ആൻഡമാനിലെ വണ്ടൂർ & ചിഡിയാ താപ്പു ബീച്ചുകളുടെ പ്രത്യേകതകൾ..

Total
0
Shares

കാലാപാനിയിലെ സന്ദർശനത്തിനു ശേഷം പിറ്റേദിവസം ഞങ്ങൾ പോയത് ആൻഡമാനിലെ ബീച്ചുകൾ കാണുവാനാണ്. ആദ്യമായി ഞങ്ങൾ പോയത് വണ്ടൂർ എന്നു പേരുള്ള ഒരു ബീച്ചിലേക്ക് ആയിരുന്നു. പേര് കേട്ടപ്പോൾ ആദ്യം ഞാനൊന്ന് അമ്പരന്നുപോയി. കാരണം വണ്ടൂർ എന്ന പേരിൽ മലപ്പുറത്ത് ഒരു സ്ഥലമുണ്ട്. അതെ പേരിൽത്തന്നെ ആൻഡമാനിൽ ഒരു ബീച്ചും ഉണ്ടെന്നു ഇപ്പോൾ മനസ്സിലായില്ലേ? വണ്ടൂർ കൂടാതെ മഞ്ചേരി എന്ന പേരിൽ ഒരു സ്ഥലവും ഇവിടെയുണ്ടത്രേ. എന്തായാലും ഞങ്ങൾ വണ്ടൂർ ബീച്ചിലേക്ക് യാത്രയായി.

പോർട്ട്ബ്ലയറിൽ നിന്നും ഏകദേശം 17 കിലോമീറ്ററോളം കാറിൽ സഞ്ചരിച്ചു വേണം വണ്ടൂർ ബീച്ചിലേക്ക് എത്തുവാൻ. പോകുന്ന വഴിക്ക് ഞങ്ങളുടെ വാഹനം ഇന്ധനം,നിറയ്ക്കുവാനായി ഒരു പമ്പിൽ കയറി. അവിടത്തെ ഇന്ധന വില നമ്മുടെ നാട്ടിലേക്കാളും കുറവായിരുന്നു. കേന്ദ്രഭരണ പ്രദേശം ആയതുകൊണ്ടാണ് ഇങ്ങനെ. ഇന്ധനം നിറച്ച ശേഷം ഞങ്ങൾ വീണ്ടും യാത്ര തുടർന്നു. ശരിക്കും മറ്റൊരു നാട്ടിലൂടെയാണ് സഞ്ചരിക്കുന്നത് എന്നൊരു ചിന്തയേ ഈ യാത്രയിലുടനീളം ഞങ്ങൾക്ക് അനുഭവപ്പെട്ടിരുന്നില്ല. കാരണം വഴികളും കാഴ്ചകളും മരങ്ങളും ഒക്കെ നമ്മുടെ നാട് പോലെ തന്നെയായിരുന്നു. ചിലയിടങ്ങളിലൂടെ സഞ്ചരിക്കുമ്പോൾ ഗോവയിൽ എത്തിയ ഒരു ഫീലും അനുഭവപ്പെടുന്നുണ്ടായിരുന്നു. ടൂറിസം ഒക്കെ ഉണ്ടെങ്കിലും കൃഷിയും മീൻപിടുത്തവും ആണ് അവിടത്തുകാരുടെ പ്രധാന ഉപജീവന മാർഗ്ഗം. തെങ്ങും കവുങ്ങും ഒക്കെയാണ് പ്രധാന കൃഷികൾ.

അങ്ങനെ കുറച്ചു സമയത്തെ യാത്രയ്ക്ക് ശേഷം ഞങ്ങൾ വണ്ടൂർ എന്ന സ്ഥലത്ത് എത്തിച്ചേർന്നു. ഇനിയും കുറച്ചു കൂടി പോകണം ബീച്ചിലേക്ക്. ബീച്ചിലേക്കുള്ള വഴിയുടെ ഒരു വശത്ത് കടലിന്റെ ഒരു ഭാഗമായിരുന്നു. നമ്മുടെ നാട്ടിലെപ്പോലെയായിരുന്നില്ല അവിടത്തെ വെള്ളം. ഹോളിവുഡ് സിനിമകളിലും മൊബൈൽ വാൾപേപ്പറുകളിലുമൊക്കെ കണ്ടിട്ടുള്ള തരത്തിലെ ഇളം നീല നിറത്തിലുള്ള വെള്ളമായിരുന്നു അവിടെ. ഞങ്ങൾ പോകുന്ന വഴിയിൽ ഒരിടത്ത് വണ്ടി നിർത്തി വെള്ളത്തിലെ കാഴ്ചകൾ ഒക്കെ ആസ്വദിച്ചു.

പിന്നെയും കുറച്ചു ദൂരം ചെന്നപ്പോൾ ബീച്ചിൽ എത്തിച്ചേർന്നു. നല്ല വൃത്തിയുള്ള ഒരു ബീച്ച് ആയിരുന്നു അത്. ബീച്ചിനടുത്തായി നമ്മുടെ നാട്ടിലെപ്പോലെ തന്നെ പാർക്കിംഗ് ഏരിയയും കുറെ കടകളും ഒക്കെയുണ്ടായിരുന്നു. വണ്ടി പാർക്ക് ചെയ്‌തശേഷം ഞങ്ങൾ ബീച്ചിലേക്ക് നടന്നു. നേരത്തെ പറഞ്ഞപോലെ വെള്ളത്തിന്റെ നിറമാണ് ഈ ബീച്ചിന്റെ ആകർഷണം. വണ്ടൂർ ബീച്ചിൽ സന്ദർശകർക്ക് കുളിക്കുവാൻ അനുവാദമില്ല. ഇവിടെ മുതലകൾ ഉണ്ടെന്നതും പിന്നെ അപകടങ്ങൾ സംഭവിക്കുവാൻ സാധ്യതയുണ്ടെന്നതും മൂലമാണ് കടലിൽ ആരെയും കുളിക്കുവാൻ അനുവദിക്കാത്തത്. ബീച്ചിനു തൊട്ടു മുകളിലായി നേവിയുടെ ഹെലികോപ്ടർ പരീക്ഷണപ്പറക്കൽ നടത്തുന്നുണ്ടായിരുന്നു. ഞങ്ങൾ വീഡിയോ പിടിക്കുന്നത് കണ്ട് അതിലെ പൈലറ്റ് ഞങ്ങളെ നോക്കി കൈവീശി കാണിച്ചു. തൊട്ടുമുകളിലൂടെ കടന്നുപോയതിനാൽ അതൊക്കെ വ്യക്തമായി കാണുവാൻ സാധിച്ചു.

ബീച്ചിൽ ആ സമയത്ത് സഞ്ചാരികൾ കുറവായിരുന്നു. ഇതിനിടെ ബീച്ചിൽ വന്ന ഒരു തെരുവ് നായയുമായി ഞങ്ങൾ ചങ്ങാത്തത്തിലായി. അതിനു ഞങ്ങൾ ബിസ്ക്കറ്റ് ഒക്കെ വാങ്ങി കഴിക്കുവാനായി നൽകി. ഒരൽപം കുറുമ്പുകാരനായിരുന്നു അവൻ. എന്നാലും ഭക്ഷണം കിട്ടിയപ്പോൾ അവനുണ്ടായ സന്തോഷം ഒന്ന് വേറെതന്നെയായിരുന്നു. ബീച്ചിൽ നടന്നു ദാഹിച്ചപ്പോൾ ഞങ്ങൾ അടുത്ത് കണ്ട കടയിൽ നിന്നും കരിക്ക് വാങ്ങി കുടിച്ചു. വില നമ്മുടെ നാട്ടിലെപ്പോലെ തന്നെയായിരുന്നു. ഒരു കരിക്കിന് മുപ്പത് രൂപ. ആ സമയത്തും നമ്മുടെ പട്ടിക്കുട്ടൻ ഞങ്ങളുടെ പിന്നാലെ തന്നെയുണ്ടായിരുന്നു. ബിസ്‌ക്കറ്റിന്റെ രസം പിടിച്ചു വന്നതാണ് ആ പാവം. ഒപ്പം അവന്റെ ഒരു കൂട്ടുകാരൻ നായയും കൂടെയുണ്ടായിരുന്നു. കുറെ സമയം ഞങ്ങൾ വണ്ടൂർ ബീച്ചിൽ ചെലവഴിച്ച ശേഷം അവിടെ നിന്നും യാത്രയായി. ഞങ്ങൾ പോകുന്നതും നോക്കി ആ പട്ടിക്കുട്ടൻ അവിടെത്തന്നെ നിൽക്കുന്നുണ്ടായിരുന്നു. കുറച്ചു നേരത്തെ പരിചയമേയുള്ളൂ എങ്കിലും അവനുമായി ഞങ്ങളും നല്ല കൂട്ടായിക്കഴിഞ്ഞിരുന്നു. പക്ഷെ എന്തു ചെയ്യാം നമുക്ക് പോയല്ലേ പറ്റൂ.

വണ്ടൂർ ബീച്ചിൽ നിന്നും ഞങ്ങൾ പിന്നീട് പോയത് ചിഡിയാ താപ്പു ബീച്ചിലേക്ക് ആയിരുന്നു. അവിടേക്ക് പോകുന്ന വഴിയിൽ ഞങ്ങൾ ഉച്ചയൂണ് കഴിക്കുവാനായി ഒരു ഹോട്ടലിൽ കയറി. നല്ല ഉഗ്രൻ ഊണായിരുന്നു. തൃശ്ശൂർ സ്വദേശിയായ ഒരു ചേട്ടന്റെ ഹോട്ടലായിരുന്നു അത്. ആ ചേട്ടൻ 50 വർഷങ്ങൾക്ക് മുൻപ് ഇവിടെ വന്നു താമസമാക്കിയതാണ്. ഭക്ഷണം നല്ല രുചിയുള്ളതാണ് എങ്കിലും നമ്മുടെ നാട്ടിലെ അപേക്ഷിച്ച് വളരെ ചാർജ്ജ് കൂടുതലാണ്. വെജ് വിഭവങ്ങൾക്ക് വില കുറവാണ്. ഭക്ഷണത്തിനു ശേഷം ഞങ്ങൾ വീണ്ടും യാത്ര തുടർന്നു. അവിടുന്ന് അരമണിക്കൂറോളം സഞ്ചരിക്കണം ചിഡിയാ താപ്പു ബീച്ചിലേക്ക് എത്തുവാൻ.

ബീച്ചിലേക്കുള്ള വഴിയിൽ മറ്റു ചെറു ബീച്ചുകളൊക്കെ കാണാനായി. ഞങ്ങൾ അവിടെയൊക്കെ ഇറങ്ങി കുറച്ചു നേരം ചെലവഴിക്കുകയുണ്ടായി. അങ്ങനെ കുറച്ചു സമയത്തിനു ശേഷം ഞങ്ങൾ ചിഡിയാ താപ്പു ബീച്ചിൽ എത്തിച്ചേർന്നു. വണ്ടൂർ ബീച്ച് പോലെ നീല നിറം തന്നെയായിരുന്നു ഈ ബീച്ചിനും. ഒരു എക്കോ ഫ്രണ്ട്ലി ബീച്ച് ആയിരുന്നു അത്. മുതലകൾ എപ്പോൾ വേണമെങ്കിലും വരാം എന്നതിനാൽ ഈ ബീച്ചിലും ആളുകളെ ഇറങ്ങുവാൻ അനുവദിക്കുന്നുണ്ടായിരുന്നില്ല. വളരെ ഫോട്ടോജനിക് ആയിരുന്നു ചിഡിയാ താപ്പു ബീച്ച്. ഞങ്ങളെക്കൂടാതെ കുറച്ചു സഞ്ചാരികൾ കൂടി മാത്രമേ ബീച്ചിൽ ഉണ്ടായിരുന്നുള്ളൂ. ബീച്ചിനു തൊട്ടടുത്തായി കണ്ടൽക്കാടുകൾ ഉണ്ടായിരുന്നു. കുറെ സമയം ഞങ്ങൾ ബീച്ചിൽ ചിലവഴിച്ചശേഷം ഞങ്ങൾ തിരികെ യാത്രയായി.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

കേരളത്തിൽ റോഡ് ട്രിപ്പിനു പറ്റിയ അഞ്ച് മനോഹര റൂട്ടുകൾ…

യാത്രകൾ പല തരത്തിൽ ആസ്വദിക്കുന്നവരുണ്ട്. ചിലർ സ്ഥലങ്ങലും കാഴ്ചകളും ഒക്കെ കണ്ട് ആസ്വദിക്കും, ചിലർ ഓരോ സ്ഥലത്തെയും ഭക്ഷണങ്ങൾ രുചിച്ച് ആസ്വദിക്കും, ചിലർ കൂട്ടുകാരും കുടുംബവുമൊക്കെയായിട്ട് ഒരു അടിച്ചുപൊളി മൂഡിലായിരിക്കും യാത്ര പോകുന്നത്. മറ്റു ചിലരാകട്ടെ ഡ്രൈവിംഗ് ആയിരിക്കും ഇഷ്ടപ്പെടുക. ഇത്തരത്തിൽ…
View Post

ബെംഗളൂരു നഗരത്തിനുള്ളിൽ നിങ്ങൾ കണ്ടിരിക്കേണ്ട 15 സ്ഥലങ്ങൾ..

ബെംഗളൂരു ഇന്ത്യയിലെ വലിയ മെട്രോ നഗരങ്ങളിൽ ഒന്നാണ്. അതുകൊണ്ടു തന്നെ ഇവിടെ കാഴ്ചകളും ധാരാളമുണ്ട്. ബെംഗളുരുവിലേക്ക് വരുന്നവർക്ക് സന്ദർശിക്കാവുന്ന 15 സ്ഥലങ്ങളെയാണ് ഈ ലേഖനത്തിലൂടെ പരിചയപ്പെടുത്തുവാൻ പോകുന്നത്. 1 ടിപ്പു സുൽത്താൻ സമ്മർ പാലസ് : ബെംഗളൂരുവിലെ കെആർ മാർക്കറ്റിനു സമീപമാണ്…
View Post

കെഎസ്ആർടിസിയുടെ മലക്കപ്പാറ ടൂർ പാക്കേജ് വമ്പൻ ഹിറ്റ് !!

കെ എസ് ആർ ടി സിയുടെ മലക്കപ്പാറ പാക്കേജ് സർവീസ് ഇന്ന് കേരളമാകെ ഹിറ്റ്! അവധി ദിനങ്ങളിൽ സഞ്ചാരികൾക്കായി ചാലക്കുടിയിൽ നിന്നും ഏർപ്പെടുത്തിയ പ്രത്യേക സർവ്വീസുകൾ സൂപ്പർ ഹിറ്റായതിനെ തുടർന്ന് യാത്രക്കാരുടെ ആവശ്യം പരിഗണിച്ച് മറ്റു ഡിപ്പോകളിലേയ്ക്കും വ്യാപിപ്പിക്കുകയായിരുന്നു. ആദ്യഘട്ടം എന്ന…
View Post

ഒരു കെഎസ്ആർടിസി ബസ് മുഴുവനും ബുക്ക് ചെയ്ത് ഞങ്ങളുടെ കോളേജ് ടൂർ…

നിങ്ങളുടെ ജീവിതത്തിൽ ഏറ്റവും കൂടുതൽ സന്തോഷിച്ചിട്ടുള്ള, മറക്കാനാവാത്ത നിമിഷങ്ങൾ എപ്പോഴായിരിക്കും? കോളേജ് ദിനങ്ങൾ എന്നായിരിക്കും ഭൂരിഭാഗം ആളുകളുടെയും ഉത്തരം. അതെ എൻ്റെ ജീവിതത്തിലെയും മറക്കാനാവാത്ത നിമിഷങ്ങൾ സമ്മാനിച്ചത് എൻ്റെ കലാലയ ജീവിതമായിരുന്നു. ബെംഗളൂരുവിലെ ന്യൂ ഹൊറൈസൺ കോളേജിൽ ആയിരുന്നു എൻ്റെ ബി.ടെക്.…
View Post

ഊട്ടിയിൽ പോകുന്നവർ കണ്ടിരിക്കേണ്ട ചില സ്ഥലങ്ങളെ പരിചയപ്പെടാം..

മലയാളികൾക്ക് പണ്ടുമുതലേ ടൂർ എന്നു വെച്ചാൽ ഊട്ടിയോ കൊടൈക്കനാലോ ഒക്കെയാണ്. എങ്കിലും കൊടൈക്കനാലിനെക്കാളും ഒരുപടി മുന്നിലാണ് ഊട്ടിയെ നമ്മൾ പ്രതിഷ്ഠിച്ചിരിക്കുന്നത്. കോളേജ് ടൂർ, ഫാമിലി ടൂർ, ഹണിമൂൺ എന്നുവേണ്ട മിക്കവരുടെയും ടൂർ ലൊക്കേഷൻ ഊട്ടിയായിരിക്കും. ഊട്ടിയിൽ ചിത്രീകരിച്ച മലയാള സിനിമകൾ ഒരു…
View Post

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post