ടൂറിസം ഉഷാറാക്കണം; ടൂറിസ്റ്റുകൾക്ക് വിസ ഫ്രീയാക്കി ഈജിപ്റ്റ്

Total
266
Shares

കൊറോണ വൈറസ് വ്യാപനം മൂലം ലോകത്തെമ്പാടുമുള്ള ടൂറിസം മേഖല തകർന്നടിഞ്ഞു പോയ കാഴ്ചകളായിരുന്നു നമ്മൾ കണ്ടുകൊണ്ടിരുന്നത്. എന്നാൽ ഇപ്പോൾ ചിലയിടങ്ങളിൽ നിന്നുള്ള വാർത്തകൾ അൽപ്പം ആശ്വാസം പകരുന്നവയാണ്. കൊറോണയെ തുരത്തിയ രാജ്യങ്ങളൊക്കെ പതിയെ വിനോദസഞ്ചാരികൾക്ക് ടൂറിസം മേഖല തുറന്നുകൊടുത്ത് വരുമാനം കണ്ടെത്താനുള്ള ശ്രമം ആരംഭിച്ചിരിക്കുകയാണ്. അതിൽ എടുത്തു പറയേണ്ട ഒരു രാജ്യമാണ് ഈജിപ്റ്റ്.

ക്രൈസ്തവ, ജൂത ഇസ്ലാം മതവിശ്വാസികള്‍ക്ക് ഏറെ പ്രാധാന്യമുള്ള തീര്‍ഥാടന കേന്ദ്രം കൂടിയാണ് ഈജിപ്ത്. വര്‍ഷം തോറും ലക്ഷക്കണക്കിന് തീര്‍ഥാടകര്‍ ലോകത്തിന്റെ വിവിധ ഭാഗങ്ങളില്‍ നിന്നും ഇവിടെ എത്തിച്ചേരാറുണ്ട്. ലോകാത്ഭുതങ്ങളിൽ സ്ഥാനം പിടിച്ച പിരമിഡുകൾ സ്ഥിതി ചെയ്യുന്ന ഈജിപ്റ്റ് വിനോദ സഞ്ചാരം മുഖ്യ വരുമാനമാര്‍ഗ്ഗമായി‌ട്ടുള്ള രാജ്യങ്ങളിലൊന്നാണ്.

കൊറോണാ വൈറസ് പ്രതിസന്ധിയിലാക്കിയ രാജ്യത്തെ വിനോദ സഞ്ചാര മേഖലയെ തിരികെ കൊണ്ടുവരുന്നതിന്റ ഭാഗമായി സഞ്ചാരികൾക്ക് ടൂറിസ്റ്റ് വിസ ഫ്രീയാക്കി പ്രഖ്യാപിച്ചിരിക്കുകയാണ്. ജൂലൈ 31 മുതൽ അന്താരാഷ്ട്ര വിമാന സർവ്വീസുകൾ പൂർവ്വസ്ഥിതിയിലാകുമെന്നതിന്റെ അടിസ്ഥാനത്തിലാണ് ഈജിപ്റ്റ് ഈ പ്രഖ്യാപനം നടത്തിയിരിക്കുന്നത്.

വിദേശ സഞ്ചാരികളെ അനുവദിക്കുമെങ്കിലും അതെല്ലാം കര്‍ശനമായ സുരക്ഷാ പരിശോധനകളോടെയും മാര്‍ഗ്ഗ നിര്‍ദ്ദേശങ്ങളോടെയും മാത്രമായിരിക്കും എല്ലാം. ജനങ്ങളുടെയും വിനോദ സഞ്ചാരികളുടെയും സുരക്ഷിതത്വം ഒരുപോലെ ഉറപ്പുവരുത്തുന്ന വിധത്തിലായിരിക്കും ക്രമീകരണങ്ങള്‍.

ഹോട്ടലുകളിൽ 50% ആളുകളെ മാത്രമായിരിക്കും താമസിപ്പിക്കുക. ഹോട്ടലുകളിലെ ജീവനക്കാരും സുരക്ഷാ പരിശോധനകള്‍ക്ക് വിധേയരാവണം. പഴയതുപോലെ കൂട്ടംകൂട്ടമായി സഞ്ചരിക്കുന്ന രീതിയ്ക്ക് മാറ്റം വരുത്തിക്കൊണ്ട് കൃത്യമായ അകലം പാലിച്ചായിരിക്കും ഇനിയുള്ള യാത്രകളും മറ്റും. ഇനി അഥവാ ആർക്കെങ്കിലും രോഗലക്ഷണങ്ങളോ മറ്റോ കണ്ടാൽ അവർക്കായി ക്വാറന്‍റൈന്‍ സംവിധാനങ്ങളും ഒരുക്കുമെന്ന് ഈജിപ്ഷ്യൻ സർക്കാർ അറിയിച്ചിട്ടുണ്ട്.

ഈജിപ്ഷ്യൻ സംസ്ക്കാരത്തിന് ഏതാണ്ട് 5000വർഷത്തോളം പഴക്കമുണ്ട്. നൈൽ നദീതീരത്താണിത് ഉടലെടുത്തത്. ആയതിനാൽ തന്നെ ഈജിപ്ത് നൈലിന്റെ ദാനം എന്നാണറിയപ്പെടുന്നത്. ആദ്യത്തെ ദേശീയ സർക്കാർ, 365ദിവസങ്ങളുള്ള ആദ്യകലണ്ടർ, കടലാസിന്റെ ആദ്യ രൂപമായ പാപിറസ്, വാസ്തുവിദ്യ, വൈദ്യശാസ്ത്രം തുടങ്ങിയവ ഈജിപ്തുകാരുടെ സംഭാവനകളിൽ പെടുന്നു.

ലോക്ക്ഡൗൺ കാലത്ത് വിർച്വൽ ടൂറുകൾ ഈജിപ്ഷ്യൻ ടൂറിസം വകുപ്പ് ഒരുക്കിയിരുന്നു. ഈജിപ്തിലെ പ്രധാനപ്പെട്ട മ്യൂസിയങ്ങള്‍, പുരാവസ്തു കേന്ദ്രങ്ങള്‍, ശവകുടീരങ്ങള്‍ തുടങ്ങിയ ഇടങ്ങളിലേക്ക് ഗൈഡ് ചെയ്തുള്ള വീഡിയോ വിര്‍ച്വല്‍ ടൂറാണ് മന്ത്രാലയം ഒരുക്കിയിരിക്കുന്നത്.

എന്തായാലും ഇനി കൊറോണയെപ്പേടിച്ച് സഞ്ചാരികൾ യാത്രകൾക്ക് തയ്യാറാകുമോ എന്നാണു കാത്തിരുന്നു കാണേണ്ടത്. എല്ലാ പ്രതിസന്ധികളും മാറി ലോകത്തെ ടൂറിസം മേഖല ഉയർത്തെഴുന്നേൽക്കട്ടെ എന്ന് നമുക്ക് പ്രത്യാശിക്കാം.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

മണാലി ബസ് സ്റ്റാൻഡിൽ ഒരു മലയാളിയെ പറ്റിച്ചു മുങ്ങിയ മലയാളി

വിവരണം – Zainudheen Kololamba. അപരിചിതമായ വഴികളിൽ കണ്ടുമുട്ടുന്ന മലയാളികളെ ബന്ധുക്കളേക്കാൾ സ്വന്തമാണെന്ന് തോന്നാറില്ലേ? ഹിന്ദി, ഉറുദു കലപിലകൾക്കിടയിൽ ആരെങ്കിലും വന്ന് മലയാളിയാണോ എന്ന് ചോദിക്കുമ്പോൾ അത്യാനന്ദം അനുഭവപ്പെടാറില്ലേ? തീർച്ചയായും എനിക്ക് തോന്നാറുണ്ട്. കേരള സമ്പർക്രാന്തിയുടെ സെക്കന്റ് ക്ലാസ് ഡബ്ബയുടെ ബർത്തിലിരുന്ന്…
View Post

ജനമൈത്രി പോലീസിനൊപ്പം പൂയംകുട്ടി വനത്തിലേക്ക്

വിവരണം – അരുൺ കളപ്പില. ശ്വാസം അടക്കിപ്പിടിച്ചനുഭവിച്ച അതി കഠിനമായൊരു വനയാത്രയാണിത്. ആനച്ചൂരിൽ, ഇരുണ്ട കാട്ടിലൂടെ കടന്നുപോകുമ്പോൾ നാമറിയാതെ അനുഭവിക്കുന്ന ഒരു ലഹരിയുണ്ട്. അതാണീ യാത്രയുടെ ജീവൻ. കാടിനെ സ്നേഹിക്കുന്ന ഓരോ മനുഷ്യന്റേയും ആഗ്രഹമാണ്, കാടിനെ നോവിക്കാതെ നിശബ്ദമായി മരങ്ങളെ, പക്ഷികളെ,…
View Post

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post

മൂന്നാറിൻ്റെ തലവര മാറ്റാൻ ‘എസ്കേപ്പ് റോഡ്’

എഴുത്ത് – ദയാൽ കരുണാകരൻ. ഇപ്പോൾ കൊടൈക്കനാലും മൂന്നാറും തമ്മിലുള്ള യാത്രാ അകലം വാസ്തവത്തിൽ വെറും 13 കിലോമീറ്ററാണ്. കൊടൈക്കനാലിന്റ്റെ തെക്കുപടിഞ്ഞാറ് ഭാഗത്തുള്ള ടൂറിസ്റ്റ് സ്പോട്ടാണ് ബെരിജം തടാകം. ദിവസവും ഇവിടേക്ക് നിശ്ചിത എണ്ണം സന്ദർശ്ശകരുടെ വാഹനങ്ങൾ കടത്തി വിടുന്നുമുണ്ട്. ഇനി…
View Post

കെഎസ്ആർടിസി മിന്നൽ ബസ്സുകളിൽ കയറുന്നതിനു മുൻപ് അറിഞ്ഞിരിക്കേണ്ട കാര്യങ്ങൾ

കുറച്ചു നാളുകളായി ചില യാത്രക്കാരുടെ പരാതികളാൽ വാർത്തകളിൽ നിറഞ്ഞു നിൽക്കുന്ന ഒരു ബസ് സർവീസാണ് കെഎസ്ആർടിസിയുടെ മിന്നൽ ബസ് സർവ്വീസുകൾ. എന്തുകൊണ്ടാണ് മിന്നൽ സർവ്വീസിലെ ചില യാത്രക്കാർ പരാതികൾ ഉന്നയിക്കുന്നത്? അതിനുള്ള കാര്യം അറിയുന്നതിനു മുൻപായി എന്താണ് മിന്നൽ ബസ് സർവ്വീസുകൾ…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

കേരളത്തിനകത്തെ തമിഴ് പറയുന്ന ഗ്രാമമായ ‘വട്ടവട’യിലേക്ക്

വിവരണം – സന്ധ്യ ജലേഷ്. മലഞ്ചെരുവുകളെ തഴുകി വരുന്ന കാറ്റേറ്റ് സ്‌ട്രോബറിയും, ആപ്പിളും, കാരറ്റും, കാബേജും, ക്വാളിഫ്‌ലവറും, ഉള്ളിയും, ഉരുളക്കിഴങ്ങും, വെളുത്തുള്ളിയും വിളഞ്ഞു നില്‍ക്കുന്ന തോട്ടങ്ങളും, അലഞ്ഞുതിരിഞ്ഞു നടക്കുന്ന കോവര്‍ കഴുതകളും, തീപ്പെട്ടികൂടുപോലെ നിറമുള്ള വീടുകളും, ചെങ്കുത്തായ മലനിരകള്‍ക്കു നടുവില്‍ ജ്യാമിതീയ…
View Post