വെഡ്ഡിംഗ് ഫോട്ടോഷൂട്ട് ‘ഇൻഡിഗോ’ വിമാനത്തിൽ ആയാലോ?

Total
16
Shares

ഇന്ന് വിവാഹങ്ങൾക്ക് ഒഴിച്ച് കൂടാനാകാത്ത ഒന്നായി മാറിയിരിക്കുകയാണ് ഔട്ട്ഡോർ വെഡ്ഡിംഗ് ഷൂട്ടുകൾ. അതിനായി ഫോട്ടോഗ്രാഫർമാരും ദമ്പതികളും വ്യത്യസ്തമായ തീമുകൾ തിരഞ്ഞെടുക്കാറുമുണ്ട്. എന്നാൽ വെഡ്ഡിംഗ് ഷൂട്ട് വിമാനത്തിലായാലോ? നമ്മുടെ നാട്ടിൽ അധികം കണ്ടിട്ടില്ലാത്ത ഒരു വെറൈറ്റി സംഭവമാണത്. ഇത്തരത്തിൽ വൈറലായ ഒരു വെഡ്ഡിംഗ് ഫോട്ടോഷൂട്ടിനെക്കുറിച്ചാണ് ഇന്നത്തെ വീഡിയോ.

കൊച്ചി സ്വദേശിയായ ഡോ. അരവിന്ദും, കണ്ണൂർ സ്വദേശിനിയായ ഡോ. ആതിരയുമാണ് തങ്ങളുടെ വെഡ്ഡിംഗ് ഫോട്ടോഷൂട്ട് വിമാനത്തിലാക്കിയത്. കണ്ണൂരിലെ വിവാഹച്ചടങ്ങുകൾക്കു ശേഷം നവദമ്പതികൾ കൊച്ചിയിലേക്ക് യാത്ര ചെയ്യുന്ന കാര്യം മനസ്സിലാക്കി ഫോട്ടോഗ്രാഫി ടീമായ പൂരം വെഡ്ഡിങ്സ് ആണ് ഇത്തരമൊരു ഫോട്ടോഷൂട്ടിന് പദ്ധതി തയാറാക്കിയത്.

കണ്ണൂർ ഇന്റർനാഷണൽ എയർപോർട്ട് ആയിരുന്നു നവദമ്പതികളുടെ ഫോട്ടോഷൂട്ടിനു വേദിയായത്. കൂടാതെ കണ്ണൂർ – കൊച്ചി റൂട്ടിൽ സർവ്വീസ് നടത്തുന്ന ഇൻഡിഗോയുടെ ATR 42 മോഡൽ വിമാനവും ഫോട്ടോഷൂട്ടിൽ പ്രധാന തീം ആയി മാറി.

എയർപോർട്ടിലെയും വിമാനത്തിലെയും സ്റ്റാഫ് അംഗങ്ങളുടെയും സഹയാത്രക്കാരുടേയും സഹകരണം കൂടി ആയപ്പോൾ ഫോട്ടോഷൂട്ട് ഗംഭീരമായി മാറി. വിദേശികളായ യാത്രക്കാരും അതോടൊപ്പം സ്റ്റാഫ് അംഗങ്ങളും ദമ്പതിമാർക്കൊപ്പം ചിത്രങ്ങൾക്ക് പോസ് ചെയ്യുകയും ചെയ്തു. കോവിഡ് വ്യാപനത്തിന് മുമ്പ് നടത്തിയ ഫോട്ടോഷൂട്ടിന്റെ ചിത്രങ്ങളാണ് ഇപ്പോൾ സമൂഹമാധ്യമങ്ങളിലൂടെ പുറത്തുവന്നിരിക്കുന്നത്. പൂരം വെഡ്ഡിങ്സിനു വേണ്ടി ബേസിൽ തോമസ് ആണ് ഈ മനോഹരമായ ചിത്രങ്ങൾ പകർത്തിയത്.

ഇതിനു മുൻപും കണ്ണൂർ എയർപോർട്ടും, ഇൻഡിഗോ വിമാനവും വെഡ്ഡിംഗ് ഷൂട്ടിന് വേദിയായിട്ടുണ്ട്. 2019 ൽ ലാൽകൃഷ്ണ – ശ്രുതി ദമ്പതിമാരുടെ വെഡ്ഡിംഗ് ഫോട്ടോഷൂട്ടും ഇത്തരത്തിൽ വൈറലായി മാറിയിരുന്നു. Motion Pictures Wedding Planners ആയിരുന്നു അന്ന് വ്യത്യസ്തമായ ഈ തീം പ്ലാൻ ചെയ്തു നടപ്പിലാക്കിയത്. എന്തായാലും ബസ്സും, കാറുമൊക്കെ കൂടാതെ വിമാനവും നമ്മുടെ നാട്ടിൽ വെഡ്ഡിംഗ് ഷൂട്ടുകൾക്ക് വേദിയാകുന്നുവെന്ന വാർത്ത വളരെയധികം സന്തോഷം നൽകുന്നതാണ്.

വിവരങ്ങൾക്ക് കടപ്പാട് – പൂരം വെഡ്ഡിംഗ്‌സ്, മനോരമ ഓൺലൈൻ.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

ജനമൈത്രി പോലീസിനൊപ്പം പൂയംകുട്ടി വനത്തിലേക്ക്

വിവരണം – അരുൺ കളപ്പില. ശ്വാസം അടക്കിപ്പിടിച്ചനുഭവിച്ച അതി കഠിനമായൊരു വനയാത്രയാണിത്. ആനച്ചൂരിൽ, ഇരുണ്ട കാട്ടിലൂടെ കടന്നുപോകുമ്പോൾ നാമറിയാതെ അനുഭവിക്കുന്ന ഒരു ലഹരിയുണ്ട്. അതാണീ യാത്രയുടെ ജീവൻ. കാടിനെ സ്നേഹിക്കുന്ന ഓരോ മനുഷ്യന്റേയും ആഗ്രഹമാണ്, കാടിനെ നോവിക്കാതെ നിശബ്ദമായി മരങ്ങളെ, പക്ഷികളെ,…
View Post

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post

മൂന്നാറിൻ്റെ തലവര മാറ്റാൻ ‘എസ്കേപ്പ് റോഡ്’

എഴുത്ത് – ദയാൽ കരുണാകരൻ. ഇപ്പോൾ കൊടൈക്കനാലും മൂന്നാറും തമ്മിലുള്ള യാത്രാ അകലം വാസ്തവത്തിൽ വെറും 13 കിലോമീറ്ററാണ്. കൊടൈക്കനാലിന്റ്റെ തെക്കുപടിഞ്ഞാറ് ഭാഗത്തുള്ള ടൂറിസ്റ്റ് സ്പോട്ടാണ് ബെരിജം തടാകം. ദിവസവും ഇവിടേക്ക് നിശ്ചിത എണ്ണം സന്ദർശ്ശകരുടെ വാഹനങ്ങൾ കടത്തി വിടുന്നുമുണ്ട്. ഇനി…
View Post

കെഎസ്ആർടിസി മിന്നൽ ബസ്സുകളിൽ കയറുന്നതിനു മുൻപ് അറിഞ്ഞിരിക്കേണ്ട കാര്യങ്ങൾ

കുറച്ചു നാളുകളായി ചില യാത്രക്കാരുടെ പരാതികളാൽ വാർത്തകളിൽ നിറഞ്ഞു നിൽക്കുന്ന ഒരു ബസ് സർവീസാണ് കെഎസ്ആർടിസിയുടെ മിന്നൽ ബസ് സർവ്വീസുകൾ. എന്തുകൊണ്ടാണ് മിന്നൽ സർവ്വീസിലെ ചില യാത്രക്കാർ പരാതികൾ ഉന്നയിക്കുന്നത്? അതിനുള്ള കാര്യം അറിയുന്നതിനു മുൻപായി എന്താണ് മിന്നൽ ബസ് സർവ്വീസുകൾ…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

കേരളത്തിനകത്തെ തമിഴ് പറയുന്ന ഗ്രാമമായ ‘വട്ടവട’യിലേക്ക്

വിവരണം – സന്ധ്യ ജലേഷ്. മലഞ്ചെരുവുകളെ തഴുകി വരുന്ന കാറ്റേറ്റ് സ്‌ട്രോബറിയും, ആപ്പിളും, കാരറ്റും, കാബേജും, ക്വാളിഫ്‌ലവറും, ഉള്ളിയും, ഉരുളക്കിഴങ്ങും, വെളുത്തുള്ളിയും വിളഞ്ഞു നില്‍ക്കുന്ന തോട്ടങ്ങളും, അലഞ്ഞുതിരിഞ്ഞു നടക്കുന്ന കോവര്‍ കഴുതകളും, തീപ്പെട്ടികൂടുപോലെ നിറമുള്ള വീടുകളും, ചെങ്കുത്തായ മലനിരകള്‍ക്കു നടുവില്‍ ജ്യാമിതീയ…
View Post

ചുരുങ്ങിയ ചിലവിൽ 14 സ്ഥലങ്ങളിലേക്ക് ഒരു ഫാമിലി ട്രിപ്പ്

വിവരണം – Karrim Choori. 2019 ഓഗസ്റ്റ് 24 നല്ല ഇടിയും മഴയുള്ള രാത്രി ആയിരുന്നു അത്. 9 മണിക്ക് ഞാനും എന്റെ രണ്ട് മക്കളും, പെങ്ങളെ രണ്ടു കുട്ടികളും, ടോട്ടൽ ആറുപേർ Ritz കാറിൽ നാളെ ഉച്ചവരെയുള്ള ഫുഡ് ഒക്കെ…
View Post