തായ് എയർവേയ്‌സ് – മികച്ച എയർലൈനിൽ നിന്നും പാപ്പരത്വം വരെ

Total
4
Shares

സൗത്ത് ഈസ്റ്റ് ഏഷ്യൻ രാജ്യമായ തായ്‌ലാൻഡിന്റെ നാഷണൽ ഫ്‌ളാഗ് കാരിയർ എയർലൈനാണ്‌ തായ് എയർവേയ്‌സ് എന്നറിയപ്പെടുന്ന തായ് എയർവേയ്‌സ് ഇന്റർനാഷണൽ. തായ് എയർവെയ്സിൻ്റെ ചരിത്രവും വിശേഷങ്ങളുമാണ് ഈ ലേഖനത്തിലൂടെ നിങ്ങൾക്കു മുന്നിൽ എത്തിക്കുന്നത്.

1947 ൽ സയാമീസ് എയർവേയ്‌സ് കമ്പനി ലിമിറ്റഡ് ആയിരുന്നു തായ്‌ലാൻഡിന്റെ ഡൊമസ്റ്റിക് ഫ്‌ളാഗ് കാരിയർ. പിന്നീട് 1951 ൽ സയാമീസ് എയർവേയ്സും പസഫിക് ഓവർസീസ് എയർലൈൻ ലിമിറ്റഡും യോജിച്ചുകൊണ്ട് തായ് എയർവേയ്‌സ് എന്ന പേരിൽ ഒരു പുതിയ എയർലൈനായി മാറി. പിന്നീട് 1960 ൽ തായ്‌ എയർവേസ് സ്കാണ്ടിനെവിയൻ എയർലൈൻസുമായി (എസ്എഎസ്) സംയുക്തസംരംഭമായി തായ് ഇന്റർനാഷണൽ എന്ന ഒരു എയർലൈൻ രൂപീകരിക്കപ്പെട്ടു.

ആഭ്യന്തര എയർലൈനായ തായ്‌ എയർവേസ് കമ്പനിയ്ക്കു അന്താരാഷ്ട്ര സർവീസുകൾ ആരംഭിക്കുക എന്ന ലക്ഷ്യത്തോടെയാണ് തായ് ഇന്റർനാഷണൽ‌ എയർവേസ് രൂപീകരിക്കപ്പെട്ടത്. പൂർണമായും സ്വതന്ത്രമായ എയർലൈൻ രൂപീകരിക്കുന്നതിനായി എല്ലാവിധ സഹായങ്ങളും എസ്എഎസ് ആയിരുന്നു നൽകിയത്. അതേ സമയം തായ് എയർവേയ്‌സ് ആഭ്യന്തര റൂട്ടുകളിൽ സർവ്വീസ് തുടരുകയും ചെയ്തു.

തായ്‌ ഇന്റർനാഷണൽ എയർവേസിൻറെ ആദ്യ വിമാനം 1960 മെയ്‌ 1-നു ബാങ്കോക്കിൽ നിന്നും 9 ഏഷ്യൻ വിദേശ രാജ്യങ്ങളിലെ ലക്ഷ്യകേന്ദ്രങ്ങളിലേക്ക് ആയിരുന്നു. ഭൂഖണ്ഡത്തിനു പുറത്തേക്കുള്ള തായ്‌ ഇന്റർനാഷണൽ എയർവേസിൻറെ ആദ്യ സർവ്വീസ് 1971 ൽ ഓസ്‌ട്രേലിയയിലേക്ക് ആയിരുന്നു. Douglas DC-8 എയർക്രാഫ്റ്റ് ആയിരുന്നു ഇതിനായി ഉപയോഗിച്ചത്. 1972 ൽ യൂറോപ്പിലേക്കും തായ്‌ ഇന്റർനാഷണൽ സർവ്വീസുകൾ ആരംഭിച്ചു.

1977 ൽ മുഴുവൻ ഓഹരികളും സ്വന്തമാക്കിക്കൊണ്ട് സ്കാണ്ടിനെവിയൻ എയർലൈൻസുമായുള്ള 17 വർഷത്തെ സംയോജിത പ്രവർത്തനം തായ് ഇന്റർനാഷണൽ എയർവേയ്‌സ് അവസാനിപ്പിച്ചു. 1979 ൽ തായ് എയര്വേയ്സിലേക്ക് അന്ന് ലോകത്തുണ്ടായിരുന്ന ഏറ്റവും വലിയ പാസഞ്ചർ എയർക്രാഫ്റ്റായ ബോയിങ് B747 എത്തിച്ചേർന്നു. 1980 ൽ നോർത്ത് അമേരിക്കയിലേക്ക് തായ് ഇന്റർനാഷണൽ എയർവേയ്‌സ് സർവ്വീസുകൾ ആരംഭിച്ചു.

1988 ൽ ആഭ്യന്തര – അന്താരാഷ്ട്ര സർവ്വീസുകൾ ഏകോപിപ്പിച്ചുകൊണ്ട് ഒരു ദേശീയ എയർലൈൻ രൂപീകരിക്കാൻ തായ്‌ലൻഡ് സർക്കാർ തീരുമാനിച്ചു. അതാണ് നാം ഇന്ന് കാണുന്ന തായ് എയർവേയ്‌സ് ഇന്റർനാഷണൽ. അങ്ങനെ തായ് എയർവേയ്‌സ് തായ്‌ലാൻഡിന്റെ നാഷണൽ കാരിയർ എയർലൈനായി മാറി. അതേ വർഷം തന്നെ തായ് എയർവേയ്‌സ് ഫ്‌ലീറ്റിലേക്ക് ബോയിങ് 737 എയർക്രാഫ്റ്റുകൾ എത്തിച്ചേർന്നു.

1996 ലാണ് തായ് എയർവേയ്‌സ് ആദ്യമായി Boeing 777 ശ്രേണിയിലുള്ള എയർക്രാഫ്റ്റുകൾ ഉപയോഗിച്ചു തുടങ്ങിയത്. 1997-ൽ തായ്‌ എയർവേസ് സ്വകാര്യവൽക്കരിക്കുവാൻ തീരുമാനിച്ചു. അതേ വർഷം തന്നെ തായ് എയർവേയ്‌സ് ലോകത്തിലെ ഏറ്റവും വലിയ എയർലൈൻ അലയൻസായ സ്റ്റാർ അലയൻസിൽ ചേരുകയുണ്ടായി.

ഇതിനിടയിൽ തായ്‌ എയർവേസ് അവരുടെ സർവീസ് നെറ്റ്‌വർക്ക് വിപുലീകരിക്കുന്നത് തുടർന്നു കൊണ്ടേയിരുന്നു. 2000 കാലഘട്ടത്തിൽ തായ് എയർവേയ്‌സ് ചെങ്ങ്ടു, ബുസാൻ, ചെന്നൈ, ഷിയമെൻ, മിലാൻ, മോസ്കോ, ഇസ്ലാമാബാദ്, ഹൈദരാബാദ്, ജോഹാനസ്ബർഗ്, ഓസ്ലോ എന്നിവിടങ്ങളിലേക്ക് സർവീസുകൾ ആരംഭിച്ചു.

2005 ൽ എയർബസ് A340-500 എയർക്രാഫ്റ്റുകൾ ഉപയോഗിച്ചുകൊണ്ട് ബാങ്കോക്ക് – ന്യൂയോർക്ക് റൂട്ടിൽ തായ് എയർവേയ്‌സ് ആദ്യമായി നോൺസ്റ്റോപ്പ്‌ സർവ്വീസ് ആരംഭിച്ചു. ഇന്ധനച്ചെലവുകൾ താങ്ങാതെ വന്നതുമൂലം ഈ സർവ്വീസ് 2008 ൽ നിർത്തലാക്കുകയും ചെയ്തു. പിന്നീട് A340 എയർക്രാഫ്റ്റുകൾ സർവ്വീസിൽ നിന്നും പിൻവലിക്കുകയും തൽസ്ഥാനത്ത് ബോയിങ് B777-200ER കൊണ്ടുവരികയും ചെയ്തു.

2006 ൽ തായ് എയർവേയ്‌സ് തങ്ങളുടെ പ്രധാന ഹബ്ബ് ബാങ്കോക്കിലെ സുവർണ്ണഭൂമി എയർപോർട്ടിലേക്ക് മാറ്റുകയും അതോടൊപ്പം പുതിയ ലിവെറി കൊണ്ടുവന്ന് തങ്ങളുടെ ബ്രാൻഡ് പരിഷ്‌ക്കരിക്കുകയും ചെയ്തു.

2008 ൽ പല കാരണങ്ങളാൽ തായ് എയർവെയ്‌സ് ചരിത്രത്തിലാദ്യമായി നഷ്‌ടക്കണക്കുകളുടെ വലയത്തിലായെങ്കിലും 2009 ൽ വീണ്ടും ലാഭത്തിലേക്ക് കുതിക്കുകയാണുണ്ടായത്. 2010 ൽ തങ്ങളുടെ അൻപതാം വാർഷികത്തിൽ തായ് എയർവേയ്‌സ് Boeing 787, Airbus A350 എന്നിവയുൾപ്പെടെ എയർക്രാഫ്റ്റുകൾക്ക് ഓർഡർ നൽകുകയും, അതോടൊപ്പം തങ്ങളുടെ ഫ്‌ലീറ്റിലുള്ള Boeing 747, 777 എയർക്രാഫ്റ്റുകളുടെ കാബിനുകൾ നവീകരിച്ചു പുത്തനാക്കുകയും ചെയ്തു.

2012 ൽ ലോകത്തിലെ ഇന്നുള്ളതിൽ വെച്ച് ഏറ്റവും വലിയ യാത്രാ വിമാനമോഡലായ എയർബസ് A380 തായ് എയർവേയ്‌സ് സ്വന്തമാക്കി. അതേ വർഷം തന്നെ തായ് സ്‌മൈൽ എന്ന പേരിൽ ഒരു റീജ്യണൽ എയർലൈൻ കൂടി തായ് എയർവേയ്‌സ് ആരംഭിച്ചു. എയർബസ് A320 മോഡൽ വിമാനങ്ങളായിരുന്നു തായ് സ്‌മൈൽ സർവ്വീസുകൾക്കായി ഉപയോഗിച്ചത്. തായ്‌ലാൻഡ്, ഇന്ത്യ, മ്യാൻമർ, മലേഷ്യ, ലാവോസ്, ചൈന, കംബോഡിയ, ബാംഗ്ലദേശ് എന്നിവിടങ്ങളിലെ മുപ്പതോളം കേന്ദ്രങ്ങളിലേക്ക് തായ് സ്മൈലിനു സർവ്വീസുകളുണ്ട്.

നിലവിൽ തായ് എയർവേയ്‌സ് ഫ്‌ലീറ്റിൽ Airbus A330-300, Airbus A350-900, Airbus A380, Boeing 747-400, Boeing 777-200ER, Boeing 777-300, Boeing 777-300ER, Boeing 787-8, Boeing 787-9 എന്നീ എയർക്രാഫ്റ്റ് മോഡലുകളാണ് ഉള്ളത്.

ചരിത്രത്തിൽ രണ്ടു തവണ മാത്രമാണ് തായ് എയർവേയ്‌സ് വിമാനങ്ങൾ വലിയ അപകടങ്ങളിൽപ്പെട്ടിട്ടുള്ളത്. 1992 ൽ 113 പേരുടെയും, 1998 ൽ 102 പേരുടെയും മരണത്തിനിടയാക്കിയവയായിരുന്നു ആ അപകടങ്ങൾ.

2009 നു ശേഷം 2010, 2012, 2016 എന്നീ വർഷങ്ങളിൽ മാത്രമാണ് തായ് എയർവേയ്‌സ് ലാഭം കണ്ടത്. 2017 മുതൽ ഇങ്ങോട്ട് കമ്പനി നഷ്ടത്തിലാണ്. 2020 ജൂൺ മാസം വരെയുള്ള കണക്കുകൾ പ്രകാരം തായ് എയർവേയ്‌സിനു 11 ബില്യൺ USD കടമുണ്ട്. ഇതിനിടെ കോവിഡ് 19 മൂലം സർവ്വീസുകൾ നടത്താതെ വരികയും സാമ്പത്തിക പ്രതിസന്ധി വർദ്ധിക്കുകയും ചെയ്തതോടു കൂടി പാപ്പരായി പ്രഖ്യാപിക്കണമെന്നാവശ്യപ്പെട്ടുകൊണ്ട് തായ് എയർവേയ്‌സ് അപേക്ഷ നൽകി. എന്നാൽ അവസാന ശ്രമമെന്നോണം ഒരു തിരിച്ചു വരവിനു കൂടി കോടതി എയർലൈനിനു അനുമതി നൽകി. ടൂറിസം ഉണർന്നു കഴിഞ്ഞാൽ പതിയെ നഷ്ടക്കണക്കുകളിൽ നിന്നും കരകേറാമെന്നാണ് തായ് എയർവേയ്‌സ് കണക്കുകൂട്ടുന്നത്.

തിരിച്ചുവരവിന്റെ മുന്നോടിയായി തായ് എയർവേയ്‌സ് 2020 സെപ്റ്റംബർ മാസത്തിൽ ബാങ്കോക്കിലെ തങ്ങളുടെ ഹെഡ്ഓഫീസിലെ കാന്റീൻ ഒരു എയർലൈൻ തീമുള്ള റെസ്റ്റോറന്റ്റ് ആക്കി മാറ്റുകയുണ്ടായി. ഈ റെസ്റ്റോറന്റിൽ തായ് എയർവെയ്‌സ് വിമാനങ്ങളിലെ ഫുഡ് മെനുവിലുള്ള വിഭവങ്ങളായിരിക്കും ലഭ്യമാകുക.

പ്രവർത്തനമാരംഭിച്ച് 40 വർഷത്തോളം മികച്ച ലാഭവുമായി സർവ്വീസ് നടത്തിയിരുന്ന തായ് എയർവേയ്‌സിനു ഇനിയൊരു മികച്ച തിരിച്ചുവരവുണ്ടാകുമോ? കാത്തിരുന്നു കാണാം.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

KSRTC SWIFT വോൾവോ സ്ലീപ്പർ ബസ്സിലെ യാത്ര; ഒരു പാസഞ്ചർ റിവ്യൂ

വിവരണം – ലിജോ ചീരൻ ജോസ്. ഇരുപത്തിരണ്ടു വർഷമേ ആയിട്ടുള്ളു ഞാൻ നമ്മുടെ ആനവണ്ടിയിലെ ദീർഘദൂര യാത്രകൾ ആരംഭിച്ചിട്ട്. ഗുരുവായൂർ – കോയമ്പത്തൂർ ഫാസ്റ്റിലാണ് തുടക്കം. കുറച്ചു വര്ഷം മുൻപ് വരെ കര്ണാടക ആർ ടി സി വോൾവോ ബസുകൾ കേരളത്തിലേക്ക്…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

കേരളത്തിലെ പത്രങ്ങളുടെ ചരിത്രം – ഒരു മലയാളി അറിഞ്ഞിരിക്കേണ്ട കാര്യങ്ങൾ..

കേരളീയരുടെ ജീവിതത്തിന്‍്റെ ഭാഗമാണ് പത്രങ്ങള്‍. കേരളീയ സംസ്കാരത്തിന്‍്റെ ഭാഗമാണ് പത്രവായന. ഒരു ശരാശരി മലയാളിയുടെ ദിവസം ആരംഭിക്കുന്നത് ഒരു കൈയില്‍ കാപ്പിയും മറ്റേ കൈയില്‍ പത്രവുമായിട്ടാണ്. കേരളത്തിലെ സാംസ്കാരിക ചരിത്രം പരിശോധിച്ചാല്‍ ഏറ്റവും മികച്ച സംഭാവന നല്‍കിയത് പത്രങ്ങളും പ്രസിദ്ധീകരണങ്ങളുമാണെന്നു കാണാം.…
View Post

കടുവ വേലായുധൻ – ആനപ്പണിക്കാരിലെ എക്കാലത്തെയും വലിയ അതികായൻ !!

എഴുത്ത് – വിനു പൂക്കാട്ടിയൂർ. ആനപ്പണിയിലെ എക്കാലത്തെയും വലിയ അതികായൻ ‘കടുവ വേലായുധേട്ടൻ’ ആനയില്ലാത്ത ലോകത്തേക്ക് യാത്രയായിട്ട് എട്ട് വർഷങ്ങൾ. അദ്ദേഹത്തിന്റെ ഓർമ്മകൾക്ക് മുൻപിൽ അനന്തകോടിപ്രണാമം. ഒരുപാട് പേരുടെ അഭ്യർത്ഥനയായിരുന്നു സാക്ഷാൽ കടുവയുടെ കഥകൾ കേൾക്കണമെന്ന്. എന്നാൽ എന്നെപോലെയുള്ള ഒരാൾക്ക് വലിയ…
View Post

മണാലി ബസ് സ്റ്റാൻഡിൽ ഒരു മലയാളിയെ പറ്റിച്ചു മുങ്ങിയ മലയാളി

വിവരണം – Zainudheen Kololamba. അപരിചിതമായ വഴികളിൽ കണ്ടുമുട്ടുന്ന മലയാളികളെ ബന്ധുക്കളേക്കാൾ സ്വന്തമാണെന്ന് തോന്നാറില്ലേ? ഹിന്ദി, ഉറുദു കലപിലകൾക്കിടയിൽ ആരെങ്കിലും വന്ന് മലയാളിയാണോ എന്ന് ചോദിക്കുമ്പോൾ അത്യാനന്ദം അനുഭവപ്പെടാറില്ലേ? തീർച്ചയായും എനിക്ക് തോന്നാറുണ്ട്. കേരള സമ്പർക്രാന്തിയുടെ സെക്കന്റ് ക്ലാസ് ഡബ്ബയുടെ ബർത്തിലിരുന്ന്…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post