ഐലൻഡ് എക്സ്പ്രസ്സ് – പേര് വന്ന വഴിയും പേരു കേട്ട സംഭവങ്ങളും

Total
30
Shares

ഐലൻഡ് എക്സ്പ്രസ്സ് : കന്യാകുമാരിയിൽ നിന്നും കോട്ടയം – എറണാകുളം വഴി ബെംഗളുരുവിലേക്ക് സർവ്വീസ് നടത്തുന്ന തീവണ്ടി സർവ്വീസ് ആണ് ഐലൻഡ് എക്സ്പ്രസ്സ്. എങ്ങനെയാണ് ഈ ട്രെയിനിന് ഐലൻഡ് എക്സ്പ്രസ്സ് എന്ന പേര് വന്നതെന്ന് എപ്പോഴെങ്കിലും ചിന്തിച്ചിട്ടുണ്ടോ?

ബെംഗളൂരുവിൽ നിന്നും കേരളത്തിലേക്ക് ആരംഭിച്ച ആദ്യകാല തീവണ്ടി സർവീസുകളിൽ ഒന്നാണ് ഐലൻഡ് എക്സ്പ്രസ്സ്. തുടക്കത്തിൽ ബെംഗളൂരുവിൽ നിന്നും എറണാകുളം ജില്ലയിലെ വില്ലിംങ്ടൺ ഐലൻഡിൽ സ്ഥിതി ചെയ്യുന്ന കൊച്ചിൻ ഹാർബർ ടെർമിനസിലേക്ക് ആയിരുന്നു ഈ ട്രെയിൻ സർവ്വീസ് നടത്തിയിരുന്നത്. അങ്ങനെയാണ് ഇതിനു ഐലൻഡ് എക്സ്പ്രസ്സ് എന്ന പേര് വന്നത്.

പിന്നീട് തീവണ്ടിപ്പാത തെക്കൻ കേരളത്തിലേക്ക് സജീവമായപ്പോൾ കൊച്ചിൻ ഹാർബർ ടെര്മിനസിന്റെ പ്രാധാന്യം കുറയുകയും ഐലൻഡ് എക്സ്പ്രസ്സ് കന്യാകുമാരിയിലേക്ക് നീട്ടുകയുമാണ് ഉണ്ടായത്. എന്നാൽ ഐലൻഡ് എക്സ്പ്രസ്സ് പേരുകേട്ടത് ഒരു വൻ ദുരന്തത്തിന്റെ പേരിലാണെന്നത് മറ്റൊരു വിരോധാഭാസം. അതെ, കേരളത്തിലെ ഏറ്റവും വലിയ ട്രെയിനപകടമായ പെരുമൺ ദുരന്തം തന്നെയാണത്.

1988 ജൂലൈ 8ന് കൊല്ലം ജില്ലയിലെ പെരിനാടിനടുത്തുള്ള പെരുമൺ പാലത്തിൽ നിന്ന് ഐലന്റ് എക്സ്പ്രസ് പാളംതെറ്റി അഷ്ടമുടിക്കായലിലേക്ക് മറിയുകയായിരുന്നു. ദുരന്തത്തിൽ 105 പേർ മരണപ്പെടുകയും ഇരുന്നൂറിലധികം പേർക്ക് പരിക്കേൽക്കുകയും ചെയ്തു. എഞ്ചിൻ പെരുമൺ പാലം പിന്നിട്ട് നിമിഷങ്ങൾക്കകം 14 ബോഗികൾ അഷ്ടമുടിക്കായലിലേക്ക്‌ പതിക്കുകയായിരുന്നു. അപകടം നടന്നത് ചുഴലിക്കാറ്റുമൂലമാണെന്ന് ഔദ്യോഗിക അന്വേഷണ സംഘം അവകാശപ്പട്ടെങ്കിലും, യഥാർത്ഥ ദുരന്തകാരണം ഇന്നും അജ്ഞാതമാണ്.

ഐലൻഡ് എക്സ്പ്രസ്സ് ദിവസേന സർവ്വീസ് നടത്തുന്ന ഒരു ട്രെയിനാണ്. രാവിലെ 10 മണിക്ക് കന്യാകുമാരിയിൽ നിന്നും പുറപ്പെടുന്ന ഐലൻഡ് എക്സ്പ്രസ്സ് പിറ്റേദിവസം രാവിലെ ഏഴരയോടെയാണ് ബെംഗളൂരുവിൽ എത്തുന്നത്. ബെംഗളൂരുവിൽ നിന്നും തെക്കൻ കേരളത്തിലേക്ക് ദിവസേന രാത്രി സർവ്വീസ് നടത്തുന്ന ഒരേയൊരു ട്രെയിനും ഐലൻഡ് എക്സ്പ്രസ്സാണ്. ബെംഗളൂരുവിൽ നിന്നും രാത്രി എട്ടുമണിയ്ക്ക് പുറപ്പെടുന്ന ഈ ട്രെയിൻ പിറ്റേദിവസം വൈകുന്നേരം അഞ്ചു മണിയോടെയാണ് കന്യാകുമാരിയിൽ എത്തിച്ചേരുന്നത്.

കന്യാകുമാരി മുതൽ ബെംഗളൂരു വരെയുള്ള 944 കിലോമീറ്റർ ദൂരം താണ്ടുവാൻ ഈ ട്രെയിൻ എടുക്കുന്നത് 21 മണിക്കൂറോളമാണ്. മണിക്കൂറിൽ ശരാശരി 48 കിലോമീറ്റർ വേഗതയിൽ സഞ്ചരിക്കുന്ന ഐലൻഡ് എക്സ്പ്രസിന് മൊത്തം 47 സ്റ്റോപ്പുകളുണ്ട്.

ദിവസേന ധാരാളം യാത്രക്കാർ ഐലൻഡ് എക്സ്പ്രസ്സിന്റെ ആശ്രയിക്കുന്നുണ്ട്. കാര്യം വലിയ പേരൊക്കെയുണ്ടെങ്കിലും ഇന്ത്യൻ റെയിൽവേയിലെ മറ്റു ട്രെയിനുകളുടെ മുന്നിൽ ഇന്ന് ഐലൻഡ് എക്സ്പ്രസിന് സ്ഥാനമൊന്നുമില്ല. തിരുവനന്തപുരം മുതൽ തൃശ്ശൂർ വരെ ഏറ്റവും പതിയെ നീങ്ങുന്ന തീവണ്ടികളിൽ ഒന്നാണ് ഐലൻഡ് എക്സ്പ്രസ്സ്. മറ്റു ട്രെയിനുകൾ പോകുവാനായി ഐലൻഡ് എക്സ്പ്രസ്സിന്റെ അവിടവിടായി പിടിച്ചിടുന്നതും സ്ഥിരം കാഴ്ചയാണ്.

ഇന്ന് ഈ ട്രെയിനിന്റെ ശരിക്കുള്ള പേര് കന്യാകുമാരി – ബാംഗ്ലൂർ സിറ്റി എക്സ്പ്രസ്സ് എന്നാണെങ്കിലും എല്ലാവർക്കും ഇന്നും ഈ ട്രെയിൻ ഐലൻഡ് എക്സ്പ്രസ്സ് തന്നെയാണ്.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

മണാലി ബസ് സ്റ്റാൻഡിൽ ഒരു മലയാളിയെ പറ്റിച്ചു മുങ്ങിയ മലയാളി

വിവരണം – Zainudheen Kololamba. അപരിചിതമായ വഴികളിൽ കണ്ടുമുട്ടുന്ന മലയാളികളെ ബന്ധുക്കളേക്കാൾ സ്വന്തമാണെന്ന് തോന്നാറില്ലേ? ഹിന്ദി, ഉറുദു കലപിലകൾക്കിടയിൽ ആരെങ്കിലും വന്ന് മലയാളിയാണോ എന്ന് ചോദിക്കുമ്പോൾ അത്യാനന്ദം അനുഭവപ്പെടാറില്ലേ? തീർച്ചയായും എനിക്ക് തോന്നാറുണ്ട്. കേരള സമ്പർക്രാന്തിയുടെ സെക്കന്റ് ക്ലാസ് ഡബ്ബയുടെ ബർത്തിലിരുന്ന്…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

മൂന്നാറിൻ്റെ തലവര മാറ്റാൻ ‘എസ്കേപ്പ് റോഡ്’

എഴുത്ത് – ദയാൽ കരുണാകരൻ. ഇപ്പോൾ കൊടൈക്കനാലും മൂന്നാറും തമ്മിലുള്ള യാത്രാ അകലം വാസ്തവത്തിൽ വെറും 13 കിലോമീറ്ററാണ്. കൊടൈക്കനാലിന്റ്റെ തെക്കുപടിഞ്ഞാറ് ഭാഗത്തുള്ള ടൂറിസ്റ്റ് സ്പോട്ടാണ് ബെരിജം തടാകം. ദിവസവും ഇവിടേക്ക് നിശ്ചിത എണ്ണം സന്ദർശ്ശകരുടെ വാഹനങ്ങൾ കടത്തി വിടുന്നുമുണ്ട്. ഇനി…
View Post

ജനമൈത്രി പോലീസിനൊപ്പം പൂയംകുട്ടി വനത്തിലേക്ക്

വിവരണം – അരുൺ കളപ്പില. ശ്വാസം അടക്കിപ്പിടിച്ചനുഭവിച്ച അതി കഠിനമായൊരു വനയാത്രയാണിത്. ആനച്ചൂരിൽ, ഇരുണ്ട കാട്ടിലൂടെ കടന്നുപോകുമ്പോൾ നാമറിയാതെ അനുഭവിക്കുന്ന ഒരു ലഹരിയുണ്ട്. അതാണീ യാത്രയുടെ ജീവൻ. കാടിനെ സ്നേഹിക്കുന്ന ഓരോ മനുഷ്യന്റേയും ആഗ്രഹമാണ്, കാടിനെ നോവിക്കാതെ നിശബ്ദമായി മരങ്ങളെ, പക്ഷികളെ,…
View Post

പെട്രോൾ പമ്പുകളിൽ മലയാളികൾ പറ്റിക്കപ്പെടുന്നത് ഇങ്ങനെ – ഒരു ടാക്സി ഡ്രൈവറുടെ അനുഭവക്കുറിപ്പ്…

അന്യസംസ്ഥാനങ്ങളിലേക്കൊക്കെ സ്വന്തം വാഹനങ്ങളുമായി പോകാറുള്ളവരാണല്ലോ നമ്മളൊക്കെ. യാത്രയ്ക്കിടയിൽ കേരളത്തിനു പുറത്തു വെച്ച് വണ്ടിയിൽ ഇന്ധനം കുറഞ്ഞുപോയാൽ നമ്മൾ സാധാരണ ചെയ്യാറുള്ളതു പോലെ അടുത്തുള്ള പമ്പിൽ കയറി ഇന്ധനം നിറയ്ക്കുകയും ചെയ്യും. എന്നാൽ ഇത്തരത്തിൽ ഇന്ധനം നിറയ്ക്കുവാൻ പമ്പിൽ ചെല്ലുന്നവർ തങ്ങൾ കബളിപ്പിക്കപ്പെടുന്ന…
View Post

എറണാകുളം ജില്ലയിലെ ഏറ്റവും ഉയർന്നതും കൊടുംകാട്ടിലൂടെയുമുള്ള ബസ് റൂട്ട്

‘കോതമംഗലം – കുട്ടമ്പുഴ – മാമലക്കണ്ടം’ : എറണാകുളം ജില്ലയിലുള്ള കോതമംഗലം കെഎസ്ആർടിസി ഡിപ്പോയിലെ ഏറ്റവും പ്രയാസവും, എന്നാൽ ഏറ്റവും മനോഹരവുമായ പ്രദേശത്തേക്കുള്ള ബസ് റൂട്ടാണിത്. കാട്ടാനകൾ ധാരാളമുള്ള വനത്തിലൂടെ ഒരു ബസിനു മാത്രം പോകാൻ കഴിയുന്ന റോഡ്, പോകും വഴിയേ…
View Post