വിൻഡോസ് വഴി ലോകമെങ്ങും പ്രശസ്തമായ ആ ചിത്രത്തിൻറെ യാഥാർത്ഥ്യം എന്ത്?

Total
34
Shares

കംപ്യുട്ടര്‍ തുറന്നാല്‍ മോണിറ്ററില്‍ കാണുന്ന താഴ്‌വരയുടെ ആ മനോഹരമായ ചിത്രം നമ്മളാരും മറന്നുതുടങ്ങിയിട്ടില്ല. പച്ച പുൽത്തകിടിയും നീലാകാശവും പഞ്ഞിക്കെട്ടുപോലെ മേഘക്കൂട്ടങ്ങളും നിറഞ്ഞ ആ ചിത്രത്തിന്റെ മനോഹാരിത ഇനിയും മനസിൽ നിന്നും മാഞ്ഞിട്ടില്ല. വിൻഡോസിന്റെ ആദ്യ വേർഷനുകൾ വഴി ഹിറ്റായ ആ ചിത്രം യഥാര്ത്ഥമാണോ എന്നു പലപ്പോഴും സംശയിച്ചിരുന്നു എല്ലാവരും. എന്നാല്‍ കേട്ടോളൂ, ആ ചിത്രം യഥാര്ത്ഥമാണ്. ബ്ലിസ് എന്ന പ്രകൃതിയുടെ മനോഹരമായ ചിത്രമാണ് പിന്നീട് വിന്ഡോസ് എക്‌സ്പി ഓപ്പറേറ്റിംഗ് സിസ്റ്റത്തിന്റെ ഡിഫോൾട്ട് വാൾപേപ്പർ ആയി മാറിയത്.

2002ല്‍ എക്‌സ്പി ഹോം സ്‌ക്രീനിലൂടെ ലോകത്തിനു മുന്നിലെത്തിയ ‘ബ്ലിസ്’ എന്നു പേരിട്ട ഈ ചിത്രം ചരിത്രത്തില്‍ ഇടം നേടി, ലോകത്തില്‍ ഏറ്റവും അധികം ആളുകള്‍ കണ്ട ചിത്രം എന്ന ബഹുമതിയോടെ. പത്തു വര്ഷം കൊണ്ട് 100 കോടിയിലേറെ ആളുകള്‍ തങ്ങളുടെ കംപ്യൂട്ടര്‍ ഹോം സ്‌ക്രീനിലൂടെ കണ്ട ബ്ലിസ് വിശ്വപ്രസിദ്ധമായ പെയിന്റിങ് മോണലിസയെക്കാള്‍ കൂടുതല്‍ തവണ ആളുകൾ കണ്ടു കഴിഞ്ഞു. എന്നാല്‍ ഇതിനു മോണലിസയോളം പേരോ പ്രസിദ്ധിയോ ഇല്ലെന്നു മാത്രം.

1998-ലെ ജനുവരി മാസം. നാഷണൽ ജ്യോഗ്രഫിക്കിലെ ഫോട്ടോഗ്രാഫറായ ചാൾസ്  ഓറിയർ ഗേൾഫ്രൺഡിനെ കാണാൻ സാൻഫ്രാൻസിസ്‌കോയിലേക്ക് പോകുന്നവഴി ഹൈവേയിൽ ഒരു കാഴ്ച കണ്ടു. അതിലൂടെ പല തവണ വണ്ടിയോടിച്ചുപോയിട്ടുണ്ടെങ്കിലും ഇത്രയും മനോഹരമായ ഒരു ദൃശ്യം ഒരിക്കലും ചാൾസിന്റെ കണ്ണിൽ പെട്ടിട്ടില്ലായിരുന്നു. അമേരിക്കയിലെ ഹൈവേ 121 -ൽ സൊനോമ എന്ന സ്ഥലത്തായിരുന്നു ഇത്. ഉടനെ വണ്ടിനിർത്തിയ ചാൾസ് ആ കാഴ്ച തന്റെ മാമിയ ആർ.ഇസഡ്-67 ക്യാമറയിൽ ഒപ്പിയെടുത്തു. ശീതകാലത്തെ ഒരു മഴയ്ക്കു ശേഷമുള്ള പച്ചപ്പ്‌…. നീലാകാശം മുഴുവൻ പഞ്ഞിക്കട്ടകൾ പോലെയുള്ള മേഘങ്ങൾ. സംഭവം ഉഗ്രനായിരുന്നു.

ചാൾസ് ഈ ചിത്രം കോർബിസ് (ബിൽ ഗേറ്റ്സ് തുടങ്ങിയതാണിത്) എന്ന സൈറ്റിൽ അപ്‌ലോ‍‍‍ഡ് ചെയ്തു. ഡിജിറ്റൽ ക്യാമറകളൊക്കെ പ്രചാരത്തിൽ വരുന്നതിനു മുന്നേയുള്ള ലോകമാണെന്ന് ഓർക്കുക. പ്രകൃതിയുടെ ഭാവങ്ങൾ ഒപ്പിയെടുക്കാൻ അന്നത്തെക്കാലത്ത്  പ്രൊഫഷണൽ ഫോട്ടോഗ്രാഫർമാർ ഉപയോഗിക്കുന്ന മുന്തിയതരം ഫിലിമായിരുന്ന ഫ്യൂജിയുടെ ‘വെൽവിയ ഫിലിം’ ആയിരുന്നു ചാൾസ് ഉപയോഗിച്ചത്. ഫോട്ടോ എഡിറ്റ് ചെയ്യാതെയാണ് കോർബിസിൽ ഇട്ടത്.

വർഷം രണ്ടായിരം. മൈക്രോസോഫ്റ്റ് തങ്ങളുടെ പുതിയ ഓപ്പറേറ്റിങ് സിസ്റ്റമായ എക്സ്.പി. വിപണിയിലിറക്കാൻ ഒരുങ്ങുന്ന സമയം. വിൻഡോസ് 2000 -ന്റെ സ്ഥിരതയും വിൻഡോസ് എം.ഇ.യുടെ ഫീച്ചറുകളും ചേർന്ന ഒരു പതിപ്പായിരുന്നു എക്സ്.പി. പുതിയ വിൻഡോസിന്റെ സൗന്ദര്യം ഒന്ന് കൂട്ടാൻ അതിൽ വാൾപേപ്പറായി ഉപയോഗിക്കാൻ ഒരു നല്ലചിത്രം തപ്പി നടക്കുകയായിരുന്നു അവർ. തപ്പിത്തപ്പി അവർ ചാൾസ് എടുത്ത ചിത്രത്തിലെത്തി. ചാൾസിന് മൈക്രോസോഫ്റ്റിൽ നിന്ന് വിളിവന്നു. ചാൾസ് ആണെങ്കിൽ സമ്മതം അറിയിക്കുകയും ചെയ്തു. അങ്ങനെ ചാൾസ് ആ ചിത്രത്തിന്റെ പൂർണ അവകാശവും മൈക്രോസോഫ്റ്റിന് വിറ്റു. എത്ര തുകയ്ക്കാണ് ഇത് വിറ്റതെന്ന് ചാൾസ് ആരോടും പറഞ്ഞുമില്ല. എന്നാല്‍ അക്കാലത്ത് കിട്ടാവുന്നതില്‍ വച്ച് ഏറ്റവും വലിയ തുകയായിരുന്നു ചിത്രത്തിന്റെ പകര്പ്പവകാശം എന്ന നിലയില്‍ കിട്ടിയത് എന്നുറപ്പാണ്.

അടുത്ത വർഷം ഇറങ്ങിയ എക്സ്.പി. ഓപ്പറേറ്റിങ് സിസ്റ്റത്തിലെ വാൾ പേപ്പറായി കോടിക്കണക്കിന്‌ കംപ്യൂട്ടർ സ്‌ക്രീനുകളിൽ പിന്നീടുള്ള വർഷങ്ങളിൽ ഈ ചിത്രം തിളങ്ങി. ഒരുപക്ഷേ നമുക്ക് ഏറ്റവും പരിചയമുള്ള വാൾ പേപ്പർ ‘ബ്ലിസ്’ എന്ന പേരിൽ അറിയപ്പെട്ടത്‌ ഈ ചിത്രമാകണം. വിൻഡോസ് വഴി പ്രചരിച്ച ഈ ചിത്രം യാഥാർത്ഥമാണെന്ന് ആരും വിശ്വസിച്ചിരുന്നില്ല. കൃത്രിമമായി സൃഷ്ടിച്ചെടുത്തതോ ഫോട്ടോഷോപ്പില്‍ രൂപപ്പെടുത്തിയതോ ആണ് എന്നാണ് വിൻഡോസ് ഉപയോക്താക്കള്‍ വിശ്വസിച്ചിരുന്നത്. ഇന്നും ചിലരൊക്കെ വിശ്വസിക്കുന്നതും അങ്ങനെ തന്നെയാണ്.

ഒരു ദശാബ്ദത്തിലധികം കാലം ലോകത്ത് ഏറ്റവും അധികം ആളുകള്‍ കണ്ട ചിത്രം ഏതെന്ന് ചോദ്യത്തിന് ബ്ലിസ് എന്ന് മാത്രമാണ് ഉത്തരം. ഈ ചിത്രം പകർത്തപ്പെട്ട ശേഷം ആ താഴ്വരയുടെ രൂപഭംഗിക്ക് കാര്യമായ മാറ്റം വന്നു. ആ പ്രദേശം പിന്നീട് മുന്തിരിത്തോട്ടമായി മാറി. രൂപവും ആകെ മാറി. ഇതോടെ ചിത്രത്തെ അനുകരിക്കാന്‍ ആർക്കും വേറെ മാർഗ്ഗങ്ങൾ ഇല്ലാതെയായി. എന്നാല്‍ ചിത്രം അനുകരിക്കുന്നതിനായി മറ്റ് ഫോട്ടോഗ്രാഫർമാരുടെ ശ്രമങ്ങള്‍ ഇപ്പോഴും തുടരുകയാണ്. പക്ഷെ ചാൾസ് കണ്ട പച്ചപ്പുല്ലും അതിനെ ചുംബിച്ചുനിൽക്കുന്ന മേഘങ്ങളും ഇനിയൊരിക്കലും ഈ ഹൈവേയിൽ കാണാൻ സാധിക്കില്ല എന്നതാണ് സങ്കടകരമായ സത്യം. എന്തൊക്കെ പറഞ്ഞാലും ഇതിനും മുൻപും പിൻപും ഇതുപോലെ എല്ലാവരുടെയും സ്‌ക്രീനിൽ എത്തിയ ഒരു ചിത്രം ലോകചരിത്രത്തിൽത്തന്നെ കാണില്ല എന്നത് തീർച്ച.

കടപ്പാട് – നിഖിൽ നാരായൺ, സിജി ജി പള്ളിപ്പുറം, മാതൃഭൂമി.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

മണാലി ബസ് സ്റ്റാൻഡിൽ ഒരു മലയാളിയെ പറ്റിച്ചു മുങ്ങിയ മലയാളി

വിവരണം – Zainudheen Kololamba. അപരിചിതമായ വഴികളിൽ കണ്ടുമുട്ടുന്ന മലയാളികളെ ബന്ധുക്കളേക്കാൾ സ്വന്തമാണെന്ന് തോന്നാറില്ലേ? ഹിന്ദി, ഉറുദു കലപിലകൾക്കിടയിൽ ആരെങ്കിലും വന്ന് മലയാളിയാണോ എന്ന് ചോദിക്കുമ്പോൾ അത്യാനന്ദം അനുഭവപ്പെടാറില്ലേ? തീർച്ചയായും എനിക്ക് തോന്നാറുണ്ട്. കേരള സമ്പർക്രാന്തിയുടെ സെക്കന്റ് ക്ലാസ് ഡബ്ബയുടെ ബർത്തിലിരുന്ന്…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

മൂന്നാറിൻ്റെ തലവര മാറ്റാൻ ‘എസ്കേപ്പ് റോഡ്’

എഴുത്ത് – ദയാൽ കരുണാകരൻ. ഇപ്പോൾ കൊടൈക്കനാലും മൂന്നാറും തമ്മിലുള്ള യാത്രാ അകലം വാസ്തവത്തിൽ വെറും 13 കിലോമീറ്ററാണ്. കൊടൈക്കനാലിന്റ്റെ തെക്കുപടിഞ്ഞാറ് ഭാഗത്തുള്ള ടൂറിസ്റ്റ് സ്പോട്ടാണ് ബെരിജം തടാകം. ദിവസവും ഇവിടേക്ക് നിശ്ചിത എണ്ണം സന്ദർശ്ശകരുടെ വാഹനങ്ങൾ കടത്തി വിടുന്നുമുണ്ട്. ഇനി…
View Post

പെട്രോൾ പമ്പുകളിൽ മലയാളികൾ പറ്റിക്കപ്പെടുന്നത് ഇങ്ങനെ – ഒരു ടാക്സി ഡ്രൈവറുടെ അനുഭവക്കുറിപ്പ്…

അന്യസംസ്ഥാനങ്ങളിലേക്കൊക്കെ സ്വന്തം വാഹനങ്ങളുമായി പോകാറുള്ളവരാണല്ലോ നമ്മളൊക്കെ. യാത്രയ്ക്കിടയിൽ കേരളത്തിനു പുറത്തു വെച്ച് വണ്ടിയിൽ ഇന്ധനം കുറഞ്ഞുപോയാൽ നമ്മൾ സാധാരണ ചെയ്യാറുള്ളതു പോലെ അടുത്തുള്ള പമ്പിൽ കയറി ഇന്ധനം നിറയ്ക്കുകയും ചെയ്യും. എന്നാൽ ഇത്തരത്തിൽ ഇന്ധനം നിറയ്ക്കുവാൻ പമ്പിൽ ചെല്ലുന്നവർ തങ്ങൾ കബളിപ്പിക്കപ്പെടുന്ന…
View Post

എറണാകുളം ജില്ലയിലെ ഏറ്റവും ഉയർന്നതും കൊടുംകാട്ടിലൂടെയുമുള്ള ബസ് റൂട്ട്

‘കോതമംഗലം – കുട്ടമ്പുഴ – മാമലക്കണ്ടം’ : എറണാകുളം ജില്ലയിലുള്ള കോതമംഗലം കെഎസ്ആർടിസി ഡിപ്പോയിലെ ഏറ്റവും പ്രയാസവും, എന്നാൽ ഏറ്റവും മനോഹരവുമായ പ്രദേശത്തേക്കുള്ള ബസ് റൂട്ടാണിത്. കാട്ടാനകൾ ധാരാളമുള്ള വനത്തിലൂടെ ഒരു ബസിനു മാത്രം പോകാൻ കഴിയുന്ന റോഡ്, പോകും വഴിയേ…
View Post