6200 കി.മീ; 104 മണിക്കൂർ – ലോകത്തിലെ ഏറ്റവും ദൂരമുള്ള ബസ് റൂട്ട്

Total
1K
Shares

നമ്മളെല്ലാവരും ബസ് യാത്രകൾ ചെയ്യാറുണ്ട്. കെഎസ്ആർടിസിയുടെ ഏറ്റവും ദൈർഘ്യമേറിയ ബസ് റൂട്ട് തിരുവനന്തപുരം – കൊല്ലൂർ മൂകാംബികയും, ഇന്ത്യയിലെ ഏറ്റവും നീളമുള്ള ബസ് റൂട്ട് ബെംഗളൂരു – ജോധ്പൂരും ആണ്. എന്നാൽ ആധുനിക ലോകത്തിലെ ഏറ്റവും ദൂരമേറിയ ബസ് റൂട്ട് ഏതായിരിക്കും? അതിനുള്ള ഉത്തരമാണ് ഈ ലേഖനത്തിലൂടെ നിങ്ങൾക്കു മുന്നിൽ എത്തിക്കുന്നത്.

തെക്കേ അമേരിക്കയിലെ പെറുവിലെ ലിമ എന്ന സ്ഥലത്തു നിന്നും ബ്രസീലിലെ റിയോ-ഡി-ജനീറോയിലേക്കുള്ള ബസ് റൂട്ടാണ് ലോകത്ത് ഇന്നുള്ളതിൽ വെച്ച് ഏറ്റവും ദൈർഘ്യമേറിയത്. ഏകദേശം 6200 ഓളം കിലോമീറ്റർ ദൂരമാണ് ഈ റൂട്ടിലെ ഒരു വശത്തേക്കു മാത്രം ബസ് സഞ്ചരിക്കുന്നത്. ഇതിനായി എടുക്കുന്ന സമയം 104 മണിക്കൂറുകളുമാണ്. അതായത് നാലു ദിവസവും ഏതാനും മണിക്കൂറുകളും.

എക്സ്പ്രസ്സ് ഇന്റർനാഷണൽ ഓർമെനോ എന്ന ട്രാൻസ്‌പോർട്ട് കമ്പനിയാണ് ഈ റൂട്ടിൽ ബസ് സർവ്വീസ് നടത്തുന്നത്. ആഴ്ചയിൽ ആകെ ഒന്നോ രണ്ടോ ദിവസങ്ങളിലാണ് ലിമയ്ക്കും റിയോ-ഡി-ജനീറോയ്ക്കും ഇടയിൽ ഈ ബസ് ഓടുന്നത്. തെക്കേ അമേരിക്കയിലെ പലതരത്തിലുള്ള ഭൂപ്രകൃതികളിലൂടെയും പല സംസ്ക്കാരങ്ങളിലുള്ള ആളുകൾക്കിടയിലൂടെയും സഞ്ചരിക്കുന്നതാണ് ഈ ബസ്. അതിലുപരി രണ്ടു സമുദ്രങ്ങളെ തമ്മിൽ ബന്ധിപ്പിക്കുന്ന ഒരു റൂട്ടും കൂടിയാണിത്. പെറുവിന്റെ ഭാഗത്ത് പസഫിക് സമുദ്രവും റിയോ-ഡി-ജനീറോയുടെ ഭാഗത്ത് അറ്റ്ലാന്റിക് സമുദ്രവുമാണ് സ്ഥിതി ചെയ്യുന്നത്.

വളരെയേറെ ദുർഘടമായ വളവുകളും, കുത്തനെയുള്ള കയറ്റങ്ങളും ഇറക്കങ്ങളും, മലഞ്ചെരിവുകളുമൊക്കെ പിന്നിട്ടാണ് ബസ് തൻ്റെ ലക്ഷ്യസ്ഥാനത്തിലേക്ക് എത്തിച്ചേരുന്നത്. ഈ റൂട്ടിൽ ഒരിടത്ത് സമുദ്രനിരപ്പിൽ നിന്നും 4726 മീറ്റർ ഉയരമുള്ള ഏരിയയിലൂടെ കടന്നുപോകേണ്ടി വരുന്നുണ്ട്. ഈ ഭാഗത്ത് മണിക്കൂറിൽ 30 കിലോമീറ്റർ വേഗത്തിൽ മാത്രമേ ബസ് ഓടിക്കുവാൻ സാധിക്കുകയുള്ളൂ.

സഞ്ചരിക്കുന്ന 6200 ഓളം കിലോമീറ്ററിനുള്ളിൽ ഈ ബസ് ആകെ ഒരു അന്താരാഷ്ട്ര ബോർഡർ മാത്രമേ കടക്കുന്നുള്ളൂ എന്നതും ശ്രദ്ധേയമാണ്. പെറുവിലെ ഏഴ് സ്റ്റേറ്റുകളിലൂടെയും, ബ്രസീലിലെ അഞ്ച് സ്റ്റേറ്റുകളിലൂടെയും ഈ ബസ് റൂട്ട് കടന്നുപോകുന്നുണ്ട്. കൂടാതെ ബസ് ആമസോൺ കാടുകളും, ആൻഡീസ്‌ പർവ്വതനിരകളുമൊക്കെ പിന്നിട്ടാണ് ലക്ഷ്യസ്ഥാനത്ത് എത്തിച്ചേരുന്നതും. ചുരുക്കിപ്പറഞ്ഞാൽ ഈ റൂട്ടിലൂടെയുള്ള ബസ് യാത്ര അത്യന്തം സാഹസികവും മനോഹരവുമാണ്.

റിയോ-ഡി-ജനീറോയിൽ നിന്നും ലിമയിലേക്കുള്ള ബസ് ചാർജ്ജ് 820 ബ്രസീലിയൻ റിയൽ ആണ്. അതായത് 11,550 ഇന്ത്യൻ രൂപ വരും. 2014 ലെ ലോകകപ്പ് ഫുട്‍ബോൾ മത്സരം ബ്രസീലിൽ നടക്കുന്ന സമയത്ത് അയൽരാജ്യങ്ങളായ ഇക്വഡോർ, കൊളംബിയ എന്നിവിടങ്ങളിൽ നിന്നും ധാരാളമാളുകൾ ഈ റൂട്ടിലൂടെയാണ് കളി കാണുവാനായി എത്തിച്ചേർന്നത്.

ലോകത്തിലെ ഏറ്റവും ദൈർഘ്യമേറിയ ബസ് റൂട്ട് എന്ന പേരിൽ ഗിന്നസ് ബുക്കിലും ഈ ബസ് റൂട്ട് ഇടംപിടിച്ചിട്ടുണ്ട്.

എറണാകുളത്തു നിന്നും ബെംഗളുരുവിലേക്ക് ബസ്സിൽ യാത്ര ചെയ്യുമ്പോൾത്തന്നെ മടുത്തുപോകുന്ന നമുക്കൊക്കെ ഈ റൂട്ടിലെ 6200 കിലോമീറ്ററും, നാലര ദിവസവുമൊക്കെ ചിലപ്പോൾ അമ്പരപ്പായിരിക്കും സമ്മാനിക്കുക. എന്തായാലും സാഹസികരായ സഞ്ചാരികൾ ഒരു തവണയെങ്കിലും യാത്ര ചെയ്തിരിക്കേണ്ട ഒരു ബസ് റൂട്ടാണ് ഇത്. ഏറെ കൗതുകകരമായ ഈ വിവരം അറിയാത്തവരിലേക്ക് എത്തിക്കുവാനായി ഈ പോസ്റ്റ് എല്ലാവരും ഷെയർ ചെയ്യുക.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

മണാലി ബസ് സ്റ്റാൻഡിൽ ഒരു മലയാളിയെ പറ്റിച്ചു മുങ്ങിയ മലയാളി

വിവരണം – Zainudheen Kololamba. അപരിചിതമായ വഴികളിൽ കണ്ടുമുട്ടുന്ന മലയാളികളെ ബന്ധുക്കളേക്കാൾ സ്വന്തമാണെന്ന് തോന്നാറില്ലേ? ഹിന്ദി, ഉറുദു കലപിലകൾക്കിടയിൽ ആരെങ്കിലും വന്ന് മലയാളിയാണോ എന്ന് ചോദിക്കുമ്പോൾ അത്യാനന്ദം അനുഭവപ്പെടാറില്ലേ? തീർച്ചയായും എനിക്ക് തോന്നാറുണ്ട്. കേരള സമ്പർക്രാന്തിയുടെ സെക്കന്റ് ക്ലാസ് ഡബ്ബയുടെ ബർത്തിലിരുന്ന്…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

മൂന്നാറിൻ്റെ തലവര മാറ്റാൻ ‘എസ്കേപ്പ് റോഡ്’

എഴുത്ത് – ദയാൽ കരുണാകരൻ. ഇപ്പോൾ കൊടൈക്കനാലും മൂന്നാറും തമ്മിലുള്ള യാത്രാ അകലം വാസ്തവത്തിൽ വെറും 13 കിലോമീറ്ററാണ്. കൊടൈക്കനാലിന്റ്റെ തെക്കുപടിഞ്ഞാറ് ഭാഗത്തുള്ള ടൂറിസ്റ്റ് സ്പോട്ടാണ് ബെരിജം തടാകം. ദിവസവും ഇവിടേക്ക് നിശ്ചിത എണ്ണം സന്ദർശ്ശകരുടെ വാഹനങ്ങൾ കടത്തി വിടുന്നുമുണ്ട്. ഇനി…
View Post

പെട്രോൾ പമ്പുകളിൽ മലയാളികൾ പറ്റിക്കപ്പെടുന്നത് ഇങ്ങനെ – ഒരു ടാക്സി ഡ്രൈവറുടെ അനുഭവക്കുറിപ്പ്…

അന്യസംസ്ഥാനങ്ങളിലേക്കൊക്കെ സ്വന്തം വാഹനങ്ങളുമായി പോകാറുള്ളവരാണല്ലോ നമ്മളൊക്കെ. യാത്രയ്ക്കിടയിൽ കേരളത്തിനു പുറത്തു വെച്ച് വണ്ടിയിൽ ഇന്ധനം കുറഞ്ഞുപോയാൽ നമ്മൾ സാധാരണ ചെയ്യാറുള്ളതു പോലെ അടുത്തുള്ള പമ്പിൽ കയറി ഇന്ധനം നിറയ്ക്കുകയും ചെയ്യും. എന്നാൽ ഇത്തരത്തിൽ ഇന്ധനം നിറയ്ക്കുവാൻ പമ്പിൽ ചെല്ലുന്നവർ തങ്ങൾ കബളിപ്പിക്കപ്പെടുന്ന…
View Post

എറണാകുളം ജില്ലയിലെ ഏറ്റവും ഉയർന്നതും കൊടുംകാട്ടിലൂടെയുമുള്ള ബസ് റൂട്ട്

‘കോതമംഗലം – കുട്ടമ്പുഴ – മാമലക്കണ്ടം’ : എറണാകുളം ജില്ലയിലുള്ള കോതമംഗലം കെഎസ്ആർടിസി ഡിപ്പോയിലെ ഏറ്റവും പ്രയാസവും, എന്നാൽ ഏറ്റവും മനോഹരവുമായ പ്രദേശത്തേക്കുള്ള ബസ് റൂട്ടാണിത്. കാട്ടാനകൾ ധാരാളമുള്ള വനത്തിലൂടെ ഒരു ബസിനു മാത്രം പോകാൻ കഴിയുന്ന റോഡ്, പോകും വഴിയേ…
View Post