മഴയും തണുപ്പും ആസ്വദിക്കുവാൻ വടക്കൻ കേരളത്തിലെ ഈ 5 സ്ഥലങ്ങൾ

Total
4
Shares
© Sarath.

പൊതുവെ എല്ലാവർക്കും മഴയും തണുപ്പും ഒക്കെ ഇഷ്ടമായിരിക്കും. മഴ എന്നു പറയുമ്പോൾ പ്രളയം വന്നതു പോലത്തെ പേമാരിയൊന്നും അല്ല കേട്ടോ. കാണുമ്പോൾ മനംകുളിരുന്ന, കേൾക്കുവാൻ ഇമ്പമുള്ള താളത്തോടു കൂടിയ ചെറിയ ചാറ്റൽ മഴ. മഴയെ അധികം വർണ്ണിച്ചു സമയം കളയുന്നില്ല. കാര്യത്തിലേക്ക് കടക്കാം.

മഴ പെയ്യുമ്പോൾ പൊതുവെ നമ്മളെല്ലാം യാത്രകൾ ചെയ്യുന്നത് കുറവായിരിക്കും. എവിടെയെങ്കിലും ഒതുങ്ങിക്കൂടി ഇരിക്കുവാനായിരിക്കും മിക്കവരും ആഗ്രഹിക്കുന്നത്. എന്നാൽ ഒന്നറിഞ്ഞോളൂ കേരളത്തിൽ മഴയും തണുപ്പും ആസ്വദിക്കുവാൻ പറ്റിയ ധാരാളം സ്ഥലങ്ങളുണ്ട്. അവയിൽ ചിലത് നിങ്ങൾക്കു മുന്നിൽ പരിചയപ്പെടുത്തി തരാം. ഈ ലേഖനം രണ്ടു പാർട്ടുകളായാണ് പ്രസിദ്ധീകരിക്കുന്നത്. വടക്കൻ കേരളത്തിലെ ജില്ല തിരിച്ചുള്ള സ്ഥലങ്ങളാണ് ആദ്യ ഭാഗത്തിൽ. അവ ഏതൊക്കെയെന്നു ഒന്നു നോക്കാം.

കാസർഗോഡ് – റാണിപുരം : കാസർഗോഡ് ജില്ലയിലെ പനത്തടി പഞ്ചായത്തിൽ സ്ഥിതി ചെയ്യുന്ന ഒരു ചെറിയ പ്രദേശമാണു റാണിപുരം.  കാഞ്ഞങ്ങാടിന് 48 കിലോമീറ്റർ കിഴക്കായി പാണത്തൂർ റോഡ് പാനത്തടിയിൽ പിരിയുന്ന ഇടത്തു നിന്നും ഒമ്പതു കിലോമീറ്റർ അകലെയാണ് റാണിപുരത്തിന്റെ സ്ഥാനം. 1016 മീറ്റർ ഉയരത്തിലായി സ്ഥിതി ചെയ്യുന്ന റാണിപുരത്തെ വേണമെങ്കിൽ ഊട്ടിയോട് ഉപമിക്കാമെന്നാണ് അനുഭവസ്ഥർ പറയുന്നത്. ജൈവ-വിനോദസഞ്ചാരത്തിന് അനന്തസാധ്യതകളുള്ള സ്ഥലമാണ് ഇത്.  പനത്തടിയിൽ നിന്നും ജീപ്പുവഴി റാണിപുരത്തേക്ക് പോവുന്നതാണ് ഇന്ന് ഏറ്റവും എളുപ്പത്തിൽ എത്തുവാനുള്ള മാർഗ്ഗം. സോഷ്യൽ മീഡിയ വഴി പ്രശസ്തമായ ഇവിടെ താമസ സൗകര്യത്തിനായി കെ.ടി.ഡി.സിയുടെ ഗസ്റ്റ് ഹൌസുകളും ചില സ്വകാര്യ റിസോർട്ടുകളും പ്രവർത്തിക്കുന്നുണ്ട്.

കണ്ണൂർ – പൈതൽമല : കടൽ നിരപ്പിൽ നിന്ന് 4500 അടി (1,372 മീറ്റർ) ഉയരത്തിലായി 4124 ഏക്കർ പ്രദേശത്ത് വ്യാപിച്ചു കിടക്കുന്ന ഒരു കിടിലൻ സ്ഥലമാണ് പൈതൽമല. വൈതൽ മല എന്നും ഇത് അറിയപ്പെടുന്നു. ട്രെക്കിംഗ് നടത്തുന്നവർക്കും കാഴ്ചകൾ ആസ്വദിക്കുന്നവർക്കും ഈ സ്ഥലം വളരെ അനുയോജ്യമാണ്. മഴക്കാലത്ത് പൈതൽമലയ്ക്ക് ഒരു പ്രത്യേക ഭംഗിയാണ്. പക്ഷേ ഇവിടെ വില്ലനായി അട്ടകൾ ധാരാളമുണ്ട്. അതുകൊണ്ട് വരുന്നവർ അട്ടകളെ പ്രതിരോധിക്കുന്നതിനുള്ള കാര്യങ്ങൾ സജ്ജീകരിക്കുക. കണ്ണൂരിൽ നിന്നും ഏകദേശം 60 കിലോമീറ്ററോളം ദൂരമുണ്ട് കർണാടക അതിർത്തിയിൽ സ്ഥിതി ചെയ്യുന്ന പൈതൽമലയിലേക്ക്. ഇവിടേക്ക് കണ്ണൂർ, തളിപ്പറമ്പ് എന്നിവിടങ്ങളിൽ നിന്നും ബസ് സർവ്വീസുകളും ലഭ്യമാണ്.

വയനാട് – താമരശ്ശേരി ചുരം : കേരളത്തിൽ ഏറ്റവും കൂടുതൽ മഴ ലഭിക്കുന്ന പ്രദേശമായ ലക്കിടി സ്ഥിതി ചെയ്യുന്നത് വയനാട്ടിലാണ്. മഴക്കാലത്ത് വയനാട്ടിൽ ഏറ്റവും കൂടുതൽ സൗന്ദര്യം കൈവരിക്കുന്നത് ലക്കിടിയും അതിനോട് ചേർന്നു കിടക്കുന്ന താമരശ്ശേരി ചുരവുമാണ്. താമരശ്ശേരി ചുരം സ്ഥിതി ചെയ്യുന്നത് കോഴിക്കോട് ജില്ലയിലാണെങ്കിലും അറിയപ്പെടുന്നത് വയനാടൻ ചുരമെന്നാണല്ലോ. പക്ഷേ ഭയങ്കര മഴയുള്ള സമയത്ത് താമരശ്ശേരി ചുരത്തിലൂടെയുള്ള യാത്ര ഒഴിവാക്കേണ്ടതാണ്.

കോഴിക്കോട് – കക്കാടംപൊയിൽ : കോഴിക്കോട് – മലപ്പുറം ജില്ലകളുടെ അതിർത്തിയിൽ സ്ഥിതി ചെയ്യുന്ന കക്കാടംപൊയിൽ ചെറിയ മഴക്കാലത്ത് സന്ദർശിക്കുവാൻ പറ്റിയ സ്ഥലമാണ്. ഇവിടെ സ്ഥിതി ചെയ്യുന്ന കോഴിപ്പാറ വെള്ളച്ചാട്ടം സഞ്ചാരികൾക്കിടയിൽ പ്രശസ്തമാണ്. വേനലിലും തണുത്ത കാലാവസ്ഥയാണ് ഇവിടെ അനുഭവപ്പെടുന്നത്. നിലമ്പൂരിൽ നിന്നും അകമ്പാടം വഴി മൂലേപ്പാടം പാലം കടന്ന് കക്കാടം പൊയിലിൽ എത്താം. കോഴിക്കോട്ട് നിന്നും വരുന്നവർക്ക് മുക്കം കാരമ്മൂല കൂടരഞ്ഞിവഴിയും എത്താം.രണ്ട് വഴിക്കും കെ എസ് ആർ ടി സി ബസ് സർവീസ് ഉണ്ട്. അവിടുന്ന് 3 കിലോമീറ്ററോളം നായാടമ്പൊയിൽ വഴിയിൽ പോകുമ്പോൾ കോഴിപ്പാറ വെള്ളച്ചാട്ടത്തിനടുത്തേത്താം.

മലപ്പുറം – കൊടികുത്തിമല : മലപ്പുറം ജില്ലയിൽ പെരിന്തൽമണ്ണയ്ക്ക് സമീപം സ്ഥിതി ചെയ്യുന്ന ഒരു മനോഹര സ്ഥലമാണ് കൊടികുത്തിമല. സമുദ്രനിരപ്പിൽ നിന്ന് 522 മീറ്റർ ഉയരമുള്ള  കൊടികുത്തിമലയെ മലപ്പുറം ജില്ലയുടെ ഊട്ടി എന്നും വിളിക്കാറുണ്ട്. കാലാവസ്ഥ അടിക്കടി മാറിവരുന്ന ഇവിടെ നിന്നാൽ മലപ്പുറത്തിന്റെയും പെരിന്തൽമണ്ണയുടെയും പ്രകൃതിരമണീയത ആസ്വദിക്കാം. ബാക്കിയുള്ള ജില്ലകളിലെ സ്ഥലങ്ങളുടെ വിവരങ്ങൾ അടുത്ത ഭാഗത്തിൽ വായിക്കാം.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

കേരളത്തിൽ റോഡ് ട്രിപ്പിനു പറ്റിയ അഞ്ച് മനോഹര റൂട്ടുകൾ…

യാത്രകൾ പല തരത്തിൽ ആസ്വദിക്കുന്നവരുണ്ട്. ചിലർ സ്ഥലങ്ങലും കാഴ്ചകളും ഒക്കെ കണ്ട് ആസ്വദിക്കും, ചിലർ ഓരോ സ്ഥലത്തെയും ഭക്ഷണങ്ങൾ രുചിച്ച് ആസ്വദിക്കും, ചിലർ കൂട്ടുകാരും കുടുംബവുമൊക്കെയായിട്ട് ഒരു അടിച്ചുപൊളി മൂഡിലായിരിക്കും യാത്ര പോകുന്നത്. മറ്റു ചിലരാകട്ടെ ഡ്രൈവിംഗ് ആയിരിക്കും ഇഷ്ടപ്പെടുക. ഇത്തരത്തിൽ…
View Post

കണ്ണൂർ ജില്ലയിൽ ഫാമിലി ട്രിപ്പ് പോകുവാൻ പറ്റിയ അഞ്ച് സ്ഥലങ്ങൾ

കേരളത്തിലെ വടക്കേയറ്റത്ത് സ്ഥിതി ചെയ്യുന്ന ഒരു ജില്ലയാണ് കണ്ണൂർ. കണ്ണൂർ പട്ടണത്തിന്റെ ആധുനിക ചരിത്രം തുടങ്ങുന്നത് പോർച്ചുഗീസുകാർ മലബാറിൽ പ്രവേശിച്ചതോടുകൂടിയാണ്. പ്രശസ്ത നാടൻ കലാരൂപമായ തെയ്യം കളിയാടുന്നത് കണ്ണൂർ ജില്ലയിലാണ്. തെയ്യം കാണണമെങ്കിൽ ഇവിടേക്ക് തന്നെ വരണം. തെയ്യവും സര്‍ക്കസും ക്രിക്കറ്റും…
View Post

മൂന്നാറിൽ ഫാമിലിയായിട്ട് തങ്ങുവാൻ പറ്റിയ കിടിലൻ സ്ഥലങ്ങൾ

മലയാളികൾ ടൂർ പോകുവാൻ പ്ലാൻ ചെയ്യുമ്പോൾ ആദ്യത്തെ ലിസ്റ്റിൽ വരുന്ന ഒരു സ്ഥലമാണ് മൂന്നാർ. എന്തുകൊണ്ടാണ് മൂന്നാർ എല്ലാവർക്കും ഇത്ര പ്രിയങ്കരമായത് എന്ന ചോദ്യത്തിന് ഇന്ന് വലിയ പ്രസക്തി ഉണ്ടെന്നു തോന്നുന്നില്ല. ഒറ്റവാക്കിൽ പറഞ്ഞാൽ മൂന്നാർ പച്ചപട്ടുടുത്ത ഒരു തണുത്ത സുന്ദരിയാണ്.…
View Post

തൃശ്ശൂരിൽ നിന്നും ഒരു ദിവസം കൊണ്ട് പോയി വരാവുന്ന ടൂറിസ്റ്റു കേന്ദ്രങ്ങൾ

കേരളത്തിന്റെ സാംസ്കാരിക തലസ്ഥാനമായ, പൂരങ്ങളുടെ നാടായ തൃശ്ശൂരിലും പരിസരപ്രദേശങ്ങളിലുമായി ഒത്തിരി വിനോദസഞ്ചാരന്ദ്രങ്ങളുണ്ട്. തൃശ്ശൂരിൽ നിന്നും ഒരു ദിവസംകൊണ്ട് പോയി വരാവുന്ന വിനോദസഞ്ചാര കേന്ദ്രങ്ങൾ ഏതൊക്കെയെന്നു നിങ്ങൾക്കറിയാമോ? കൺഫ്യൂഷൻ ഉണ്ടെങ്കിൽ ചിലത് ഞങ്ങൾ പറഞു തരാം. 1. നെല്ലിയാമ്പതി – തൃശ്ശൂരിന്റെ അയൽജില്ലയായ…
View Post

എന്താണ് ദുബായ് എക്സ്പോ? അവിടെ എന്തൊക്കെ കാണാം? ആകർഷണങ്ങൾ…

ഇപ്പോൾ മാധ്യമങ്ങളിലും സോഷ്യൽ മീഡിയകളിലും, പിന്നെ പ്രവാസി സുഹൃത്തുക്കൾക്കിടയിലും സംസാരവിഷയമായിരിക്കുന്ന ഒന്നാണ് ദുബായ് എക്സ്പോ. എന്താണ് ഈ ദുബായ് എക്സ്പോ എന്ന് ശരിക്കും അറിയാത്ത ചിലരെങ്കിലും നമുക്കിടയിലുണ്ടാകും. അവർക്കായി ദുബായ് എക്സ്പോയുടെ വിശേഷങ്ങൾ പങ്കുവെയ്ക്കാം. ബ്യൂറോ ഒഫ് ഇന്റർനാഷണൽ എക്സ്പോസിഷൻസിന്റെ മേൽനോട്ടത്തിൽ…
View Post

കോഴിക്കോട് നിന്നും വൺ ഡേ ട്രിപ്പ് പോകാൻ പറ്റിയ അഞ്ച് സ്ഥലങ്ങൾ…

കേരളത്തിൽ ഏറ്റവും കൂടുതൽ സഞ്ചാരികൾ വസിക്കുന്നത് മലബാർ മേഖലകളിലാണ്. സോഷ്യൽ മീഡിയയിലെ ട്രാവൽ ഗ്രൂപ്പുകളിൽ നിറഞ്ഞ സാന്നിധ്യത്തോടെയാണ് ഇവരുടെ മുന്നേറ്റം. ഇവരിൽ കൂടുതൽപേരും മലപ്പുറം, കോഴിക്കോട് ജില്ലകളിൽ നിന്നുള്ളവരാണ്. അതുകൊണ്ട് ഇത്തവണ സ്വൽപ്പം വടക്കൻ വിശേഷങ്ങളാണ് നിങ്ങള്ക്ക് മുന്നിൽ പങ്കുവെയ്ക്കാൻ പോകുന്നത്.…
View Post

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post