ഇവിടത്തെ ഊണ് പൊളിയാണ്… വിട്ടു കളയരുത്

Total
1
Shares

എഴുത്ത് – Praveen Shanmukom, ARK – അനന്തപുരിയിലെ രുചി കൂട്ടായ്മ.

ഇത് തറവാട്ടിൽ തനിമ. തിരുമല ജംഗ്ഷനിൽ വലത് വശത്തായി കാണാം. പാങ്ങോട് നിന്ന് വരുമ്പോൾ ശ്രീ ബാലകൃഷ്ണ കല്യാണ മണ്ഡപം കഴിഞ്ഞ് കുറച്ച് മുന്നോട്ട് വരുമ്പോൾ വലത് വശത്ത് ആട്ടോസ്റ്റാൻഡും അതിനെതിരായി തറവാട്ടിൽ തനിമയും കാണാം.

ഊണ് അവിടെ ചെന്ന് പാഴ്സലായി വാങ്ങിക്കുകയാണ് ചെയ്തത്. ഒറ്റയ്ക്കായതിനാൽ ഇരുന്ന് കഴിച്ചില്ല. ഊണിന്റെ രുചി കാരണം വീണ്ടുമവിടെ കുടംബസമേതം പോയിരുന്ന് കഴിക്കാനാണ് പദ്ധതി.

ഊണിന്റെ വിശേഷങ്ങളിലേക്ക്… പായ്ക്കിങ്ങെല്ലാം പക്കാ. ചോറ് ഇലയിൽ പൊതിഞ്ഞ്, കറികളെല്ലാം പ്രത്യേകം ഇലയിൽ പൊതിഞ്ഞ്, ഒഴിച്ചൂട്ടുനെല്ലാം അലുമിനിയം ഫോയിലിലാക്കി അങ്ങനെ. പലയിടത്തും കാണുന്ന പ്ളാസ്റ്റിക്ക് കവറുകൾ ഇവിടെയില്ല. കറികളെല്ലാം തുറന്ന് മുന്നിൽ വച്ചപ്പോൾ നമ്മൾക്ക് വേണ്ടി അപ്പോൾ വിളമ്പി വച്ച പ്രതീതിയാണനുഭവപ്പെട്ടത്.
കറികളെല്ലാം ഒന്ന് തൊട്ട് രുചി നോക്കിയപ്പോൾ തന്നെ രുചിയുടെ ഒരു മായിക പ്രപഞ്ചത്തിലോട്ട് ആവാഹിക്കപ്പെട്ടത് പോലെ തോന്നി. മനസ്സ് ഒന്ന് തുടിച്ചു.

ആദ്യം ആ സാമ്പാറെടുത്ത് ചോറിലൊന്ന് കുഴച്ച് ചെറിയ ഉരുളയാക്കി അത് മാത്രമായിട്ടൊന്ന് കഴിച്ച് നോക്കി. ആഹാ കൊള്ളാലോ. ഒൺ ആഫ് ദി ബെസ്റ്റ് സാമ്പാർ. അടുത്തതായി കൈകൾ ഇഷ്ടപ്പെട്ട അവിയലിനെ തേടി ചെന്നു. അതിൽ നിന്ന് കുറച്ചെടുത്തു സാമ്പാറിനും ചോറിനും ഒപ്പം ചേർത്തു. ഒപ്പം ആ കാബേജ് തോരനും നാരങ്ങ അച്ചാറും. എല്ലാം കൂടി ചോറിൽ നിറഞ്ഞമർന്നങ്ങു ചേർന്നു. എല്ലാമെല്ലാം സ്വയമ്പൻ. എന്ത് പറയാൻ. കറികൾക്കെല്ലാം ഒരു പ്രത്യേക രുചി. തിരുവനന്തപുരം ശൈലിയിലെ രുചിയല്ല അനുഭവപ്പെട്ടത്. എങ്കിലും ഒരു കല്യാണ സദ്യയിലെ രുചി പോലെ അനുഭവപ്പെട്ടു.

ചൂര മീൻ നമ്മളേയും കാത്തിരിക്കുകയാണ്. ഒന്ന് മുളകിട്ട് വച്ചതും. മറ്റൊന്ന് തേങ്ങയരച്ച് വച്ചതും. രണ്ടും ടോപ് ക്ലാസ്. എങ്കിലും മുളകിട്ട് വച്ചത് കൂടുതൽ മിന്നിച്ച് നിന്നു. ആ രുചി എങ്ങനെ മറക്കും. മരിച്ചീനി കുറച്ച് കൂടെ ഉണ്ടായിരിന്നെങ്കിലെന്ന് മോഹിച്ച് പോയി. വേറൊന്നുമല്ല. അത്രയ്ക്കുണ്ടായിരുന്നു മീനും മരിച്ചീനിയും കൂടി ചേരുമ്പോഴുണ്ടായിരുന്ന ആ രുചി.
പുളിശ്ശേരി വളരെ വളരെ മികച്ചു നിന്നു. രസവും. എല്ലാം കൊണ്ട് വളരെ സംതൃപ്തി തന്നൊരു ഊണ്. ഒരു പൂവ് പ്രതീക്ഷിച്ച സ്ഥലത്ത് ഒരു വസന്തം കിട്ടിയത് പോലെ.

വ്യക്തിപരമായി വളരെ ഇഷ്ടപ്പെട്ട് ഊണുകളുടെ അനുഭവക്കൂട്ടിൽ തീർച്ചയായും ഇവിടത്തെ ഊണും കാണും. വെജ് ഊണ് – ₹ 70, മീൻ മുളകിട്ടത് – ₹ 80, മീൻ തേങ്ങ അരച്ച കറി – ₹ 60.
മാർച്ച് 18 2022 നാണ് ഇത് വാങ്ങിച്ചത്. വിലയിൽ, കറികളിൽ മാറ്റം വരാം. 60, 80, 100, 140, 180 എന്നീ വിലകളിൽ ഊണ് ഇവിടെ ലഭ്യമാണ്.

തറവാട്ടിൽ തനിമയുടെ വിശേഷങ്ങളിലേക്ക്… 2021 മാർച്ച് ആറിനാണ് ഈ ഭക്ഷണിടം തിരുമലയിൽ തുടങ്ങിയത്. ഇപ്പോഴത്തെ ഉടമസ്ഥൻ ശ്രീ മനുകൃഷ്ണ 2021 ആഗസ്റ്റ് 5 മുതൽ ഇത് ഏറ്റെടുത്തു നടത്തുന്നു. രാവിലെ 7 മുതൽ രാത്രി 10:30 വരെയാണ് സമയം. ഞാറായ്ഴ്ച അവധിയാണ്. പ്രധാനമായും സ്ത്രീകളാണ് പാചകം ചെയ്യുന്നത്. ഊണിന് മാത്രമല്ല ബിരിയാണിക്കും നല്ല അഭിപ്രായങ്ങൾ ഉണ്ട്. ചിക്കൻ കൊണ്ടാട്ടം ഇവിടത്തെ ഒരു സ്പെഷ്യൽ ഐറ്റമാണ്.

SWIGGY യിൽ തറവാട്ടിൽ തനിമ എന്ന പേരിൽ തന്നെയാണെങ്കിലും ലോക്കേഷൻ തമ്പാനൂർ എന്നാണ് കാണിക്കുന്നത്. സൊമാറ്റോയിൽ തറവാട്ടിൽ ഹോട്ടൽ എന്ന പേരിൽ സ്ഥലം പൂജപ്പുര എന്നും കാണിക്കുന്നുണ്ട്. ഓൺലൈൻ റേറ്റുകൾ റെസ്റ്റോറിന്റിലെ വിലയേക്കാൾ കൂടുതൽ വരാം.

കറികളായി തിരുവനന്തപുരത്ത് കിട്ടുന്ന കടകൾ വളരെ കുറവാണ്. അങ്ങനെ നോക്കുമ്പോൾ അവിയൽ, തോരൻ, സാമ്പാർ, പൈനാപ്പിൾ പുളിശ്ശേരി, കൂട്ടു കറി, എരിശ്ശേരി, കൊഞ്ച് പൊടി ചമ്മന്തി, തീയൽ, രസം, തുടങ്ങിയ കറികൾ പ്രത്യേകമായും ഇവിടെ നിന്ന് വാങ്ങിക്കാൻ സാധിക്കുമെന്നത് പലർക്കും ഉപകാരപ്പെടാം.

ഇവിടെ കിട്ടുന്ന വിഭവങ്ങൾ – ദോശ, ഇഡ്ഢലി, അപ്പം, ഇടിയപ്പം, പെറോട്ട, അരി പുട്ട്, ചമ്പാ പുട്ട്, ചപ്പാത്തി തുടങ്ങിയ പലഹാരങ്ങളാണ് ഇവിടെ ഉണ്ടാക്കുന്നത്. എല്ലാ ദിവസവും എല്ലാം കാണണമെന്നില്ല. മാറി മാറി വരാം. എഗ്ഗ് ദോശ, ചിക്കൻ ദോശ, ഗോപി മഞ്ചൂരിയൻ ദോശ, കൊണ്ടാട്ടം ചിക്കൻ ദോശ, ചീസ് ദോശ തുടങ്ങി വിവിധ തരം ദോശകൾ ഇവിടെയുണ്ട്.
കടലക്കറി, ഉരുളക്കിഴങ്ങ് കറി, ഗോപി മഞ്ചൂരിയൻ, ചില്ലി ഗോപി, മുട്ട റോസ്റ്റ്, മുട്ട മസാല, മുട്ട ബുർജി.

ചിക്കൻ വിഭവങ്ങൾ – പെരട്ട്, റോസ്റ്റ്, ഫ്രൈ, കൊണ്ടാട്ടം, ചിക്കൻ ചില്ലി, ചിക്കൻതോരൻ, ചിക്കൻമുളകിട്ടത്, ചിക്കൻ വറുത്തരച്ചത്, ചെട്ടിനാടൻ, ബട്ടർചിക്കൻ, പെപ്പർചിക്കൻ, ചിക്കൻ കബാബ്. ബീഫ് വിഭവങ്ങൾ – പെരട്ട്, ഫ്രൈ, ബീഫ് ഇടിച്ചത്, ബീഫ് ഉലർത്തിയത്, ബീഫ് ടൊമാറ്റോ റോസ്റ്റ്. മട്ടൻ വിഭവങ്ങൾ – പെരട്ട്, ചാപ്സ്, പോത്ത് വിഭവങ്ങൾ – റോസ്റ്റ്, ഫ്രൈ.
ബിരിയാണികൾ – ചിക്കൻ, ബീഫ്, മട്ടൻ, പ്രോൺസ് മുതലായവ. കിഴി ബിരിയാണിയും ലഭ്യമാണ്.

സീസണനുസരിച്ച് കരിമീൻ, മത്തി, നെത്തോലി, ചൂര, കൊഞ്ച്, കണവ, കൊഴിയാള, നെയ്മീൻ തുടങ്ങിയ മത്സ്യ വിഭവങ്ങൾ. കപ്പയോട് കൂടി മുളകിട്ട മീൻ കറിയും അല്ലാതെ തേങ്ങ അരച്ച മീൻ കറി, വാഴയിലയിൽ പൊള്ളിച്ച മീൻ, മീൻ തലക്കറി എന്നിവയും ലഭ്യമാണ്. ഫ്രൈഡ് റൈസ്, കൊത്തു പെറോട്ട, കിഴി പെറോട്ട, ബക്കറ്റ് ബിരിയാണി, കിഴി ബിരിയാണി തുടങ്ങിയ വിഭവങ്ങളും ഇവിടെ ലഭ്യമാണ്. ഓർഡറനുസരിച്ച് സദ്യയും ലഭിക്കുന്നതാണ്.

കാറുകൾ അകത്ത് പാർക്ക് ചെയ്യാം. വലിപ്പമനുസരിച്ച് ചിലപ്പോൾ ഒന്നിന് പുറകേ ഒന്നായി പാർക്ക് ചെയ്യേണ്ടി വരും. ടൂ വീലറാണെങ്കിൽ ഏകദേശം അറുപതോളം പേർക്ക് പാർക്ക് ചെയ്യാം.
Tharavattil Thanima Restuarant , Thirumala Junction, Contact – 9747975501, 9745205592, Seating Capacity: 35, Timings: 7 AM to 10:30 PM, Sunday Holiday.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

KSRTC SWIFT വോൾവോ സ്ലീപ്പർ ബസ്സിലെ യാത്ര; ഒരു പാസഞ്ചർ റിവ്യൂ

വിവരണം – ലിജോ ചീരൻ ജോസ്. ഇരുപത്തിരണ്ടു വർഷമേ ആയിട്ടുള്ളു ഞാൻ നമ്മുടെ ആനവണ്ടിയിലെ ദീർഘദൂര യാത്രകൾ ആരംഭിച്ചിട്ട്. ഗുരുവായൂർ – കോയമ്പത്തൂർ ഫാസ്റ്റിലാണ് തുടക്കം. കുറച്ചു വര്ഷം മുൻപ് വരെ കര്ണാടക ആർ ടി സി വോൾവോ ബസുകൾ കേരളത്തിലേക്ക്…
View Post

മണാലി ബസ് സ്റ്റാൻഡിൽ ഒരു മലയാളിയെ പറ്റിച്ചു മുങ്ങിയ മലയാളി

വിവരണം – Zainudheen Kololamba. അപരിചിതമായ വഴികളിൽ കണ്ടുമുട്ടുന്ന മലയാളികളെ ബന്ധുക്കളേക്കാൾ സ്വന്തമാണെന്ന് തോന്നാറില്ലേ? ഹിന്ദി, ഉറുദു കലപിലകൾക്കിടയിൽ ആരെങ്കിലും വന്ന് മലയാളിയാണോ എന്ന് ചോദിക്കുമ്പോൾ അത്യാനന്ദം അനുഭവപ്പെടാറില്ലേ? തീർച്ചയായും എനിക്ക് തോന്നാറുണ്ട്. കേരള സമ്പർക്രാന്തിയുടെ സെക്കന്റ് ക്ലാസ് ഡബ്ബയുടെ ബർത്തിലിരുന്ന്…
View Post

കേരളത്തിലെ പത്രങ്ങളുടെ ചരിത്രം – ഒരു മലയാളി അറിഞ്ഞിരിക്കേണ്ട കാര്യങ്ങൾ..

കേരളീയരുടെ ജീവിതത്തിന്‍്റെ ഭാഗമാണ് പത്രങ്ങള്‍. കേരളീയ സംസ്കാരത്തിന്‍്റെ ഭാഗമാണ് പത്രവായന. ഒരു ശരാശരി മലയാളിയുടെ ദിവസം ആരംഭിക്കുന്നത് ഒരു കൈയില്‍ കാപ്പിയും മറ്റേ കൈയില്‍ പത്രവുമായിട്ടാണ്. കേരളത്തിലെ സാംസ്കാരിക ചരിത്രം പരിശോധിച്ചാല്‍ ഏറ്റവും മികച്ച സംഭാവന നല്‍കിയത് പത്രങ്ങളും പ്രസിദ്ധീകരണങ്ങളുമാണെന്നു കാണാം.…
View Post

കടുവ വേലായുധൻ – ആനപ്പണിക്കാരിലെ എക്കാലത്തെയും വലിയ അതികായൻ !!

എഴുത്ത് – വിനു പൂക്കാട്ടിയൂർ. ആനപ്പണിയിലെ എക്കാലത്തെയും വലിയ അതികായൻ ‘കടുവ വേലായുധേട്ടൻ’ ആനയില്ലാത്ത ലോകത്തേക്ക് യാത്രയായിട്ട് എട്ട് വർഷങ്ങൾ. അദ്ദേഹത്തിന്റെ ഓർമ്മകൾക്ക് മുൻപിൽ അനന്തകോടിപ്രണാമം. ഒരുപാട് പേരുടെ അഭ്യർത്ഥനയായിരുന്നു സാക്ഷാൽ കടുവയുടെ കഥകൾ കേൾക്കണമെന്ന്. എന്നാൽ എന്നെപോലെയുള്ള ഒരാൾക്ക് വലിയ…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post