സൂപ്പർസ്റ്റാർ രജനീകാന്ത് തീമിൽ ഒരു വ്യത്യസ്തമായ റെസ്റ്റോറന്റ് – ‘സൂപ്പർസ്റ്റാർ പിസ’

Total
0
Shares

ഹോളിവുഡിലെ സൂപ്പർമാൻ, ബാറ്റ്മാൻ, സ്‌പൈഡർമാൻ തുടങ്ങിയ സൂപ്പർഹീറോകൾക്ക് ഇന്ത്യയിൽ നിന്നൊരു എതിരാളിയുണ്ടെങ്കിൽ അത് മറ്റാരുമല്ല രജനീകാന്ത് ആയിരിക്കും. രജനീകാന്തിന്റെ ആക്ഷനുകളും ഹീറോയിസവും നിറഞ്ഞ സിനിമകളാണ് ഇങ്ങനെയൊരു ചൊല്ല് വരാൻ കാരണം. ഇന്ത്യയിൽ ഒരു നടനും ഇതുപോലുള്ള ആരാധന ലഭിച്ചിട്ടുണ്ടാകില്ല. ചുരുക്കിപ്പറഞ്ഞാൽ ആരാധകർ ‘തലൈവർ’ എന്നു ബഹുമാനത്തോടെ, ആരാധനയോടെ വിളിക്കുന്ന രജനീകാന്ത് ഇന്ത്യയിലെ ഒരു സൂപ്പർ സ്റ്റാർ തന്നെയാണ്. ‘രജനി സ്റ്റൈൽ’എന്നൊരു സ്റ്റൈൽ വരെയുണ്ട്. എന്തിനേറെ പറയുന്നു രജനീകാന്ത് തീമിലുള്ള ഒരു റെസ്റ്റോറന്റ് വരെ ചെന്നൈയിൽ പ്രവർത്തിക്കുന്നുണ്ട്. ആ റെസ്റ്റോറന്റിനെക്കുറിച്ചുള്ള വിശേഷങ്ങളാണ് ഈ ലേഖനത്തിൽ.

‘സൂപ്പർസ്റ്റാർ പിസ’ എന്നാണു ഈ രജനി തീം റെസ്റ്റോറന്റിന്റെ പേര്. പേരുപോലെ തന്നെ ഇതൊരു പിസ ഹട്ട് ആണ്. ചെന്നൈയിലെ ബസന്ത് നഗറിലാണ് രജനീകാന്ത് ആരാധകർ തീർച്ചയായും സന്ദർശിച്ചിരിക്കേണ്ട ഈ റെസ്റ്റോറന്റ് സ്ഥിതി ചെയ്യുന്നത്. ചെന്നൈ സ്വദേശിയായ രാമനാഥൻ എന്ന സംരംഭകന്റെ ആശയത്തിൽ നിന്നുമാണ് ഇത്തരമൊരു റെസ്റ്റോറന്റ് ഉണ്ടായത്. ഇതിനു പുറമെ ചെന്നൈ അണ്ണാനഗർ, സേലം, ട്രിച്ചി, കോയമ്പത്തൂർ തുടങ്ങിയ സ്ഥലങ്ങളിലും ഇതിന്റെ ബ്രാഞ്ചുകൾ പ്രവർത്തിക്കുന്നുണ്ട്. റെസ്റ്റോറന്റിനുള്ളിലേക്ക് കയറുന്നവരെ അമ്പരപ്പിക്കുന്ന രീതിയിൽ അതിനകത്തു മുഴുവൻ രജനീകാന്തിന്റെ പോർട്രെയ്റ്റുകളും പെയിന്റിങ്ങുകളുമാണുള്ളത്. കൂടാതെ ഭിത്തികളിൽ രജനിയുടെ പ്രശസ്തമായ ചില പഞ്ച് ഡയലോഗുകളും കാണാം. ഈ റെസ്റ്റോറന്റിൽ വരുന്നവർക്ക് ഈ ചിത്രങ്ങൾക്കൊപ്പം നിന്ന് ഫോട്ടോകൾ എടുക്കുവാനും സൗകര്യമുണ്ട്.

ഇനി ഇവിടത്തെ വിഭവങ്ങളുടെ പേരുകൾക്കുമുണ്ട് രജനി ടച്ച്. അതു പറയുന്നതിനു മുൻപ് മറ്റൊരു കാര്യം കൂടി, ഇവിടത്തെ വിഭവങ്ങളെ നാലു തരത്തിലാണ് തിരിച്ചിരിക്കുന്നത്. സൈഡ് റോളുകൾ (സ്റ്റാർട്ടറുകൾ), മെയിൻ റോളുകൾ (പിസ്സ), ഗസ്റ്റ് റോളുകൾ (പാസ്തയും ബർഗ്ഗറും), ക്ലൈമാക്സ് (ഡെസ്സേർട്ടുകളും ബിവറേജുകളും) എന്നിവയാണ് അവ. സ്റ്റാർട്ടർ വിഭവങ്ങളായി ഫ്രഞ്ച് ഫ്രൈസും, ബ്രഡും, നാച്ചോസും ഒക്കെയാണുള്ളത്. ഇതിനെല്ലാം സാധാരണ പേരുകൾ തന്നെയാണ്. എന്നാൽ മെയിൻ റോളുകാരായ പിസകളുടെ പേരുകൾ നോക്കുമ്പോഴാണ് നമ്മൾ അത്ഭുതപ്പെട്ടു പോകുന്നത്. നല്ല എരിവുള്ള പിസ്സ വിഭവങ്ങൾക്ക് ‘ചന്ദ്രമുഖി, അണ്ണാമലൈ, സിഗപ്പു മനിതൻ, കൊച്ചടയാൻ, നെരുപ്പ് ഡാ, ബാഷ, കബാലി, ദളപതീസ് തണ്ടൂരി’ എന്നൊക്കെയാണ് പേര്. അൽപ്പം എരിവ് കുറഞ്ഞ പിസ്സകൾക്ക് മുത്തു, രാജാധിരാജ, ഉഴൈപ്പാളി, അരുണാചലം, മന്നൻ എന്നിങ്ങനെയാണ് പേരിട്ടിരിക്കുന്നത്. റൊമാൻസ് സ്പെഷ്യൽ പിസകൾക്കാണെങ്കിൽ പടയപ്പ, നല്ലവനുക്ക് നല്ലവൻ, ലക്ക ലക്ക ലക്ക, മകിഴ്ച്ചി, പണക്കാരൻ തുടങ്ങിയ പേരുകളാണ്.

പിസ്സയ്ക്കു പുറമെ പാസ്ത, സാൻഡ്‌വിച്ച്, നോൺ ആൽക്കഹോളിക് ബിവറേജുകൾ, ഡെസ്സേർട്ടുകൾ തുടങ്ങിയവയും ഇവിടെ ലഭിക്കും. പേരുപോലെ തന്നെ ഇവിടത്തെ ഡിഷുകൾക്ക് ആരാധകരും ഏറെയാണ്. Zomato പോലുള്ള സൈറ്റുകളിൽ ഈ റെസ്റ്റോറന്റിനു ആളുകൾ നൽകിയിരിക്കുന്നത് പോസിറ്റിവ് റിവ്യൂകളാണ്. കൂടുതലാളുകളും ഭക്ഷണത്തേക്കാൾ ഇഷ്ടപ്പെടുന്നത് ഇവിടത്തെ ആ ഒരു ആമ്പിയൻസിനെയാണ്. തലൈവർ ഫാൻ ആണെങ്കിൽ നിങ്ങൾക്ക് ഉറപ്പായും ഈ സ്ഥലം ഇഷ്ടപ്പെടുമെന്നും റിവ്യൂകളിൽ പറയുന്നുണ്ട്. രണ്ടുപേർക്ക് ഇവിടെ നിന്നും ഭക്ഷണം കഴിക്കുവാൻ ഏകദേശം 650 രൂപയോളം ശരാശരി ചെലവ് വരും. ബാക്കിയെല്ലാം നമ്മൾ ഓർഡർ ചെയ്യുന്നതിനെ അനുസരിച്ചിരിക്കും.

അപ്പോൾ ഇനി ചെന്നൈയിൽ പോകുന്നവരും ചെന്നൈയിലുള്ളവരും (ട്രിച്ചി, സേലം, കോയമ്പത്തൂർ എന്നിവിടങ്ങളിൽ പോകുന്നവർക്കും) രജനീകാന്ത് തീം റെസ്റ്റോറന്റ് ആയ ‘സൂപ്പർസ്റ്റാർ പിസ’ ഒന്നു സന്ദർശിച്ചു നോക്കുക. നിങ്ങളൊരു രജനി ഫാൻ ആണെങ്കിൽ തീർച്ചയായും നിങ്ങൾക്കിത് ഇഷ്ടപ്പെടും.

Address: 1) ചെന്നൈ ബസന്ത് നഗർ :20, 5th Avenue, Besant nagar Beach, Chennai, Besant Nagar, Chennai, Phone: 044 48574004, +91 9894354867. 2) ചെന്നൈ അണ്ണാനഗർ : . 3) കോയമ്പത്തൂർ I – 7th Cross, 39 A, Bharathi Park Rd, Saibaba Colony, Coimbatore, Tamil Nadu 641011, Phone: 0422 4980600. 4) കോയമ്പത്തൂർ II – Fiesta, Shop No: B1, Food Street, Thudiyalur Rd, Saravanampatty, Coimbatore, Tamil Nadu 641035, Phone: 09600696662 5) സേലം – 395/1 GK Towers, Sarada College Rd, Behind Alapuram, Alagapuram Pudur, Salem, Tamil Nadu 636016, Phone: 0427 4973737. 6) ട്രിച്ചി I : C-70, 11th Cross, Thillai Nagar East, Trichy 620018, Ph: 0431-4200222, 9566447221. 6) ട്രിച്ചി II : 20, First Floor, Vayaloor Main Road, Kumaran Nagar, Trichy 620017. Ph: 0431-4215151, 9600447474.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

കേരളത്തിലെ പത്രങ്ങളുടെ ചരിത്രം – ഒരു മലയാളി അറിഞ്ഞിരിക്കേണ്ട കാര്യങ്ങൾ..

കേരളീയരുടെ ജീവിതത്തിന്‍്റെ ഭാഗമാണ് പത്രങ്ങള്‍. കേരളീയ സംസ്കാരത്തിന്‍്റെ ഭാഗമാണ് പത്രവായന. ഒരു ശരാശരി മലയാളിയുടെ ദിവസം ആരംഭിക്കുന്നത് ഒരു കൈയില്‍ കാപ്പിയും മറ്റേ കൈയില്‍ പത്രവുമായിട്ടാണ്. കേരളത്തിലെ സാംസ്കാരിക ചരിത്രം പരിശോധിച്ചാല്‍ ഏറ്റവും മികച്ച സംഭാവന നല്‍കിയത് പത്രങ്ങളും പ്രസിദ്ധീകരണങ്ങളുമാണെന്നു കാണാം.…
View Post

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

മുഗൾ സാമ്രാജ്യം – ചക്രവർത്തിമാരും അവരുടെ അന്ത്യവും

ഇന്ത്യയിൽ ഏറ്റവും അധികം കാലം ഭരിച്ച മുസ്ലീം രാജാക്കന്മാരുടെ സാമ്രാജ്യമാണ് മുഗൾ സാമ്രാജ്യം. പിതൃത്വം വഴി മദ്ധ്യേഷ്യൻ ഭരണാധികാരി തിമൂറിന്റെ പിൻ‌ഗാമികളും, മാതൃത്വം വഴി മംഗോൾ നേതാവായ ജെംഗിസ് ഖാന്റെ പാരമ്പര്യം ഉള്ളവരുമാണ്‌ മുഗളർ. മംഗോൾ എന്നതിന്റെ പേർഷ്യൻ/ചഗതായ് രൂപഭേദമായ മുഗൾ…
View Post

കടുവ വേലായുധൻ – ആനപ്പണിക്കാരിലെ എക്കാലത്തെയും വലിയ അതികായൻ !!

എഴുത്ത് – വിനു പൂക്കാട്ടിയൂർ. ആനപ്പണിയിലെ എക്കാലത്തെയും വലിയ അതികായൻ ‘കടുവ വേലായുധേട്ടൻ’ ആനയില്ലാത്ത ലോകത്തേക്ക് യാത്രയായിട്ട് എട്ട് വർഷങ്ങൾ. അദ്ദേഹത്തിന്റെ ഓർമ്മകൾക്ക് മുൻപിൽ അനന്തകോടിപ്രണാമം. ഒരുപാട് പേരുടെ അഭ്യർത്ഥനയായിരുന്നു സാക്ഷാൽ കടുവയുടെ കഥകൾ കേൾക്കണമെന്ന്. എന്നാൽ എന്നെപോലെയുള്ള ഒരാൾക്ക് വലിയ…
View Post

എന്താണ് ദുബായ് എക്സ്പോ? അവിടെ എന്തൊക്കെ കാണാം? ആകർഷണങ്ങൾ…

ഇപ്പോൾ മാധ്യമങ്ങളിലും സോഷ്യൽ മീഡിയകളിലും, പിന്നെ പ്രവാസി സുഹൃത്തുക്കൾക്കിടയിലും സംസാരവിഷയമായിരിക്കുന്ന ഒന്നാണ് ദുബായ് എക്സ്പോ. എന്താണ് ഈ ദുബായ് എക്സ്പോ എന്ന് ശരിക്കും അറിയാത്ത ചിലരെങ്കിലും നമുക്കിടയിലുണ്ടാകും. അവർക്കായി ദുബായ് എക്സ്പോയുടെ വിശേഷങ്ങൾ പങ്കുവെയ്ക്കാം. ബ്യൂറോ ഒഫ് ഇന്റർനാഷണൽ എക്സ്പോസിഷൻസിന്റെ മേൽനോട്ടത്തിൽ…
View Post

KSRTC SWIFT വോൾവോ സ്ലീപ്പർ ബസ്സിലെ യാത്ര; ഒരു പാസഞ്ചർ റിവ്യൂ

വിവരണം – ലിജോ ചീരൻ ജോസ്. ഇരുപത്തിരണ്ടു വർഷമേ ആയിട്ടുള്ളു ഞാൻ നമ്മുടെ ആനവണ്ടിയിലെ ദീർഘദൂര യാത്രകൾ ആരംഭിച്ചിട്ട്. ഗുരുവായൂർ – കോയമ്പത്തൂർ ഫാസ്റ്റിലാണ് തുടക്കം. കുറച്ചു വര്ഷം മുൻപ് വരെ കര്ണാടക ആർ ടി സി വോൾവോ ബസുകൾ കേരളത്തിലേക്ക്…
View Post