200 രൂപയിൽ താഴെ മുടക്കി ബെംഗളൂരുവിൽ എന്തൊക്കെ കാണാം? എവിടെയൊക്കെ പോകാം?

Total
8
Shares

ബെംഗളൂരു എന്നു കേൾക്കുമ്പോൾത്തന്നെ എല്ലാവരുടെയും ഉള്ളിൽ ഓടിയെത്തുന്നത് തിരക്കേറിയ ഒരു നഗരത്തിന്റെ ചിത്രമായിരിക്കും. അതാണ് മിക്കവരും ചിത്രങ്ങളിലൂടെയും വാർത്തകളിലൂടെയും കണ്ടും കേട്ടുമറിഞ്ഞിട്ടുള്ള ബെംഗളൂരു. പബ്ബുകളും വമ്പൻ ഹോട്ടലുകളും ഉള്ള ഈ മെട്രോ നഗരത്തിൽ കാശുള്ളവനു മാത്രമേ കറങ്ങാൻ പറ്റൂ എന്നുള്ള ധാരണ ആദ്യം വെടിയണം. സാധാരണക്കാർക്കും ആസ്വദിക്കാം ബെംഗളൂരുവിലെ കാഴ്ചകൾ, അതും അധികം കാശു മുടക്കാതെ. 200 രൂപയിൽ താഴെ കാശുചെലവാക്കി ബെംഗളൂരുവിൽ എന്തൊക്കെ കാണാം? എവിടെയൊക്കെ പോകാം?

1. ലാല്‍ബാഗ് : ബെംഗളൂരുവിൽ എത്തുന്ന സഞ്ചാരികൾ തീർച്ചയായും വന്നിരിക്കേണ്ട ഒരു സ്ഥലമാണ് ലാൽ ബാഗ്. കുടുംബവും കുട്ടികളുമൊക്കെയായി ഇവിടെയെത്തുന്ന മലയാളികളുടെ ഇഷ്ടകേന്ദ്രം കൂടിയാണിത്. നഗരത്തിനുള്ളിൽ 240 ഏക്കർ സ്ഥലത്തായി ഇതുപോലൊരു പച്ചപ്പ് നിറഞ്ഞ ഉദ്യാനം നൽകുന്ന പോസിറ്റിവ് എനർജി വളരെയേറെയാണ്. ആരുടേയും ശല്യമില്ലാതെ റിലാക്സ് ചെയ്യുവാനും കാഴ്ചകൾ കണ്ടുകൊണ്ട് ഉലാത്തുവാനും ഇവിടം എന്തുകൊണ്ടും ബെസ്റ്റ് ആണ്. പൂന്തോട്ടവും തടാകവുമൊക്കെയുള്ള ഈ ഉദ്യാനത്തിൽ എത്രനേരം വേണമെങ്കിലും ചെലവഴിക്കുവാൻ നമുക്ക് സാധിക്കും. വീക്കെൻഡ് ദിവസങ്ങളിലാണ് ലാൽ ബാഗിൽ തിരക്കേറുന്നത്. ഇവിടേക്കുള്ള പ്രവേശന നിരക്ക് ഒരാൾക്ക് വെറും ഇരുപത് രൂപയേ ഉള്ളൂ.

2. വിദ്യാര്‍ഥി ഭവന്‍ : പേര് കേട്ടിട്ട് വല്ല സ്‌കൂളോ മറ്റോ ആണെന്ന് വിചാരിക്കണ്ട. ബെംഗളൂരുവിലെ പ്രശസ്തമായ ഒരു വെജിറ്ററിയന്‍ റസ്റ്റോറന്റാണ് വിദ്യാർഥിഭവൻ. ബെംഗളുരുവിന്റെ കൊതിപ്പിക്കുന്ന രുചികളിലൊന്നാണ് ബസവനഗുഡിയില്‍ 1943 ല്‍ സ്ഥാപിതമായ ഇവിടത്തെ വിദ്യാര്‍ഥി ഭവന്‍ ദോശ. ഇവിടത്തെ മസാല ദോശയും സാഗു മസാദ ദോശയും ബെംഗളൂരുവിൽ എത്തുന്നവർ തീർച്ചയായും രുചിച്ചിരിക്കേണ്ട ഒന്നാണ്. ബസവനഗുഡിയില്‍ ഗാന്ധി ബസാറിനു സമീപമാണ് ഈ പ്രശസ്തമായ റെസ്റ്റോറന്റ്. കാഴ്ചയില്‍ ഇത്തിരി പഴമയൊക്കെ ഉണ്ടെങ്കിലും രുചിയുടെ കാര്യത്തില്‍ വിദ്യാര്‍ഥി ഭവന്‍ ദോശയെ വെല്ലാന്‍ സാധിക്കില്ല. ഇവിടെ കയറിയാൽ ഒരാള്‍ക്കുള്ള ചിലവ് 100 രൂപയാണ്.

3. നെഹ്‌റു പ്ലാനറ്റോറിയം : ആകാശ വിസ്മയം കയ്യെത്തും ദൂരത്ത് കണ്ടാസ്വദിക്കുവാൻ താൽപ്പര്യമുള്ളവർക്ക് ധൈര്യമായി നെഹ്‌റു പ്ലാനറ്റോറിയം സന്ദർശിക്കാം. ഇതുപോലൊരു പ്ലാനറ്റോറിയം നമ്മുടെ തിരുവനന്തപുരത്തും ഉണ്ട്. അല്പം റൊമാന്റിക്കായി ആകാശക്കാഴ്ചകള്‍ കണ്ട് സമയം ചിലവഴിക്കുവാന്‍ ഇതിലും മികച്ച ഒരു ഓപ്ഷന്‍ വേറെയില്ല ഇവിടെ. മുതിർന്നവർക്ക് 35 രൂപയും കുട്ടികൾക്ക് 20 രൂപയുമാണ് ഇവിടത്തെ പ്രവേശന നിരക്ക്.

4. ബെംഗളൂരു കൊട്ടാരം : ഇംഗ്ലണ്ടിലെ വിൻഡ്സോർ കാസിലിന്റെ രൂപത്തിൽ ബാംഗ്ലൂരിൽ നിർമ്മിച്ച ഒരു കൊട്ടാരമാണ് ബെംഗളൂരു പാലസ്. നഗരഹൃദയത്തില്‍ ജയമഹലിനും സദാശിവ നഗറിനുമിടയിലായി പാലസ് ഗാഡനിലാണ് ഈ കൊട്ടാരം സ്ഥിതിചെയ്യുന്നത്. 1862-ൽ തുടങ്ങിയ ഈ കെട്ടിടത്തിന്റെ പണി പൂർത്തിയായത് 1944ലാണ്. 1884-ൽ മൈസൂർ രാജാവായ ചാമരാജ വോഡയാർ ഈ കൊട്ടാരം വിലയ്ക്കു വാങ്ങിയിരുന്നു. ഇപ്പോഴും ഈ കൊട്ടാരം മൈസൂർ രാജകുടുംബാംഗങ്ങളുടെ നിയന്ത്രണത്തിലാണ്. മനോഹരമായ പൂന്തോട്ടങ്ങളാൽ ചുറ്റപ്പെട്ട ഈ കൊട്ടാരം വിനോദസഞ്ചാരികളെ ആകർഷിക്കുന്ന തരത്തിലുള്ളതാണ്. 175 രൂപയാണ് ഇവിടെ ഒരാള്‍ക്കുള്ള പ്രവേശന ചാര്‍ജ്.

5. ടിപ്പു സുൽത്താൻ പാലസ് : കലാസിപാളയം ഓള്‍ഡ് ബസ് സ്റ്റാന്‍ഡിനു സമീപത്തു സ്ഥിതി ചെയ്യുന്ന ടിപ്പു സുല്‍ത്താന്‍ പാലസ് ടിപ്പു സുല്‍ത്താന്റെ ജീവിതത്തെ അടുത്തറിയുവാന്‍ സഹായിക്കുന്ന ഇടമാണ്. മുഴുവനായും തേക്ക് മരം കൊണ്ട് നിർമ്മിച്ചിരിക്കുന്ന ഈ കൊട്ടാരം വിനോദ സഞ്ചാരികളെ ആകർഷിക്കുന്നതാണ്. ഇന്ത്യക്കാർക്ക് ഇവിടം സന്ദർശിക്കാൻ വെറും അഞ്ച് രൂപയുടെ ചിലവേ ഉള്ളൂ എന്ന കാര്യവും മറക്കല്ലേ.

6. വെങ്കട്ടപ്പ ആര്‍ട് ഗാലറി : ബെംഗളൂരുവിലെ പ്രശസ്തമായ കബ്ബൺ പാർക്കിനു സമീപത്തായി സ്ഥിതി ചെയ്യുന്ന ആർട്ട് ഗാലറിയാണ് ഇത്. പ്രശസ്ത ചിത്രകാരന്മാരുടെ കലാസൃഷ്ടികൾ പ്രദർശിപ്പിച്ചിട്ടുള്ള ഇവിടം കലാസ്നേഹികൾക്ക് വളരെയേറെ ഇഷ്ടപ്പെടുന്ന ഒരു സ്ഥലമാണ്. 20 രൂപയാണ് വെങ്കട്ടപ്പ ആര്‍ട് ഗാലറിയിലേക്കുള്ള പ്രവേശന ഫീസ്.

Image – Bangalore Tourism

7. HAL സെന്റർ (എയ്റോസ്പേസ് മ്യൂസിയം) : കുട്ടികളുമായി ബെംഗളൂരുവിൽ എത്തുന്നവർ തീർച്ചയായും സന്ദർശിച്ചിരിക്കേണ്ട ഒരു സ്ഥലമാണിത്. മാറത്തഹള്ളിയിൽ സ്ഥിതി ചെയ്യുന്ന ഈ മ്യൂസിയത്തിൽ വിമാനങ്ങളുടെ ചരിത്രവും കഥകളും മോഡലുകളും ഒക്കെ നമുക്ക് അടുത്തറിയുവാൻ സാധിക്കും. വിമാനങ്ങളുടെ നമ്മൾ കാണാത്ത എഞ്ചിനുകളും വിവിധ ഭാഗങ്ങളും ഇവിടെ കാണുവാൻ സാധിക്കും. മുതിർന്നവർക്ക് 30 രൂപയും കുട്ടികൾക്ക് 20 രൂപയുമാണ് ഇവിടേക്കുള്ള പ്രവേശന ഫീസ്.

ഇപ്പോൾ മനസ്സിലായില്ലേ വെറും 200 രൂപ കൊണ്ടും ബെംഗളൂരു സിറ്റിയിൽ കാഴ്ചകൾ കാണുവാൻ സാധിക്കുമെന്ന്. ഇനി അടുത്ത തവണ ബെംഗളൂരുവിൽ പോകുമ്പോൾ ഈ സ്ഥലങ്ങളിൽക്കൂടി ഒന്ന് സന്ദർശിക്കുവാൻ ശ്രമിക്കുക.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

കേരളത്തിൽ റോഡ് ട്രിപ്പിനു പറ്റിയ അഞ്ച് മനോഹര റൂട്ടുകൾ…

യാത്രകൾ പല തരത്തിൽ ആസ്വദിക്കുന്നവരുണ്ട്. ചിലർ സ്ഥലങ്ങലും കാഴ്ചകളും ഒക്കെ കണ്ട് ആസ്വദിക്കും, ചിലർ ഓരോ സ്ഥലത്തെയും ഭക്ഷണങ്ങൾ രുചിച്ച് ആസ്വദിക്കും, ചിലർ കൂട്ടുകാരും കുടുംബവുമൊക്കെയായിട്ട് ഒരു അടിച്ചുപൊളി മൂഡിലായിരിക്കും യാത്ര പോകുന്നത്. മറ്റു ചിലരാകട്ടെ ഡ്രൈവിംഗ് ആയിരിക്കും ഇഷ്ടപ്പെടുക. ഇത്തരത്തിൽ…
View Post

ബെംഗളൂരു നഗരത്തിനുള്ളിൽ നിങ്ങൾ കണ്ടിരിക്കേണ്ട 15 സ്ഥലങ്ങൾ..

ബെംഗളൂരു ഇന്ത്യയിലെ വലിയ മെട്രോ നഗരങ്ങളിൽ ഒന്നാണ്. അതുകൊണ്ടു തന്നെ ഇവിടെ കാഴ്ചകളും ധാരാളമുണ്ട്. ബെംഗളുരുവിലേക്ക് വരുന്നവർക്ക് സന്ദർശിക്കാവുന്ന 15 സ്ഥലങ്ങളെയാണ് ഈ ലേഖനത്തിലൂടെ പരിചയപ്പെടുത്തുവാൻ പോകുന്നത്. 1 ടിപ്പു സുൽത്താൻ സമ്മർ പാലസ് : ബെംഗളൂരുവിലെ കെആർ മാർക്കറ്റിനു സമീപമാണ്…
View Post

കെഎസ്ആർടിസിയുടെ മലക്കപ്പാറ ടൂർ പാക്കേജ് വമ്പൻ ഹിറ്റ് !!

കെ എസ് ആർ ടി സിയുടെ മലക്കപ്പാറ പാക്കേജ് സർവീസ് ഇന്ന് കേരളമാകെ ഹിറ്റ്! അവധി ദിനങ്ങളിൽ സഞ്ചാരികൾക്കായി ചാലക്കുടിയിൽ നിന്നും ഏർപ്പെടുത്തിയ പ്രത്യേക സർവ്വീസുകൾ സൂപ്പർ ഹിറ്റായതിനെ തുടർന്ന് യാത്രക്കാരുടെ ആവശ്യം പരിഗണിച്ച് മറ്റു ഡിപ്പോകളിലേയ്ക്കും വ്യാപിപ്പിക്കുകയായിരുന്നു. ആദ്യഘട്ടം എന്ന…
View Post

ഒരു കെഎസ്ആർടിസി ബസ് മുഴുവനും ബുക്ക് ചെയ്ത് ഞങ്ങളുടെ കോളേജ് ടൂർ…

നിങ്ങളുടെ ജീവിതത്തിൽ ഏറ്റവും കൂടുതൽ സന്തോഷിച്ചിട്ടുള്ള, മറക്കാനാവാത്ത നിമിഷങ്ങൾ എപ്പോഴായിരിക്കും? കോളേജ് ദിനങ്ങൾ എന്നായിരിക്കും ഭൂരിഭാഗം ആളുകളുടെയും ഉത്തരം. അതെ എൻ്റെ ജീവിതത്തിലെയും മറക്കാനാവാത്ത നിമിഷങ്ങൾ സമ്മാനിച്ചത് എൻ്റെ കലാലയ ജീവിതമായിരുന്നു. ബെംഗളൂരുവിലെ ന്യൂ ഹൊറൈസൺ കോളേജിൽ ആയിരുന്നു എൻ്റെ ബി.ടെക്.…
View Post

കോഴിക്കോട് നിന്നും വൺ ഡേ ട്രിപ്പ് പോകാൻ പറ്റിയ അഞ്ച് സ്ഥലങ്ങൾ…

കേരളത്തിൽ ഏറ്റവും കൂടുതൽ സഞ്ചാരികൾ വസിക്കുന്നത് മലബാർ മേഖലകളിലാണ്. സോഷ്യൽ മീഡിയയിലെ ട്രാവൽ ഗ്രൂപ്പുകളിൽ നിറഞ്ഞ സാന്നിധ്യത്തോടെയാണ് ഇവരുടെ മുന്നേറ്റം. ഇവരിൽ കൂടുതൽപേരും മലപ്പുറം, കോഴിക്കോട് ജില്ലകളിൽ നിന്നുള്ളവരാണ്. അതുകൊണ്ട് ഇത്തവണ സ്വൽപ്പം വടക്കൻ വിശേഷങ്ങളാണ് നിങ്ങള്ക്ക് മുന്നിൽ പങ്കുവെയ്ക്കാൻ പോകുന്നത്.…
View Post

ഊട്ടിയിൽ പോകുന്നവർ കണ്ടിരിക്കേണ്ട ചില സ്ഥലങ്ങളെ പരിചയപ്പെടാം..

മലയാളികൾക്ക് പണ്ടുമുതലേ ടൂർ എന്നു വെച്ചാൽ ഊട്ടിയോ കൊടൈക്കനാലോ ഒക്കെയാണ്. എങ്കിലും കൊടൈക്കനാലിനെക്കാളും ഒരുപടി മുന്നിലാണ് ഊട്ടിയെ നമ്മൾ പ്രതിഷ്ഠിച്ചിരിക്കുന്നത്. കോളേജ് ടൂർ, ഫാമിലി ടൂർ, ഹണിമൂൺ എന്നുവേണ്ട മിക്കവരുടെയും ടൂർ ലൊക്കേഷൻ ഊട്ടിയായിരിക്കും. ഊട്ടിയിൽ ചിത്രീകരിച്ച മലയാള സിനിമകൾ ഒരു…
View Post