നാട്ടിലേക്ക് ടിക്കറ്റ് കിട്ടാത്ത ബാംഗ്ലൂർ മലയാളികൾ അറിയുവാൻ ചില പൊടിക്കൈകൾ…

Total
0
Shares

എഴുത്ത് – യദുകൃഷ്ണൻ വി എസ്.

ഒരേ കമ്പനി ഇറക്കുന്ന ബസ്സുകളും ഏകദേശം ഒരേ സൗകര്യങ്ങളും ഒക്കെ ഉള്ള ബസ്സുകൾ KSRTC ക്ക് ഉണ്ടായിട്ടും ഇന്നും പലർക്കും പ്രൈവറ്റ് ബസ്സുകളോടാണ് പ്രിയം. ഒരു പക്ഷെ ബസ്സുകളുടെ എണ്ണക്കുറവ് ടിക്കറ്റു ലഭ്യതക്കുറവ് എന്നിവയായിരിക്കാം കാരണം. ഏകദേശം 2 വർഷത്തോളമായി KSRTC മാത്രം ഉപയോഗിക്കുന്ന ആളെന്ന നിലയിൽ കുറച്ച് അറിവുകൾ പറഞ്ഞു തരാം. നാട്ടിലേക്ക് ഇടക്കിടക്കുള്ള യാത്ര ലക്ഷുറി ആവണമെന്ന് നിർബന്ധമുള്ളവരും പണം എത്ര വേണമെങ്കിൽ ചെലവാക്കാൻ താല്പര്യമുള്ളവരും ഈ പോസ്റ്റ് വായിക്കേണ്ടതില്ല, സാധാരണക്കാർക്കും ഇത്തിരി ക്ഷമ ഉള്ളവർക്കും വേണ്ടി ആണ് ഇത്.

പ്രൈവറ്റ് ബസ്സുകളെ അപേക്ഷിച്ച് KSRTC ക്ക് ചാർജ് കുറവാണ്, അതുപോലെ തന്നെ 24 മണിക്കൂർ മുന്നേ ക്യാൻസൽ ചെയ്‌താൽ 75% പണവും തിരിച്ചു കിട്ടും, ഇനി പെട്ടന്ന് ക്യാൻസൽ ചെയേണ്ടി വന്നാലും വണ്ടി സ്റ്റാർട്ടിങ് പ്ലേസിൽ നിന്ന് എടുക്കുന്നതിനു ഒരു മണിക്കൂർ മുന്നേ ക്യാൻസൽ ചെയ്താൽ 50% തിരിച്ചു കിട്ടും. 30 ദിവസം മുന്നേ തന്നെ KSRTC ബുക്കിങ് തുടങ്ങുന്നു, അവധി ദിവസങ്ങളെ മുൻകൂട്ടി കണ്ടു ബുക്ക് ചെയ്‌താൽ പ്രൈവറ്റുകാരുടെ കത്തിക്ക് തലവെക്കാതെ രക്ഷപെടാം .

ടിക്കറ്റ് കിട്ടാൻ പ്രയാസമുള്ള ദിവസങ്ങൾ (വെള്ളിയാഴ്ചയും ഞായറാഴ്ചയും), അന്നേ ദിവസത്തിന്റെ തലേന്ന് (വ്യാഴം ഉം ശനിയും ) രാവിലെ ഒരു 11 മണിക്ക് ശേഷം ടിക്കറ്റ് ഉണ്ടോ നോക്കുക. ട്രെയിനിൽ തത്കാൽ ടിക്കറ്റു കിട്ടുന്ന പലരും മുന്നേ ബുക്ക് ചെയ്ത ബസ്സ് കാൻസൽ ചെയ്യും. അപ്പോൾ ആ സീറ്റ് നമുക്ക് കിട്ടാൻ ചാൻസ് ഉണ്ട്.

തൃശൂർ എറണാംകുളം ഭാഗത്തേക്ക് ഉള്ളവർക്ക് തിരക്ക് ദിവസങ്ങളിൽ KSRTC ഫുൾ ആയാലും മറ്റൊരു വഴി ഉണ്ട്. കര്ണാടക RTC ക്ക് കോയമ്പത്തൂരിലേക്ക് ഒരുപാട് ബസ്സുകൾ ഉണ്ട്. അവയിൽ ഏതെങ്കിലും ബുക്ക് ചെയ്‌താൽ അതിരാവിലെ കോയമ്പത്തൂർ എത്താം. അവിടെ നിന്നും തൃശൂർ പാലക്കാട് ഭാഗത്തേക്ക് എപ്പോളും, തിരുവനന്തപുരത്തേക്ക് ഇടവിട്ടും ബസ്സുകളും ഇടക്കിടക്ക് ട്രെയിനുകളും ഉണ്ട്. സാധാ സമയത്തേക്കാൾ ഒരു ഒന്നോ ഒന്നരയോ മണിക്കൂർ വ്യത്യാസം വരുമെങ്കിലും കീശ കാലിയാവില്ല.

ഞായറാഴ്ച ബാംഗ്ളൂർ തിരിച്ചു പോകാൻ ബസ്സ് ഇല്ലെങ്കിൽ സെർച്ച് ചെയുമ്പോൾ തിങ്കളാഴ്ചയിലെ ഡേറ്റ് കൊടുത്ത് സേർച്ച് ചെയുക. കാരണം രാത്രി 12 മണിക്ക് ശേഷവും കുറച്ച് സർവീസുകൾ ഉണ്ട്. ഇത് ഞായറാഴ്ച ഡേറ്റിൽ കാണിക്കില്ല. തിങ്കളാഴ്ച രാവിലെ 10 – 11 മണിയോടെ ബാംഗ്ളൂർ എത്തുന്ന ഈ ബസ്സുകൾ ഉച്ചക്ക് ശേഷം ജോലിക്ക് പോകുന്നവർക്ക് ബുക്ക് ചെയ്യാവുന്നതാണ്. മറ്റൊരു ബസ്സും ഇല്ലെങ്കിൽ രാവിലെ ജോലിക്ക് പോകുന്നവർക്കും ഇത് പരീക്ഷിക്കാം. രാവിലെ ഫ്രഷ് ആവാൻ നിർത്തുന്ന നേരം പല്ലുതേപ്പും മറ്റും കഴിച്ചു നേരെ ഓഫീസിൽ കേറാം.

തിരക്കുള്ള ദിവസങ്ങളിൽ ബാംഗ്ളൂർ ഡയറക്ട് ബസ്സ് ഇല്ലെങ്കിൽ മൈസൂർ വരെ ടിക്കറ്റു കിട്ടുമോ നോക്കുക. അവിടെ നിന്നും ഈസിയായി ബാംഗ്ളൂർ എത്താം. ഇനി വളരെ തിരക്കുള്ള ഓണം വിഷു സമയങ്ങളിൽ എങ്ങനെയെങ്കിലും നാട്ടിൽ എത്തിയാൽ മതി, അല്ലെങ്കിൽ തിരിച്ചു എത്തിയാൽ മതി എങ്കിൽ പരീക്ഷിക്കാൻ ചില വഴികൾ കൂടി പറഞ്ഞു തരാം.

1. ബാംഗ്ളൂർ നിന്ന് (ശാന്തിനഗറിൽ നിന്നും മഡിവാള പോലീസ് സ്റ്റേഷന്റെ അവിടെ നിന്നും) സേലം വരെ തമിഴ്നാട് വണ്ടികൾ കിട്ടും. . സേലം എത്തിയാൽ ചിലപ്പോൾ ഡയറക്ട് നാട്ടിലേക്കു തമിഴ്നാട് വണ്ടികൾ കിട്ടും. അല്ലെങ്കിൽ കോയമ്പത്തൂർ പോയി മാറി കേറുക.

2. ഇരിട്ടി,, കണ്ണൂർ തലശ്ശേരി പോവേണ്ടവർക്കു ബാംഗ്ലൂർ – വിരാജ്പെട്ട് ബസ് ബുക്ക് ചെയ്യാം. കർണാടക SRTC ബസ് കുറെ ഉണ്ട്. അവിടെ നിന്നു ഇരിട്ടിക്ക്‌ ഒരു മണിക്കൂർ യാത്രയെ ഉള്ളു.

3. കണ്ണൂർ, കോഴിക്കോട് ഭാഗത്തേക്ക് ഉള്ളവർ മൈസൂർ പോയാൽ ഇടക്കിടക്ക് നാട്ടിലേക്ക് ഉള്ള ബസ്സുകൾ ഉണ്ട്, ബാംഗ്ളൂർ – മൈസൂർ ബസ്സുകൾ ഇഷ്ടം പോലെ സാറ്റലൈറ്റ് സ്റ്റാൻഡിൽ നിന്ന് കിട്ടും. തിരിച്ചു യാത്രക്ക് തൃശൂർ മുതൽ ഉള്ളവർക്ക് കോഴിക്കോട് അല്ലെങ്കിൽ മാനന്തവാടി ബസ്‌ സ്റ്റാൻഡിൽ എത്തിയാൽ ഇടക്കിടക്ക് മൈസൂർ ബസ്സ്‌ കിട്ടും. അവിടെ നിന്ന് ബാംഗ്ളൂർ എത്താം.

ഇനി യാത്ര സുഗമമാവാൻ ചിലത്.. കോയമ്പത്തൂർ, സേലം വഴിയുള്ള യാത്രകൾ ആണെങ്കിൽ സാധാ എയർ ബസ്സ് അത്യാവശ്യം കംഫര്ട്ട് ആണ്. പക്ഷെ എയർ ബസ്സ് നല്ല ഹൈവേ വഴിയല്ലെങ്കിൽ പിറകിലെ സീറ്റുകൾ പരമാവധി ബുക്ക് ചെയ്യാതിരിക്കുക. ബസ്സുകൾ ബുക്ക് ചെയുമ്പോൾ ബസ്സിന്റെ സ്റ്റാർട്ടിങ് പോയന്റ് എവിടെ ആണെന്ന് കൂടെ നോക്കുക, ഉദാഹരണത്തിന് തൃശൂർ നിന്നുള്ള യാത്രക്കാർക്ക് തൃശൂർ നിന്ന് എടുക്കുന്ന വണ്ടികൾ ഉണ്ട് അവ കൃത്യ സമയത്ത് എടുക്കും , പക്ഷെ ബസ്സിന്റെ സ്റ്റാർട്ടിങ് പോയന്റ് തിരുവനന്തപുരം അല്ലെങ്കിൽ കോട്ടയം ഒക്കെ ആണെങ്കിൽ ടിക്കറ്റിൽ കാണിച്ച സമയത്തു വണ്ടി തൃശൂർ എത്തില്ല. റോഡിൽ ഓടുന്ന വണ്ടി ആണ് ലേറ്റ് ആവും, അപ്പോൾ കണ്ടക്ടറെ വിളിച്ചു ചോദിച്ച ശേഷം ബസ് സ്റ്റാൻഡിൽ വന്ന് പോസ്റ്റ് ആവുക.

സ്‌കാനിയ, വോൾവോ ബസ്സുകളെ അപേക്ഷിച്ചു എയർ ബസ്സുകളിൽ ലഗേജ് സ്‌പേസ് കുറവാണ്. അത് മനസ്സിലാക്കി ബാഗുകൾ കൈപിടിക്കുക. പുഷ് ബാക്ക് സീറ്റുള്ള എയർ ബസ്സുകളും സ്‌കാനിയ വോൾവോ ബസ്സുകളും കെഎസ്ആർടിസിയിലെ യാത്ര ലാഭവും സൗകര്യപ്രദവുമാക്കുന്നു. അടുത്തു തന്നെ സ്ലീപ്പർ ബസ്സുകളും നമ്മുടെ കെഎസ്ആർടിസി ഇറക്കും എന്ന് പ്രതീക്ഷിക്കാം.

1 comment
  1. Trivandrum bound passengers can use:
    1. SETC Bangalore Trivandrum UD
    2. SETC BANGALORE Nagercoil UD and AC sleeper (tvm is approx 2 hrs from Nagercoil and is served by plenty of buses and trains)
    3. SETC Hosur Kollam UD (via Salem Madurai Thenkasi Shencottah Punalur Kottarakkara Kollam ).
    4. SETC Shencottah UD via Salem Madurai Thenkasi ( TVM is 4hrs from Thenkasi/Schencottah)

    Kollam/Kottarakkara/Punalur/Adoor/Pathanamthitta bound passengers can use:

    1. SETC Hosur Kollam UD via Salem Madurai Thenkasi Shencottah Punalur Kottarakkara Kollam (Adoor is 1hr from punalur; Pathanamthitta is 1.5 hrs from punalur)
    2. SETC Shencottah UD via Salem Madurai Thenkasi ( Kollam is 4hrs; Kottarakkara is 3hrs from Thenkasi/Schencottah)

    Idukki bound passengers can use:

    1. SETC Bangalore Bodinayakkanur UD via Salem Dindigul Theni Bodi (Kumily is 1.5 hrs to 2 hrs from Theni )
    2. KaSRTC Bangalore Munnar via pollachi

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

കേരളത്തിലെ പത്രങ്ങളുടെ ചരിത്രം – ഒരു മലയാളി അറിഞ്ഞിരിക്കേണ്ട കാര്യങ്ങൾ..

കേരളീയരുടെ ജീവിതത്തിന്‍്റെ ഭാഗമാണ് പത്രങ്ങള്‍. കേരളീയ സംസ്കാരത്തിന്‍്റെ ഭാഗമാണ് പത്രവായന. ഒരു ശരാശരി മലയാളിയുടെ ദിവസം ആരംഭിക്കുന്നത് ഒരു കൈയില്‍ കാപ്പിയും മറ്റേ കൈയില്‍ പത്രവുമായിട്ടാണ്. കേരളത്തിലെ സാംസ്കാരിക ചരിത്രം പരിശോധിച്ചാല്‍ ഏറ്റവും മികച്ച സംഭാവന നല്‍കിയത് പത്രങ്ങളും പ്രസിദ്ധീകരണങ്ങളുമാണെന്നു കാണാം.…
View Post

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

മുഗൾ സാമ്രാജ്യം – ചക്രവർത്തിമാരും അവരുടെ അന്ത്യവും

ഇന്ത്യയിൽ ഏറ്റവും അധികം കാലം ഭരിച്ച മുസ്ലീം രാജാക്കന്മാരുടെ സാമ്രാജ്യമാണ് മുഗൾ സാമ്രാജ്യം. പിതൃത്വം വഴി മദ്ധ്യേഷ്യൻ ഭരണാധികാരി തിമൂറിന്റെ പിൻ‌ഗാമികളും, മാതൃത്വം വഴി മംഗോൾ നേതാവായ ജെംഗിസ് ഖാന്റെ പാരമ്പര്യം ഉള്ളവരുമാണ്‌ മുഗളർ. മംഗോൾ എന്നതിന്റെ പേർഷ്യൻ/ചഗതായ് രൂപഭേദമായ മുഗൾ…
View Post

കടുവ വേലായുധൻ – ആനപ്പണിക്കാരിലെ എക്കാലത്തെയും വലിയ അതികായൻ !!

എഴുത്ത് – വിനു പൂക്കാട്ടിയൂർ. ആനപ്പണിയിലെ എക്കാലത്തെയും വലിയ അതികായൻ ‘കടുവ വേലായുധേട്ടൻ’ ആനയില്ലാത്ത ലോകത്തേക്ക് യാത്രയായിട്ട് എട്ട് വർഷങ്ങൾ. അദ്ദേഹത്തിന്റെ ഓർമ്മകൾക്ക് മുൻപിൽ അനന്തകോടിപ്രണാമം. ഒരുപാട് പേരുടെ അഭ്യർത്ഥനയായിരുന്നു സാക്ഷാൽ കടുവയുടെ കഥകൾ കേൾക്കണമെന്ന്. എന്നാൽ എന്നെപോലെയുള്ള ഒരാൾക്ക് വലിയ…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

KSRTC SWIFT വോൾവോ സ്ലീപ്പർ ബസ്സിലെ യാത്ര; ഒരു പാസഞ്ചർ റിവ്യൂ

വിവരണം – ലിജോ ചീരൻ ജോസ്. ഇരുപത്തിരണ്ടു വർഷമേ ആയിട്ടുള്ളു ഞാൻ നമ്മുടെ ആനവണ്ടിയിലെ ദീർഘദൂര യാത്രകൾ ആരംഭിച്ചിട്ട്. ഗുരുവായൂർ – കോയമ്പത്തൂർ ഫാസ്റ്റിലാണ് തുടക്കം. കുറച്ചു വര്ഷം മുൻപ് വരെ കര്ണാടക ആർ ടി സി വോൾവോ ബസുകൾ കേരളത്തിലേക്ക്…
View Post

കരിയെ മെരുക്കിയ കടുവ വേലായുധൻ; ആനപ്പണിക്കാരിലെ ധീരൻ – പാർട്ട് 3

ആനപ്പണിയിലെ എക്കാലത്തെയും വലിയ അതികായനായ ‘കടുവ വേലാധൻ’ എന്ന അപൂർവ്വ മനുഷ്യനെക്കുറിച്ചുള്ള കഥ. അവസാന ഭാഗം. ആദ്യഭാഗം വായിക്കുവാൻ : https://bit.ly/33rRcbo. എഴുത്ത് – വിനു പൂക്കാട്ടിയൂർ. തെച്ചിക്കോട്ടുകാവ് രാമചന്ദ്രന്റെ അപ്രതീക്ഷിത ഇടിയേറ്റ് പുതുനഗരം പാടത്തു വീണ്ടുകിടക്കുന്ന കർണ്ണൻ. കർണ്ണന്റെ നെഞ്ചുപിളർക്കാൻ കുതിച്ചുവരുന്ന…
View Post