സ്വർഗ്ഗക്കാഴ്ചകളുമായി കണ്ണൂർ ജില്ലയിലെ തിരുനെറ്റിക്കല്ല്

Total
0
Shares

വിവരണം – അഖിൽ സുരേന്ദ്രൻ അഞ്ചൽ.

കണ്ണൂർ ജില്ലയിലെ ജോസ്ഗിരിയിൽ ഒരു മലയുണ്ട് തിരുനെറ്റിക്കല്ല് മല. ഈ യാത്രയുടെ ഉയരങ്ങളിലേക്കാണ് ഇന്ന് എന്റെ പ്രിയപ്പെട്ട സ്നേഹിതരെ ഞാൻ കൂട്ടി കൊണ്ട് പോകുന്നതും പരിജയപ്പെടുത്തുന്നതും അതെ ഒരു സാഹസിക ട്രക്കിങ് യാത്രയുടെ കഥ.

സ്വപ്നങ്ങളെ സഞ്ചിയിലാക്കി നഗരം വിട്ട് ഗ്രാമങ്ങളിലെക്കൊരു യാത്ര എന്ന് പറയുന്നതായിരിക്കും ശരിയായ കാര്യം. എന്റെ ജീവൻ ഈ യാത്രകളാണ് യാത്രകളാണ് എന്നെ ജീവിപ്പിക്കുന്നതും. ഒരു പാട് തവണ എഴുത്തുകളിലൂടെ കണ്ണൂരിലെ പ്രകൃതി മനോഹരമായ കണ്ട് കാഴ്ചകൾ എഴുതാൻ ശ്രമിക്കുമ്പോഴും, സ്നേഹ സമ്പന്നരുടെ നാട് തന്നെയാണ് കണ്ണൂർ എന്ന് ഈ നിമിഷം ഞാൻ എടുത്തു പറയുന്നു. കാരണം തെയ്യത്തിനെ നെഞ്ചോട് ചേർത്ത് പിടിക്കുന്ന നാട് എന്റെ നാട് കണ്ണൂർ.

കണ്ണുർ ജില്ലയിലെ ഏറ്റവും ഉയരം കൂടിയ പ്രദേശങ്ങളിൽ ഒന്നാണ് ജോസ്ഗിരിയും സമീപ ഗ്രാമപ്രദേശങ്ങളും. വളരെ മനോഹരമായ കാലാവസ്ഥയാണിവിടം. കർണാടകയുടെ അതിർത്തി ഗ്രാമം കൂടിയാണിവിടം.തികച്ചും ഗ്രാമന്തരീക്ഷം നിറഞ്ഞ സ്ഥലം. കണ്ണൂർ എത്തിയാൽ ഈ നാട് കാണാതെ മടങ്ങണത് അത്ര ശരിയല്ല. അങ്ങനെയാണ് പ്രിയപ്പെട്ട സുഹൃത്ത് പയ്യന്നൂർ സ്വദേശിയും വെഡിങ് ഫോട്ടോഗ്രാഫറുമായ Akhil Sreedhar ഉം ഞാനും തിരുനെറ്റിക്കല്ലിനെ ലക്ഷ്യമാക്കി യാത്ര ആരംഭിച്ചത്.

ജോസ്ഗിരി മെയിൻ റോഡിൽ നിന്ന് കുറച്ച് ദൂരം ഓഫ് റോഡു വഴിയാണ് തിരുനെറ്റിയിലേക്ക് പോകുന്നത്. റോഡ് മോശമാണ്. ടുവീലർ പതുക്കെ ഓടിച്ച് കുത്തനെയുള്ള കയറ്റം കയറാവുന്നതാണ്. ഒരു ഓഫ് റോഡ് റൈഡിങ്ങിനു പറ്റിയിടമാണിവിടം.

ഞങ്ങളുടെ ടുവീലർ ഏദൻ ഹിൽ റിസോർട്ട് ഓർഗാനിക് ഫാമിന് താഴെ പാർക്ക് ചെയ്ത് വെച്ചിട്ട് വീണ്ടും കുത്തനെയുള്ള കയറ്റം കയറണം. പൊട്ടി പൊളിഞ്ഞ റോഡിലെ ഉരുളൻ കല്ലുകളെയും സഹയാത്രികരായി കൂട്ടു പിടിച്ച് ഞങ്ങൾ കയറ്റം കയറി. ഓരോ ശ്വാസോ ശ്വാസവും പ്രക്യതിയോട് അലിഞ്ഞ് ചേർന്ന നിമിഷം ജോസ്ഗിരിയിൽ ഇപ്പോഴും പാറി പറക്കുന്നുണ്ടാവും.

തിരുനെറ്റി കല്ലിനെ ലക്ഷ്യമാക്കി നടന്നു. കണ്ണത്താ ദൂരത്ത് ദാ രണ്ട് പടുകൂറ്റൻ കല്ലുകൾ കാണാം. അങ്ങനെ യാത്രയുടെ ലക്ഷ്യസ്ഥാനത്ത് എത്തി. മലയുടെ ഏറ്റവും മുകളിൽ നിന്ന് കാണുകയാണ് ഒരു കൊച്ചു ഗ്രാമം. കോടമഞ്ഞിൽ പച്ച പുതപ്പ് പുതഞ്ഞു കിടക്കുന്ന ഒരു ഗ്രാമം കൺമുൻമ്പിൽ.. ഹാ എന്ത് ഭംഗി..

കോടമഞ്ഞ് ഇടയ്ക്കിടെ മാറി മറയുമ്പോൾ പ്രകൃതി സൗന്ദര്യം ആവോളം ആസ്വദിക്കാം. കോടമഞ്ഞും , കാറ്റും മലയുടെ സൗന്ദര്യത്തിന് ഇടയ്ക്കിടെ മാറ്റ് കൂട്ടുന്നു. നീലാകാശം തൊട്ടുനിൽക്കുന്ന മലയുടെ മുകളിൽ നിന്നാൽ ചുറ്റുപാടുമുള്ള മലനിരകൾ വെറൊരു വിസ്മയക്കാഴ്ചയാണ് നമ്മുക്ക് പ്രധാനം ചെയ്യുന്നത് .

കഥകളിലൂടെ വായിച്ചും കേട്ടറഞ്ഞതുമായ തിരുനെറ്റികല്ലിനെ നേർകാഴ്ചയിൽ കണ്ട് തൊട്ടറിഞ്ഞപ്പോൾ എന്റെ ഹൃദയം സന്തോഷം കൊണ്ട് വിയർപ്പു മുട്ടി. രണ്ട് പടുകൂറ്റൻ കല്ലുകൾ ചാരി വെച്ചിരിക്കുന്നതുപോലെ തോന്നും തിരുനെറ്റി കല്ല് കണ്ടാൽ. അടുത്ത് ചെറിയ ചിന്നി തെറിച്ച കല്ലുകളും കുറച്ച് മാറി വലിയൊരു കൂറ്റൻ കല്ലും കാണാം. ഇതാണ് തിരുനെറ്റി കല്ല്.

പടുകൂറ്റൻ കല്ലിനെ ലക്ഷ്യമാക്കി നടന്നു. ഈ കല്ലിന് മുകളിൽ കയറാൻ ഒരു ഏണി സ്ഥാപിച്ചിട്ടുണ്ട്. ഏണിയിലൂടെ മുകളിൽ എത്തുമ്പോൾ അതി ശക്തമായ കാറ്റാണ് ആഞ്ഞ് വീശുന്നത്. അതിനാൽ ഈ കല്ലിന് മുകളിൽ കയറുന്നവർ സ്വയം സുരക്ഷ ആദ്യമേ ഉറപ്പ് വരുത്തണം.

ഈ കല്ലിന് എന്തോ ഒരു പ്രത്യേകതയുണ്ട്. കാരണം കല്ലിന് മുകളിൽ ഒരു കുരിശ് സ്ഥാപിച്ചിട്ടുണ്ട് . ഇത് ഒരു അത്ഭുതമായി തോന്നി. എന്തായാലും മാനവരാശിയുടെ രക്ഷക്കായി “യേശു ദേവാ അങ്ങ് നന്മയുടെ ലോകത്തിലേക്ക് ഞങ്ങൾക്ക് ഓരോത്തർക്കും താങ്ങും തണലുമാകുവാൻ കരുണ ഉണ്ടാകണമേ” എന്ന് ഞാനും പ്രാർത്ഥിച്ചു.

ചുറ്റും ഉള്ള കാഴ്ചകൾ കണ്ട് നയന നേത്രങ്ങൾ ഇമ്മ വെട്ടാതെ ഗ്രാമഭംഗി നുകരുകയാണ്. സന്തോഷം പറഞ്ഞറിയിക്കാൻ വയ്യ അത് അനുഭവിച്ച് അറിയുക തന്നെ വേണം. വർണ്ണരാജികൾ വിടരും വാനിൽ വെള്ളി മേഘങ്ങൾ ഒഴുകും രാവിൽ കോടമഞ്ഞിൻ പുതപ്പുനുള്ളിൽ, പറവായി പറന്ന് ഉയരുകയാണ് വാനിൽ… ഓരോ യാത്രകളും ഒരു പാട് കഥകൾ പറയുന്നുണ്ട്. പ്രകൃതിയുടെ വർണ്ണനാതീതമായ കാഴ്ചകൾ സമ്മാനിക്കാറുണ്ട്.

സ്നേഹ താരകൾ വാണിടം മണ്ണിലൂടെ ഞാൻ വീണ്ടും സ്നേഹ വീഥിയിലൂടെ യാത്ര പോയതാണ് ഈ എഴുത്തിടം. അസ്തമയം കൺ പാർത്ത് കൂട്ടിൽ ചേക്കറുന്നുണ്ട്. ദൂരങ്ങൾ കൊതിയ്ക്കുന്ന ദേശാടനക്കിളികൾ… അതെ, ഓരോ അസ്തമയ സൂര്യനും ഒരായിരം കഥകൾ പറയുവാനുണ്ട്. സ്നേഹത്തിന്റെ , സാഹോദര്യത്തിന്റെ, അതിജീവനത്തിന്റെ, വിരഹത്തിന്റെ , പച്ചയായ മനുഷ്യന്റെ, ഒരു പാട് യാത്രകളുടെ അതിലുപരി നാളത്തെ ഉദയത്തിന്റെ ഒരായിരം കഥകൾ.

പ്രകൃതിയോട് ഇണങ്ങിയും, പിണങ്ങിയും യാത്രകൾ ചെയ്യുമ്പോഴുള്ള സുഖം അത് ഒന്ന് വെറെ തന്നെയാണ്. അത് എഴുതി തീർക്കാൻ പോലും എനിക്ക് കഴിയുന്നില്ല. സഞ്ചാരികളുടെ ഇഷ്ട വിനോദ സഞ്ചാരകേന്ദ്രമായി മാറിയിരിക്കുകയാണ് ഇപ്പോൾ തിരുനെറ്റി. ഇവിടെ വരുന്നവർക്ക് നാവിൽ രുചിയേറും നാടൻ വിഭങ്ങളും ഒരുക്കി വെച്ച് ഏദൻ റിസോർട്ടിന്റെ തിരുനെറ്റി തട്ടുകടയും. സാഹസിക യാത്രികരെ മാടി വിളിക്കുകയാണ് തിരുനെറ്റി കല്ല്.

തിരുനെറ്റികല്ല് എത്തിചേരാനുള്ള മാർഗ്ഗം : (കണ്ണൂർ – പയ്യന്നൂർ – ചെറുപുഴ വഴി ജോസ്ഗിരി) ജോസ്ഗിരി മെയിൻ റോഡിൽ നിന്ന് ഓഫ് റോഡു വഴിയാണ് തിരുനെറ്റിയിലേക്ക് പോകുന്നത്. റോഡ് വളരെ മോശമാണ്. ടുവീലർ പതുക്കെ ഓടിച്ച് കുത്തനെയുള്ള കയറ്റം കയറാവുന്നതാണ്. ഒരു ഓഫ് റോഡ് റൈഡിങ്ങിനു പറ്റിയിടമാണിവിടം. പക്ഷേ ഓരോ ചുവടുവെയ്പ്പും മുൻ കരുതലോടെ മാത്രമായിരിക്കണം. യാത്ര വരുന്നവർ കഴിവതും സൂര്യാസ്തമയത്തിന് മുൻമ്പ് ഇവിടെ നിന്ന് യാത്ര തിരിക്കുക.

രാത്രി സമയങ്ങളിൽ ഇതു വഴിയുള്ള യാത്ര ഒഴുവാക്കുക. ആന ശല്യവും, കാട്ടു പന്നിയുടെ ശല്യവുമുണ്ട്. നമ്മൾ ഓരോത്തരും ചിന്തിക്കുക, ഓരോ യാത്രകളും കരുതലോടെയും സുരക്ഷിതമായും നമ്മുക്ക് ഓരോത്തർക്കും പോയി വരാം.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

മണാലി ബസ് സ്റ്റാൻഡിൽ ഒരു മലയാളിയെ പറ്റിച്ചു മുങ്ങിയ മലയാളി

വിവരണം – Zainudheen Kololamba. അപരിചിതമായ വഴികളിൽ കണ്ടുമുട്ടുന്ന മലയാളികളെ ബന്ധുക്കളേക്കാൾ സ്വന്തമാണെന്ന് തോന്നാറില്ലേ? ഹിന്ദി, ഉറുദു കലപിലകൾക്കിടയിൽ ആരെങ്കിലും വന്ന് മലയാളിയാണോ എന്ന് ചോദിക്കുമ്പോൾ അത്യാനന്ദം അനുഭവപ്പെടാറില്ലേ? തീർച്ചയായും എനിക്ക് തോന്നാറുണ്ട്. കേരള സമ്പർക്രാന്തിയുടെ സെക്കന്റ് ക്ലാസ് ഡബ്ബയുടെ ബർത്തിലിരുന്ന്…
View Post

ജനമൈത്രി പോലീസിനൊപ്പം പൂയംകുട്ടി വനത്തിലേക്ക്

വിവരണം – അരുൺ കളപ്പില. ശ്വാസം അടക്കിപ്പിടിച്ചനുഭവിച്ച അതി കഠിനമായൊരു വനയാത്രയാണിത്. ആനച്ചൂരിൽ, ഇരുണ്ട കാട്ടിലൂടെ കടന്നുപോകുമ്പോൾ നാമറിയാതെ അനുഭവിക്കുന്ന ഒരു ലഹരിയുണ്ട്. അതാണീ യാത്രയുടെ ജീവൻ. കാടിനെ സ്നേഹിക്കുന്ന ഓരോ മനുഷ്യന്റേയും ആഗ്രഹമാണ്, കാടിനെ നോവിക്കാതെ നിശബ്ദമായി മരങ്ങളെ, പക്ഷികളെ,…
View Post

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post

മൂന്നാറിൻ്റെ തലവര മാറ്റാൻ ‘എസ്കേപ്പ് റോഡ്’

എഴുത്ത് – ദയാൽ കരുണാകരൻ. ഇപ്പോൾ കൊടൈക്കനാലും മൂന്നാറും തമ്മിലുള്ള യാത്രാ അകലം വാസ്തവത്തിൽ വെറും 13 കിലോമീറ്ററാണ്. കൊടൈക്കനാലിന്റ്റെ തെക്കുപടിഞ്ഞാറ് ഭാഗത്തുള്ള ടൂറിസ്റ്റ് സ്പോട്ടാണ് ബെരിജം തടാകം. ദിവസവും ഇവിടേക്ക് നിശ്ചിത എണ്ണം സന്ദർശ്ശകരുടെ വാഹനങ്ങൾ കടത്തി വിടുന്നുമുണ്ട്. ഇനി…
View Post

കെഎസ്ആർടിസി മിന്നൽ ബസ്സുകളിൽ കയറുന്നതിനു മുൻപ് അറിഞ്ഞിരിക്കേണ്ട കാര്യങ്ങൾ

കുറച്ചു നാളുകളായി ചില യാത്രക്കാരുടെ പരാതികളാൽ വാർത്തകളിൽ നിറഞ്ഞു നിൽക്കുന്ന ഒരു ബസ് സർവീസാണ് കെഎസ്ആർടിസിയുടെ മിന്നൽ ബസ് സർവ്വീസുകൾ. എന്തുകൊണ്ടാണ് മിന്നൽ സർവ്വീസിലെ ചില യാത്രക്കാർ പരാതികൾ ഉന്നയിക്കുന്നത്? അതിനുള്ള കാര്യം അറിയുന്നതിനു മുൻപായി എന്താണ് മിന്നൽ ബസ് സർവ്വീസുകൾ…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

കേരളത്തിനകത്തെ തമിഴ് പറയുന്ന ഗ്രാമമായ ‘വട്ടവട’യിലേക്ക്

വിവരണം – സന്ധ്യ ജലേഷ്. മലഞ്ചെരുവുകളെ തഴുകി വരുന്ന കാറ്റേറ്റ് സ്‌ട്രോബറിയും, ആപ്പിളും, കാരറ്റും, കാബേജും, ക്വാളിഫ്‌ലവറും, ഉള്ളിയും, ഉരുളക്കിഴങ്ങും, വെളുത്തുള്ളിയും വിളഞ്ഞു നില്‍ക്കുന്ന തോട്ടങ്ങളും, അലഞ്ഞുതിരിഞ്ഞു നടക്കുന്ന കോവര്‍ കഴുതകളും, തീപ്പെട്ടികൂടുപോലെ നിറമുള്ള വീടുകളും, ചെങ്കുത്തായ മലനിരകള്‍ക്കു നടുവില്‍ ജ്യാമിതീയ…
View Post