജനപ്രീതിയുമാണ് ഇതിനു സഫാരി എന്നുതന്നെ പേര് നൽകുവാൻ കാരണം. പൂനെയിലെ പ്ലാന്റിൽ നിന്നും പുറത്തിറങ്ങിയ ആദ്യത്തെ 2021 സഫാരി കഴിഞ്ഞ ദിവസം നടന്ന ഫ്ലാഗ് ഓഫ് ചടങ്ങിൽ പ്രദർശിപ്പിച്ചിരുന്നു.

ഹെഡ്‍ലാംപിന് താഴെയായി കൂടുതൽ ക്രോം ഗാർണിഷ്, റണ്ണിങ് ബോർഡ് എന്നിവയും പാനരോമിക് സൺറൂഫുമാണ് 2021 സഫാരിയുടെ പ്രത്യേകതകൾ. കൂടാതെ പുതിയ ബൂട്ട് ലിഡ്, റീഡിസൈൻ ചെയ്ത ടെയിൽ ലാംപ്, പുതിയ സ്പോയ്ലർ എന്നിവയാണ് മറ്റുള്ള ആകർഷണങ്ങൾ. 4,661 എംഎം നീളം, 1,894 എംഎം വീതി, 1,786 എംഎം ഉയരം എന്നിങ്ങനെയാവും പുത്തൻ സഫാരിയുടെ അളവുകൾ. ഹാരിയറിനേക്കാൾ 63 എംഎം നീളവും 80 എംഎം ഉയരവും കൂടുതലാണ് വീണ്ടുമെത്തുന്ന സഫാരിയ്ക്ക്.

ഹാരിയറിന് സമാനമാവും പുത്തൻ എസ്‌യുവിയുടെ ഇന്റീരിയർ. ഓയിസ്റ്റർ വൈറ്റ് ഇന്റീരിയർ തീം, ഫ്ലോട്ടിങ് ഡിസ്പ്ലെയുള്ള ഡാഷ്‌ബോർഡ്, ക്രോം ബെസെൽ, മൂന്ന് സ്പോക് സ്റ്റിയറിംഗ് വീൽ എന്നിവയും പുതിയ സഫാരിയുടെ ആകർഷണങ്ങളാണ്. 170 എച്ച്പി പവറുള്ള 2.0-ലിറ്റർ ക്രയോടെക്‌ ഡീസൽ എൻജിൻ ആണ് പുത്തൻ സഫാരിയെ ചലിപ്പിക്കുന്നത്. 6-സ്പീഡ് മാന്വൽ, 6-സ്പീഡ് ഓട്ടോമാറ്റിക് എന്നിവയാണ് ഗിയർബോക്‌സ് ഓപ്ഷനുകൾ.

ലാന്‍ഡ് റോവറില്‍ നിന്നുള്ള പ്രശസ്തമായ ഡി 8 പ്ലാറ്റ്‌ഫോമില്‍ നിന്ന് ഉരുത്തിരിഞ്ഞ രൂപകല്‍പ്പനയായിരിക്കും സഫാരിയുടേത്. ലോകമെമ്പാടുമുള്ള എസ്യുവികളുടെ ഗോൾഡ് സ്റ്റാൻഡേർഡ് ആയിരിക്കും ഇത്.

ഓഗ്‌മെന്റഡ് റിയാലിറ്റി (എആര്‍) ഉപയോഗിച്ച് സംവേദനാത്മക സവിശേഷതകളാല്‍ പവര്‍ പാക്ക് ചെയ്ത ടാറ്റാ സഫാരി ഇമാജിനേറ്റര്‍ സ്യൂട്ടുപയോഗിച്ച് ഉപഭോക്താക്കള്‍ക്ക് അവരുടെ സ്വീകരണമുറി ഉള്‍പ്പെടെയുള്ള ഇഷ്ടപ്പെട്ട സ്ഥലങ്ങളില്‍ നിന്ന് വിര്‍ച്വലായി കാണാം. Click here : https://cars.tatamotors.com/suv/safari/ar . ഇന്ത്യയുടെ റിപ്പബ്ലിക് ദിനമായ ജനുവരി 26 നായിരിക്കും സഫാരി വിൽപ്പനയ്ക്ക് എത്തുക എന്നാണു അറിയുവാൻ കഴിഞ്ഞത്. പുതിയ സഫാരിയുടെ ബുക്കിംഗ് ഉടന്‍ ആരംഭിക്കും എന്നും കമ്പനി അറിയിച്ചു. 13 ലക്ഷം രൂപ മുതലാവും ഷോറൂം വിലയെന്നാണു പ്രതീക്ഷ.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

ജനമൈത്രി പോലീസിനൊപ്പം പൂയംകുട്ടി വനത്തിലേക്ക്

വിവരണം – അരുൺ കളപ്പില. ശ്വാസം അടക്കിപ്പിടിച്ചനുഭവിച്ച അതി കഠിനമായൊരു വനയാത്രയാണിത്. ആനച്ചൂരിൽ, ഇരുണ്ട കാട്ടിലൂടെ കടന്നുപോകുമ്പോൾ നാമറിയാതെ അനുഭവിക്കുന്ന ഒരു ലഹരിയുണ്ട്. അതാണീ യാത്രയുടെ ജീവൻ. കാടിനെ സ്നേഹിക്കുന്ന ഓരോ മനുഷ്യന്റേയും ആഗ്രഹമാണ്, കാടിനെ നോവിക്കാതെ നിശബ്ദമായി മരങ്ങളെ, പക്ഷികളെ,…
View Post

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post

മൂന്നാറിൻ്റെ തലവര മാറ്റാൻ ‘എസ്കേപ്പ് റോഡ്’

എഴുത്ത് – ദയാൽ കരുണാകരൻ. ഇപ്പോൾ കൊടൈക്കനാലും മൂന്നാറും തമ്മിലുള്ള യാത്രാ അകലം വാസ്തവത്തിൽ വെറും 13 കിലോമീറ്ററാണ്. കൊടൈക്കനാലിന്റ്റെ തെക്കുപടിഞ്ഞാറ് ഭാഗത്തുള്ള ടൂറിസ്റ്റ് സ്പോട്ടാണ് ബെരിജം തടാകം. ദിവസവും ഇവിടേക്ക് നിശ്ചിത എണ്ണം സന്ദർശ്ശകരുടെ വാഹനങ്ങൾ കടത്തി വിടുന്നുമുണ്ട്. ഇനി…
View Post

കെഎസ്ആർടിസി മിന്നൽ ബസ്സുകളിൽ കയറുന്നതിനു മുൻപ് അറിഞ്ഞിരിക്കേണ്ട കാര്യങ്ങൾ

കുറച്ചു നാളുകളായി ചില യാത്രക്കാരുടെ പരാതികളാൽ വാർത്തകളിൽ നിറഞ്ഞു നിൽക്കുന്ന ഒരു ബസ് സർവീസാണ് കെഎസ്ആർടിസിയുടെ മിന്നൽ ബസ് സർവ്വീസുകൾ. എന്തുകൊണ്ടാണ് മിന്നൽ സർവ്വീസിലെ ചില യാത്രക്കാർ പരാതികൾ ഉന്നയിക്കുന്നത്? അതിനുള്ള കാര്യം അറിയുന്നതിനു മുൻപായി എന്താണ് മിന്നൽ ബസ് സർവ്വീസുകൾ…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

കേരളത്തിനകത്തെ തമിഴ് പറയുന്ന ഗ്രാമമായ ‘വട്ടവട’യിലേക്ക്

വിവരണം – സന്ധ്യ ജലേഷ്. മലഞ്ചെരുവുകളെ തഴുകി വരുന്ന കാറ്റേറ്റ് സ്‌ട്രോബറിയും, ആപ്പിളും, കാരറ്റും, കാബേജും, ക്വാളിഫ്‌ലവറും, ഉള്ളിയും, ഉരുളക്കിഴങ്ങും, വെളുത്തുള്ളിയും വിളഞ്ഞു നില്‍ക്കുന്ന തോട്ടങ്ങളും, അലഞ്ഞുതിരിഞ്ഞു നടക്കുന്ന കോവര്‍ കഴുതകളും, തീപ്പെട്ടികൂടുപോലെ നിറമുള്ള വീടുകളും, ചെങ്കുത്തായ മലനിരകള്‍ക്കു നടുവില്‍ ജ്യാമിതീയ…
View Post

1987 ലെ ഒരു ‘എസ്കേപ് റോഡ്’ സാഹസിക യാത്ര !!

വിവരണം – കെ.എം. കുര്യാക്കോസ്. 1987 ൽ ഒരു 1977 മോഡൽ അമ്പാസിഡർ കാറുമായി ടോപ് സ്റ്റേഷനിൽ നിന്നും എസ്കേപ് റോഡുവഴി കൊടൈക്കനാലിലേക്കു നടത്തിയ സാഹസിക യാത്ര. ഞങ്ങൾ കോതമംഗലം M.A. കോളജിലെ അഞ്ച് അദ്ധ്യാപകർ, കൊമേഴ്സിലെ ഐസക് കുര്യൻ (ഷാജി),…
View Post