മുംബൈയിൽ പോകുന്നവർ ചെയ്യാതെ നോക്കുവാൻ ശ്രദ്ധിക്കേണ്ട ചില കാര്യങ്ങൾ..

Total
0
Shares

“അധോലോകങ്ങൾ വാഴുന്ന മുംബൈ നഗരം.” സിനിമകളിൽ നാം കേട്ടിട്ടുള്ളതു വെച്ച് എല്ലാവർക്കും മുംബൈ അല്ലെങ്കിൽ ബോംബെ എന്നു കേൾക്കുമ്പോൾ മനസ്സിൽ വരുന്നൊരു ധാരണയാണിത്. സംഭവം ഒരുതരത്തിൽ ശരിയാണെങ്കിലും സാധാരണക്കാർക്ക് മുംബൈ ഒരു പ്രശ്നക്കാരനായ സ്ഥലമല്ല. എങ്ങനെയാണെങ്കിൽ ഇത്രയധികം മലയാളികൾ അവിടെ ജീവിക്കുമോ? പക്ഷേ മുംബൈയിൽ ചെല്ലുന്ന പുറമെ നിന്നുള്ളവർ ചെയ്യാതെ നോക്കുവാൻ ശ്രദ്ധിക്കേണ്ട ചില കാര്യങ്ങളുണ്ട് അവിടെ. അവ എന്തൊക്കെയാന്നെന്നു ഒന്നു നോക്കാം.

1 കാർ വാടകയ്ക്ക് എടുക്കാതിരിക്കുക : പൊതുവെ മുംബൈ നഗരം ഇന്ത്യയിലെത്തന്നെ ഏറ്റവും ട്രാഫിക് ബ്ലോക്കിന് പേരുകേട്ടയിടമാണ്. അതിനിടയിലേക്ക് കാറും റെന്റിനു എടുത്തുകൊണ്ട് ചെന്നാലുള്ള അവസ്ഥ പറയേണ്ടല്ലോ അല്ലേ. തിരക്കുകളിൽപ്പെട്ട് കാറിനു വല്ല തട്ടലോ പോറലോ ഉണ്ടായാൽ കയ്യിൽ നിന്നും അതിനു വേറെ കാശ് കൊടുക്കുകയും വേണം. എന്തിനാണ് വെറുതേ വേണ്ടാത്ത വയ്യാവേലി തലയിൽ വലിച്ചു കയറ്റുന്നത്?

2. ലോക്കൽ ട്രെയിനുകളിലെ ലേഡീസ് കമ്പാർട്ട്മെന്റിൽ കയറാതിരിക്കുക : ഇത് മുംബൈയിൽ മാത്രമല്ല എല്ലായിടത്തും പാലിക്കേണ്ട ഒരു നിയമമാണ്. പക്ഷേ മുംബൈയിൽ ആണെങ്കിൽ സ്ത്രീകളടക്കമുള്ള യാത്രക്കാരുടെ അടി വാങ്ങേണ്ടി വരികയും ഒപ്പം പോലീസ് പിടിക്കുകയും ചെയ്യും. അറിയാതെയാണെങ്കിൽ പോലും ഇത്തരത്തിൽ കോച്ച് മാറിക്കയറാതെ സൂക്ഷിക്കുക.

3. കച്ചവടക്കാരുമായി അനാവശ്യ വിലപേശൽ : ഷോപ്പിംഗിനു പേരുകേട്ട സ്ഥലങ്ങളിൽ ഒന്നാണ് മുംബൈ. ഇവിടെ നിന്നും സാധനങ്ങൾ വാങ്ങുന്നവർ വില പേശി തന്നെയാണ് വാങ്ങാറുള്ളതും. എന്നാൽ കച്ചവടക്കാരെ കളിയാക്കുന്ന രീതിയിലുള്ള വിലപേശലുകൾ ഒഴിവാക്കേണ്ടതു തന്നെയാണ്. പ്രത്യേകിച്ച് എടുത്തു പറയുകയാണെങ്കിൽ അവിടത്തെ മീൻവില്പന ക്കാരികളുടെ അടുത്ത് അധികം വർത്തമാനത്തിനു നിൽക്കരുത്. ആവശ്യമുള്ളത് താങ്ങാവുന്ന വിലയ്ക്ക് ആണെങ്കിൽ വാങ്ങിയിട്ട് പോകുക. ഇല്ലെങ്കിൽ ആദ്യമേ തന്നെ മാറുക. നമ്മുടെ നാട്ടിലെ ചേച്ചിമാരോട് വിലപേശുന്നതു പോലെ അവിടെ നടക്കില്ല.

4. ട്രാൻസ്ജെൻഡറുകളോടുള്ള പെരുമാറ്റം : മുംബൈ നഗരത്തിലും ട്രെയിനിലുമെല്ലാം ധാരാളം ട്രാൻസ്ജെൻഡറുകളെ കണ്ടുമുട്ടിയേക്കാം. അവരെ കളിയാക്കുകയോ തമാശകൾ പറയുകയോ തുടങ്ങി അനാവശ്യമായി ഇടപെടാതിരിക്കുവാൻ ശ്രദ്ധിക്കുക. ഇവർ കൂട്ടമായിട്ടാകും ചിലപ്പോൾ വരിക. അതുകൊണ്ട് കഴിവതും അവർക്കിടയിൽ പെട്ടുപോകാതിരിക്കുവാൻ ശ്രദ്ധിക്കുക.

5. മറാത്തികളോടുള്ള പെരുമാറ്റം : മറാത്തികൾ പൊതുവെ അൽപ്പം തീവ്രമായ വർഗ്ഗസ്നേഹമുള്ളവരാണ്. അതുകൊണ്ടുതന്നെ അവർക്ക് പൊതുവെ സൗത്ത് ഇന്ത്യക്കാരോട് അൽപ്പം വിവേചനം ഉണ്ടെന്നു പറയാതെ വയ്യ. നമ്മൾ അവിടെ ചെന്നിട്ട് മറാത്തികളോട് കയർക്കാനോ വംശീയമായി അധിക്ഷേപിക്കാനോ പാടില്ല. അതുപോലെ തന്നെ പൊതുവെ ഹിന്ദിക്കാരെ “ഭയ്യാ..” എന്നാണല്ലോ വിളിക്കാറുള്ളത്. ഈ വിളി ചില മറാത്തികൾക്ക് ഇഷ്ടപ്പെടുകയില്ല. കാരണം ഈ വിളി കൂടുതലും യുപി, ബീഹാർ തുടങ്ങിയ സ്ഥലങ്ങളിലുള്ളവരാണ് ഉപയോഗിക്കുന്നത്.

6. പോക്കറ്റടി : എല്ലാ തിരക്കേറിയ നഗരങ്ങളിലെയും പോലെ മുംബൈയിലും പോക്കറ്റടിയും മോഷണവും ഒക്കെയുണ്ട്. അതുകൊണ്ട് പഴ്‌സ് കഴിവതും പാന്റിന്റെ പിൻവശത്തുള്ള പോക്കറ്റുകളിൽ വെക്കാതിരിക്കുക. തിരക്കിൽപ്പെട്ടു നടക്കാതെ കഴിവതും ശ്രദ്ധിക്കണം.

7. ചില്ലറ കരുതൽ : മുംബൈയിലെ ബസ്സുകളിൽ യാത്ര ചെയ്യുകയാണെങ്കിൽ കഴിവതും ചില്ലറ കൊടുത്ത് ടിക്കറ്റെടുക്കുവാൻ ശ്രമിക്കുക. 10 രൂപ ടിക്കറ്റിനു 100 രൂപ കൊടുക്കുകയാണെങ്കിൽ ചിലപ്പോൾ കണ്ടക്ടർമാരുടെ ചീത്തവിളി കേൾക്കേണ്ടി വരും. നമ്മുടെ നാട്ടിലാണെങ്കിൽ നമുക്കും തിരിച്ചു പറയാം. പക്ഷെ അവിടെ ചെന്നിട്ട് തിരിച്ചു പ്രതികരിക്കുന്നവരെ ബസ് ജീവനക്കാർ കൂട്ടമായി ഉപദ്രവിക്കും. യൂട്യൂബിൽ തപ്പിയാൽ ഇത്തരത്തിലുള്ള സംഭവങ്ങളുടെ വീഡിയോസ് കാണാൻ സാധിക്കും.

8. അറിയാത്ത സ്ഥലങ്ങളിലേക്കുള്ള യാത്ര : മുംബൈയിൽ പുറമെ നിന്നുള്ളവർക്ക് സുരക്ഷിതത്വം കുറവായ സ്ഥലങ്ങളുണ്ട്. അവ ഏതൊക്കെയെന്നു ആദ്യമേ തന്നെ മനസ്സിലാക്കിയിരിക്കുക. ഇത്തരം സ്ഥലങ്ങളിൽ പെട്ടുപോയാൽ നിങ്ങളുടെ കയ്യിലുള്ള വിലപിടിപ്പുള്ളവ നഷ്ടപ്പെടുകയും ചിലപ്പോൾ ജീവനു തന്നെ ഭീഷണിയാകുകയും ചെയ്യും. പോലീസുകാർക്ക് പോലും പ്രത്യേകിച്ച് ഇതിൽ ഒന്നും ചെയ്യുവാൻ കഴിയില്ലെന്നു കൂടി ഓർക്കുക.

9. ബോംബെ മുംബൈ ആയി : ബോംബെ എന്ന പേര് മുംബൈ എന്നാക്കി മാറ്റിയത് അവിടത്തെ ആളുകളുടെ നിർബന്ധ പ്രകാരമാണ്. അവർക്ക് ബോംബെ എന്ന പേര് ഇഷ്ടമല്ലാത്തതു കൊണ്ടായിരുന്നു ഈ പേരുമാറ്റം. അതുകൊണ്ട് അവിടെ ചെന്നിട്ട് ഒരിക്കലും ബോംബെ എന്ന പേര് ഉച്ചരിക്കാതിരിക്കുവാൻ ശ്രദ്ധിക്കുക.

10. അപരിചിതരുടെ കാര്യത്തിൽ ഇടപെടൽ : നമ്മുടെ നാട്ടിൽ കാണുന്നതുപോലെ പേഴ്‌സ് പോയി, മരുന്ന് വാങ്ങണം തുടങ്ങിയ കദന കഥകളുമായി മുംബൈയിലും ചിലർ നിങ്ങളെ സമീപിച്ചേക്കാം. ചിലപ്പോൾ ശരിക്കും കഷ്ടതയനുഭവിക്കുന്നവർ ഉണ്ടെങ്കിലും കൂടുതലും പറ്റിക്കൽ പ്രസ്ഥാനവുമായി നടക്കുന്നവരാണ്. ഇത്തരക്കാരെ ആദ്യമേ തന്നെ ഒഴിവാക്കുക. അപരിചിതരുടെ കാര്യങ്ങളിൽ അനാവശ്യമായി ഇടപെടാതിരിക്കുക.

അപ്പോൾ ഇനി മുംബൈയിൽ പോകുമ്പോൾ ഈ കാര്യങ്ങൾ ഒന്ന് ഓർത്തിരിക്കുക. ഇതുപോലുള്ള കാര്യങ്ങൾ ശ്രദ്ധിക്കുകയാണെങ്കിൽ മുംബൈ നിങ്ങൾക്ക് വേറിട്ടൊരു അനുഭവമായിരിക്കും തരിക.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post

സ്‌കോഡ ‘കുശാഖ്’ പുറത്തിറങ്ങി; വില 10.49 ലക്ഷം മുതൽ

വാഹനപ്രേമികളുടെ കാത്തിരിപ്പിന് വിരാമമായി സ്‌കോഡ കുശാഖ് ഇന്ത്യയില്‍ അവതരിപ്പിച്ചു. സ്‌കോഡ-ഫോക്‌സ്‌വാഗണ്‍ കൂട്ടുക്കെട്ടില്‍ വികസിപ്പിച്ചിട്ടുള്ള MQB-AO-IN പ്ലാറ്റ്‌ഫോമില്‍ ആദ്യമായി ഒരുങ്ങുന്ന സ്‌കോഡ വാഹനമാണ് കുഷാക്ക്. 4225 എം.എം. നീളവും 1760 എം.എം. വീതിയും 1612 എം.എം. ഉയരവും 2651 എം.എം. വീല്‍ബേസും 188…
View Post

ഒരു കെഎസ്ആർടിസി ബസ് മുഴുവനും ബുക്ക് ചെയ്ത് ഞങ്ങളുടെ കോളേജ് ടൂർ…

നിങ്ങളുടെ ജീവിതത്തിൽ ഏറ്റവും കൂടുതൽ സന്തോഷിച്ചിട്ടുള്ള, മറക്കാനാവാത്ത നിമിഷങ്ങൾ എപ്പോഴായിരിക്കും? കോളേജ് ദിനങ്ങൾ എന്നായിരിക്കും ഭൂരിഭാഗം ആളുകളുടെയും ഉത്തരം. അതെ എൻ്റെ ജീവിതത്തിലെയും മറക്കാനാവാത്ത നിമിഷങ്ങൾ സമ്മാനിച്ചത് എൻ്റെ കലാലയ ജീവിതമായിരുന്നു. ബെംഗളൂരുവിലെ ന്യൂ ഹൊറൈസൺ കോളേജിൽ ആയിരുന്നു എൻ്റെ ബി.ടെക്.…
View Post

മലപ്പുറത്ത് 10 ലക്ഷം രൂപയ്ക്ക് പണി കഴിപ്പിച്ച 1300 Sqft വീട്

ഏതൊരു വ്യക്തിയുടെയും സ്വപ്നമാണ് സ്വന്തമായി ഒരു വീട് എന്നത്. ഇക്കാലത്ത് ഒരു നല്ല വീട് വെക്കണമെങ്കിൽ എത്ര രൂപ ചെലവാകും? 20, 30, 35 അങ്ങനെ പോകും ലക്ഷങ്ങൾ. എന്നാൽ ഇതൊന്നുമല്ലാതെ ചുരുങ്ങിയ തുകയ്ക്ക് മനോഹരമായ വീട് പണിത് താമസിക്കുന്നവരും നമുക്കിടയിലുണ്ട്.…
View Post

തിരുവനന്തപുരത്തെ അധികമാരും അറിയാത്ത മനോഹര സ്ഥലങ്ങള്‍…

കേരളത്തിന്റെ തലസ്ഥാന നഗരിയായ തിരുവനന്തപുരത്തേക്കുറിച്ച് അധികം വിശേഷണത്തിന്റെ ആവശ്യമില്ല. ‘ട്രിവാന്‍ട്രം’ എന്ന് വിദേശികള്‍ വിളിക്കുന്ന തിരുവനന്തപുരത്ത് വന്നാല്‍ കണ്ടിരിക്കേണ്ടതും അധികമാരും അറിയാത്തതുമായ ചില സ്ഥലങ്ങളെ പരിചയപ്പെടുത്തുകയാണ് ഇവിടെ. മങ്കയം വെള്ളച്ചാട്ടം – തിരുവനന്തപുരത്ത് പാലോടിനു സമീപമാണ് ഹൃദയഹാരിയായ മങ്കയം വെള്ളച്ചാട്ടം. സംസ്ഥാന…
View Post

വയനാട്ടിൽ സെലിബ്രിറ്റികൾ ഏറ്റവുമധികം സന്ദർശിക്കുന്ന ഒരു റെസ്റ്റോറന്റ്…!!

വയനാട്ടിലേക്ക് യാത്രകൾ ചെയ്യുന്ന സഞ്ചാരികൾ ഏറെയാണ്. ഫാമിലിയായും കൂട്ടുകാരുമായും ഒക്കെ അടിച്ചുപൊളിക്കാൻ പറ്റിയ ഒരു സ്ഥലം തന്നെയാണ് വയനാട് എന്നതിൽ ആർക്കും തർക്കമുണ്ടാകില്ല. പലതവണ വയനാട് പോയിട്ടുണ്ടെങ്കിലും കുറച്ചുനാൾ മുൻപ് ഞാൻ നടത്തിയ വയനാട് യാത്രയാണ് എൻ്റെ മനസ്സിൽ ഇന്നും മായാതെ…
View Post

ബെംഗളൂരു നഗരത്തിനുള്ളിൽ നിങ്ങൾ കണ്ടിരിക്കേണ്ട 15 സ്ഥലങ്ങൾ..

ബെംഗളൂരു ഇന്ത്യയിലെ വലിയ മെട്രോ നഗരങ്ങളിൽ ഒന്നാണ്. അതുകൊണ്ടു തന്നെ ഇവിടെ കാഴ്ചകളും ധാരാളമുണ്ട്. ബെംഗളുരുവിലേക്ക് വരുന്നവർക്ക് സന്ദർശിക്കാവുന്ന 15 സ്ഥലങ്ങളെയാണ് ഈ ലേഖനത്തിലൂടെ പരിചയപ്പെടുത്തുവാൻ പോകുന്നത്. 1 ടിപ്പു സുൽത്താൻ സമ്മർ പാലസ് : ബെംഗളൂരുവിലെ കെആർ മാർക്കറ്റിനു സമീപമാണ്…
View Post

തിരുവനന്തപുരത്തു നിന്നും ഒരു മണിക്കൂര്‍ കൊണ്ട് കാണാം ഈ വെള്ളച്ചാട്ടങ്ങള്‍…

മനസ്സു കുളിര്‍പ്പിക്കാന്‍ ഏതെങ്കിലും സ്ഥലങ്ങളിലേക്ക് യാത്ര പോകുവാന്‍ പ്ലാന്‍ ചെയ്യുന്നവരാണ് പലരും. അങ്ങനെയെങ്കില്‍ അധികമാരും അറിയാത്ത… തിരുവനന്തപുരത്തു നിന്നും ഒരു മണിക്കൂര്‍ മാത്രം യാത്രയുള്ള ഈ വെള്ളച്ചാട്ടങ്ങള്‍ ഒന്ന് സന്ദര്‍ശിച്ചാലോ? തൃപ്പരപ്പ് വെള്ളച്ചാട്ടം : തിരുവനന്തപുരത്തു നിന്നും 55 കിലോമീറ്റര്‍ മാത്രം…
View Post

ലണ്ടനിൽ നിന്നും ഇന്ത്യയിലെ കൽക്കട്ടയിലേക്ക് ഒരു ബസ് സർവ്വീസ്

ലോകത്തിലെ ഏറ്റവും നീളമുള്ള ബസ് റൂട്ട് ഏതായിരിക്കും? ഇപ്പോൾ സർവ്വീസ് നടത്തുന്നില്ലെങ്കിലും, ഇംഗ്ലണ്ടിലെ ലണ്ടനിൽ നിന്നും നമ്മുടെ ഇന്ത്യയിലെ കൽക്കട്ടയിലേക്ക് ഉണ്ടായിരുന്ന ബസ് സർവ്വീസ് ആണ് ലോകത്തിലെ ഏറ്റവും ദൈർഘ്യമേറിയ ബസ് റൂട്ടായി കണക്കാക്കപ്പെടുന്നത്. 1957 ലാണ് ലണ്ടൻ – കൽക്കട്ട…
View Post