അബുദാബിയിലെ ഫെരാരി വേൾഡും ഷെയ്ക്ക് സയീദ് ഗ്രാൻഡ് മോസ്‌കും

Total
0
Shares

ദുബായിലെ ഡെസേർട്ട് സഫാരിയും, കിടിലൻ ബെല്ലി ഡാൻസും, അറേബ്യൻ ഫുഡുമൊക്കെ ആസ്വദിച്ചതിനു ശേഷം പിറ്റേന്ന് ഞങ്ങൾ അബുദാബിയിലേക്ക് ആയിരുന്നു പോകുവാൻ തയ്യാറായത്. യു.എ.ഇ രാജ്യത്തിന്റെ ഏഴ് അംഗരാഷ്ട്രങ്ങളിലൊന്നാണു അബുദാബി എമിറേറ്റ്. ദുബായിൽ നിന്നും അബുദാബിയിലേക്ക് റോഡ് മാർഗ്ഗം പോകാവുന്നതാണ്. ഇതൊന്നും ആർക്കും പ്രത്യേകിച്ച് പറഞ്ഞു തരേണ്ട കാര്യമില്ലല്ലോ. മലയാളി പ്രവാസികളിൽ നല്ലൊരു ശതമാനം അബുദാബിയിലും ഉണ്ട്.

അങ്ങനെ രാവിലെ തന്നെ ഞങ്ങൾ അബുദാബിയിലേക്കുള്ള യാത്രയാരംഭിച്ചു. ദെയ്‌റ ട്രാവൽസ് ആയിരുന്നു ഞങ്ങളുടെ ഈ അബുദാബി ട്രിപ്പ് സ്പോൺസർ ചെയ്തത്. ദെയ്‌റ ട്രാവൽസിലെ മലയാളിയായ വിവേകും ഞങ്ങളുടെ കൂടെ ഉണ്ടായിരുന്നു. മലപ്പുറം സ്വദേശിയായ അഷ്‌റഫ് ആയിരുന്നു ഞങ്ങളുടെ കാറിന്റെ സാരഥി. ദുബായിൽ നിന്നും ഏകദേശം 150 കിലോമീറ്റർ ദൂരമുണ്ട് അബുദാബിയ്ക്ക്. ഏകദേശം ഒന്നര മണിക്കൂറിനുള്ളിൽ അവിടെയെത്താം എന്ന് അഷ്‌റഫ് പറഞ്ഞു.

കിടിലൻ ദുബായ് കാഴ്ചകൾ ആസ്വദിച്ചുകൊണ്ട് ഞങ്ങൾ യാത്ര തുടർന്നു. ഷാർജയിലേക്ക് പോകുന്ന ഡബിൾ ഡക്കർ ബസ്സുകൾ, നീളം കൂടിയ കാറുകളായ ലിമോസിനുകൾ, വിവിധ വാഹനങ്ങളുടെ പരസ്യ ബോർഡുകൾ, അകലെ ദുബായ് ഫ്രെയിം, മനോഹരങ്ങളായ കെട്ടിടങ്ങൾ, റോഡുകൾ, ഫ്ലൈ ഓവറുകൾ തുടങ്ങിയ കാഴ്ചകളൊക്കെ ആദ്യം കാണുന്നതു പോലെത്തന്നെ ഞങ്ങൾ നോക്കിയിരുന്നു. അങ്ങനെ നല്ലൊരു യാത്രയ്ക്കു ശേഷം ഞങ്ങൾ അബുദാബിയിലേക്ക് പ്രവേശിച്ചു.

അബുദാബിയിൽ പ്രവേശിച്ചപ്പോൾ പെട്ടെന്ന് എനിക്ക് തോന്നിയ ഒരു മാറ്റം അവിടത്തെ റോഡുകളുടെ ചെറിയ നിറവ്യത്യാസം ആയിരുന്നു. അബുദാബിയിലെ ആ റോഡിൽക്കൂടി മണിക്കൂറിൽ 140 കിലോമീറ്റർ വേഗത്തിൽ വാഹനങ്ങൾ ഓടിക്കുവാൻ സാധിക്കും. ഇത്രയും നേരം പിന്നിലിരുന്ന് എമിലും ശ്വേതയും നല്ല ഉറക്കം പാസ്സാക്കുകയായിരുന്നു. അബുദാബിയിൽ എത്തിയപ്പോൾ എല്ലാവരും എഴുന്നേറ്റ് റെഡിയായി.

അബുദാബിയിൽ ആദ്യം ഞങ്ങൾ പോയത് പ്രശസ്തമായ ഫെരാരി വേൾഡിലേക്ക് ആയിരുന്നു. ലോകത്തിലെ മികച്ച ആഡംബര കാർ നിർമ്മാതാക്കളായ ഫെരാരിയുടെ പേരിലുള്ള ഒരു തീം പാർക്ക് ആണ് അബുദാബിയിലെ ഫെരാരി വേൾഡ്. 2010 ലാണ് ഈ തീം പാർക്ക് തുറന്നത്. വലിയൊരു മാളിന് തുല്യമായ ഒരു വമ്പൻ സെറ്റപ്പും ഇതോടൊപ്പം ഉണ്ട്. ഫെരാരി ബ്രാൻഡ് കാറുകളുടെ പ്രദർശനത്തിന് പുറമെ ധാരാളം ഷോപ്പുകളും അവിടെയുണ്ട്. പക്ഷെ അവിടെ നിന്നും എന്തെങ്കിലും വാങ്ങണമെങ്കിൽ നല്ല തുക മുടക്കേണ്ടി വരും. അതോടൊപ്പം തന്നെ പലതരത്തിലുള്ള റൈഡുകളും അവിടെയുണ്ട്. ലോകത്തിലെ ഏറ്റവും വേഗതയേറിയ റോളർകോസ്റ്റർ ഫെരാരി വേൾഡിലാണ് സ്ഥിതി ചെയ്യുന്നത്. ചുരുക്കിപ്പറഞ്ഞാൽ UAE യിലെ പ്രധാനപ്പെട്ട ഒരു ടൂറിസ്റ്റ് ആകർഷണങ്ങളിൽ ഒന്നാണ് ഫെരാരി വേൾഡ്.

ഫെരാരി വേൾഡിലെ കാഴ്ചകളെല്ലാം ഞങ്ങൾ ആസ്വദിച്ച് നടന്നു. താല്പര്യമില്ലാതിരുന്നതിനാൽ (അല്ലാതെ പേടിച്ചിട്ടാല്ലാട്ടോ..) അഡ്വഞ്ചർ റൈഡുകളിലൊന്നും കയറാൻ നിൽക്കാതെ ഞങ്ങൾ അവിടെ നിന്നും ഇറങ്ങി അടുത്ത കാഴ്ചകൾ കാണുവാനായി നീങ്ങി. പിന്നീട് ഞങ്ങൾ പോയത് അബുദാബിയിലെ ഷെയ്ക്ക് സയീദ് ഗ്രാൻഡ് മോസ്‌ക്ക് സന്ദർശിക്കുവാൻ ആയിരുന്നു. മോസ്‌ക്കിന്റെ അടുത്തുള്ള പാർക്കിംഗ് ഏരിയയിൽ കാർ പാർക്ക് ചെയ്തിട്ട് ഞങ്ങൾ അകത്തേക്ക് നടന്നു.

UAE യിലെ ഏറ്റവും വലിയ മോസ്ക്ക് എന്ന സവിശേഷത കൂടിയുണ്ട് ഷെയ്ക്ക് സയീദ് ഗ്രാൻഡ് മോസ്‌ക്കിന്. ഒരു ഷോപ്പിംഗ് മാളിലേക്ക് കയറുന്ന പ്രതീതിയായിരുന്നു അവിടെ അനുഭവപ്പെട്ടത്. മോസ്‌ക്കിലേക്ക് കയറുവാനുള്ള എൻട്രി പാസ് ഓൺലൈനായി എടുക്കാവുന്നതാണ്. ഇതിനു പ്രവേശന ഫീസ് ഒന്നുംതന്നെയില്ല. ഒരു പാസ്സ് എടുക്കണം എന്നു മാത്രം. അതല്ലെങ്കിൽ അവിടെ ചെന്നിട്ട് കിയോസ്‌ക്ക് വഴി സ്വന്തമായി എടുക്കുവാനും സാധിക്കും. മോസ്‌ക്കിലേക്കുള്ള എൻട്രിയുടെ അടുത്തുനിന്നും ഞങ്ങൾ അകത്തേക്ക് കയറുവാനുള്ള പാസ്സ് എടുത്തു അകത്തേക്ക് നടന്നു.

മോസ്‌ക്കിൽ കയറുവാൻ ഡ്രസ്സ് കോഡ് ഉണ്ട്. സ്ത്രീകൾ തലയും ശരീരവുമൊക്കെ മുഴുവനായി മറയ്ക്കുന്ന തരത്തിലുള്ള ഡ്രസ്സ് അവിടെ വാടകയ്ക്ക് ലഭിക്കും. ശ്വേത ആ ഡ്രസ്സ് ധരിച്ചായിരുന്നു അകത്തേക്ക് കയറിയത്. വളരെ മനോഹരമായ രീതിയിൽ പണികഴിപ്പിച്ചതായിരുന്നു ആ മോസ്‌ക്ക്. മുഴുവനും മാർബിൾ കല്ലുകളാൽ നിർമ്മിതമായവ. അധികം സന്ദർശകരുടെ തിരക്കുകളൊന്നും അവിടെയുണ്ടായിരുന്നില്ല. പുറത്താണെങ്കിൽ നല്ല വെയിലും ആയിരുന്നു. ഇവിടേക്ക് വരുന്നവർ സൺഗ്ലാസ് ധരിക്കുന്നത് നല്ലതായിരിക്കും. സത്യം പറഞ്ഞാൽ ഷെയ്ക്ക് സയീദ് ഗ്രാൻഡ് മോസ്‌ക്കിനെ വർണ്ണിക്കുവാൻ വാക്കുകൾ പോരാതെ വരും. അതുകൊണ്ട് കൂടുതലൊന്നും ഇനി പറയുന്നില്ല. ബാക്കിയെല്ലാം ഇതോടൊപ്പമുള്ള വീഡിയോയിൽ കാണാവുന്നതാണ്.

ഗ്രാൻഡ് മോസ്‌കിലെ കാഴ്ചകളെല്ലാം കണ്ടതിനു ശേഷം ഞങ്ങൾ അവിടെ നിന്നും പുറത്തേക്ക് നീങ്ങി. സമയം ഉച്ചയായിരുന്നതിനാൽ പിന്നീട് ഞങ്ങൾ ലഞ്ച് കഴിക്കുന്നതിനുള്ള തയ്യാറെടുപ്പിലായിരുന്നു. എല്ലാവരോടുമായി ഒന്നേ പറയാനുള്ളൂ, UAE യിൽ വരുന്നവർ തീർച്ചയായും സന്ദർശിച്ചിരിക്കേണ്ട സ്ഥലങ്ങളാണ് ഫെരാരി വേൾഡും ഷെയ്ക്ക് സയീദ് ഗ്രാൻഡ് മോസ്‌കും. ഒരിക്കലും ഇവ മിസ്സ് ചെയ്യരുത്.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post

പ്രളയവും കോവിഡും തളർത്തി; കണ്ണീരോടെ കോട്ടയത്തെ ‘മാംഗോ മെഡോസ്’

പ്രകൃതിയെയും സസ്യജാലങ്ങളെയും ഒരേപോലെ സ്നേഹിക്കുന്നവര്‍ക്കും ആസ്വദിക്കുന്നവര്‍ക്കും വേണ്ടിയുള്ളതാണ് കോട്ടയം ജില്ലയിലെ കടുത്തുരുത്തിയ്ക്ക് സമീപമുള്ള മാംഗോ മെഡോസ് എന്ന മഹാപ്രപഞ്ചം. ലോകത്തിലെ ആദ്യത്തെ അഗ്രിക്കള്‍ച്ചറല്‍ തീംപാര്‍ക്ക് എന്ന ഖ്യാതി കേട്ട മാംഗോ മെഡോസ് ഇപ്പോൾ സങ്കടാവസ്ഥയിലാണ്. തുടരെയുണ്ടായ പ്രളയവും, പിന്നാലെ വന്ന കോവിഡും…
View Post

സ്‌കോഡ ‘കുശാഖ്’ പുറത്തിറങ്ങി; വില 10.49 ലക്ഷം മുതൽ

വാഹനപ്രേമികളുടെ കാത്തിരിപ്പിന് വിരാമമായി സ്‌കോഡ കുശാഖ് ഇന്ത്യയില്‍ അവതരിപ്പിച്ചു. സ്‌കോഡ-ഫോക്‌സ്‌വാഗണ്‍ കൂട്ടുക്കെട്ടില്‍ വികസിപ്പിച്ചിട്ടുള്ള MQB-AO-IN പ്ലാറ്റ്‌ഫോമില്‍ ആദ്യമായി ഒരുങ്ങുന്ന സ്‌കോഡ വാഹനമാണ് കുഷാക്ക്. 4225 എം.എം. നീളവും 1760 എം.എം. വീതിയും 1612 എം.എം. ഉയരവും 2651 എം.എം. വീല്‍ബേസും 188…
View Post

മലപ്പുറത്ത് 10 ലക്ഷം രൂപയ്ക്ക് പണി കഴിപ്പിച്ച 1300 Sqft വീട്

ഏതൊരു വ്യക്തിയുടെയും സ്വപ്നമാണ് സ്വന്തമായി ഒരു വീട് എന്നത്. ഇക്കാലത്ത് ഒരു നല്ല വീട് വെക്കണമെങ്കിൽ എത്ര രൂപ ചെലവാകും? 20, 30, 35 അങ്ങനെ പോകും ലക്ഷങ്ങൾ. എന്നാൽ ഇതൊന്നുമല്ലാതെ ചുരുങ്ങിയ തുകയ്ക്ക് മനോഹരമായ വീട് പണിത് താമസിക്കുന്നവരും നമുക്കിടയിലുണ്ട്.…
View Post

ഒരു കെഎസ്ആർടിസി ബസ് മുഴുവനും ബുക്ക് ചെയ്ത് ഞങ്ങളുടെ കോളേജ് ടൂർ…

നിങ്ങളുടെ ജീവിതത്തിൽ ഏറ്റവും കൂടുതൽ സന്തോഷിച്ചിട്ടുള്ള, മറക്കാനാവാത്ത നിമിഷങ്ങൾ എപ്പോഴായിരിക്കും? കോളേജ് ദിനങ്ങൾ എന്നായിരിക്കും ഭൂരിഭാഗം ആളുകളുടെയും ഉത്തരം. അതെ എൻ്റെ ജീവിതത്തിലെയും മറക്കാനാവാത്ത നിമിഷങ്ങൾ സമ്മാനിച്ചത് എൻ്റെ കലാലയ ജീവിതമായിരുന്നു. ബെംഗളൂരുവിലെ ന്യൂ ഹൊറൈസൺ കോളേജിൽ ആയിരുന്നു എൻ്റെ ബി.ടെക്.…
View Post

തിരുവനന്തപുരത്തെ അധികമാരും അറിയാത്ത മനോഹര സ്ഥലങ്ങള്‍…

കേരളത്തിന്റെ തലസ്ഥാന നഗരിയായ തിരുവനന്തപുരത്തേക്കുറിച്ച് അധികം വിശേഷണത്തിന്റെ ആവശ്യമില്ല. ‘ട്രിവാന്‍ട്രം’ എന്ന് വിദേശികള്‍ വിളിക്കുന്ന തിരുവനന്തപുരത്ത് വന്നാല്‍ കണ്ടിരിക്കേണ്ടതും അധികമാരും അറിയാത്തതുമായ ചില സ്ഥലങ്ങളെ പരിചയപ്പെടുത്തുകയാണ് ഇവിടെ. മങ്കയം വെള്ളച്ചാട്ടം – തിരുവനന്തപുരത്ത് പാലോടിനു സമീപമാണ് ഹൃദയഹാരിയായ മങ്കയം വെള്ളച്ചാട്ടം. സംസ്ഥാന…
View Post

ബെംഗളൂരു നഗരത്തിനുള്ളിൽ നിങ്ങൾ കണ്ടിരിക്കേണ്ട 15 സ്ഥലങ്ങൾ..

ബെംഗളൂരു ഇന്ത്യയിലെ വലിയ മെട്രോ നഗരങ്ങളിൽ ഒന്നാണ്. അതുകൊണ്ടു തന്നെ ഇവിടെ കാഴ്ചകളും ധാരാളമുണ്ട്. ബെംഗളുരുവിലേക്ക് വരുന്നവർക്ക് സന്ദർശിക്കാവുന്ന 15 സ്ഥലങ്ങളെയാണ് ഈ ലേഖനത്തിലൂടെ പരിചയപ്പെടുത്തുവാൻ പോകുന്നത്. 1 ടിപ്പു സുൽത്താൻ സമ്മർ പാലസ് : ബെംഗളൂരുവിലെ കെആർ മാർക്കറ്റിനു സമീപമാണ്…
View Post

വയനാട്ടിൽ സെലിബ്രിറ്റികൾ ഏറ്റവുമധികം സന്ദർശിക്കുന്ന ഒരു റെസ്റ്റോറന്റ്…!!

വയനാട്ടിലേക്ക് യാത്രകൾ ചെയ്യുന്ന സഞ്ചാരികൾ ഏറെയാണ്. ഫാമിലിയായും കൂട്ടുകാരുമായും ഒക്കെ അടിച്ചുപൊളിക്കാൻ പറ്റിയ ഒരു സ്ഥലം തന്നെയാണ് വയനാട് എന്നതിൽ ആർക്കും തർക്കമുണ്ടാകില്ല. പലതവണ വയനാട് പോയിട്ടുണ്ടെങ്കിലും കുറച്ചുനാൾ മുൻപ് ഞാൻ നടത്തിയ വയനാട് യാത്രയാണ് എൻ്റെ മനസ്സിൽ ഇന്നും മായാതെ…
View Post

തിരുവനന്തപുരത്തു നിന്നും ഒരു മണിക്കൂര്‍ കൊണ്ട് കാണാം ഈ വെള്ളച്ചാട്ടങ്ങള്‍…

മനസ്സു കുളിര്‍പ്പിക്കാന്‍ ഏതെങ്കിലും സ്ഥലങ്ങളിലേക്ക് യാത്ര പോകുവാന്‍ പ്ലാന്‍ ചെയ്യുന്നവരാണ് പലരും. അങ്ങനെയെങ്കില്‍ അധികമാരും അറിയാത്ത… തിരുവനന്തപുരത്തു നിന്നും ഒരു മണിക്കൂര്‍ മാത്രം യാത്രയുള്ള ഈ വെള്ളച്ചാട്ടങ്ങള്‍ ഒന്ന് സന്ദര്‍ശിച്ചാലോ? തൃപ്പരപ്പ് വെള്ളച്ചാട്ടം : തിരുവനന്തപുരത്തു നിന്നും 55 കിലോമീറ്റര്‍ മാത്രം…
View Post