മൊറോക്കോയിലെ ഇന്ത്യൻ എംബസിയിലേക്ക് ഒരു ഡ്രൈവ്

Total
1
Shares

മൊറോക്കോയിൽ ലോക്ക്ഡൗൺ തീവ്രത നന്നേ കുറഞ്ഞപ്പോൾ സുനീർ ഭായിയുടെ അപ്പാർട്മെന്റിലെ വാസത്തിനു ശേഷം ഞങ്ങൾ പതിയെ പുറത്തേക്ക് ഇറങ്ങി. തലസ്ഥാന നഗരമായ റബാത്തിൽ സ്ഥിതി ചെയ്യുന്ന ഇന്ത്യൻ എംബസിയിലേക്കായിരുന്നു ഞങ്ങളുടെ യാത്ര. മൊറോക്കോയിൽ എത്തിയിട്ട് ഇത്രയും നാളായില്ലേ? വിമാന സർവ്വീസുകളൊന്നും ഉടനെ ആരംഭിക്കുന്ന ലക്ഷണവും കാണുന്നില്ല. അപ്പോൾ പിന്നെ നാട്ടിലേക്ക് മടങ്ങുവാൻ ഇന്ത്യൻ എംബസി തന്നെയാണ് ശരണം.

കഴിഞ്ഞ ദിവസം കേന്ദ്ര വിദേശകാര്യ സഹമന്ത്രിയും മലയാളിയുമായ വി മുരളീധരൻ മൊറോക്കോയിൽ കുടുങ്ങിക്കിടക്കുന്ന ഇന്ത്യക്കാരുടെ കാര്യം പരാമർശിച്ചപ്പോൾ ഞങ്ങളുടെ പേരും കൂടി എടുത്തു പറഞ്ഞിരുന്നു. അങ്ങനെയാണ് ഞങ്ങൾക്ക് മടക്കയാത്ര സാധ്യമാകുമെന്ന് ഒരു പ്രതീക്ഷ കൈവന്നത്. അങ്ങനെ ഞാനും ബൈജു ചേട്ടനും സുനീർ ഭായിയും കൂടി കാറിൽ റബാത്തിലേക്ക് യാത്രയായി. സുനീർ ഭായിയുടെ കാർ ഞാനായിരുന്നു ഓടിച്ചിരുന്നത്.

മുഹമ്മദീയ എന്ന സ്ഥലത്തായിരുന്നു ഞങ്ങളുടെ താമസം. അവിടെ നിന്നും റബാത്തിലേക്ക് ഏകദേശം 70 കിലോമീറ്ററോളം ഉണ്ടായിരുന്നു. വഴിയിൽ അങ്ങിങ്ങായി പോലീസ് ചെക്കിംഗുകൾ ഉണ്ടായിരുന്നുവെങ്കിലും വാഹനങ്ങൾ കുറവായിരുന്നതിനാൽ ഞങ്ങൾക്ക് എളുപ്പത്തിൽ സഞ്ചരിക്കുവാൻ സാധിച്ചിരുന്നു. അവിടത്തെ മോട്ടോർ വേ എന്നറിയപ്പെടുന്ന എക്സ്പ്രസ്സ് ഹൈവേയിലൂടെ ഞങ്ങൾ റബാത്ത് ലക്ഷ്യമാക്കി കുതിച്ചു പാഞ്ഞു. 120 കിലോമീറ്റർ ആയിരുന്നു ആ മോട്ടോർ വേയിലെ സ്പീഡ് ലിമിറ്റ്.

മൊറോക്കോയിൽ കാലവർഷം കുടപിടിച്ചു തുടങ്ങിയ കാലമായിരുന്നതിനാൽ അത്യാവശ്യം നല്ല മഴയും ആ സമയത്ത് ഉണ്ടായിരുന്നു. മോട്ടോർ വേയിലൂടെ വാഹനമോടിക്കുമ്പോൾ കിട്ടുന്ന ആ ഒരു സുഖമുണ്ടല്ലോ.. ആഹാ… യാതൊരു ബുദ്ധിമുട്ടും കൂടാതെ, ഇടയിൽ ഹോൺ മുഴക്കേണ്ടി വരാതെ, ടോപ് ഗിയറിൽ തന്നെ… ഇത്തരത്തിലുള്ള മോട്ടോർ വേകൾ നമ്മുടെ നാട്ടിലും വരേണ്ടിയിരിക്കുന്നു.

യാത്രയ്ക്കിടയിൽ ഞങ്ങൾ പല കാര്യങ്ങളെക്കുറിച്ചും ചർച്ച ചെയ്തുകൊണ്ടിരുന്നു. സുനീർ ഭായിയുടെ വിശേഷങ്ങൾ പങ്കുവെച്ചുകൊണ്ട് കഴിഞ്ഞ ദിവസങ്ങളിൽ വീഡിയോ ഇട്ടിരുന്നതിനാൽ സുനീർ ഭായിയെ ധാരാളം ആളുകൾ ഇൻസ്റ്റാഗ്രാമിൽ ഫോളോ ചെയ്യുവാൻ തുടങ്ങി. പലരും ജോലി ആവശ്യങ്ങൾക്കും മറ്റുമായി സുനീർ ഭായിയെ കോൺടാക്ട് ചെയ്യുവാനും ബയോഡാറ്റകൾ അയയ്ക്കുവാനും തുടങ്ങി. തനിക്ക് പറ്റുന്ന രീതിയിൽ അവരെ സഹായിക്കുമെന്ന് സുനീർ ഭായി ഉറപ്പു പറയുകയുമുണ്ടായി. അദ്ദേഹത്തിൻ്റെ ആ നല്ല മനസ്സ് കഴിഞ്ഞ രണ്ടു മാസത്തോളമായി ഞങ്ങൾ അവിടെ അനുഭവിച്ചു വരികയായിരുന്നു. ഞാൻ കണ്ടിട്ടുള്ള നല്ല വ്യക്തിത്വങ്ങളിൽ ഒരാളാണ് നമ്മുടെ സുനീർ ഭായി.

അങ്ങനെ 72 കി.മി ദൂരം 40 മിനിറ്റുകൊണ്ട് എക്സ്പ്രസ്സ് ഹൈവേയിലൂടെ വണ്ടി ഓടിച്ച് ഞങ്ങൾ റബാത്തിലെ ഇന്ത്യൻ എംബസിയിൽ എത്തിച്ചേർന്നു. മൊറോക്കോയിലെ ഇന്ത്യൻ അംബാസിഡർ ഒരു മലയാളി ആയിരുന്നു. ജീവിതത്തിൽ ആദ്യമായിട്ടായിരുന്നു ഞാൻ ഒരു ഇന്ത്യൻ എംബസിയിൽ പോകുന്നത്. ഇന്ത്യൻ അംബാസിഡർ ആയിരുന്ന സാർ ഞങ്ങൾ ചെളളുമ്പോൾ അവിടെയുണ്ടായിരുന്നില്ല. എങ്കിലും ഞങ്ങൾ അവിടെയുണ്ടായിരുന്ന ഉദ്യോഗസ്ഥരുമായി സംസാരിക്കുകയും മടക്കയാത്ര ഉടൻ സാധ്യമാകുമെന്ന് അവർ ഉറപ്പു നൽകുകയും ചെയ്തു.

കുറച്ചു സമയം അവിടെ ചെലവഴിച്ചതിനു ശേഷം ഞങ്ങൾ തിരികെ യാത്രയായി. മടക്കയാത്രയിൽ കാറിന്റെ നിയന്ത്രണം ഏറ്റെടുത്തത് ബൈജു ചേട്ടൻ ആയിരുന്നു. യാത്രയിൽ മഴ ഇടയ്ക്കിടെ വന്നുപൊയ്‌ക്കൊണ്ടിരുന്നു. അങ്ങനെ ഞങ്ങൾ മുഹമ്മദീയ ലക്ഷ്യമാക്കി യാത്രയായി.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post

സ്‌കോഡ ‘കുശാഖ്’ പുറത്തിറങ്ങി; വില 10.49 ലക്ഷം മുതൽ

വാഹനപ്രേമികളുടെ കാത്തിരിപ്പിന് വിരാമമായി സ്‌കോഡ കുശാഖ് ഇന്ത്യയില്‍ അവതരിപ്പിച്ചു. സ്‌കോഡ-ഫോക്‌സ്‌വാഗണ്‍ കൂട്ടുക്കെട്ടില്‍ വികസിപ്പിച്ചിട്ടുള്ള MQB-AO-IN പ്ലാറ്റ്‌ഫോമില്‍ ആദ്യമായി ഒരുങ്ങുന്ന സ്‌കോഡ വാഹനമാണ് കുഷാക്ക്. 4225 എം.എം. നീളവും 1760 എം.എം. വീതിയും 1612 എം.എം. ഉയരവും 2651 എം.എം. വീല്‍ബേസും 188…
View Post

ഒരു കെഎസ്ആർടിസി ബസ് മുഴുവനും ബുക്ക് ചെയ്ത് ഞങ്ങളുടെ കോളേജ് ടൂർ…

നിങ്ങളുടെ ജീവിതത്തിൽ ഏറ്റവും കൂടുതൽ സന്തോഷിച്ചിട്ടുള്ള, മറക്കാനാവാത്ത നിമിഷങ്ങൾ എപ്പോഴായിരിക്കും? കോളേജ് ദിനങ്ങൾ എന്നായിരിക്കും ഭൂരിഭാഗം ആളുകളുടെയും ഉത്തരം. അതെ എൻ്റെ ജീവിതത്തിലെയും മറക്കാനാവാത്ത നിമിഷങ്ങൾ സമ്മാനിച്ചത് എൻ്റെ കലാലയ ജീവിതമായിരുന്നു. ബെംഗളൂരുവിലെ ന്യൂ ഹൊറൈസൺ കോളേജിൽ ആയിരുന്നു എൻ്റെ ബി.ടെക്.…
View Post

മലപ്പുറത്ത് 10 ലക്ഷം രൂപയ്ക്ക് പണി കഴിപ്പിച്ച 1300 Sqft വീട്

ഏതൊരു വ്യക്തിയുടെയും സ്വപ്നമാണ് സ്വന്തമായി ഒരു വീട് എന്നത്. ഇക്കാലത്ത് ഒരു നല്ല വീട് വെക്കണമെങ്കിൽ എത്ര രൂപ ചെലവാകും? 20, 30, 35 അങ്ങനെ പോകും ലക്ഷങ്ങൾ. എന്നാൽ ഇതൊന്നുമല്ലാതെ ചുരുങ്ങിയ തുകയ്ക്ക് മനോഹരമായ വീട് പണിത് താമസിക്കുന്നവരും നമുക്കിടയിലുണ്ട്.…
View Post

തിരുവനന്തപുരത്തെ അധികമാരും അറിയാത്ത മനോഹര സ്ഥലങ്ങള്‍…

കേരളത്തിന്റെ തലസ്ഥാന നഗരിയായ തിരുവനന്തപുരത്തേക്കുറിച്ച് അധികം വിശേഷണത്തിന്റെ ആവശ്യമില്ല. ‘ട്രിവാന്‍ട്രം’ എന്ന് വിദേശികള്‍ വിളിക്കുന്ന തിരുവനന്തപുരത്ത് വന്നാല്‍ കണ്ടിരിക്കേണ്ടതും അധികമാരും അറിയാത്തതുമായ ചില സ്ഥലങ്ങളെ പരിചയപ്പെടുത്തുകയാണ് ഇവിടെ. മങ്കയം വെള്ളച്ചാട്ടം – തിരുവനന്തപുരത്ത് പാലോടിനു സമീപമാണ് ഹൃദയഹാരിയായ മങ്കയം വെള്ളച്ചാട്ടം. സംസ്ഥാന…
View Post

ബെംഗളൂരു നഗരത്തിനുള്ളിൽ നിങ്ങൾ കണ്ടിരിക്കേണ്ട 15 സ്ഥലങ്ങൾ..

ബെംഗളൂരു ഇന്ത്യയിലെ വലിയ മെട്രോ നഗരങ്ങളിൽ ഒന്നാണ്. അതുകൊണ്ടു തന്നെ ഇവിടെ കാഴ്ചകളും ധാരാളമുണ്ട്. ബെംഗളുരുവിലേക്ക് വരുന്നവർക്ക് സന്ദർശിക്കാവുന്ന 15 സ്ഥലങ്ങളെയാണ് ഈ ലേഖനത്തിലൂടെ പരിചയപ്പെടുത്തുവാൻ പോകുന്നത്. 1 ടിപ്പു സുൽത്താൻ സമ്മർ പാലസ് : ബെംഗളൂരുവിലെ കെആർ മാർക്കറ്റിനു സമീപമാണ്…
View Post

വയനാട്ടിൽ സെലിബ്രിറ്റികൾ ഏറ്റവുമധികം സന്ദർശിക്കുന്ന ഒരു റെസ്റ്റോറന്റ്…!!

വയനാട്ടിലേക്ക് യാത്രകൾ ചെയ്യുന്ന സഞ്ചാരികൾ ഏറെയാണ്. ഫാമിലിയായും കൂട്ടുകാരുമായും ഒക്കെ അടിച്ചുപൊളിക്കാൻ പറ്റിയ ഒരു സ്ഥലം തന്നെയാണ് വയനാട് എന്നതിൽ ആർക്കും തർക്കമുണ്ടാകില്ല. പലതവണ വയനാട് പോയിട്ടുണ്ടെങ്കിലും കുറച്ചുനാൾ മുൻപ് ഞാൻ നടത്തിയ വയനാട് യാത്രയാണ് എൻ്റെ മനസ്സിൽ ഇന്നും മായാതെ…
View Post

തിരുവനന്തപുരത്തു നിന്നും ഒരു മണിക്കൂര്‍ കൊണ്ട് കാണാം ഈ വെള്ളച്ചാട്ടങ്ങള്‍…

മനസ്സു കുളിര്‍പ്പിക്കാന്‍ ഏതെങ്കിലും സ്ഥലങ്ങളിലേക്ക് യാത്ര പോകുവാന്‍ പ്ലാന്‍ ചെയ്യുന്നവരാണ് പലരും. അങ്ങനെയെങ്കില്‍ അധികമാരും അറിയാത്ത… തിരുവനന്തപുരത്തു നിന്നും ഒരു മണിക്കൂര്‍ മാത്രം യാത്രയുള്ള ഈ വെള്ളച്ചാട്ടങ്ങള്‍ ഒന്ന് സന്ദര്‍ശിച്ചാലോ? തൃപ്പരപ്പ് വെള്ളച്ചാട്ടം : തിരുവനന്തപുരത്തു നിന്നും 55 കിലോമീറ്റര്‍ മാത്രം…
View Post

ലണ്ടനിൽ നിന്നും ഇന്ത്യയിലെ കൽക്കട്ടയിലേക്ക് ഒരു ബസ് സർവ്വീസ്

ലോകത്തിലെ ഏറ്റവും നീളമുള്ള ബസ് റൂട്ട് ഏതായിരിക്കും? ഇപ്പോൾ സർവ്വീസ് നടത്തുന്നില്ലെങ്കിലും, ഇംഗ്ലണ്ടിലെ ലണ്ടനിൽ നിന്നും നമ്മുടെ ഇന്ത്യയിലെ കൽക്കട്ടയിലേക്ക് ഉണ്ടായിരുന്ന ബസ് സർവ്വീസ് ആണ് ലോകത്തിലെ ഏറ്റവും ദൈർഘ്യമേറിയ ബസ് റൂട്ടായി കണക്കാക്കപ്പെടുന്നത്. 1957 ലാണ് ലണ്ടൻ – കൽക്കട്ട…
View Post