മൊറോക്കൻ തലസ്ഥാനമായ റബാത്തിലേക്ക് ഒരു ട്രെയിൻ യാത്ര

Total
15
Shares

2020 മാർച്ച് 14, മൊറോക്കോയിലാണ് ഇപ്പോൾ ഞങ്ങൾ. മൊറോക്കോയിലെ മാറാക്കിഷിൽ നിന്നും എന്ത് ചെയ്യണമെന്ന് അറിയാതെ ഞങ്ങൾ തലസ്ഥാന നഗരമായ റബാത്തിലേക്ക് ട്രെയിനിൽ പോകാൻ തീരുമാനിച്ചു. അങ്ങനെ ഞങ്ങൾ താമസിച്ചിരുന്ന ഹോട്ടലിൽ നിന്നും ചെക്ക്ഔട്ട് ചെയ്തതിനു ശേഷം ലഗേജുകൾ ഹോട്ടലിലെ ലോക്കറിൽ സൂക്ഷിച്ചു. ഞങ്ങൾ കറങ്ങിയെത്തിയതിനു ശേഷം അവ കളക്ട് ചെയ്യാമെന്നുറപ്പിച്ച് യാത്രയാരംഭിച്ചു.

ഹോട്ടലിൽ നിന്നും ഇറങ്ങിയപ്പോൾ ബൈജു ചേട്ടൻ ഞങ്ങൾക്ക് യാറ്റ്ഹാ ചെയ്യുന്നതിനായി ഒരു ടാക്സി ഒപ്പിച്ചു കൊണ്ടുവന്നു. 9 പേർക്ക് സഞ്ചരിക്കാവുന്നതും, ലഗേജുകൾ വെക്കാവുന്നതുമായ ആ വണ്ടി എനിക്ക് ഒരത്ഭുതമായിരുന്നു. റെനോയുടെ (Renault) ട്രാഫിക് എന്ന മോഡൽ വേണ്ടിയായിരുന്നു അത്. അവിടെയുള്ള മാർക്കറ്റിന്റെ അടുത്തു ഞങ്ങൾ വണ്ടിയിറങ്ങി. അൽബാദിയ പാലസ് കാണുവാൻ ആയിരുന്നു ഞങ്ങളുടെ അന്നത്തെ ആദ്യപ്ലാൻ.

പഴക്കമേറിയ നിർമ്മിതികൾക്കിടയിലൂടെ ഞങ്ങൾ നടന്നു പാലസിനു മുന്നിലെത്തി. അവിടെയെത്തിയപ്പോളാണ് ഞെട്ടിക്കുന്ന ആ സത്യം ഞങ്ങൾ മനസിലാക്കിയത്. പാലസ് അടച്ചിട്ടിരിക്കുകയാണ്. കാരണം മറ്റൊന്നുമല്ല, കൊറോണ വൈറസ് വ്യാപനം തടയുന്നതിനായി, ടൂറിസ്റ്റുകൾ അടക്കമുള്ളവർ ഒത്തുകൂടുന്ന സ്ഥലങ്ങളെല്ലാം അടയ്ക്കുകയാണ്. അതുകൊണ്ടാണ് കൊട്ടാരവും അവർ അടച്ചത്.

അങ്ങനെ നിരാശയോടെ ഞങ്ങൾ പാലസിനു സമീപത്തു നിന്നും സമീപത്തുള്ള മാർക്കറ്റിലേക്ക് ഞങ്ങൾ നടന്നു. ആ സമയത്ത് ചില കടകളൊക്കെ തുറന്നിരുന്നു. ഞങ്ങൾ മാർക്കറ്റിലൂടെ പല കാഴ്ചകളും കൊണ്ടുകൊണ്ട് നടന്നു. അവസാനം ഞങ്ങൾ തിരികെ സൈറ്റിൽ എത്തി ഞങ്ങൾ ഒരു ചായകുടിക്കുവാനായി അടുത്ത് കണ്ട റെസ്റ്റോറന്റിൽ കയറി. വെറൈറ്റി വിഭവങ്ങൾ ഓർഡർ ചെയ്തു കഴിച്ചതിനു ശേഷം ഞങ്ങൾ തിരികെ ഹോട്ടലിലേക്ക് യാത്രയായി.

ആ ടാക്‌സിക്കാരൻ ഞങ്ങളെ ഹോട്ടലിനടുത്തായി നാട് റോഡിൽ തന്നെ ഇറക്കി. ഹോട്ടലിൽക്കയറി ഞങ്ങൾ ലഗേജുകൾ എടുത്ത് ഹോട്ടലിനു തൊട്ടടുത്തായുള്ള റെയിൽവേ സ്റ്റേഷനിലേക്ക് നടന്നു. റെയിൽവേ സ്റ്റേഷനിലെ മണി എക്സ്ചേഞ്ചിൽ നിന്നും ഞങ്ങൾ കറൻസി മാറുകയും കെ.എഫ്.സി.യിൽ നിന്നും പാർസൽ ഫുഡ് വാങ്ങി വെക്കുകയും ചെയ്തു.

ട്രെയിൻ ടിക്കറ്റുകൾ ഓൺലൈനായും നമുക്ക് ബുക്ക് ചെയ്യാവുന്നതാണ്. വളരെ മികച്ച ഒരു റിസർവേഷൻ സിസ്റ്റം തന്നെയായിരുന്നു അവരുടേത്. ആറോളം പ്ലാറ്റ്ഫോമുകളുള്ള ആ റെയിൽവേ സ്റ്റേഷനിലെ ഒരു പ്ലാറ്റ്ഫോമിൽ ഞങ്ങൾക്ക് പോകേണ്ട ട്രെയിൻ കിടക്കുന്നുണ്ടായിരുന്നു. വൈകുന്നേരം മൂന്നു മണിയോടെ ട്രെയിൻ അവിടെ നിന്നും ഞങ്ങളെയും കൊണ്ട് യാത്രയായി. മൊറോക്കൻ തലസ്ഥാന നഗരമായ റബാത്തിലേക്ക് ആയിരുന്നു ഞങ്ങളുടെ യാത്ര. മൂന്നു മണിക്കൂറോളം ഉണ്ടായിരുന്നു ആ യാത്ര.

യാത്രയ്ക്കിടയിൽ ഞാൻ ചില വീഡിയോകൾ എഡിറ്റ് ചെയ്യുവാൻ സമയം കണ്ടെത്തി. സംഭവം നല്ല ട്രെയിനൊക്കെ ആയിരുന്നുവെങ്കിലും അതിൽ ചാർജ്ജിംഗ് പോയിന്റുകൾ ഒന്നും ഉണ്ടായിരുന്നില്ല. ഒരുനിമിഷം ഞങ്ങൾ ഇന്ത്യൻ റെയിൽവേയെ നന്ദിയോടെ ഓർത്തുപോയി. മണിക്കൂറിൽ 150 കിലോമീറ്ററോളം വേഗത്തിലായിരുന്നു ട്രെയിൻ ഓടിക്കൊണ്ടിരുന്നത്. വിശാലമായ ഗ്രാമങ്ങൾ, കൃഷിത്തോട്ടങ്ങൾ തുടങ്ങിയ വ്യത്യസ്തങ്ങളായ പ്രദേശങ്ങളിലൂടെ ട്രെയിൻ കുതിച്ചു പാഞ്ഞുകൊണ്ടിരുന്നു. വിശന്നപ്പോൾ ഞങ്ങൾ മുൻപ് വാങ്ങിവെച്ചിരുന്ന ഭക്ഷണം എടുത്തു കഴിച്ചു.

അങ്ങനെ മൂന്നു മണിക്കൂറിനു ശേഷം കൃത്യ സമയത്തു തന്നെ ഞങ്ങൾ റബാത്ത്‌ റെയിൽവേ സ്റ്റേഷനിൽ എത്തിച്ചേർന്നു. സമയം വൈകുന്നേരം ആറരയോടടുത്തിരുന്നു. നമ്മുടെ നാട്ടിലാണെങ്കിൽ ആ സമയം ഇരുട്ട് പരന്നു തുടങ്ങിയേനെ. അവിടെ സൂര്യൻ അസ്തമിക്കുന്നത് രാത്രി 8.30 ഓടെയാണ് എന്നതിനാൽ ഞങ്ങൾ ചെന്ന സമയത്ത് നല്ല പകൽവെളിച്ചമായിരുന്നു. ഒരു എയർപോർട്ടിനെ അനുസ്മരിപ്പിക്കുന്ന റെയിൽവേ സ്റ്റേഷനിൽ നിന്നും ഞങ്ങൾ പുറത്തേക്ക് ഇറങ്ങി.

റെയിൽവേ സ്റ്റേഷനിൽ നിന്നും ഏകദേശം രണ്ടര കിലോമീറ്റർ ദൂരത്തായുള്ള ഒരു അപ്പാർട്മെന്റിൽ ആയിരുന്നു ഞങ്ങൾക്ക് താമസം ഒരുക്കിയിരുന്നത്. അവിടേക്ക് ഞങ്ങൾ ഒരു ടാക്സിയിൽ കയറി യാത്രയായി. അപ്പാർട്ട്മെന്റ്റ് എന്നൊക്കെ കേട്ടപ്പോൾ നോർമൽ സൗകര്യങ്ങൾ മാത്രമേ ഞങ്ങൾ പ്രതീക്ഷിച്ചിരുന്നുള്ളൂ. പക്ഷേ അവിടെയെത്തിയപ്പോൾ ശരിക്കും ഞങ്ങൾ ഞെട്ടിപ്പോയി. അടിപൊളി ഒരു സ്റ്റാർ ഹോട്ടലിൽ കയറിയ പ്രതീതിയായിരുന്നു. അവിടെ ഒരു കെയർടേക്കർ ലേഡി മാത്രമായിരുന്നു ഉണ്ടായിരുന്നത്. അവർക്കാണെങ്കിൽ അറബിയോ മറ്റെന്തോ ഭാഷ മാത്രമേ അറിയുവാൻ പാടുണ്ടായിരുന്നുള്ളൂ.

നല്ല വിശപ്പ് ഉണ്ടായിരുന്നതിനാൽ ഞങ്ങൾ അപ്പാർട്ട്മെന്റിലെ കിച്ചണിൽ കയറി കൈയിൽ വാങ്ങി സൂക്ഷിച്ചിരുന്ന ന്യൂഡിൽസ് പാക്കറ്റ് പൊട്ടിച്ച് നല്ല ഒന്നാന്തരം ന്യൂഡിൽസ് (സ്വയം ഉണ്ടാക്കിയതിനാൽ ഒന്നാന്തരം എന്നുതന്നെ ഞങ്ങൾ പറയും) പാചകം ചെയ്തു കഴിച്ചു. നല്ല ക്ഷീണം ഉണ്ടായിരുന്നതിനാൽ ഭക്ഷണത്തിനു ശേഷം ഒന്ന് വിശ്രമിക്കാൻ ഞങ്ങൾ തീരുമാനിച്ചു. ബാക്കി മൊറോക്കൻ വിശേഷങ്ങൾ ഇനി അടുത്ത എപ്പിസോഡിൽ…

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

കേരളത്തിൽ റോഡ് ട്രിപ്പിനു പറ്റിയ അഞ്ച് മനോഹര റൂട്ടുകൾ…

യാത്രകൾ പല തരത്തിൽ ആസ്വദിക്കുന്നവരുണ്ട്. ചിലർ സ്ഥലങ്ങലും കാഴ്ചകളും ഒക്കെ കണ്ട് ആസ്വദിക്കും, ചിലർ ഓരോ സ്ഥലത്തെയും ഭക്ഷണങ്ങൾ രുചിച്ച് ആസ്വദിക്കും, ചിലർ കൂട്ടുകാരും കുടുംബവുമൊക്കെയായിട്ട് ഒരു അടിച്ചുപൊളി മൂഡിലായിരിക്കും യാത്ര പോകുന്നത്. മറ്റു ചിലരാകട്ടെ ഡ്രൈവിംഗ് ആയിരിക്കും ഇഷ്ടപ്പെടുക. ഇത്തരത്തിൽ…
View Post

എന്താണ് ദുബായ് എക്സ്പോ? അവിടെ എന്തൊക്കെ കാണാം? ആകർഷണങ്ങൾ…

ഇപ്പോൾ മാധ്യമങ്ങളിലും സോഷ്യൽ മീഡിയകളിലും, പിന്നെ പ്രവാസി സുഹൃത്തുക്കൾക്കിടയിലും സംസാരവിഷയമായിരിക്കുന്ന ഒന്നാണ് ദുബായ് എക്സ്പോ. എന്താണ് ഈ ദുബായ് എക്സ്പോ എന്ന് ശരിക്കും അറിയാത്ത ചിലരെങ്കിലും നമുക്കിടയിലുണ്ടാകും. അവർക്കായി ദുബായ് എക്സ്പോയുടെ വിശേഷങ്ങൾ പങ്കുവെയ്ക്കാം. ബ്യൂറോ ഒഫ് ഇന്റർനാഷണൽ എക്സ്പോസിഷൻസിന്റെ മേൽനോട്ടത്തിൽ…
View Post

കോഴിക്കോട് നിന്നും വൺ ഡേ ട്രിപ്പ് പോകാൻ പറ്റിയ അഞ്ച് സ്ഥലങ്ങൾ…

കേരളത്തിൽ ഏറ്റവും കൂടുതൽ സഞ്ചാരികൾ വസിക്കുന്നത് മലബാർ മേഖലകളിലാണ്. സോഷ്യൽ മീഡിയയിലെ ട്രാവൽ ഗ്രൂപ്പുകളിൽ നിറഞ്ഞ സാന്നിധ്യത്തോടെയാണ് ഇവരുടെ മുന്നേറ്റം. ഇവരിൽ കൂടുതൽപേരും മലപ്പുറം, കോഴിക്കോട് ജില്ലകളിൽ നിന്നുള്ളവരാണ്. അതുകൊണ്ട് ഇത്തവണ സ്വൽപ്പം വടക്കൻ വിശേഷങ്ങളാണ് നിങ്ങള്ക്ക് മുന്നിൽ പങ്കുവെയ്ക്കാൻ പോകുന്നത്.…
View Post

കെഎസ്ആർടിസിയുടെ മലക്കപ്പാറ ടൂർ പാക്കേജ് വമ്പൻ ഹിറ്റ് !!

കെ എസ് ആർ ടി സിയുടെ മലക്കപ്പാറ പാക്കേജ് സർവീസ് ഇന്ന് കേരളമാകെ ഹിറ്റ്! അവധി ദിനങ്ങളിൽ സഞ്ചാരികൾക്കായി ചാലക്കുടിയിൽ നിന്നും ഏർപ്പെടുത്തിയ പ്രത്യേക സർവ്വീസുകൾ സൂപ്പർ ഹിറ്റായതിനെ തുടർന്ന് യാത്രക്കാരുടെ ആവശ്യം പരിഗണിച്ച് മറ്റു ഡിപ്പോകളിലേയ്ക്കും വ്യാപിപ്പിക്കുകയായിരുന്നു. ആദ്യഘട്ടം എന്ന…
View Post

കാസർഗോഡ് ജില്ലയിൽ വന്നാൽ സന്ദർശിച്ചിരിക്കേണ്ട ചില സ്ഥലങ്ങൾ…

കേരളത്തിനുള്ളിൽ ആണെങ്കിലും വടക്കേയറ്റത്തു കിടക്കുന്നതിനാൽ മിക്കയാളുകളും കാസർഗോഡ് ജില്ലയിൽ പോയിട്ടുണ്ടാകാൻ വഴിയില്ല. പിന്നെ അത് വഴി പോകുന്നത് കൊല്ലൂർ – മൂകാംബികയിലേക്കുള്ള തീര്തഥയാത്രയ്ക്കിടെയാണ്. കാസർകോട്ടെ സംസാരഭാഷയായ മലയാളത്തിൽ കന്നഡ, കൊങ്കണി, തുളു എന്നീ ഭാഷകളുടെ സ്വാധീനം കാണാം. 1984 മെയ്‌ 24-നാണ്‌…
View Post

ബെംഗളൂരു നഗരത്തിനുള്ളിൽ നിങ്ങൾ കണ്ടിരിക്കേണ്ട 15 സ്ഥലങ്ങൾ..

ബെംഗളൂരു ഇന്ത്യയിലെ വലിയ മെട്രോ നഗരങ്ങളിൽ ഒന്നാണ്. അതുകൊണ്ടു തന്നെ ഇവിടെ കാഴ്ചകളും ധാരാളമുണ്ട്. ബെംഗളുരുവിലേക്ക് വരുന്നവർക്ക് സന്ദർശിക്കാവുന്ന 15 സ്ഥലങ്ങളെയാണ് ഈ ലേഖനത്തിലൂടെ പരിചയപ്പെടുത്തുവാൻ പോകുന്നത്. 1 ടിപ്പു സുൽത്താൻ സമ്മർ പാലസ് : ബെംഗളൂരുവിലെ കെആർ മാർക്കറ്റിനു സമീപമാണ്…
View Post