കുറഞ്ഞചിലവിൽ ഒരു ട്രാൻസ് സൈബീരിയൻ സ്വപ്ന സാക്ഷാത്‍കാരം

Total
7
Shares

വിവരണം – Mithun P Devasia.

ചെറുപ്പം മുതൽക്കെ ഉള്ള ആഗ്രഹം ആയിരുന്നു ഒരു ട്രാൻസ് സൈബീരിയൻ ട്രെയിൻ യാത്ര. വ്ലാഡിവോസ്റ്റോക് ഇൽ നിന്ന് മോസ്കോ വരെ 7 ദിവസം എടുക്കുന്ന റഷ്യയുടെ ഹൃദയത്തിലൂടെ ഒരു സ്വപ്ന യാത്ര. സ്വപ്‌നങ്ങൾ നമ്മൾ വിചാരിക്കുന്നതിലും നേരത്തെ യാഥാർഥ്യമാകുമ്പോൾ ഒരു മധുരമുണ്ട്. ട്രെയിനിൽ ഏഷ്യൻ റഷ്യയിൽ (സൈബീരിയയിലെ ഓംസ്ക്) തുടങ്ങി യൂറോപ്പിലേക്ക് സുഹൃത്തുകൾക്കൊപ്പം നടത്തിയ 2 ദിവസത്തെ ട്രാൻസ് സ്സൈബീരിയൻ യാത്ര വിവരണമാണിത്. ഓംസ്കിൽ വിമാനമിറങ്ങിയാണ് റഷ്യൻ യാത്ര ആരംഭിക്കുന്നത്. ഡൽഹിയിൽ നിന്ന് കസാഖ് തലസ്ഥാനമായ അസ്താന വഴിയാണ് ഓംസ്ക് എത്തിയത്. ഓംസ്ക് നഗരത്തേ പറ്റി അറിയുന്നത് പ്രശസ്ത യൂട്യൂബർ വരുൺ വഘിഷിന്റെ (Mountain Trekker channel) റഷ്യൻ യാത്ര സീരീസുകളിലൂടെയാണ് .ഓംസ്കിൽ തുടങ്ങാൻ ഒരു കാരണമുണ്ട്. അത് ഈ കുറിപ്പിന്റെ അവസാനം പറയാം.

നഗരം കണ്ടു കറങ്ങിയ ശേഷം ട്രാൻസ് സൈബീരിയൻ ട്രയിൻ കയറുവാൻ സ്റ്റേഷനിൽ എത്തി. ഡിസ്പ്ലേ ബോർഡുകൾ മുഴുവൻ റഷ്യനിൽ ആണ്. ഇംഗ്ലീഷ് അറിയുന്ന ആരും തന്നെ അവിടെ ഇല്ല. ഓണ്ലൈനിൽ ബുക്ക് ചെയ്ത ടിക്കറ്റ് എടുത്ത് മുറി റഷ്യനിലും ഗൂഗിൾ ട്രാന്സ്ലേറ്റ് അപ്പ് വഴിയും ചില ആൾക്കാരോട് പ്ലാറ്റ്ഫോമും മറ്റും ചോദിച്ചു. അവർ ബോര്ഡില് കാണിച്ചു തരികയും നന്നായി സഹായിക്കുകയും ചെയ്തു.സ്റ്റേ ഷൻ മാനേജരെയും ഇതേ ആവശ്യമായി കണ്ടിരുന്നു. അവരും പോലീസുകാരും എല്ലാരും വേണ്ട രീതിയിൽ സഹായിച്ചു. ടൂറിസ്റ്റുകൾ, പ്രത്യേകിച്ച് ഇന്ത്യൻ ടൂറിസ്റ്റുകൾ അധികം വരാത്ത പട്ടണത്തിൽ ഞങ്ങളെ കണ്ടപ്പോൾ പലർക്കും ഒരു കൗതുകമായിരുന്നു. അങ്ങനെ ട്രെയിൻ കയറി.

പാസ്സപ്പോർട്ടും വിസയും ടിക്കറ്റും ക്യാബിൻ മാനേജർ പരിശോധിച്ചു. നമ്മുടെ ട്രെയിനുകളിലെ 3 AC കംപാർട്മെന്റ് ഇൻ സമാനമായിരുന്നു 3rd ക്ലാസ്. ഒരു വ്യത്യാസം മാത്രം, AC ക്ക് പകരം വാർമർ ആയിരുന്നു. ഉള്ളിൽ താപനില 20 ഡിഗ്രി ആണ്. പുറത്തു -5 ഒക്കെയാണ്). ക്യാബിൻ മാനേജർ ഉസ്ലാവുമായി പെട്ടന്ന് തന്നെ സൗഹൃദത്തിലായി. ഇംഗ്ലീഷ് നന്നായി കൈകാര്യം ചെയ്യും അദ്ദേഹം. ആശ്വാസം. ഞങ്ങടെ ബെർത്തിനടുത്തുള്ള ഒരു അമ്മൂമ്മ നന്നായി സംസാരിക്കുന്ന ടൈപ്പായിരുന്നു. അറിയാവുന്ന റഷ്യനിൽ അവരോട് കുശലം ചോദിച്ചു. കസാൻ നഗരത്തിൽ താമസിക്കുന്ന അവർ അവരുടെ നഗരത്തിന്റെ കുറെ ഫോട്ടോസ് കാണിച്ചു തന്നു.

ട്രെയിനിൽ രണ്ടു രാത്രിയും ഒന്നര പകലും മറക്കാനാവാത്ത അനുഭവങ്ങൾ ആണു സമ്മാനിച്ചത്. ഏതോ സ്പോർട്സ് ടൂർണമെന്റ് കഴിഞ്ഞു പോകുന്ന സ്കൂൾ കുട്ടികൾ, കച്ചവടത്തിനും മറ്റും പോകുന്നവർ ,ഫോട്ടോ എടുത്ത് സൗഹൃദം സ്ഥാപിച്ച ഫോൺ നമ്പറുകളും ഇൻസ്റ്റാഗ്രാം അക്കൗണ്ടും ഒക്കെ തമ്മിൽ ഷെയർ ചെയ്ത റഷ്യൻ കൂട്ടുകാർ, റൂബിൾ സമ്മാനിച്ചിട്ട് ഇന്ത്യൻ കോയിൻ വേണം എന്ന് പറഞ്ഞ കോയിൻ കളക്ഷൻ ഉള്ള പോലീസുകാർ, ഞങ്ങളുടെ ഒപ്പം ഫോട്ടോ എടുക്കാൻ വന്ന പാൻട്രികാർ സ്റ്റാഫുകൾ, യെകാറ്ററിൻബർഗിൽ പഠിക്കുന്ന ജൈൻ എന്ന തായ്‌ലാന്റുകാരി എല്ലാവരും ചേർന്ന് യാത്ര നല്ല ഓർമ്മകളുടേതാക്കി.

പുറത്തെ കാഴ്ചകളാണെങ്കിൽ അതിമനോഹരം. യെകാറ്ററിൻബെർഗ്, പേമം,കിറോവ് എന്ന വൻ നഗരങ്ങൾ, ഇഷിം, കാമ, വോൾഗ(യുറോപ്പിലെ ഏറ്റവും വലിയ നദി) തുടങ്ങിയ അനവധി നദികൾ ,മഞ്ഞു മൂടിയ യുറാൽ മലനിരകൾ, തനതു ശൈലിയിൽ റഷ്യൻ ഗ്രാമങ്ങൾ, പൈൻ ഫോറെസ്റ്റുകൾ. 4 -5 മണിക്കൂർ കഴിയുമ്പോൾ 30 മിനിറ്റാക്കെ നിർത്തുന്ന വലിയ സ്റ്റേഷനുകളിൽ ട്രെയിൻ എത്തും. എല്ലാവരും പുറത്തിറങ്ങി ഭക്ഷണവും പഴങ്ങളും ഒക്കെ വാങ്ങുന്നുണ്ട്. ആ പ്രദേശത്തെ അമ്മൂമാരും മറ്റും വീടുകളിൽ ഉണ്ടാകുന്ന പലഹാരങ്ങൾ വിൽക്കുന്നു. ഉസ്ലാവ് ഇപ്പോഴും തിരക്കിലാണ്. നിലം തുടക്കൽ, ബാത്ത് റൂം വാഷിംഗ്, സാധനങ്ങൾ വിൽക്കൽ എല്ലാം ചേർന്ന് അയാളുടെ വൺ മാൻ ഷോ എന്ന് പറയാം. ഇടെക്കിടെ കോച്ചിലെ ഡിജിറ്റൽ ക്ലോക്കിൽ ടൈം മാറ്റാനും വരുന്നുണ്ട്. (നിരവധി ടൈം സോണുകൾ യാത്രയിൽ കടന്നു പോകുന്നുണ്ട്. Omsk ഉം Moscowയും തമ്മിൽ 3 മണിക്കൂർ വ്യത്യാസമുണ്ട്.

മോസ്കോ അടുത്തു വരും തോറും കൂടുതൽ ചെറിയ സ്റ്റേഷനുകൾ, അർദ്ധ നഗര പ്രദേശങ്ങൾ എന്നിവ കാണാം. തായ്ലൻഡുകാരി ജൈൻ ഇംഗ്ലീഷും റഷ്യനും ഒരേപോലെ കൈകാര്യം ചെയ്യുന്ന വ്യക്തിയാണ്. മോസ്കോയിലെ ഞങ്ങടെ പ്ലാൻ ചോദിച്ചറിയുകയും, വേണ്ട നിർദ്ദേശങ്ങൾ പറഞ്ഞു തരികയും ചെയ്‌തു.ട്രെയിൻ ഇറങ്ങീയിട്ട് ഹോട്ടലിലേക്ക് പോകാൻ ടാക്സികാരെ കണ്ടുപിടിച്ചു തന്ന് യാത്രയാക്കിയാണ് അവർ പോയത്. ഉസ്ലെവിനോട് നന്ദി പറഞ്ഞും ഫോട്ടോ എടുത്തും ഞങ്ങൾ മോസ്കോ നഗരത്തിലെ കാഴ്ചകളിലേക് മുഖം തിരിച്ചു. റഷ്യയുടെ സംസ്കാരവും, സ്നേഹവും നിറഞ്ഞ ആ സ്വപ്നയാത്രയ്ക്ക് അങ്ങനെ അവസാനമായി.

യാത്ര ചിലവുകൾ : Delhi-Omsk roundtrip flight(Air astana)-17,500 ( ഓംസ്ക് തിരഞ്ഞടുക്കാൻ 2 കാരണങ്ങൾ ഉണ്ടായിരുന്നു. ഒന്ന് ഇന്ത്യയിൽ നിന്ന് റഷ്യയിലേക്ക് ഏറ്റവും ചിലവ് കുറഞ്ഞ ടിക്കറ്റ് റേറ്റ്. രണ്ട് സാധാരണ റഷ്യൻ നഗര ജീവിത രീതികളും മറ്റും കാണുവാൻ പറ്റും. Trans Siberian train ticket-Approx 2500 Rs.( 3 rd class), Food and other expenses-Approx 500 Rs.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

KSRTC SWIFT വോൾവോ സ്ലീപ്പർ ബസ്സിലെ യാത്ര; ഒരു പാസഞ്ചർ റിവ്യൂ

വിവരണം – ലിജോ ചീരൻ ജോസ്. ഇരുപത്തിരണ്ടു വർഷമേ ആയിട്ടുള്ളു ഞാൻ നമ്മുടെ ആനവണ്ടിയിലെ ദീർഘദൂര യാത്രകൾ ആരംഭിച്ചിട്ട്. ഗുരുവായൂർ – കോയമ്പത്തൂർ ഫാസ്റ്റിലാണ് തുടക്കം. കുറച്ചു വര്ഷം മുൻപ് വരെ കര്ണാടക ആർ ടി സി വോൾവോ ബസുകൾ കേരളത്തിലേക്ക്…
View Post

മണാലി ബസ് സ്റ്റാൻഡിൽ ഒരു മലയാളിയെ പറ്റിച്ചു മുങ്ങിയ മലയാളി

വിവരണം – Zainudheen Kololamba. അപരിചിതമായ വഴികളിൽ കണ്ടുമുട്ടുന്ന മലയാളികളെ ബന്ധുക്കളേക്കാൾ സ്വന്തമാണെന്ന് തോന്നാറില്ലേ? ഹിന്ദി, ഉറുദു കലപിലകൾക്കിടയിൽ ആരെങ്കിലും വന്ന് മലയാളിയാണോ എന്ന് ചോദിക്കുമ്പോൾ അത്യാനന്ദം അനുഭവപ്പെടാറില്ലേ? തീർച്ചയായും എനിക്ക് തോന്നാറുണ്ട്. കേരള സമ്പർക്രാന്തിയുടെ സെക്കന്റ് ക്ലാസ് ഡബ്ബയുടെ ബർത്തിലിരുന്ന്…
View Post

കേരളത്തിലെ പത്രങ്ങളുടെ ചരിത്രം – ഒരു മലയാളി അറിഞ്ഞിരിക്കേണ്ട കാര്യങ്ങൾ..

കേരളീയരുടെ ജീവിതത്തിന്‍്റെ ഭാഗമാണ് പത്രങ്ങള്‍. കേരളീയ സംസ്കാരത്തിന്‍്റെ ഭാഗമാണ് പത്രവായന. ഒരു ശരാശരി മലയാളിയുടെ ദിവസം ആരംഭിക്കുന്നത് ഒരു കൈയില്‍ കാപ്പിയും മറ്റേ കൈയില്‍ പത്രവുമായിട്ടാണ്. കേരളത്തിലെ സാംസ്കാരിക ചരിത്രം പരിശോധിച്ചാല്‍ ഏറ്റവും മികച്ച സംഭാവന നല്‍കിയത് പത്രങ്ങളും പ്രസിദ്ധീകരണങ്ങളുമാണെന്നു കാണാം.…
View Post

കടുവ വേലായുധൻ – ആനപ്പണിക്കാരിലെ എക്കാലത്തെയും വലിയ അതികായൻ !!

എഴുത്ത് – വിനു പൂക്കാട്ടിയൂർ. ആനപ്പണിയിലെ എക്കാലത്തെയും വലിയ അതികായൻ ‘കടുവ വേലായുധേട്ടൻ’ ആനയില്ലാത്ത ലോകത്തേക്ക് യാത്രയായിട്ട് എട്ട് വർഷങ്ങൾ. അദ്ദേഹത്തിന്റെ ഓർമ്മകൾക്ക് മുൻപിൽ അനന്തകോടിപ്രണാമം. ഒരുപാട് പേരുടെ അഭ്യർത്ഥനയായിരുന്നു സാക്ഷാൽ കടുവയുടെ കഥകൾ കേൾക്കണമെന്ന്. എന്നാൽ എന്നെപോലെയുള്ള ഒരാൾക്ക് വലിയ…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post