KL 10 U 1025 – ഇതൊരു ജിന്നാണ്; വയനാടിൻ്റെ സൂര്യോദയം കാണിച്ചു തന്ന ഞങ്ങളുടെ ജിന്ന്

Total
0
Shares

വിവരണം – റസാഖ് അത്താണി.

ഒരു വട്ടമെങ്കിലും വായനാട്ടിലേക്ക് യാത്രപോവാത്തവരായി ആരും തന്നെ ഉണ്ടാവില്ല. കൂട്ടുകാരന്റെ നിർബന്ധത്തിനുവഴങ്ങിയാണ് രാത്രി 2 am ന് വയനാട്ടിലെ മാനന്തവാടിയിലേക്ക് അവന്റെ ജോലി ആവശ്യത്തിന് യാത്രതിരിക്കുന്നത്. അതും അവന്റെ പഴയ മാരുതി 800 ൽ. ഞാൻ ആദ്യമായാണ് 800 ൽ ഇത്രയും ലോങ്ങ് യാത്ര പോവുന്നത്. വണ്ടിയുടെ കണ്ടിഷൻ അൽപ്പം ഭയമുള്ളതുകൊണ്ടാണ് ആദ്യം വിളിച്ചപ്പോൾ വരുന്നില്ലായെന്ന് പറഞ്ഞതും പിന്നീട് നിർബന്ധത്തിനു വഴങ്ങി പോയതും.

യാത്ര തുടർന്നു കിലോമീറ്ററുകൾ പിന്നിട്ട് ചുരത്തിലേക്കു പ്രവേശിച്ചു 3 ഹെയർ പിന്നുകൾ കയറിയതും വണ്ടിയുടെ മട്ടും ഭാവവും മാറിത്തുടങ്ങി. പെട്ടെന്നു തന്നെ വണ്ടിയുടെ ഹീറ്റിങ് കൂടിത്തുടങ്ങി. പടച്ചോനെ ഈ നട്ടപാതിരാക്ക്‌ പണി പാലും വെള്ളത്തിലാണല്ലോ വരുന്നതെന്ന് ചിന്തിച്ചുപോയി. ചുരത്തിനോട് ചേർന്നുള്ള വ്യൂ പോയിന്റിന്റെ അടുത്തെത്തിയതും വണ്ടിയുടെ ബോണറ്റിൽനിന്നും പുകയോടുകൂടി സഡൻ ബ്രേക്കിട്ട് വണ്ടി നിന്നു കാറ് കേടുവന്നാൽ ബോണറ്റ് പൊക്കിനോക്കണമെന്ന നാട്ടുനടപ്പ് ഞങ്ങളായി തെറ്റിച്ചില്ല. ബോണറ്റും പൊക്കിനോക്കിയപ്പോൾ പുകയോടുകൂടി റേഡിയേറ്ററിൽ നിന്നു വെള്ളം തിളച്ചുപൊന്തി.

സമയം 5.30 ആവുന്നതേ ഒള്ളു. അടുത്തെങ്ങും ആളുകളോ റോഡിൽ തിരക്കോ ഇല്ല. ഞങ്ങൾ പിന്നെ പോളിടെക്നിക്കൊന്നും പഠിക്കാത്തതുകൊണ്ടു യന്ത്രങ്ങളുടെ പ്രവർത്തനരീതിയൊന്നും വല്ല്യ നിശ്ചയമില്ല. പിന്നീടങ്ങോട്ട് റേഡിയേറ്റർ തണുപ്പിക്കാനുള്ള കാത്തിരിപ്പായിരുന്നു. ആ കാത്തിരിപ്പിനിടയിലാണ് ആ കാഴ്ച ഞങ്ങൾ കണ്ടത്. ചുരത്തിനുമുകളിലെ മലമുകളിൽനിന്നും മഞ്ഞകലർന്ന ചുവപ്പ്‌ നിറം ചുരത്തിൽ പ്രത്യക്ഷപെട്ടു. മെല്ലെ മെല്ലെ പ്രകൃതിയുടെ മാറ്റങ്ങൾ കൺകുളിർക്കെ കണ്ടുതുടങ്ങി. അല്പസമയത്തിനു ശേഷം സൂര്യൻ കത്തിജ്വലിച്ചുകൊണ്ടു ഉയർന്നുവരുന്ന കാഴ്ച വരികളിൽ എങ്ങിനെ എഴുതണമെന്നു എനിക്കറിയില്ല. അത്ര മനോഹരമായിരുന്നു ആ പ്രഭാത കാഴ്ച.

മലകൾക്ക് ഇടയിലൂടെ സൂര്യകിരണങ്ങൾ മുഖത്തിലേക്ക് അടിച്ചുതുടങ്ങിയിരുന്നു. വയനാട് ചുരം പലവട്ടം കയറിയിട്ടുണ്ടെങ്കിലും ഈ കാഴ്ച ഇത് ആദ്യമായായിരുന്നു. അപ്പോഴാണ് തോന്നിത്തുടങ്ങിയത് ഒരുപക്ഷെ കാർ കേടുവന്നില്ലായിരുന്നുവെങ്കിൽ എല്ലാതവണത്തേയും പോലെ ചുരംകയറിപ്പോയെനെ ഞങ്ങൾ. അത് കൊണ്ടാണ് ഞാൻ ആദ്യമെ പറഞ്ഞത് ഈ കാർ ഞങ്ങൾക്കൊരു ജിന്നാണെന്ന്‌. കേടുവന്നത് ഒരു അനുഗ്രഹമായി അപ്പോൾ തോന്നി.

സൂര്യോദയം അവസാനിച്ചു തുടങ്ങിയപ്പോഴേക്കും വണ്ടിയുടെ റേഡിയേറ്റർ മെല്ലെ തണുത്തു തുടങ്ങിയിരുന്നു. പിന്നെ കാറെടുത്തു മെല്ലെ ചുരം കയറിത്തുടങ്ങി. ഇടക്കിടക്ക് ഈ റേഡിയേറ്റർ പൊക്കി കളി തുടർന്നുകൊണ്ടേയിരുന്നു. ചിലരുടെ പരിഹാസപരമായ പല നോട്ടങ്ങൾക്കും അപ്പോൾ സാക്ഷിയാവേണ്ടിവന്നിട്ടുണ്ട്. മെല്ലെ മെല്ലെ ഈ സംഭവത്തോട് ഞങ്ങൾ പൊരുത്തപ്പെട്ടു തുടങ്ങി. ആദ്യമായുള്ള അനുഭവം.. സംഭവം കൊള്ളാട്ടോ, ഇതിലും ഒരു ത്രില്ലൊക്കെ ഉണ്ട്. മണിക്കൂറുകൾക്കു ശേഷം ലക്ഷ്യസ്ഥാനത്ത് എത്തി പോയകാര്യങ്ങൾ തീർത്തപ്പോഴും സമയമിനിയും ബാക്കി.

പിന്നെ നേരെ ഞങ്ങളുടെ ശകടവുമായി വർക്ഷോപ്പിലേക്ക്. വർക്ഷോപ്പിൽ ചെന്നതും എവിടെന്നില്ലാത്തത്ര തിരക്ക്. ആശാനെ വിളിച്ചു കാര്യം അവതരിപ്പിച്ചു. “മക്കളെ എനിക്കിവിടെ പിടിപ്പതു പണിയുണ്ട് നാളെക്കൊണ്ടുപോവാം” എന്ന് ആശാനും. “വീട്ടിലേക്കു ഇന്നു തന്നെ മടങ്ങണം. ഇനി കാർ എടുക്കാനായി ഇതുവഴി വരാൻ പറ്റില്ല” എന്ന് പറഞ്ഞപ്പോൾ ആശാൻ “തൽക്കാലം നാടുപിടിക്കാനുള്ളത് ചെയ്തുതരാം” എന്ന് പറഞ്ഞു. “ഓക്കേ” എന്നു ഞങ്ങളും.

അങ്ങിനെ 2 മണിക്കൂറിനുശേഷം തട്ടിക്കൂട്ട് പണിയും എടുത്ത് കാറുമായി കുറവാദ്വീപ് പിടിച്ചു. പണ്ടെപ്പോഴോ വന്നതാണ് കുറുവായിലേക്ക്. അവിടത്തെ കാഴ്ചകൾ കണ്ട് ഒരു കുളിയും പാസാക്കി നേരെ വീട്ടിലേക്ക്. പല ലക്ഷ്വറി വണ്ടികളിലായി ഇതുവരെ ചുരം കയറിയപ്പോഴും കാണാൻ പറ്റാത്ത കാഴ്ചയാണ് ഇവൻ കാണിച്ചുതന്നത്. അല്ലേലും പോവുന്ന വണ്ടിയുടെ മോഡലോ ഗ്ലാമറോ ഒന്നും ഒരു യാത്രികന് പ്രശ്നമല്ലല്ലോ.


Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

കേരളത്തിലെ പത്രങ്ങളുടെ ചരിത്രം – ഒരു മലയാളി അറിഞ്ഞിരിക്കേണ്ട കാര്യങ്ങൾ..

കേരളീയരുടെ ജീവിതത്തിന്‍്റെ ഭാഗമാണ് പത്രങ്ങള്‍. കേരളീയ സംസ്കാരത്തിന്‍്റെ ഭാഗമാണ് പത്രവായന. ഒരു ശരാശരി മലയാളിയുടെ ദിവസം ആരംഭിക്കുന്നത് ഒരു കൈയില്‍ കാപ്പിയും മറ്റേ കൈയില്‍ പത്രവുമായിട്ടാണ്. കേരളത്തിലെ സാംസ്കാരിക ചരിത്രം പരിശോധിച്ചാല്‍ ഏറ്റവും മികച്ച സംഭാവന നല്‍കിയത് പത്രങ്ങളും പ്രസിദ്ധീകരണങ്ങളുമാണെന്നു കാണാം.…
View Post

കടുവ വേലായുധൻ – ആനപ്പണിക്കാരിലെ എക്കാലത്തെയും വലിയ അതികായൻ !!

എഴുത്ത് – വിനു പൂക്കാട്ടിയൂർ. ആനപ്പണിയിലെ എക്കാലത്തെയും വലിയ അതികായൻ ‘കടുവ വേലായുധേട്ടൻ’ ആനയില്ലാത്ത ലോകത്തേക്ക് യാത്രയായിട്ട് എട്ട് വർഷങ്ങൾ. അദ്ദേഹത്തിന്റെ ഓർമ്മകൾക്ക് മുൻപിൽ അനന്തകോടിപ്രണാമം. ഒരുപാട് പേരുടെ അഭ്യർത്ഥനയായിരുന്നു സാക്ഷാൽ കടുവയുടെ കഥകൾ കേൾക്കണമെന്ന്. എന്നാൽ എന്നെപോലെയുള്ള ഒരാൾക്ക് വലിയ…
View Post

മുഗൾ സാമ്രാജ്യം – ചക്രവർത്തിമാരും അവരുടെ അന്ത്യവും

ഇന്ത്യയിൽ ഏറ്റവും അധികം കാലം ഭരിച്ച മുസ്ലീം രാജാക്കന്മാരുടെ സാമ്രാജ്യമാണ് മുഗൾ സാമ്രാജ്യം. പിതൃത്വം വഴി മദ്ധ്യേഷ്യൻ ഭരണാധികാരി തിമൂറിന്റെ പിൻ‌ഗാമികളും, മാതൃത്വം വഴി മംഗോൾ നേതാവായ ജെംഗിസ് ഖാന്റെ പാരമ്പര്യം ഉള്ളവരുമാണ്‌ മുഗളർ. മംഗോൾ എന്നതിന്റെ പേർഷ്യൻ/ചഗതായ് രൂപഭേദമായ മുഗൾ…
View Post

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

കരിയെ മെരുക്കിയ കടുവ വേലായുധൻ; ആനപ്പണിക്കാരിലെ ധീരൻ – പാർട്ട് 3

ആനപ്പണിയിലെ എക്കാലത്തെയും വലിയ അതികായനായ ‘കടുവ വേലാധൻ’ എന്ന അപൂർവ്വ മനുഷ്യനെക്കുറിച്ചുള്ള കഥ. അവസാന ഭാഗം. ആദ്യഭാഗം വായിക്കുവാൻ : https://bit.ly/33rRcbo. എഴുത്ത് – വിനു പൂക്കാട്ടിയൂർ. തെച്ചിക്കോട്ടുകാവ് രാമചന്ദ്രന്റെ അപ്രതീക്ഷിത ഇടിയേറ്റ് പുതുനഗരം പാടത്തു വീണ്ടുകിടക്കുന്ന കർണ്ണൻ. കർണ്ണന്റെ നെഞ്ചുപിളർക്കാൻ കുതിച്ചുവരുന്ന…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

KSRTC SWIFT വോൾവോ സ്ലീപ്പർ ബസ്സിലെ യാത്ര; ഒരു പാസഞ്ചർ റിവ്യൂ

വിവരണം – ലിജോ ചീരൻ ജോസ്. ഇരുപത്തിരണ്ടു വർഷമേ ആയിട്ടുള്ളു ഞാൻ നമ്മുടെ ആനവണ്ടിയിലെ ദീർഘദൂര യാത്രകൾ ആരംഭിച്ചിട്ട്. ഗുരുവായൂർ – കോയമ്പത്തൂർ ഫാസ്റ്റിലാണ് തുടക്കം. കുറച്ചു വര്ഷം മുൻപ് വരെ കര്ണാടക ആർ ടി സി വോൾവോ ബസുകൾ കേരളത്തിലേക്ക്…
View Post