ആഫ്രിക്കയെയും യൂറോപ്പിനെയും ബന്ധിപ്പിക്കുന്ന ടാഞ്ചിയറിലേക്ക്

Total
0
Shares

മൊറോക്കോയിലെ റബാത്തിൽ നിന്നും ടാഞ്ചിയർ എന്ന സ്ഥലത്തേക്കുള്ള യാത്രയിലേക്ക് ആയിരുന്നു ഞങ്ങൾ. പോകുന്ന വഴിയ്ക്ക് ഹൈവേയ്ക്ക് സമീപത്തുള്ള പെട്രോൾ പമ്പിലെ പാർക്കിംഗ് ഏരിയയിൽ ഞങ്ങൾ ഭക്ഷണം കഴിക്കുവാനായി നിർത്തിയപ്പോൾ അവിടെ പാർക്ക് ചെയ്തിരുന്ന ഒരു കണ്ടെയ്‌നർ ട്രെയിലർ ഡ്രൈവർ ഞങ്ങൾക്ക് ജ്യൂസും ഭക്ഷണവുമൊക്കെ വാഗ്ദാനം ചെയ്യുകയുണ്ടായി. അദ്ദേഹത്തോട് നന്ദിയും പറഞ്ഞു ഞങ്ങൾ യാത്ര വീണ്ടും ആരംഭിച്ചു.

നീണ്ടുകിടക്കുന്ന, വീതിയേറിയ ഹൈവേയിലൂടെ ഗൈഡ് നിസ്‌റിൻ കാർ പായിച്ചുകൊണ്ടേയിരുന്നു. ഇരു വശങ്ങളിലും പലതരത്തിലുള്ള ഭൂപ്രകൃതികൾ ദൃശ്യമായിക്കൊണ്ടിരുന്നു. ഹൈവേയിൽ കാറുകളെക്കൂടാതെ വലിയ ട്രക്കുകൾ ആയിരുന്നു കൂടുതലായും കാണപ്പെട്ടത്. ലോക്ക്ഡൗൺ ആണെങ്കിലും അവിടെയൊക്കെ ചരക്കുനീക്കങ്ങൾ സാധാരണ ഗതിയിൽത്തന്നെ നടക്കുന്നുണ്ടായിരുന്നു.

ആ ദിവസം അച്ഛന്റെ പിറന്നാൾ ആയിരുന്നു. വീട്ടിൽ കേക്ക് മുറിക്കളൊക്കെ തകൃതിയായി നടക്കുന്ന സമയം നിർഭാഗ്യവശാൽ എനിക്ക് അതിൽ പങ്കുചേരാൻ കഴിഞ്ഞില്ല. അതിനാൽ വീട്ടിൽ നിന്നും വീഡിയോ കോൾ ചെയ്ത്, ലൈവ് ആയി കേക്ക് മുറിക്കുന്നത് ഞാൻ മൊറോക്കോയിൽ ഇരുന്നു കണ്ടു. കുടുംബത്തെയും നാടിനെയുമൊക്കെ മിസ്സ് ചെയ്തതു കാരണം ഒരു നിമിഷം ഞാൻ വികാരാധീനനായി. എങ്കിലും യാത്രയ്ക്കിടയിൽ നിസ്‌റിൻ തമാശകളൊക്കെ പറഞ്ഞുകൊണ്ട് ഞങ്ങളെ രസിപ്പിച്ചിരുന്നു.

അങ്ങനെ ഞങ്ങൾ ടാഞ്ചിയർ നഗരത്തിലേക്ക് കയറി. നഗരത്തിനുള്ളിൽ വാഹനങ്ങൾക്ക് വേഗതാപരിധിയുള്ളതിനാൽ ഞങ്ങൾ പതുക്കെയായിരുന്നു പൊയ്‌ക്കൊണ്ടിരുന്നത്. ടാഞ്ചിയർ എന്ന സ്ഥലത്തിന് ഒട്ടേറെ പ്രത്യേകതകളുണ്ട്. ലോക സഞ്ചാരിയായ ഇബ്‌നു ബത്തൂത്തയുടെ ജന്മസ്ഥലമാണ് ടാഞ്ചിയർ. അതുകൂടാതെ ജിബ്രാൾട്ടർ കടലിടുക്ക് വഴി ആഫ്രിക്കയെയും യൂറോപ്പിനെയും ബന്ധിപ്പിക്കുന്നത് ടാഞ്ചിയറാണ്.

ടാഞ്ചിയർ നഗരത്തിൽ എത്തിയപ്പോൾ കറൻസി എക്സ്ചേഞ്ച് ചെയ്യുവാനായി ഒരു ചെറിയ തെരുവിൽ നിർത്തി. മനോഹരമായ ആ തെരുവിലെ റോഡിനു ഇരുവശത്തുമായി ഓറഞ്ച് മരങ്ങൾ നിൽപ്പുണ്ടായിരുന്നു. അവയിൽ ഓറഞ്ചുകളും ഉണ്ടായിക്കിടക്കുന്നു. അടിപൊളി. ഞങ്ങൾ ഡോളർ കൊടുത്ത് യൂറോ വാങ്ങിയതിന് ശേഷം അവിടെയുള്ള ഒരു ഫോർ സ്റ്റാർ ഹോട്ടലിൽ റൂമെടുത്തു. ഓൺലൈനായിട്ടായിരുന്നു ഞങ്ങൾ ഹോട്ടലിൽ റൂം ബുക്ക് ചെയ്തിരുന്നത്. ഗൈഡ് നിസ്‌റിന്റെ ഒരു കസിന്റെ വീട് അവിടെയടുത്തുണ്ടായിരുന്നതിനാൽ അവൾ അവിടേക്ക് പോയി.

ബാഗുകളും എടുത്തുകൊണ്ട് ഞങ്ങൾ ഹോട്ടലിലേക്ക് ചെല്ലുകയും, ചെക്ക്-ഇൻ പരിപാടികൾക്ക് ശേഷം നേരെ അഞ്ചാം നിലയിലുള്ള ഞങ്ങളുടെ റൂമിലേക്ക് പോകുകയും ചെയ്തു. നല്ല കിടിലൻ റൂമായിരുന്നു ഞങ്ങൾക്ക് കിട്ടിയിരുന്നത്. മൊറോക്കോയിൽ ചെന്നിട്ട് ആദ്യമായിട്ടാണ് ഇത്രയും മനോഹരമായ ഒരു ഹോട്ടൽറൂം കാണുന്നത്. റൂമും ടോയ്‌ലറ്റുമൊക്കെ ചെന്നപാടെ ഞങ്ങൾ പരിശോധിക്കുകയും തൃപ്തി വരുത്തുകയും ചെയ്തു. അങ്ങനെ ഒന്ന് ഫ്രഷായ ശേഷം അവിടമൊക്കെ ഒന്ന് നടന്നു ചുറ്റിക്കാണുവാനായി ഞങ്ങൾ പുറത്തേക്ക് ഇറങ്ങി. ഹോട്ടൽ പരിസരത്തൊക്കെ ഒന്ന് ചുറ്റിയടിച്ചശേഷം കുടിക്കാനുള്ള വെള്ളവും വാങ്ങി ഞങ്ങൾ തിരികെ റൂമിലേക്ക് തന്നെ മടങ്ങി.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

മലപ്പുറത്തു നിന്നും വൺ ഡേ ട്രിപ്പ് പോകാൻ പറ്റിയ സ്ഥലങ്ങൾ…

സ്വാതന്ത്ര്യ സമരത്തിന്റെ വീരകഥകൾ ഉറങ്ങുന്ന നാടാണ് മലപ്പുറം. അതുകൊണ്ട് അവരുടെ പിന്മുറക്കാരിലും ആ വീര്യം ഇന്നും നമുക്ക് കാണാം. പുതു തലമുറയിൽ ആ വീര്യം സഞ്ചാരത്തിലും യാത്രകളിലുമാണ് കൂടുതലായി കാണപ്പെടുന്നത്. മുസ്ലിം ഭൂരിപക്ഷ ജില്ലയായ മലപ്പുറം അറേബ്യന്‍, കേരള രുചികള്‍ സമന്വയിപ്പിച്ചുള്ള…
View Post

24 മണിക്കൂറിൽ കൂടുതലുള്ള ട്രെയിൻ യാത്രകൾ പോകുമ്പോൾ ശ്രദ്ധിക്കേണ്ട പ്രധാനപ്പെട്ട ചില കാര്യങ്ങൾ…

ട്രെയിനുകളിൽ യാത്ര ചെയ്യാത്തവർ കുറവായിരിക്കും. കൂടുതലും ദീർഘദൂര യാത്രകൾക്കാണ് ഭൂരിഭാഗമാളുകളും ട്രെയിനുകൾ തിരഞ്ഞെടുക്കാറുള്ളത്. ബസ്സുകളെ അപേക്ഷിച്ച് ട്രെയിൻ ചാർജ്ജ് വളരെ കുറവാണെന്നതു തന്നെയാണ് പ്രധാന കാരണം. പിന്നെ ആവശ്യമെങ്കിൽ ഒന്ന് നിവർന്നു നിൽക്കുവാനും നടക്കുവാനുമൊക്കെ സാധിക്കുമല്ലോ. പക്ഷേ ട്രെയിൻ യാത്രകൾ പോകുന്നതിനു…
View Post

ലണ്ടനിൽ നിന്നും ഇന്ത്യയിലെ കൽക്കട്ടയിലേക്ക് ഒരു ബസ് സർവ്വീസ്

ലോകത്തിലെ ഏറ്റവും നീളമുള്ള ബസ് റൂട്ട് ഏതായിരിക്കും? ഇപ്പോൾ സർവ്വീസ് നടത്തുന്നില്ലെങ്കിലും, ഇംഗ്ലണ്ടിലെ ലണ്ടനിൽ നിന്നും നമ്മുടെ ഇന്ത്യയിലെ കൽക്കട്ടയിലേക്ക് ഉണ്ടായിരുന്ന ബസ് സർവ്വീസ് ആണ് ലോകത്തിലെ ഏറ്റവും ദൈർഘ്യമേറിയ ബസ് റൂട്ടായി കണക്കാക്കപ്പെടുന്നത്. 1957 ലാണ് ലണ്ടൻ – കൽക്കട്ട…
View Post

1072 കി.മീ. ദൂരം, 35 മണിക്കൂർ, 1500 രൂപ ടിക്കറ്റ്; ഈ ബസ് യാത്രയ്ക്ക് നിങ്ങൾ തയ്യാറാണോ?

കാറിലും ടൂവീലറിലുമെല്ലാം ട്രിപ്പ് പോകുന്നതു പോലെത്തന്നെ ബസ് മാർഗ്ഗം യാത്ര ചെയ്യുവാൻ താല്പര്യമുള്ളവരും നമ്മുടെ കൂട്ടത്തിലുണ്ട്. അവർക്കായി ഇതാ ഒരു സന്തോഷ വാർത്ത.!! ഇന്ത്യയിൽത്തന്നെ ഏറ്റവും ദുർഘടമായതും മനോഹരമായതുമായ റൂട്ടിലൂടെ ഒരു ബസ് യാത്രയ്ക്ക് നിങ്ങൾ തയ്യാറാണോ? ഡൽഹിയിൽ നിന്നും ജമ്മു…
View Post

കേരളത്തിനു പുറത്തേക്ക് കാറുമായി യാത്ര പോകുമ്പോൾ പണി കിട്ടാതിരിക്കാൻ..

ഇന്ന് ധാരാളം ആളുകൾ കേരളത്തിനു പുറത്തേക്ക്, അതായത് തമിഴ്‌നാടും കർണാടകയും ഒക്കെ കഴിഞ്ഞു വടക്കേ ഇന്ത്യയിലേക്ക് സ്വന്തം കാറുമായി യാത്ര പോകുന്നുണ്ട്. ഇത്തരത്തിൽ യാത്രകൾ പോകുമ്പോൾ ശ്രദ്ധിക്കേണ്ട പ്രധാന കാര്യങ്ങൾ എല്ലാവർക്കും പല ശ്രോതസ്സുകളിൽ നിന്നുമായി ഇന്ന് മനസ്സിലാക്കുവാൻ കഴിയും. എന്നാൽ…
View Post

18 രാജ്യങ്ങൾ, 70 ദിവസം… ഡൽഹി – ലണ്ടൻ റൂട്ടിൽ ബസ് ട്രിപ്പ് വരുന്നു….

വർഷങ്ങൾക്ക് മുൻപ് ലണ്ടനിൽ നിന്നും ഇന്ത്യയിലെ കൽക്കട്ടയിലേക്ക് ഒരു ബസ് സർവ്വീസ് ഉണ്ടായിരുന്നുവെന്ന വാർത്ത വൈറലായത് മാസങ്ങൾക്ക് മുൻപാണ്. അന്ന് ധാരാളമാളുകൾ ഇങ്ങനെയൊരു ബസ് യാത്ര ഇപ്പോൾ ഉണ്ടായിരുന്നെങ്കിൽ എന്ന് ആഗ്രഹിച്ചതുമാണ്. ഈയടുത്തൊന്നും സാധ്യമാകില്ല എന്നു കരുതിയ ആ യാത്ര ഇപ്പോഴിതാ…
View Post

ബന്ദിപ്പൂര്‍ വനത്തിനുള്ളില്‍ 1600 രൂപയ്ക്ക് രണ്ടുപേർക്ക് താമസിക്കാം…

കർണാടകയിലെ ചാമരാജ് നഗർ ജില്ലയിൽ സ്ഥിതി ചെയ്യുന്ന ദേശീയോദ്യാനമാണ് ബന്ദിപ്പൂർ. ഒരു കടുവാ സംരക്ഷണകേന്ദ്രം കൂടിയായ ഇതിന്റെ വിസ്തൃതി 880 ചതുരശ്ര കിലോമീറ്ററാണ്. വയനാട് വന്യജീവി സം‌രക്ഷണകേന്ദ്രം,മുതുമല വന്യജീവി സം‌രക്ഷണകേന്ദ്രം, നാഗർഹോളെ വന്യജീവി സം‌രക്ഷണകേന്ദ്രം എന്നിവ ഇതിനു സമീപത്താണ് സ്ഥിതിചെയ്യുന്നത്. കടുവ,…
View Post

കേരളത്തിൽ റോഡ് ട്രിപ്പിനു പറ്റിയ അഞ്ച് മനോഹര റൂട്ടുകൾ…

യാത്രകൾ പല തരത്തിൽ ആസ്വദിക്കുന്നവരുണ്ട്. ചിലർ സ്ഥലങ്ങലും കാഴ്ചകളും ഒക്കെ കണ്ട് ആസ്വദിക്കും, ചിലർ ഓരോ സ്ഥലത്തെയും ഭക്ഷണങ്ങൾ രുചിച്ച് ആസ്വദിക്കും, ചിലർ കൂട്ടുകാരും കുടുംബവുമൊക്കെയായിട്ട് ഒരു അടിച്ചുപൊളി മൂഡിലായിരിക്കും യാത്ര പോകുന്നത്. മറ്റു ചിലരാകട്ടെ ഡ്രൈവിംഗ് ആയിരിക്കും ഇഷ്ടപ്പെടുക. ഇത്തരത്തിൽ…
View Post