സൈബീരിയയിൽ താമസിക്കാൻ 4000 രൂപയ്ക്ക് ഒരു കിടിലൻ അപ്പാർട്ട്മെന്റ്

Total
41
Shares

നാലു ദിവസം നീണ്ട ട്രാൻസ് സൈബീരിയൻ യാത്രയ്ക്കു ശേഷം ഞങ്ങൾ സൈബീരിയയിലെ Irkutsk എന്ന സ്ഥലത്ത് ഇറങ്ങി. രാത്രി സമയത്തായിരുന്നു ഞങ്ങൾ അവിടെ ട്രെയിനിറങ്ങിയത്. റെയിൽവേ സ്റ്റേഷൻ ആണെങ്കിൽ പറയുകയേ വേണ്ട, ഏതോ ഒരു ചരിത്ര സ്മാരകം പോലെയൊക്കെ തോന്നിപ്പിക്കുന്ന തരത്തിലാണ് നിർമ്മിതി. രാത്രിവെളിച്ചത്തിൽ കാണുവാൻ അതിഗംഭീരം.

കുറച്ചു സമയം റെയിൽവേ സ്റ്റേഷന് മുന്നിൽ നിന്ന് അതിൻ്റെ ഭംഗി ആസ്വദിക്കുകയും ഒരു ഫോട്ടോഷൂട്ടും ഒക്കെ നടത്തി. അതിനു ശേഷം ടാക്സി വിളിച്ച് ഹോട്ടൽ റൂമെടുക്കുവാനായി യാത്രയായി. ലഗേജുകൾ അധികമുണ്ടായതിനാൽ ഞങ്ങൾ രണ്ടു ടാക്സി കാറുകളിലായാണ് യാത്ര പുറപ്പെട്ടത്. ഞങ്ങളുടെ കാർ ഓടിച്ചിരുന്നത് പ്രായമായ ഒരു ചേട്ടനായിരുന്നു. അദ്ദേഹമാണെങ്കിൽ യാത്രയ്ക്കിടെ നല്ല കമ്പനിയുമായി.

അങ്ങനെ ഞങ്ങൾ താമസിക്കുവാനായി തെരഞ്ഞെടുത്ത അപ്പാർട്മെന്റിൽ എത്തിച്ചേർന്നു. അലക്‌സാണ്ടർ എന്ന രസികനായ ഒരാളായിരുന്നു ഹോട്ടലിൽ ഞങ്ങളുടെ കാര്യങ്ങൾ നോക്കുവാനായി ഉണ്ടായിരുന്നത്. നാലാമത്തെ നിലയിലായിരുന്നു ഞങ്ങളുടെ അപ്പാർട്മെന്റ് എന്നു കേട്ടപാടെ ഞങ്ങളെല്ലാവരുടെയും ഊർജ്ജം ഒരുമിച്ചു പോയി എന്നുപറയാം. എങ്കിലും അലക്‌സാണ്ടർ ബ്രോ ഹെൽപ്പ് ചെയ്യാമെന്നു പറഞ്ഞപ്പോൾ ഹാപ്പിയായി.

റൂമിലേക്ക് പോകുന്നതിനു മുൻപ് വിശപ്പടക്കുവാൻ എന്തെങ്കിലും കഴിക്കാൻ കിട്ടുമോ എന്നു ഞങ്ങൾ അന്വേഷിച്ചു. അങ്ങനെ അലക്‌സാണ്ടർ ബ്രോ ഞങ്ങളെ അവിടെയടുത്തുള്ള ഒരു റെസ്റ്റോറന്റിലേക്ക് കൂട്ടിക്കൊണ്ടുപോകുകയും പരിചയപ്പെടുത്തി തരികയും ചെയ്തു. എന്നിട്ട് അദ്ദേഹം ഹോട്ടലിലേക്ക് മടങ്ങി. ‘KC Pizza’ എന്നു പേരുള്ള ഒരു അണ്ടർഗ്രൗണ്ട് റെസ്റ്റോറന്റായിരുന്നു അത്. രാത്രിയായതിനാലാകും തിരക്ക് ഒട്ടും ഉണ്ടായിരുന്നുമില്ല. റെസ്റ്റോറന്റിനകത്തെ ചുമരുകളെല്ലാം മനോഹരമായി പെയിന്റ് ചെയ്ത് ആകർഷകമാക്കിയിരുന്നു. നല്ല അടിപൊളി ബാക്ക്ഗ്രൗണ്ട്.

മെനു കാർഡ് നോക്കി നല്ലതെന്നു തോന്നിച്ചവയൊക്കെ ഞങ്ങൾ ഓർഡർ ചെയ്തു കഴിച്ചു. അതിനിടയിൽ അടുത്ത ദിവസത്തെ ഞങ്ങളുടെ കറക്കവും പ്ലാനുമൊക്കെ തയ്യാറാക്കുവാനും സമയം കണ്ടെത്തി. ഒരു കാർ റെന്റിനെടുത്ത് കറങ്ങാം എന്ന തീരുമാനത്തിലായിരുന്നു ഞങ്ങൾ. അങ്ങനെ ഭക്ഷണമെല്ലാം കഴിച്ചു വിശപ്പടക്കി ഞങ്ങൾ ഹോട്ടലിലേക്ക് നടന്നു.

അകത്തു കയറി ഞങ്ങളുടെ അപാർട്മെന്റ് കണ്ടപ്പോൾ ശരിക്കും അത്ഭുതപ്പെട്ടുപോയി. നല്ല വിശാലമായ ഒരു വീടിന്റെ ഉൾവശം പോലെ കിടക്കുന്ന ഒരു കിടിലൻ അപ്പാർട്മെന്റ്. റൂമുകളിലെ വൃത്തി പോലെതന്നെയായിരുന്നു വാഷ്റൂമുകളിലും. അടിപൊളി തന്നെ. അത്ഭുതപ്പെട്ടുപോയത് മറ്റൊന്നും കൊണ്ടല്ല, ഇത്രയും സൗകര്യങ്ങളുള്ള ഈ അപ്പാർട്ട്മെന്റിന് per day വെറും 4000 രൂപ മാത്രമേ (ഇന്ത്യൻ രൂപയും, റഷ്യൻ കറൻസിയായ റൂബിളും ഒരേ മൂല്യമാണ്) ആകുന്നുള്ളൂ എന്നതായിരുന്നു. എന്തായാലും അടിപൊളി തന്നെ.

ഇത്രയും ദിവസം ട്രെയിനിനകത്തുതന്നെ കഴിച്ചുകൂട്ടിയ ഞങ്ങൾക്ക് ഒരു വിശാലമായ സ്വർഗ്ഗം കിട്ടിയ പ്രതീതിയായിരുന്നു ആ രാത്രി. നല്ല യാത്രാക്ഷീണം ഉണ്ടായിരുന്നതിനാൽ കൂടെയുണ്ടായിരുന്ന ബ്രോസ് എല്ലാവരും പതിയെ ഉറങ്ങുവാനുള്ള തയ്യാറെടുപ്പിലായി. ഷൂട്ട് ചെയ്ത വീഡിയോകൾ എഡിറ്റ് ചെയ്തു തീർക്കുവാനുണ്ടായിരുന്നതിനാൽ ഞാൻ ആ പരിപാടികളിലേക്ക് കടക്കുകയും ചെയ്തു.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

കേരളത്തിൽ റോഡ് ട്രിപ്പിനു പറ്റിയ അഞ്ച് മനോഹര റൂട്ടുകൾ…

യാത്രകൾ പല തരത്തിൽ ആസ്വദിക്കുന്നവരുണ്ട്. ചിലർ സ്ഥലങ്ങലും കാഴ്ചകളും ഒക്കെ കണ്ട് ആസ്വദിക്കും, ചിലർ ഓരോ സ്ഥലത്തെയും ഭക്ഷണങ്ങൾ രുചിച്ച് ആസ്വദിക്കും, ചിലർ കൂട്ടുകാരും കുടുംബവുമൊക്കെയായിട്ട് ഒരു അടിച്ചുപൊളി മൂഡിലായിരിക്കും യാത്ര പോകുന്നത്. മറ്റു ചിലരാകട്ടെ ഡ്രൈവിംഗ് ആയിരിക്കും ഇഷ്ടപ്പെടുക. ഇത്തരത്തിൽ…
View Post

കേരളത്തിലെ പത്രങ്ങളുടെ ചരിത്രം – ഒരു മലയാളി അറിഞ്ഞിരിക്കേണ്ട കാര്യങ്ങൾ..

കേരളീയരുടെ ജീവിതത്തിന്‍്റെ ഭാഗമാണ് പത്രങ്ങള്‍. കേരളീയ സംസ്കാരത്തിന്‍്റെ ഭാഗമാണ് പത്രവായന. ഒരു ശരാശരി മലയാളിയുടെ ദിവസം ആരംഭിക്കുന്നത് ഒരു കൈയില്‍ കാപ്പിയും മറ്റേ കൈയില്‍ പത്രവുമായിട്ടാണ്. കേരളത്തിലെ സാംസ്കാരിക ചരിത്രം പരിശോധിച്ചാല്‍ ഏറ്റവും മികച്ച സംഭാവന നല്‍കിയത് പത്രങ്ങളും പ്രസിദ്ധീകരണങ്ങളുമാണെന്നു കാണാം.…
View Post

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

എന്താണ് ദുബായ് എക്സ്പോ? അവിടെ എന്തൊക്കെ കാണാം? ആകർഷണങ്ങൾ…

ഇപ്പോൾ മാധ്യമങ്ങളിലും സോഷ്യൽ മീഡിയകളിലും, പിന്നെ പ്രവാസി സുഹൃത്തുക്കൾക്കിടയിലും സംസാരവിഷയമായിരിക്കുന്ന ഒന്നാണ് ദുബായ് എക്സ്പോ. എന്താണ് ഈ ദുബായ് എക്സ്പോ എന്ന് ശരിക്കും അറിയാത്ത ചിലരെങ്കിലും നമുക്കിടയിലുണ്ടാകും. അവർക്കായി ദുബായ് എക്സ്പോയുടെ വിശേഷങ്ങൾ പങ്കുവെയ്ക്കാം. ബ്യൂറോ ഒഫ് ഇന്റർനാഷണൽ എക്സ്പോസിഷൻസിന്റെ മേൽനോട്ടത്തിൽ…
View Post

മുഗൾ സാമ്രാജ്യം – ചക്രവർത്തിമാരും അവരുടെ അന്ത്യവും

ഇന്ത്യയിൽ ഏറ്റവും അധികം കാലം ഭരിച്ച മുസ്ലീം രാജാക്കന്മാരുടെ സാമ്രാജ്യമാണ് മുഗൾ സാമ്രാജ്യം. പിതൃത്വം വഴി മദ്ധ്യേഷ്യൻ ഭരണാധികാരി തിമൂറിന്റെ പിൻ‌ഗാമികളും, മാതൃത്വം വഴി മംഗോൾ നേതാവായ ജെംഗിസ് ഖാന്റെ പാരമ്പര്യം ഉള്ളവരുമാണ്‌ മുഗളർ. മംഗോൾ എന്നതിന്റെ പേർഷ്യൻ/ചഗതായ് രൂപഭേദമായ മുഗൾ…
View Post