ഒരാൾക്ക് കണ്ണുകാണില്ല, മറ്റേയാൾക്കു നടക്കാനാകില്ല, എന്നിട്ടും ഇവർ കയറാത്ത മലകളില്ല

Total
756
Shares

എഴുത്ത് – പ്രകാശ് നായർ മേലില.

ഒരാൾക്ക് കണ്ണുകാണില്ല, മറ്റേയാൾക്കു നടക്കാനാകില്ല, എന്നിട്ടും ഇവർ കയറാത്ത മലകളില്ല. മെൽനി നെക്റ്റിനു (Melanie Knecht) നടക്കാൻ കഴിയില്ല , ട്രെവർ ഹാൻ ( Trevor Hahn) നു കാഴ്ചയുമില്ല. പക്ഷേ ഇവരിരുവർക്കും വിശ്രമവുമില്ല. മലകൾ കയറുക എന്നതാണിവരുടെ വിനോദം. ട്രെവറിന്റെ മുതുകിലേറി യാണ് മെൽനി മലകൾ കയറുന്നത്.അതൊരുഗ്രൻ ടീം വർക്കാണ്.അമേരിക്കൻ സ്വദേശികളാണിരുവരും. ഇരുവരും അടുത്തകാലത്ത് അമേരിക്കയിലെ കൊളറാഡോ മല കയറിയാണ് വാർത്തകളിൽ ഇടം പിടിച്ചത്.

മെൽനി സോഷ്യൽ മീഡിയയിൽ ഇങ്ങനെ കുറിച്ചു :- “ട്രെവർക്കു കാലുകളുണ്ട്, എനിക്ക് കണ്ണുകളും. ഇതാണ് ഞങ്ങളുടെ ഡ്രീം ടീം. ഞാൻ ജീവിതകാലം മുഴുവൻ വീൽചെയറിലാണ് കഴിഞ്ഞത്. പർവ്വതാരോഹണം വളരെ ഇഷ്ടമാണ്. മലമുകളിലെത്തി വെള്ളിമേഘങ്ങളെയും നീലാകാശത്തെയും അടുത്തു കണ്ടാനന്ദിക്കാൻ ചെറുപ്പം മുതൽ ആഗ്രഹിച്ചിരുന്നതാണ്. ഇപ്പോൾ ഇത് ജീവിതത്തിലെ ഏറ്റവും വലിയ അനുഭൂതിയാണ്. ഞങ്ങൾ തമ്മിലുള്ള പൊരുത്തം ഒരു മഹാ സംഭവമാണ്. ഞങ്ങൾക്കിരുവർക്കുമായി രണ്ടു കണ്ണുകളും രണ്ടു കാലുകളുമാണുള്ളത്. അതുതന്നെ ധാരാളം. He’s the legs, I’m the eyes — boom! Together, we’re the dream team.” ഇതാണ് മെൽനിയുടെ വരികൾ.

യാത്രയിൽ ട്രെവർ, മെൽനിയെ ഒരു പ്രത്യേകതരം ചെയറിൽ ബന്ധിച്ചു തൻ്റെ മുതുകിലേറ്റിയാണ് നടന്നു പോകുന്നത്. വഴിയും മറ്റുള്ള യാത്രാവിവരണങ്ങളും തോളിലിരുന്നുകൊണ്ട് മെൽനി വിവരിക്കുന്നു. അതനുസരിച്ചാണ് ട്രെവറുടെ മുന്നോട്ടുളള പ്രയാണം തന്നെ.

മേൽനിക്കു ചെറുപ്പം മുതൽക്കേ നട്ടെല്ലു വളരാതിരിക്കുന്ന (Spina bifida) എന്ന രോഗമാണ്. അതുകൊണ്ടു തന്നെ കാലുകൾ അതീവ ദുർബലവും. ട്രെവറുടെ കാഴ്ചനഷ്ടപ്പെട്ടത് ഗ്ലോക്കോമ എന്ന രോഗം മൂലമായിരുന്നു. Adaptive എക്സർസൈസ് ക്ലാസ്സിൽ വച്ചാണ് ഇരുവരും കണ്ടുമുട്ടുന്നത്. ആ സൗഹൃദം ദൃഢമായി. ഒപ്പം യാത്ര ചെയ്യാനും മലകയറാനും ഒരുമിച്ചു ജീവിക്കാനും അവർ തീരുമാനിക്കുകയായിരുന്നു. അടുത്തതായി 15000 അടി ഉയരമുള്ള ഒരു മലകയറാൻ ഇരുവരും പദ്ധതിയിടുകയാണ്.

പലതരത്തിലുള്ള വൈകല്യങ്ങൾ കാരണം ജീവിക്കുവാനുള്ള ആശ നഷ്ടപ്പെട്ട് വീട്ടിലെ ചുവരുകൾക്കുള്ളിൽ കഴിച്ചു കൂട്ടുന്നവർ ധാരാളമുള്ള ഒരു സമൂഹമാണ് നമ്മുടേത്. അവർക്കെല്ലാം പുറത്തേക്ക് ഇറങ്ങുവാനും, സഞ്ചരിക്കുവാനും, സ്വപ്നം കാണുവാനുമൊക്കെ പോസിറ്റീവ് എനർജ്ജി നൽകുന്നതാണ് ഈ ദമ്പതിമാരുടെ ജീവിതകഥ. മറക്കരുത്, ജീവിതം അത് എന്തായാലും ആസ്വദിക്കുവാനുള്ളതാണ്. തോറ്റു പിന്മാറരുത്…

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

ജനമൈത്രി പോലീസിനൊപ്പം പൂയംകുട്ടി വനത്തിലേക്ക്

വിവരണം – അരുൺ കളപ്പില. ശ്വാസം അടക്കിപ്പിടിച്ചനുഭവിച്ച അതി കഠിനമായൊരു വനയാത്രയാണിത്. ആനച്ചൂരിൽ, ഇരുണ്ട കാട്ടിലൂടെ കടന്നുപോകുമ്പോൾ നാമറിയാതെ അനുഭവിക്കുന്ന ഒരു ലഹരിയുണ്ട്. അതാണീ യാത്രയുടെ ജീവൻ. കാടിനെ സ്നേഹിക്കുന്ന ഓരോ മനുഷ്യന്റേയും ആഗ്രഹമാണ്, കാടിനെ നോവിക്കാതെ നിശബ്ദമായി മരങ്ങളെ, പക്ഷികളെ,…
View Post

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post

മൂന്നാറിൻ്റെ തലവര മാറ്റാൻ ‘എസ്കേപ്പ് റോഡ്’

എഴുത്ത് – ദയാൽ കരുണാകരൻ. ഇപ്പോൾ കൊടൈക്കനാലും മൂന്നാറും തമ്മിലുള്ള യാത്രാ അകലം വാസ്തവത്തിൽ വെറും 13 കിലോമീറ്ററാണ്. കൊടൈക്കനാലിന്റ്റെ തെക്കുപടിഞ്ഞാറ് ഭാഗത്തുള്ള ടൂറിസ്റ്റ് സ്പോട്ടാണ് ബെരിജം തടാകം. ദിവസവും ഇവിടേക്ക് നിശ്ചിത എണ്ണം സന്ദർശ്ശകരുടെ വാഹനങ്ങൾ കടത്തി വിടുന്നുമുണ്ട്. ഇനി…
View Post

കെഎസ്ആർടിസി മിന്നൽ ബസ്സുകളിൽ കയറുന്നതിനു മുൻപ് അറിഞ്ഞിരിക്കേണ്ട കാര്യങ്ങൾ

കുറച്ചു നാളുകളായി ചില യാത്രക്കാരുടെ പരാതികളാൽ വാർത്തകളിൽ നിറഞ്ഞു നിൽക്കുന്ന ഒരു ബസ് സർവീസാണ് കെഎസ്ആർടിസിയുടെ മിന്നൽ ബസ് സർവ്വീസുകൾ. എന്തുകൊണ്ടാണ് മിന്നൽ സർവ്വീസിലെ ചില യാത്രക്കാർ പരാതികൾ ഉന്നയിക്കുന്നത്? അതിനുള്ള കാര്യം അറിയുന്നതിനു മുൻപായി എന്താണ് മിന്നൽ ബസ് സർവ്വീസുകൾ…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

കേരളത്തിനകത്തെ തമിഴ് പറയുന്ന ഗ്രാമമായ ‘വട്ടവട’യിലേക്ക്

വിവരണം – സന്ധ്യ ജലേഷ്. മലഞ്ചെരുവുകളെ തഴുകി വരുന്ന കാറ്റേറ്റ് സ്‌ട്രോബറിയും, ആപ്പിളും, കാരറ്റും, കാബേജും, ക്വാളിഫ്‌ലവറും, ഉള്ളിയും, ഉരുളക്കിഴങ്ങും, വെളുത്തുള്ളിയും വിളഞ്ഞു നില്‍ക്കുന്ന തോട്ടങ്ങളും, അലഞ്ഞുതിരിഞ്ഞു നടക്കുന്ന കോവര്‍ കഴുതകളും, തീപ്പെട്ടികൂടുപോലെ നിറമുള്ള വീടുകളും, ചെങ്കുത്തായ മലനിരകള്‍ക്കു നടുവില്‍ ജ്യാമിതീയ…
View Post

ചുരുങ്ങിയ ചിലവിൽ 14 സ്ഥലങ്ങളിലേക്ക് ഒരു ഫാമിലി ട്രിപ്പ്

വിവരണം – Karrim Choori. 2019 ഓഗസ്റ്റ് 24 നല്ല ഇടിയും മഴയുള്ള രാത്രി ആയിരുന്നു അത്. 9 മണിക്ക് ഞാനും എന്റെ രണ്ട് മക്കളും, പെങ്ങളെ രണ്ടു കുട്ടികളും, ടോട്ടൽ ആറുപേർ Ritz കാറിൽ നാളെ ഉച്ചവരെയുള്ള ഫുഡ് ഒക്കെ…
View Post