ഏഷ്യയിലെ ഏറ്റവും വലിയ തടിമില്ല് കാണാൻ പോകാം..

Total
0
Shares

തലേദിവസം ആൻഡമാനിലെ ഭാരതംഗ് ദ്വീപിലെ കാഴ്ചകൾ കണ്ടതിന്റെ ത്രില്ലിലായിരുന്നു ഞങ്ങൾ. പിറ്റേ ദിവസം ഞങ്ങൾ പോയത് വ്യത്യസ്തമായ ഒരിടത്തേക്ക് ആയിരുന്നു. ചാത്തം എന്ന പേരുള്ള ഒരു ദ്വീപിലെ തടിമില്ല് കാണുവാനാണ് ഞങ്ങളുടെ ഉദ്ദേശ്യം. ഒരു തടിമില്ല് കാണാൻ ഇത്രയെന്താ? വല്ല പെരുമ്പാവൂരോ മറ്റോ പോയാൽപ്പോരേ എന്നു ചിന്തിക്കുന്നുണ്ടാകും ഇപ്പോൾ നിങ്ങൾ. പക്ഷെ ഇതൊരു സാധാരണ തടിമില്ലല്ല. ഏഷ്യയിലെ ഏറ്റവും വലിയ തടിമില്ലാണിത്. അതും സർക്കാർ ഉടമസ്ഥതയിൽ ഉളളത്. സന്ദർശകർക്ക് 20 രൂപയാണ് ഇവിടേക്കുള്ള പ്രവേശന ഫീസ്.

1942 കാലഘട്ടത്തിൽ ബ്രിട്ടീഷുകാർ ആൻഡമാൻ വിട്ടുപോയശേഷം ജപ്പാൻകാർ ഇവിടം കയ്യേറിയിരുന്നു. ജപ്പാന്റെ ഈ കയ്യേറ്റം ഒഴിപ്പിക്കുവാനായി ബ്രിട്ടീഷുകാർ ഇവിടെ ബോംബ് ആക്രമണം നടത്തിയിരുന്നു. അത്തരത്തിൽ ബോംബ് വർഷിച്ച ഒരു സ്ഥലത്തു കൂടിയാണ് ഈ തടിമില്ല് നിലനിൽക്കുന്നത്. തടിമില്ല് സർക്കാരിന്റേതായതിനാൽ അവിടത്തെ ജീവനക്കാരെല്ലാം ഗവ. ജീവനക്കാർ ആയിരുന്നു. വലിയ താടിയെല്ലാം ഉരുട്ടിക്കൊണ്ട് പോയി മുറിക്കുവാൻ സാധ്യമല്ലല്ലോ, ആ പ്രശ്നം പരിഹരിക്കാനായി ഇവിടെ റെയിൽപ്പാളങ്ങൾ നിർമ്മിച്ചിട്ടുണ്ട്. തടി വെച്ച വാഹനം അതിലൂടെയായിരുന്നു മുറിക്കുവാനായി കൊണ്ടുപോയിരുന്നത്.

അവിടെ തടിമില്ല് മാത്രമല്ല ഒരു ഫോറസ്റ്റ് മ്യൂസിയവും മറ്റുചില കാഴ്ചകളും ഒക്കെയുണ്ടായിരുന്നു. തടിമില്ലിലെ പുറം കാഴ്ചകൾ കണ്ട ശേഷം ഞങ്ങൾ അതേ കോംബൗണ്ടിലുള്ള ഫോറസ്റ്റ് മ്യൂസിയത്തിലേക്ക് കയറി. ഞാൻ ആദ്യമായിട്ടായിരുന്നു വനം വകുപ്പിന്റെ ഒരു മ്യൂസിയത്തിൽ കയറുന്നത്. ഈ മ്യൂസിയത്തിൽ കയറുന്ന സ്ഥലത്തു തന്നെ ആന്ഡമാനിലുള്ള പ്രധാനപ്പെട്ട മരങ്ങളുടെയും, ചരിത്രപരമായ മറ്റു സ്ഥലങ്ങളുടെയും, ബീച്ചുകളുടെയും ചിത്രങ്ങൾ ഉണ്ടായിരുന്നു. ഒപ്പം തടിയിൽ തീർത്ത ഉപകരണങ്ങളും ഒക്കെ അവിടെ പ്രദർശിപ്പിച്ചിട്ടുണ്ട്. തടിമില്ലിന്റെ ചരിത്രം വിളിച്ചോതുന്ന ചിത്രങ്ങളും നമുക്ക് ഈ മ്യൂസിയത്തിൽ കാണാം.

കുറച്ചുകൂടി അകത്തേക്ക് കയറുമ്പോളാണ് നമ്മുടെ കണ്ണുകളെ അതിശയിപ്പിക്കുന്ന പലതരം ഫർണ്ണീച്ചറുകളും കരകൗശല വസ്തുക്കളും ഒക്കെ മരത്തിൽ തീർത്ത് പ്രദർശിപ്പിച്ചിട്ടുള്ളത്. ഞങ്ങൾ മലയാളത്തിൽ സംസാരിക്കുന്നത് കണ്ടിട്ട് ഷീജ എന്നു പേരുള്ള ഒരു ചേച്ചി ഞങ്ങളെ വന്നു പരിചയപ്പെട്ടു. ആന്ഡമാനിലാണ് വര്ഷങ്ങളായി ജീവിക്കുന്നതെങ്കിലും ആ ചേച്ചി തിരുവനന്തപുരം സ്വദേശിയായിരുന്നു. ഷീജ ചേച്ചിയുടെ ഭർത്താവായ തുളസി ചേട്ടനാണ് ഇവിടെ മരംകൊണ്ടുള്ള പലതരം വസ്തുക്കളൊക്കെ നിർമ്മിക്കുന്നത്. തുളസി ചേട്ടനെയും ഞങ്ങൾ പരിചയപ്പെട്ടു. ചേട്ടൻ അപ്പോൾ ഒരു മരത്തടിയിൽ മഹാവിഷ്ണുവിന്റെ രൂപം ഉണ്ടാക്കുകയായിരുന്നു. ഇതെല്ലം മ്യൂസിയത്തിലേക്ക് വേണ്ടിയിട്ടുള്ളതായിരുന്നു.

1942 മുതൽ 45 വരെ ജപ്പാൻകാർ ആയിരുന്നു ഇവിടെയുണ്ടായിരുന്നത്. ബോംബ് ആക്രമണങ്ങളിൽ നിന്നും രക്ഷപ്പെടുവാനായി അവർ നിർമ്മിച്ച ഭൂമിക്കടിയിലുള്ള ഒരു ബങ്കർ ഈ പരിസരത്തുണ്ട്. മ്യൂസിയത്തിലെ കാഴ്ചകൾ കണ്ടശേഷം ഞങ്ങൾ ഈ ബങ്കർ കാണുവാനായി പോയി. നല്ല ഇരുട്ടായിരുന്നു ബങ്കറിനകത്ത്. അതിനുള്ളിൽ നല്ല തണുപ്പും ഉണ്ടായിരുന്നു. സഞ്ചാരികൾ അധികമാരും ഉണ്ടാകാതിരുന്നതിനാൽ ഞങ്ങൾക്ക് അവിടെയെല്ലാം വിശദമായി ആസ്വദിച്ചു കാണുവാൻ പറ്റി.

പുറത്തെ കാഴ്ചകളെല്ലാം കണ്ടശേഷം ഞങ്ങൾ തടിമില്ലിന് അകത്തെ കാഴ്ചകൾ കാണുവാനായി കയറി. വളരെ വ്യത്യസ്തമായ ഒരു കാഴ്ചയായിരുന്നു എനിക്ക് അവിടെ കാണുവാൻ സാധിച്ചത്. വളരെ വലിയൊരു തടിമില്ലു തന്നെയായിരുന്നു അത്. ജീവനക്കാരെല്ലാം ഞങ്ങളോട് സൗഹാർദ്ദപരമായാണ് സംസാരിച്ചത്. നമ്മുടെ നാട്ടിൽ നിന്നും ആൻഡമാനിൽ വരുന്ന ടൂറിസ്റ്റുകളിൽ 95% ആളുകളും ഇവിടേക്ക് വരാറില്ല എന്നതാണ് സത്യം. എന്നിരുന്നാലും വളരെ വ്യത്യസ്തമായ ഈ കാഴ്ചകളൊക്കെ നമ്മൾ കണ്ടിരിക്കേണ്ടത് തന്നെയാണ് എന്നെ എനിക്ക് പറയാനാകൂ. അങ്ങനെ ഞങ്ങൾ ചാത്തം ദ്വീപിൽ നിന്നും തിരികെ പോർട്ട് ബ്ലെയറിലേക്ക് യാത്ര തിരിച്ചു. ഇനി നാട്ടിലേക്കുള്ള മടക്കമാണ്. അഞ്ചു ദിവസത്തെ ആൻഡമാൻ യാത്രയ്ക്ക് അവസാനമായിരിക്കുന്നു. ഈസി ട്രാവൽസിന്റെ പാക്കേജിൽ ഇവിടെ വന്ന ഞങ്ങൾക്ക് എല്ലാ സൗകര്യങ്ങളും ഒരുക്കിത്തരുവാൻ മുന്നിട്ടു നിന്ന ഈസി ട്രാവൽസ് ഉടമ സുജിത്തിനോട് ഈ അവസരത്തിൽ പ്രത്യേകം നന്ദി പറയുകയാണ്.

നിങ്ങൾക്ക് ആൻഡമാനിൽ പോകണമെന്നുണ്ടോ? ആൻഡമാൻ ട്രാവൽ പാക്കേജുകൾക്ക് ഈസി ട്രാവൽസിനെ വിളിക്കാം: 9387676600.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

കേരളത്തിൽ റോഡ് ട്രിപ്പിനു പറ്റിയ അഞ്ച് മനോഹര റൂട്ടുകൾ…

യാത്രകൾ പല തരത്തിൽ ആസ്വദിക്കുന്നവരുണ്ട്. ചിലർ സ്ഥലങ്ങലും കാഴ്ചകളും ഒക്കെ കണ്ട് ആസ്വദിക്കും, ചിലർ ഓരോ സ്ഥലത്തെയും ഭക്ഷണങ്ങൾ രുചിച്ച് ആസ്വദിക്കും, ചിലർ കൂട്ടുകാരും കുടുംബവുമൊക്കെയായിട്ട് ഒരു അടിച്ചുപൊളി മൂഡിലായിരിക്കും യാത്ര പോകുന്നത്. മറ്റു ചിലരാകട്ടെ ഡ്രൈവിംഗ് ആയിരിക്കും ഇഷ്ടപ്പെടുക. ഇത്തരത്തിൽ…
View Post

എന്താണ് ദുബായ് എക്സ്പോ? അവിടെ എന്തൊക്കെ കാണാം? ആകർഷണങ്ങൾ…

ഇപ്പോൾ മാധ്യമങ്ങളിലും സോഷ്യൽ മീഡിയകളിലും, പിന്നെ പ്രവാസി സുഹൃത്തുക്കൾക്കിടയിലും സംസാരവിഷയമായിരിക്കുന്ന ഒന്നാണ് ദുബായ് എക്സ്പോ. എന്താണ് ഈ ദുബായ് എക്സ്പോ എന്ന് ശരിക്കും അറിയാത്ത ചിലരെങ്കിലും നമുക്കിടയിലുണ്ടാകും. അവർക്കായി ദുബായ് എക്സ്പോയുടെ വിശേഷങ്ങൾ പങ്കുവെയ്ക്കാം. ബ്യൂറോ ഒഫ് ഇന്റർനാഷണൽ എക്സ്പോസിഷൻസിന്റെ മേൽനോട്ടത്തിൽ…
View Post

കോഴിക്കോട് നിന്നും വൺ ഡേ ട്രിപ്പ് പോകാൻ പറ്റിയ അഞ്ച് സ്ഥലങ്ങൾ…

കേരളത്തിൽ ഏറ്റവും കൂടുതൽ സഞ്ചാരികൾ വസിക്കുന്നത് മലബാർ മേഖലകളിലാണ്. സോഷ്യൽ മീഡിയയിലെ ട്രാവൽ ഗ്രൂപ്പുകളിൽ നിറഞ്ഞ സാന്നിധ്യത്തോടെയാണ് ഇവരുടെ മുന്നേറ്റം. ഇവരിൽ കൂടുതൽപേരും മലപ്പുറം, കോഴിക്കോട് ജില്ലകളിൽ നിന്നുള്ളവരാണ്. അതുകൊണ്ട് ഇത്തവണ സ്വൽപ്പം വടക്കൻ വിശേഷങ്ങളാണ് നിങ്ങള്ക്ക് മുന്നിൽ പങ്കുവെയ്ക്കാൻ പോകുന്നത്.…
View Post

കെഎസ്ആർടിസിയുടെ മലക്കപ്പാറ ടൂർ പാക്കേജ് വമ്പൻ ഹിറ്റ് !!

കെ എസ് ആർ ടി സിയുടെ മലക്കപ്പാറ പാക്കേജ് സർവീസ് ഇന്ന് കേരളമാകെ ഹിറ്റ്! അവധി ദിനങ്ങളിൽ സഞ്ചാരികൾക്കായി ചാലക്കുടിയിൽ നിന്നും ഏർപ്പെടുത്തിയ പ്രത്യേക സർവ്വീസുകൾ സൂപ്പർ ഹിറ്റായതിനെ തുടർന്ന് യാത്രക്കാരുടെ ആവശ്യം പരിഗണിച്ച് മറ്റു ഡിപ്പോകളിലേയ്ക്കും വ്യാപിപ്പിക്കുകയായിരുന്നു. ആദ്യഘട്ടം എന്ന…
View Post

കാസർഗോഡ് ജില്ലയിൽ വന്നാൽ സന്ദർശിച്ചിരിക്കേണ്ട ചില സ്ഥലങ്ങൾ…

കേരളത്തിനുള്ളിൽ ആണെങ്കിലും വടക്കേയറ്റത്തു കിടക്കുന്നതിനാൽ മിക്കയാളുകളും കാസർഗോഡ് ജില്ലയിൽ പോയിട്ടുണ്ടാകാൻ വഴിയില്ല. പിന്നെ അത് വഴി പോകുന്നത് കൊല്ലൂർ – മൂകാംബികയിലേക്കുള്ള തീര്തഥയാത്രയ്ക്കിടെയാണ്. കാസർകോട്ടെ സംസാരഭാഷയായ മലയാളത്തിൽ കന്നഡ, കൊങ്കണി, തുളു എന്നീ ഭാഷകളുടെ സ്വാധീനം കാണാം. 1984 മെയ്‌ 24-നാണ്‌…
View Post

ബെംഗളൂരു നഗരത്തിനുള്ളിൽ നിങ്ങൾ കണ്ടിരിക്കേണ്ട 15 സ്ഥലങ്ങൾ..

ബെംഗളൂരു ഇന്ത്യയിലെ വലിയ മെട്രോ നഗരങ്ങളിൽ ഒന്നാണ്. അതുകൊണ്ടു തന്നെ ഇവിടെ കാഴ്ചകളും ധാരാളമുണ്ട്. ബെംഗളുരുവിലേക്ക് വരുന്നവർക്ക് സന്ദർശിക്കാവുന്ന 15 സ്ഥലങ്ങളെയാണ് ഈ ലേഖനത്തിലൂടെ പരിചയപ്പെടുത്തുവാൻ പോകുന്നത്. 1 ടിപ്പു സുൽത്താൻ സമ്മർ പാലസ് : ബെംഗളൂരുവിലെ കെആർ മാർക്കറ്റിനു സമീപമാണ്…
View Post