തിരക്കുകളിൽ നിന്നും മാറി ഒരു അവധി ദിനം ചെലവഴിക്കാൻ തേക്കടിയ്ക്കടുത്തുള്ള ഒരു റിസോർട്ട്

Total
76
Shares

മദാമ്മക്കുളത്തിനടുത്തുള്ള വ്യൂ പോയിന്റിൽ നിന്നും ഞങ്ങൾ കട്ടപ്പന ഭാഗത്തേക്ക് നീങ്ങി. ഇടുക്കി ജില്ലയിൽ തേക്കടിക്ക് സമീപം വണ്ടൻമേട് എന്ന സ്ഥലത്തുള്ള സ്‌പൈസസ് ലാപ് പ്ലാന്റേഷൻ റിസോർട്ടിലേക്ക് ആയിരുന്നു ഞങ്ങളുടെ യാത്ര. നേരത്തെ വന്ന ഓഫ്‌റോഡ് വഴിയെല്ലാം പിന്നിട്ടു ഞങ്ങൾ തിരികെ ആൾത്താമസമുള്ള ഏരിയയിൽ എത്തിച്ചേർന്നു.

മെയിൻ റോഡിൽ നിന്നും വ്യത്യസ്തമായ, തേയിലത്തോട്ടങ്ങൾക്കിടയിലൂടെയുള്ള വഴികളിലൂടെയായിരുന്നു ഞങ്ങളുടെ യാത്ര. അങ്ങനെ വീടും മെയിൻ റോഡിൽ കയറി ഏലപ്പാറയൊക്കെ പിന്നിട്ട് ഞങ്ങൾ വണ്ടന്മേട്ടിലെ സ്‌പൈസസ് ലാപ് പ്ലാന്റേഷൻ റിസോർട്ടിൽ എത്തിച്ചേർന്നു. റിസോർട്ടിൽ എത്തിയപ്പോൾ അവിടെ ഞങ്ങളെ വരവേൽക്കാൻ ജീവനക്കാർ നിൽക്കുന്നുണ്ടായിരുന്നു. ഒപ്പം വെൽക്കം ഡ്രിങ്ക് ആയി ബദാം മിൽക്ക് ഒക്കെ ലഭിച്ചു.

സ്വീകരണത്തിനു ശേഷം റിസോർട്ട് മാനേജർ വിനയ് ഞങ്ങളെ റിസോർട്ട് മൊത്തം കാണിക്കുവാനായി കൂട്ടിക്കൊണ്ടു പോയി. തട്ടു തട്ടുകളായിട്ടുള്ള ഭൂപ്രദേശത്താണ് സ്‌പൈസസ് ലാപ് പ്ലാന്റേഷൻ റിസോർട്ട് പണിതിരിക്കുന്നത്. പഴയകാലത്തെ വീടുകളുടെ രൂപത്തിലാണ് അവിടത്തെ ഹെറിറ്റേജ് വില്ല എന്ന കോട്ടേജ് നിർമ്മിച്ചിരിക്കുന്നത്. ഭൂരിഭാഗവും തടി കൊണ്ട് നിർമ്മിച്ച ആ കോട്ടേജുകളിലെ താമസം വളരെ വ്യത്യസ്തമായ അനുഭവമായിരിക്കും. ശരിക്കും പഴയകാലത്തെ ഒരു വീട് പൊളിച്ചു കൊണ്ടുവന്നു ഇവിടെ അതേപടി പുനരാവിഷ്കരിച്ചിരിക്കുകയാണ്.

പഴയ വീടുകൾ പോലുള്ള കോട്ടേജുകൾ കൂടാതെ ചൈനീസ് മോഡൽ, ജക്കൂസി വില്ല, ട്രീ ഹൗസ് തുടങ്ങിയവ കൂടി അവിടെയുണ്ട്.
ഹണിമൂൺ കപ്പിൾസിന് സ്വസ്ഥമായി ചെലവഴിക്കുവാൻ പറ്റിയ ഒരു സ്ഥലമാണിത്. കോട്ടേജുകളെല്ലാം ചുറ്റിക്കറങ്ങി അവസാനം ഞങ്ങൾ ഗാർഡൻ വില്ല എന്ന കോട്ടേജ് താമസിക്കുവാനായി തിരഞ്ഞെടുത്തു. കിടിലൻ വ്യൂവും തൊട്ടരികിൽ സ്വിമ്മിംഗ് പൂളും ആയിരുന്നു ഗാർഡൻ വില്ലയുടെ പ്രത്യേകത.

റൂമിൽ കയറി കുറച്ചു സമയം വിശ്രമിച്ചതിനു ശേഷം ഞങ്ങൾ കുളിക്കുവാനായി സ്വിമ്മിംഗ് പൂളിലേക്ക് ഇറങ്ങി. നല്ല തണുത്ത അന്തരീക്ഷം ആയിരുന്നതിനാൽ പൂളിലെ വെള്ളത്തിനും ഐസ് തണുപ്പായിരുന്നു ഞങ്ങൾ പ്രതീക്ഷിച്ചത്. എന്നാൽ വിചാരിച്ചത്ര തണുപ്പ് പൂളിലെ വെള്ളത്തിനു ഉണ്ടായിരുന്നില്ല. ഞാനും അഭിയും പൂളിൽ നീന്തിതുടിച്ചും കളിച്ചുമൊക്കെ സമയം കളഞ്ഞു.

തേക്കടിയിൽ നിന്നും ഏകദേശം 25 കിലോമീറ്റർ മാറിയാണ് സ്‌പൈസസ് ലാപ് പ്ലാന്റേഷൻ റിസോർട്ട് സ്ഥിതി ചെയ്യുന്നത്. അതുകൊണ്ട് കുമളി, തേക്കടി തുടങ്ങിയ സ്ഥലത്തെ തിരക്കുകളിൽ നിന്നും ഒഴിഞ്ഞുമാറി സ്വസ്ഥമായി ഇരിക്കാവുന്ന ഒരു സ്ഥലമാണിത്. കൂടാതെ ഇവിടെ താമസിക്കുന്നവർക്ക് തേക്കടിയിലെ ബോട്ടിംഗിനും മറ്റുമൊക്കെ എളുപ്പത്തിൽ പോയിവരാനും പറ്റും.

പൂളിലെ കുളിയ്ക്ക് ശേഷം ഞങ്ങൾ ഒരു ആയുർവേദിക് മസ്സാജ് ആസ്വാദിക്കുവാനായി പോയി. മസ്സാജൊക്കെ കഴിഞ്ഞപ്പോൾ ശരീരത്തിനും മനസ്സിനും നല്ലൊരു ഉന്മേഷം കൈവരിച്ച പോലെ ഒരു ഫീൽ. അതിനു ശേഷം ഞങ്ങൾ ഡിന്നർ കഴിക്കുവാനായി റെസ്റ്റോറന്റിലേക്ക് നീങ്ങി.

അപ്പോൾ അവിടെ റെസ്റ്റോറന്റിനു തൊട്ടു പുറത്തായി റിസോർട്ട് മാനേജർ വിനയ് യുടെ നേതൃത്വത്തിൽ കിടിലൻ ഗാനമേളയും ക്യാമ്പ് ഫയറും ഒക്കെ നടക്കുകയായിരുന്നു. നല്ല പാട്ടുകളൊക്കെ ആസ്വദിച്ചു കൊണ്ട് ഗസ്റ്റുകളെല്ലാം ഡിന്നർ കഴിക്കുന്ന തിരക്കിലാണ്. ഞങ്ങളും പാട്ടുകൾ ആസ്വദിച്ചുകൊണ്ട് ഭക്ഷണം കഴിച്ചു. നല്ല യാത്രാക്ഷീണം ഉണ്ടായിരുന്നതിനാൽ ഞങ്ങൾ കിടക്കുവാനായി ഞങ്ങളുടെ കോട്ടേജിലേക്ക് നടന്നു. അപ്പോഴും അവിടെ മാനേജരുടെ പാട്ട് തകർക്കുന്നുണ്ടായിരുന്നു.

തിരക്കുകളിൽ നിന്നും മാറി ഒരു അവധി ദിനം ചെലവഴിക്കാൻ നിങ്ങൾക്ക് ധൈര്യമായി ഇവിടേക്ക് വരാം. 4000 രൂപ മുതൽ മുറികൾ ലഭ്യമാണ്. കൂടുതൽ വിവരങ്ങൾക്ക് വിളിക്കാം: 8592969697 (ടെക് ട്രാവൽ ഈറ്റ് സ്‌പെഷ്യൽ ഡിസ്‌കൗണ്ട് ചോദിച്ച് വാങ്ങാൻ മറക്കണ്ട).

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post

പ്രളയവും കോവിഡും തളർത്തി; കണ്ണീരോടെ കോട്ടയത്തെ ‘മാംഗോ മെഡോസ്’

പ്രകൃതിയെയും സസ്യജാലങ്ങളെയും ഒരേപോലെ സ്നേഹിക്കുന്നവര്‍ക്കും ആസ്വദിക്കുന്നവര്‍ക്കും വേണ്ടിയുള്ളതാണ് കോട്ടയം ജില്ലയിലെ കടുത്തുരുത്തിയ്ക്ക് സമീപമുള്ള മാംഗോ മെഡോസ് എന്ന മഹാപ്രപഞ്ചം. ലോകത്തിലെ ആദ്യത്തെ അഗ്രിക്കള്‍ച്ചറല്‍ തീംപാര്‍ക്ക് എന്ന ഖ്യാതി കേട്ട മാംഗോ മെഡോസ് ഇപ്പോൾ സങ്കടാവസ്ഥയിലാണ്. തുടരെയുണ്ടായ പ്രളയവും, പിന്നാലെ വന്ന കോവിഡും…
View Post

മോസ്‌ക്കോ എയർപോർട്ടിൽ എനിക്കുണ്ടായ അനുഭവങ്ങൾ…

ദുബായിൽ നിന്നും ലോകത്തിലെ ഏറ്റവും വലിയ യാത്രാവിമാനമായ എയർബസ് A380 യിലെ യാത്രയും ആസ്വദിച്ചു ഞങ്ങൾ മോസ്‌കോ എയർപോർട്ടിൽ ഇന്ത്യൻ സമയം 12 മണിയോടടുപ്പിച്ച് എത്തിച്ചേർന്നു. തിരക്കിൽ നിന്നും ഒഴിഞ്ഞുമാറി ഞങ്ങൾ ഇമിഗ്രെഷൻ കൗണ്ടറിലേക്ക് നീങ്ങി. കൂടെയുണ്ടായിരുന്ന സഹീർ ഭായി ഇമിഗ്രെഷൻ…
View Post

ട്രെയിൻ യാത്രകൾ – മലയാളികളും മറ്റു സംസ്ഥാനക്കാരും തമ്മിലെ വ്യത്യാസങ്ങൾ..

ട്രെയിനിൽ യാത്ര ചെയ്യാത്തവർ നമുക്കിടയിൽ കുറവായിരിക്കും. ഒരിക്കലെങ്കിലും തീവണ്ടിയിൽ കയറിയിട്ടുള്ളവരാണ് നമ്മളെല്ലാം. ചെറിയ യാത്രകളിൽ നമുക്ക് ട്രെയിനിലെ സംഭവങ്ങളും കാഴ്ചകളും ഒന്നും ശരിക്കു മനസ്സിലാക്കുവാൻ സാധിക്കില്ലെങ്കിലും ദൂരയാത്രകളിൽ ട്രെയിൻ നമുക്കൊരു വീട് തന്നെയായി മാറും. എന്നാൽ കേരളം, തമിഴ്‌നാട്, കർണാടക സംസ്ഥാനങ്ങൾ…
View Post

മൂന്നാറിൽ ഫാമിലിയായിട്ട് തങ്ങുവാൻ പറ്റിയ കിടിലൻ സ്ഥലങ്ങൾ

മലയാളികൾ ടൂർ പോകുവാൻ പ്ലാൻ ചെയ്യുമ്പോൾ ആദ്യത്തെ ലിസ്റ്റിൽ വരുന്ന ഒരു സ്ഥലമാണ് മൂന്നാർ. എന്തുകൊണ്ടാണ് മൂന്നാർ എല്ലാവർക്കും ഇത്ര പ്രിയങ്കരമായത് എന്ന ചോദ്യത്തിന് ഇന്ന് വലിയ പ്രസക്തി ഉണ്ടെന്നു തോന്നുന്നില്ല. ഒറ്റവാക്കിൽ പറഞ്ഞാൽ മൂന്നാർ പച്ചപട്ടുടുത്ത ഒരു തണുത്ത സുന്ദരിയാണ്.…
View Post

കണ്ണൂർ ജില്ലയിൽ ഫാമിലി ട്രിപ്പ് പോകുവാൻ പറ്റിയ അഞ്ച് സ്ഥലങ്ങൾ

കേരളത്തിലെ വടക്കേയറ്റത്ത് സ്ഥിതി ചെയ്യുന്ന ഒരു ജില്ലയാണ് കണ്ണൂർ. കണ്ണൂർ പട്ടണത്തിന്റെ ആധുനിക ചരിത്രം തുടങ്ങുന്നത് പോർച്ചുഗീസുകാർ മലബാറിൽ പ്രവേശിച്ചതോടുകൂടിയാണ്. പ്രശസ്ത നാടൻ കലാരൂപമായ തെയ്യം കളിയാടുന്നത് കണ്ണൂർ ജില്ലയിലാണ്. തെയ്യം കാണണമെങ്കിൽ ഇവിടേക്ക് തന്നെ വരണം. തെയ്യവും സര്‍ക്കസും ക്രിക്കറ്റും…
View Post

ബെംഗളൂരു നഗരത്തിനുള്ളിൽ നിങ്ങൾ കണ്ടിരിക്കേണ്ട 15 സ്ഥലങ്ങൾ..

ബെംഗളൂരു ഇന്ത്യയിലെ വലിയ മെട്രോ നഗരങ്ങളിൽ ഒന്നാണ്. അതുകൊണ്ടു തന്നെ ഇവിടെ കാഴ്ചകളും ധാരാളമുണ്ട്. ബെംഗളുരുവിലേക്ക് വരുന്നവർക്ക് സന്ദർശിക്കാവുന്ന 15 സ്ഥലങ്ങളെയാണ് ഈ ലേഖനത്തിലൂടെ പരിചയപ്പെടുത്തുവാൻ പോകുന്നത്. 1 ടിപ്പു സുൽത്താൻ സമ്മർ പാലസ് : ബെംഗളൂരുവിലെ കെആർ മാർക്കറ്റിനു സമീപമാണ്…
View Post