ഒരു റോയൽ മെക്ക് ഐഡിയ !! KSRTC യ്ക്ക് ഒരു കൈത്താങ്ങുമായി ബിടെക് വിദ്യാർത്ഥികളുടെ കണ്ടുപിടുത്തം…

Total
1
Shares

കേരളത്തിൻ്റെ സ്വന്തം ‘ആനവണ്ടി’ എന്നറിയപ്പെടുന്ന കെ.എസ്.ആർ.ടി.സി. ബസുകൾക്ക് ഒരു കൈ താങ്ങുമായി കോതമംഗലം മാർ ബസേലിയോസ് ഇൻസ്റ്റിറ്റ്യൂട്ട് ഓഫ് ടെക്നോളജി ആൻഡ് സയൻസിലെ (എംബിറ്റ്സ്) അവസാന വർഷ മെക്കാനിക്കൽ എഞ്ചിനീയറിംഗ് വിദ്യാർത്ഥികൾ. യാത്രാ മധ്യേ ബസുകളിലെ ടയർ പഞ്ചർ മൂലം ട്രിപ്പുകൾ മുടങ്ങുന്നത്‌ മൂലം ഉണ്ടാകുന്ന സമയ നഷ്ടവും ധന നഷ്ടവും കുറക്കുക എന്ന ഉദ്ദേശത്തോടെ ആണ് 12 അംഗ വിദ്യാർത്ഥികൾ കെ.എസ്.ആർ. ടി.സി ഡിപ്പോകളിലെ റിക്കവറി വാനുകളിൽ ഘടിപ്പിക്കാവുന്ന “എയർ കംപ്രസർ കൊണ്ട് പ്രവർത്തിക്കുന്ന ജാക്കി, ന്യൂ മാറ്റിക്ക് റെഞ്ച്” എന്ന ആശയം വികസിപ്പിച്ചെടുത്തത്.

കെ.എസ്.ആർ.ടി.സി റിക്കവറി വാഹനത്തിൽ ഘടിപ്പിച്ച മറ്റൊരു എഞ്ചിന്റെ സഹായത്തോടെ ആണ് എയർ കംപ്രസറും മറ്റ് അനുബന്ധ ഉപകരണങ്ങളും പ്രവർത്തിക്കുക. ഈ സംവിധാനം ഫിറ്റ് ചെയ്യുന്നതു വഴി വെറും പത്ത് മിനുട്ടു കൊണ്ട് ഒരു ബസിലെ ടയറുകൾ മാറ്റാൻ സാധിക്കും എന്ന് വിദ്യാർത്ഥികൾ പറഞ്ഞു. ബ്രേക്ക് ഡൗൺ മൂലം ഉണ്ടാകുന്ന സമയ നഷ്ടം കുറക്കുകയും കെ.എസ്.ആർ.ടി.സി യെ കൂടുതൽ കാര്യക്ഷമത വർദ്ധിപ്പിക്കാൻ സഹായിക്കുകയും ചെയ്യുന്ന ഈ പുതിയ കണ്ടുപിടുത്തം കെഎസ്ആർടിസിയ്ക്ക് ഒരു മുതൽക്കൂട്ട് തന്നെയായിരിക്കും.

കോതമംഗലം കെ.എസ്.ആർ.ടി.സി ഡിപ്പോ ഗാരേജിന്റെ സഹകരണത്തോടെ കെ.എസ്.ആർ.ടി.സി കോതമംഗലം ഡിപ്പോയിലെ അസിസ്റ്റൻ്റ് എഞ്ചിനീയർ റഷീദ് വി.പി യുടെയും, എംബിറ്റ്സ് കോളേജിലെ മെക്കാനിക്കൽ വിഭാഗം അസിസ്റ്റൻ്റ് പ്രൊഫസർ എൽസൺ പോൾ.വി. യുടേയും മേൽനോട്ടത്തിൽ ആണ് റോഷൻ ഷിബു, നോയൽ വർഗീസ്, റൂബൻ ജോൺസൺ, ടിനു ടെന്നിസൺ, മുഹമ്മദ് ഷാ, സ്റ്റെബിൻ മോളത്ത്, വിജയ് ബി നായർ, സുൻ സുൻ സാജു, മനശ്ശെ ബാബു, ദേവൻ ജി നായർ, സായിദ് ഫെറിഷ്, പി.എസ് ടോണി എന്നീ വിദ്യാർത്ഥികൾ
എല്ലാവിധ സുരക്ഷാ മാനദണ്ഡങ്ങളും പാലിച്ച് ഈ പ്രൊജക്റ്റ് വിജയകരമായി പൂർത്തീകരിച്ചത്.

സാമ്പത്തിക നഷ്ടത്തിൽ നിന്നും കരകയറാൻ കെ.എസ്.ആർ.ടി.സി മാനേജ്മെൻ്റ് നടത്തുന്ന പ്രവർത്തനങ്ങൾക്ക് ഒരു സഹായം കൂടി ആണ് വിദ്യാർത്ഥികളുടെ ഈ പ്രൊജക്റ്റ്. കെ.എസ്.ആർ.ടി.സി എം.ഡി.യുടെ സാന്നിധ്യത്തിൽ അടുത്ത ദിവസം തന്നെ ഈ പ്രൊജക്റ്റ് കോർപ്പറേഷന് കൈ മാറും എന്ന് വിദ്യാർത്ഥികൾ അറിയിച്ചിട്ടുണ്ട്. ഈ പ്രവർത്തന വിദ്യ കെഎസ്ആർടിസി വേണ്ടവിധത്തിൽ ഉപയോഗപ്പെടുത്തും എന്നുതന്നെയാണ് എല്ലാവരുടെയും പ്രതീക്ഷ.

മുൻകാലങ്ങളിൽ ഇതുപോലെ എഞ്ചിനീയറിംഗ് വിദ്യാർഥികൾ കെഎസ്ആർടിസിയ്ക്കായി വിവിധ തരത്തിലുള്ള സഹായങ്ങൾ രൂപപ്പെടുത്തി നൽകിയിട്ടുണ്ടെങ്കിലും അവയെല്ലാം പിന്നീട് അധികൃതർ തിരിഞ്ഞു നോക്കാതെ പോകുകയായിരുന്നു. അതിൽ എടുത്തു പറയേണ്ട ഒന്നായിരുന്നു അടൂർ കെഎസ്ആർടിസി ഡിപ്പോയിൽ എഞ്ചിനീയറിംഗ് വിദ്യാർത്ഥികളായിരുന്ന ശ്രീശാന്ത്, വിഭുദേവ്, ജിബിൻ, ഹരികൃഷ്ണൻ എന്നിവർ ചേർന്നു തയ്യാറാക്കിയ ‘ബസ് ഇൻഫർമേഷൻ സിസ്റ്റം’.

യാത്രക്കാർക്ക് പ്രസ്തുത ഡിപ്പോയിലെ ബസ്സുകളുടെ സമയവിവരങ്ങൾ പ്രത്യേകം തയ്യാറാക്കിയ കിയോസ്‌ക്കിന്റെ സഹായത്തോടെ അറിയുവാൻ കഴിയുന്ന വിധത്തിലായിരുന്നു ഈ പ്രോജക്ട്. അടൂർ ഡിപ്പോ ജീവനക്കാരുടെ പിന്തുണയുണ്ടായിരുന്നെകിലും മുകളിലുള്ള ചില കെഎസ്ആർടിസി ഉദ്യോഗസ്ഥരുടെ പിടിവാശി കാരണം ഈ സിസ്റ്റം അവിടെ നിന്നും മാറ്റുകയാണുണ്ടായത്. ഇപ്പോൾ കോതമംഗലത്തെ വിദ്യാർഥികൾ തയ്യാറാക്കിയ ഈ പ്രോജക്ടിനും അതേഗതി വരാതിരിക്കട്ടെ.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

കേരളത്തിലെ പത്രങ്ങളുടെ ചരിത്രം – ഒരു മലയാളി അറിഞ്ഞിരിക്കേണ്ട കാര്യങ്ങൾ..

കേരളീയരുടെ ജീവിതത്തിന്‍്റെ ഭാഗമാണ് പത്രങ്ങള്‍. കേരളീയ സംസ്കാരത്തിന്‍്റെ ഭാഗമാണ് പത്രവായന. ഒരു ശരാശരി മലയാളിയുടെ ദിവസം ആരംഭിക്കുന്നത് ഒരു കൈയില്‍ കാപ്പിയും മറ്റേ കൈയില്‍ പത്രവുമായിട്ടാണ്. കേരളത്തിലെ സാംസ്കാരിക ചരിത്രം പരിശോധിച്ചാല്‍ ഏറ്റവും മികച്ച സംഭാവന നല്‍കിയത് പത്രങ്ങളും പ്രസിദ്ധീകരണങ്ങളുമാണെന്നു കാണാം.…
View Post

മുഗൾ സാമ്രാജ്യം – ചക്രവർത്തിമാരും അവരുടെ അന്ത്യവും

ഇന്ത്യയിൽ ഏറ്റവും അധികം കാലം ഭരിച്ച മുസ്ലീം രാജാക്കന്മാരുടെ സാമ്രാജ്യമാണ് മുഗൾ സാമ്രാജ്യം. പിതൃത്വം വഴി മദ്ധ്യേഷ്യൻ ഭരണാധികാരി തിമൂറിന്റെ പിൻ‌ഗാമികളും, മാതൃത്വം വഴി മംഗോൾ നേതാവായ ജെംഗിസ് ഖാന്റെ പാരമ്പര്യം ഉള്ളവരുമാണ്‌ മുഗളർ. മംഗോൾ എന്നതിന്റെ പേർഷ്യൻ/ചഗതായ് രൂപഭേദമായ മുഗൾ…
View Post

കടുവ വേലായുധൻ – ആനപ്പണിക്കാരിലെ എക്കാലത്തെയും വലിയ അതികായൻ !!

എഴുത്ത് – വിനു പൂക്കാട്ടിയൂർ. ആനപ്പണിയിലെ എക്കാലത്തെയും വലിയ അതികായൻ ‘കടുവ വേലായുധേട്ടൻ’ ആനയില്ലാത്ത ലോകത്തേക്ക് യാത്രയായിട്ട് എട്ട് വർഷങ്ങൾ. അദ്ദേഹത്തിന്റെ ഓർമ്മകൾക്ക് മുൻപിൽ അനന്തകോടിപ്രണാമം. ഒരുപാട് പേരുടെ അഭ്യർത്ഥനയായിരുന്നു സാക്ഷാൽ കടുവയുടെ കഥകൾ കേൾക്കണമെന്ന്. എന്നാൽ എന്നെപോലെയുള്ള ഒരാൾക്ക് വലിയ…
View Post

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

കരിയെ മെരുക്കിയ കടുവ വേലായുധൻ; ആനപ്പണിക്കാരിലെ ധീരൻ – പാർട്ട് 3

ആനപ്പണിയിലെ എക്കാലത്തെയും വലിയ അതികായനായ ‘കടുവ വേലാധൻ’ എന്ന അപൂർവ്വ മനുഷ്യനെക്കുറിച്ചുള്ള കഥ. അവസാന ഭാഗം. ആദ്യഭാഗം വായിക്കുവാൻ : https://bit.ly/33rRcbo. എഴുത്ത് – വിനു പൂക്കാട്ടിയൂർ. തെച്ചിക്കോട്ടുകാവ് രാമചന്ദ്രന്റെ അപ്രതീക്ഷിത ഇടിയേറ്റ് പുതുനഗരം പാടത്തു വീണ്ടുകിടക്കുന്ന കർണ്ണൻ. കർണ്ണന്റെ നെഞ്ചുപിളർക്കാൻ കുതിച്ചുവരുന്ന…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

KSRTC SWIFT വോൾവോ സ്ലീപ്പർ ബസ്സിലെ യാത്ര; ഒരു പാസഞ്ചർ റിവ്യൂ

വിവരണം – ലിജോ ചീരൻ ജോസ്. ഇരുപത്തിരണ്ടു വർഷമേ ആയിട്ടുള്ളു ഞാൻ നമ്മുടെ ആനവണ്ടിയിലെ ദീർഘദൂര യാത്രകൾ ആരംഭിച്ചിട്ട്. ഗുരുവായൂർ – കോയമ്പത്തൂർ ഫാസ്റ്റിലാണ് തുടക്കം. കുറച്ചു വര്ഷം മുൻപ് വരെ കര്ണാടക ആർ ടി സി വോൾവോ ബസുകൾ കേരളത്തിലേക്ക്…
View Post