ഇടുക്കി ഡാം തുറന്നു വിട്ട ദിവസത്തെ എൻ്റെ മസ്‌കറ്റ് യാത്ര…

Total
0
Shares

അതി ഗംഭീരമായ ദുബായ് യാത്രയ്ക്കു ശേഷം അടുത്തുതന്നെ എൻറെ യാത്ര ഒമാനിലെ മസ്കറ്റിലേക്ക് ആയിരുന്നു. മസ്‌കറ്റിലെ അനന്തപുരി ഗ്രൂപ്പിന്റെ അനന്തപുരി & 1947 റസ്റ്റോറന്റുകൾ സന്ദർശിക്കുക എന്നതാണ് ഈ യാത്രയുടെ ലക്ഷ്യം. നിർഭാഗ്യവശാൽ ഇടുക്കി ഡാം തുറന്നു വിട്ട അതേ ദിവസം തന്നെയായിരുന്നു എൻ്റെ യാത്രയും. ആ ദിവസം കുറച്ചു സമയം നെടുമ്പാശ്ശേരി എയർപോർട്ട് അടച്ചിട്ടത് എന്നെപ്പോലെ എല്ലാവരിലും ആശങ്ക പരത്തി. എന്നാൽ ഉച്ചയോടെ എയർപോർട്ട് വീണ്ടും തുറക്കുകയാണുണ്ടായത്. ഹോ.. ഭാഗ്യം..

ഉച്ചയ്ക്കു ശേഷം ഞാൻ എയർപോർട്ടിൽ എത്തുകയും കാർ പാർക്കിംഗ് ഏരിയയിൽ കൊണ്ടിടുകയും ചെയ്തു. രാത്രി 7.30 ന്റെ ജെറ്റ് എയർവേയ്‌സ് വിമാനത്തിലാണ് ഞാൻ മസ്കറ്റിലേക്ക് പോകുന്നത്. ചെക്ക് ഇൻ നടപടി ക്രമങ്ങൾക്കും ഇമിഗ്രെഷൻ പരിശോധനകൾക്കും ശേഷം ഞാൻ മുകൾ ഭാഗത്തെ ലോഞ്ചിലേക്ക് നടന്നു. അവിടെ ഒരു കിടിലൻ ഫുഡ് കോർട്ടും ഉണ്ടായിരുന്നു. എൻ്റെ കയ്യിൽ ഉണ്ടായിരുന്ന ICICI മാസ്റ്റർ കാർഡ് ഉപയോഗിച്ച് ലോഞ്ച് ആക്സസ് ഞാൻ എടുത്തു. ലോഞ്ചിലെ പ്രത്യേകത എന്തെന്നാൽ അൺലിമിറ്റഡ് ഫ്രീ ഫുഡ് കിട്ടും എന്നതാണ്. അതുപോലെത്തന്നെ തിരക്കുകളിൽ നിന്നും മാറി സ്വസ്ഥമായി ഇരിക്കുവാനും സാധിക്കും. ലോഞ്ചിൽ ഇരുന്നാൽ റൺവേ അടുത്തായി കാണുവാൻ സാധിക്കും. റൺവേയിൽ കയറിയ വെള്ളം ജീവനക്കാർ പമ്പ് ചെയ്ത് കളയുന്നത് ഞാൻ അവിടെ നിന്നും കണ്ടു. എന്തായാലും എനിക്ക് പോകുവാനുള്ള വിമാനം എയർപോർട്ടിൽ ഉണ്ടായിരുന്നു. അതിനാൽ എനിക്ക് യാത്ര സാധ്യമാണെന്ന് ഉറപ്പായിരുന്നു.

ലോഞ്ചിൽ ഇരുന്നപ്പോൾ നമ്മുടെ വീഡിയോകൾ കാണുന്ന ചില സുഹൃത്തുക്കൾ വന്നു പരിചയപ്പെടുകയുണ്ടായി. എല്ലാവരുടെയും വിമാനങ്ങൾ വെള്ളപ്പൊക്കം കാരണം വൈകിയിരുന്നു. അങ്ങനെ അവരുമായി സംസാരിച്ചും പിന്നെ ഭക്ഷണം കഴിച്ചും ഞാൻ സമയം തള്ളിനീക്കി. ബോർഡിംഗ് ആരംഭിച്ചതായി അനൗൺസ്‌മെന്റ് വന്നപ്പോൾ ഞാൻ ലോഞ്ചിൽ നിന്നും ഗേറ്റ് നമ്പർ അഞ്ചിലേക്ക് നടന്നു. ആ ഗേറ്റിൽ നിന്നുമാണ് എൻ്റെ വിമാനം പുറപ്പെടുന്നത്. എയർപോർട്ടിൽ പൊതുവെ തിരക്കുകൾ കുറവായിരുന്നു അനുഭവപ്പെട്ടത്. അങ്ങനെ ഞാൻ വിമാനത്തിലേക്ക് കയറി. ചെക്ക് ഇൻ കൗണ്ടറിൽ ഉണ്ടായിരുന്ന സുഹൃത്ത് മുഖേന എനിക്ക് വിമാനത്തിലെ എമർജൻസി എക്സിറ്റിനു സമീപത്തെ സീറ്റ് തരപ്പെട്ടു. ഏഴരയോടെ വിമാനം ടേക്ക് ഓഫ് ചെയ്തു.

വിമാനത്തിൽ നിന്നും ലഭിച്ച ഭക്ഷണവും കഴിച്ചുകൊണ്ട് ഞാൻ പതിയെ ഒന്ന് മയങ്ങാൻ കിടന്നു. മൂന്നു മണിക്കൂറത്തെ യാത്രയ്ക്കു ശേഷം ഞങ്ങൾ മസ്കറ്റ് എയർപോർട്ടിൽ ലാൻഡ് ചെയ്തു. മസ്‌കറ്റിലെ പുതിയ എയർപോർട്ടിലായിരുന്നു ഞങ്ങൾ ഇറങ്ങിയത്. ഇമിഗ്രെഷൻ ചെക്കിംഗും കഴിഞ്ഞു ബാഗേജുകളും കളക്ട് ചെയ്തതിനു ശേഷം ഞാൻ ഡ്യൂട്ടി ഫ്രീ ഷോപ്പിൽ നിന്നും എൻ്റെ മസ്കറ്റ് സുഹൃത്തുക്കൾക്കായി കുറച്ചു സാധനങ്ങൾ വാങ്ങിച്ചു.

എയർപോർട്ടിൽ നിന്നും പുറത്തേക്ക് ഇറങ്ങിയപ്പോൾ എൻ്റെ സുഹൃത്തായ ജിജോ കാത്തു നിൽക്കുന്നുണ്ടായിരുന്നു. ഞാൻ വരുന്ന വിവരം അറിഞ്ഞുകൊണ്ട് മറ്റൊരു സുഹൃത്തും എന്നെ കാണുവാനായി അവിടെ എത്തിയിരുന്നു. അൽഖുദ്‌ എന്ന സ്ഥലത്തുന്ന റീമാസ് ഹോട്ടലിലായിരുന്നു എൻ്റെ താമസം അറേഞ്ച് ചെയ്തിരുന്നത്. ഞങ്ങൾ ടെർമിനലിൽ നിന്നും പുറത്തേക്ക് ഇറങ്ങിയപ്പോൾ ഒമാനികളായ ടാക്സി ഡ്രൈവർമാർ “ടാക്സി വേണോ” എന്നും ചോദിച്ചുകൊണ്ട് ചുറ്റും കൂടി. അവരിൽ നിന്നെല്ലാം പുഞ്ചിരിയോടെ ഒഴിഞ്ഞു മാറി ഞങ്ങൾ ഞങ്ങൾക്ക് പോകുവാനുള്ള വണ്ടിയുടെ അടുത്തെത്തി.

അബ്ബാസ് എന്ന പാകിസ്ഥാനി ഡ്രൈവർ ആയിരുന്നു ഞങ്ങളുടെ സാരഥി. ജിജോയുടെ കമ്പനി ഡ്രൈവർ ആയിരുന്നു അബ്ബാസ്. അങ്ങനെ ഞങ്ങൾ എയർപോർട്ടിൽ നിന്നും പുറത്തേക്ക് ഇറങ്ങി ഹൈവേയിലൂടെ യാത്രയാരംഭിച്ചു. വിചാരിച്ച പോലെ തന്നെ നല്ല മനോഹരമായ റോഡുകൾ തന്നെയായിരുന്നു അവിടെ. ഞങ്ങൾ നേരെ എനിക്ക് താമസിക്കേണ്ട ഹോട്ടലിലേക്ക് ആയിരുന്നു പോയത്. വളരെ നല്ലൊരു റൂം ആയിരുന്നു എനിക്കായി ബുക്ക് ചെയ്തിരുന്നത്. റൂമിൽ ചെന്നിട്ടു ഒന്ന് ഫ്രഷായ ശേഷം ഞങ്ങൾ ഫുഡ് കഴിക്കാനായി റെസ്റ്റോറന്റിലേക്ക് നീങ്ങി. ഒമാനി സ്പെഷ്യൽ വിഭവങ്ങൾ ആയിരുന്നു ഞങ്ങൾ കഴിച്ചത്. അപ്പോഴേക്കും എന്റെ മറ്റൊരു സുഹൃത്തായ ലിങ്കുവും ഒരു സുഹൃത്തും കൂടി അവിടെ എത്തിച്ചേർന്നു. മുൻപ് ഞാൻ ചെയ്ത പത്തനംതിട്ടയിലെ അരുവിക്കുഴി വെള്ളച്ചാട്ടത്തിന്റെ വീഡിയോയിൽ ലിങ്കുവിനെ കാണിക്കുന്നുണ്ട്.

അങ്ങനെ ഭക്ഷണശേഷം എല്ലാ സുഹൃത്തുക്കളോടും യാത്ര പറഞ്ഞുകൊണ്ട് ഞാൻ റൂമിലേക്ക് പോയി. മസ്‌കറ്റിലെ കാഴ്ചകളും വിശേഷങ്ങളും എല്ലാം ഇനി അടുത്ത ദിവസം ആസ്വദിക്കാം…

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

കേരളത്തിൽ റോഡ് ട്രിപ്പിനു പറ്റിയ അഞ്ച് മനോഹര റൂട്ടുകൾ…

യാത്രകൾ പല തരത്തിൽ ആസ്വദിക്കുന്നവരുണ്ട്. ചിലർ സ്ഥലങ്ങലും കാഴ്ചകളും ഒക്കെ കണ്ട് ആസ്വദിക്കും, ചിലർ ഓരോ സ്ഥലത്തെയും ഭക്ഷണങ്ങൾ രുചിച്ച് ആസ്വദിക്കും, ചിലർ കൂട്ടുകാരും കുടുംബവുമൊക്കെയായിട്ട് ഒരു അടിച്ചുപൊളി മൂഡിലായിരിക്കും യാത്ര പോകുന്നത്. മറ്റു ചിലരാകട്ടെ ഡ്രൈവിംഗ് ആയിരിക്കും ഇഷ്ടപ്പെടുക. ഇത്തരത്തിൽ…
View Post

കോഴിക്കോട് നിന്നും വൺ ഡേ ട്രിപ്പ് പോകാൻ പറ്റിയ അഞ്ച് സ്ഥലങ്ങൾ…

കേരളത്തിൽ ഏറ്റവും കൂടുതൽ സഞ്ചാരികൾ വസിക്കുന്നത് മലബാർ മേഖലകളിലാണ്. സോഷ്യൽ മീഡിയയിലെ ട്രാവൽ ഗ്രൂപ്പുകളിൽ നിറഞ്ഞ സാന്നിധ്യത്തോടെയാണ് ഇവരുടെ മുന്നേറ്റം. ഇവരിൽ കൂടുതൽപേരും മലപ്പുറം, കോഴിക്കോട് ജില്ലകളിൽ നിന്നുള്ളവരാണ്. അതുകൊണ്ട് ഇത്തവണ സ്വൽപ്പം വടക്കൻ വിശേഷങ്ങളാണ് നിങ്ങള്ക്ക് മുന്നിൽ പങ്കുവെയ്ക്കാൻ പോകുന്നത്.…
View Post

എന്താണ് ദുബായ് എക്സ്പോ? അവിടെ എന്തൊക്കെ കാണാം? ആകർഷണങ്ങൾ…

ഇപ്പോൾ മാധ്യമങ്ങളിലും സോഷ്യൽ മീഡിയകളിലും, പിന്നെ പ്രവാസി സുഹൃത്തുക്കൾക്കിടയിലും സംസാരവിഷയമായിരിക്കുന്ന ഒന്നാണ് ദുബായ് എക്സ്പോ. എന്താണ് ഈ ദുബായ് എക്സ്പോ എന്ന് ശരിക്കും അറിയാത്ത ചിലരെങ്കിലും നമുക്കിടയിലുണ്ടാകും. അവർക്കായി ദുബായ് എക്സ്പോയുടെ വിശേഷങ്ങൾ പങ്കുവെയ്ക്കാം. ബ്യൂറോ ഒഫ് ഇന്റർനാഷണൽ എക്സ്പോസിഷൻസിന്റെ മേൽനോട്ടത്തിൽ…
View Post

കാസർഗോഡ് ജില്ലയിൽ വന്നാൽ സന്ദർശിച്ചിരിക്കേണ്ട ചില സ്ഥലങ്ങൾ…

കേരളത്തിനുള്ളിൽ ആണെങ്കിലും വടക്കേയറ്റത്തു കിടക്കുന്നതിനാൽ മിക്കയാളുകളും കാസർഗോഡ് ജില്ലയിൽ പോയിട്ടുണ്ടാകാൻ വഴിയില്ല. പിന്നെ അത് വഴി പോകുന്നത് കൊല്ലൂർ – മൂകാംബികയിലേക്കുള്ള തീര്തഥയാത്രയ്ക്കിടെയാണ്. കാസർകോട്ടെ സംസാരഭാഷയായ മലയാളത്തിൽ കന്നഡ, കൊങ്കണി, തുളു എന്നീ ഭാഷകളുടെ സ്വാധീനം കാണാം. 1984 മെയ്‌ 24-നാണ്‌…
View Post

കെഎസ്ആർടിസിയുടെ മലക്കപ്പാറ ടൂർ പാക്കേജ് വമ്പൻ ഹിറ്റ് !!

കെ എസ് ആർ ടി സിയുടെ മലക്കപ്പാറ പാക്കേജ് സർവീസ് ഇന്ന് കേരളമാകെ ഹിറ്റ്! അവധി ദിനങ്ങളിൽ സഞ്ചാരികൾക്കായി ചാലക്കുടിയിൽ നിന്നും ഏർപ്പെടുത്തിയ പ്രത്യേക സർവ്വീസുകൾ സൂപ്പർ ഹിറ്റായതിനെ തുടർന്ന് യാത്രക്കാരുടെ ആവശ്യം പരിഗണിച്ച് മറ്റു ഡിപ്പോകളിലേയ്ക്കും വ്യാപിപ്പിക്കുകയായിരുന്നു. ആദ്യഘട്ടം എന്ന…
View Post

ബെംഗളൂരു നഗരത്തിനുള്ളിൽ നിങ്ങൾ കണ്ടിരിക്കേണ്ട 15 സ്ഥലങ്ങൾ..

ബെംഗളൂരു ഇന്ത്യയിലെ വലിയ മെട്രോ നഗരങ്ങളിൽ ഒന്നാണ്. അതുകൊണ്ടു തന്നെ ഇവിടെ കാഴ്ചകളും ധാരാളമുണ്ട്. ബെംഗളുരുവിലേക്ക് വരുന്നവർക്ക് സന്ദർശിക്കാവുന്ന 15 സ്ഥലങ്ങളെയാണ് ഈ ലേഖനത്തിലൂടെ പരിചയപ്പെടുത്തുവാൻ പോകുന്നത്. 1 ടിപ്പു സുൽത്താൻ സമ്മർ പാലസ് : ബെംഗളൂരുവിലെ കെആർ മാർക്കറ്റിനു സമീപമാണ്…
View Post