എറണാകുളം നഗരഹൃദയത്തിൽ പച്ചപ്പും തണലും നിറഞ്ഞ ഒരു രണ്ടേക്കർ ഫാം…

Total
0
Shares

എറണാകുളം അഥവാ കൊച്ചി എന്നൊക്കെ കേൾക്കുമ്പോൾ ഇപ്പോൾ നമ്മുടെയുള്ളിൽ ഓടിവരുന്ന കാഴ്ച ഫ്ലാറ്റുകളും മെട്രോയും ലുലു മാളും തിരക്കേറിയ റോഡുംഒക്കെയായിരിക്കും. ഇത്രയും തിരക്കേറിയ ഈ നഗരത്തിൽ താമസിക്കുന്നവരുടെ കാര്യമോ? സൗകര്യങ്ങൾ ഏറെയുണ്ടെങ്കിലും വർദ്ധിച്ചു വരുന്ന ചൂടിനെ ചെറുക്കാൻ എസിയെത്തന്നെ ആശ്രയിക്കേണ്ടി വരുന്ന ഒരുകൂട്ടം ആളുകൾ. അൽപ്പം ശുദ്ധവായു ലഭിക്കണമെന്നുള്ള ആഗ്രഹങ്ങൾ ഉടലെടുക്കുമ്പോൾ ഇവിടത്തുകാർ മൂന്നാറോ അതിരപ്പിള്ളിയോ പോലുള്ള പ്രദേശങ്ങളിലേക്ക് പോകുകയാണ് പതിവ്. അല്ലാതെ വേറെ മാർഗ്ഗമില്ല.

കാര്യങ്ങൾ ഇങ്ങനെയൊക്കെയാണെങ്കിലും എറണാകുളം നഗരഹൃദയത്തിൽ താമസിക്കുന്ന പുരുഷോത്തമ കമ്മത്തിനും കുടുംബത്തിനും സിറ്റിയുടെ ചൂടും തിരക്കുകളും ഒച്ചപ്പാടുമൊന്നും ഒരു പ്രശ്‌നമേയല്ല. മറ്റൊന്നുമല്ല കൊച്ചി നഗരത്തിന്റെ ഹൃദയഭാഗത്തുള്ള തമ്മനം എന്ന സ്ഥലത്ത് സ്ഥിതി ചെയ്യുന്ന വീടിന്റെ ചുറ്റിനും ധാരാളം വൃക്ഷങ്ങളും ചെടികളുമെല്ലാം നട്ടുപിടിപ്പിച്ചിരിക്കുകയാണ് അവർ. ചുമ്മാ നട്ടുപിടിപ്പിക്കുക മാത്രമല്ല കാലാകാലങ്ങളായി അവർ അവിടെയൊരു ചെറിയ കാട് തന്നെ ഉണ്ടാക്കിയെടുത്തു എന്നുവേണമെങ്കിൽ പറയാം. രണ്ടേക്കറോളം സ്ഥലത്താണ് ഇവർ ഇത്തരത്തിൽ ഒരു മനോഹര ഭൂമി തയ്യാറാക്കിയിരിക്കുന്നത്. ആലുങ്കൽ ഫാം എന്നാണു ഈ ചെറു വനത്തിനു ഇവർ പേരിട്ടിരിക്കുന്നത്. അപൂർവ്വ ഇനം ഔഷധ സസ്യങ്ങൾ, ജന്മനക്ഷത്ര വൃക്ഷങ്ങൾ, ഫലവൃക്ഷങ്ങൾ തുടങ്ങി എല്ലാത്തരം സസ്യജാലങ്ങളും ഇവിടെയുണ്ട് എന്നറിയുമ്പോൾ ആരും ഒന്ന് അത്ഭുതപ്പെടും. സസ്യങ്ങൾക്ക് പുറമെ ധാരാളം പക്ഷികളും അണ്ണാൻ തുടങ്ങിയ കുഞ്ഞു മൃഗങ്ങളും ഇവിടെയുണ്ട്.

ധാരാളം വനസമ്പത്തുള്ളതിനാൽ കൊടുംചൂടിൽ നാടാകെ വലയുമ്പോഴും തമ്മനത്തുള്ള ആലുങ്കൽ ഫാമിൽ നല്ല തണുത്ത അന്തരീക്ഷമായിരിക്കും നമുക്ക് അനുഭവപ്പെടുക. ബാങ്ക് ജീവനക്കാരനായിരുന്ന പുരുഷോത്തമ കമ്മത്ത് 1984 ൽ സർവ്വീസിൽ നിന്നും വിരമിച്ചതോടെയാണ് കൃഷിയിലേക്ക് ശ്രദ്ധ കേന്ദ്രീകരിച്ചത്. അങ്ങനെയാണ് ആലുങ്കൽ ഫാമിന്റെ തുടക്കമാകുന്നതും. എറണാകുളം പോലുള്ള വലിയ നഗരത്തിന്റെ ഹൃദയഭാഗത്ത് ഇത്രയും സ്ഥലമുണ്ടായിട്ടും ഇങ്ങനെ കാട് വെച്ചുപിടിപ്പിക്കുന്നതിൽ നിന്നും ധാരാളം ആളുകൾ ഇവരെ പിന്തിരിപ്പിക്കുവാൻ ശ്രമിച്ചിരുന്നു. ഈ സ്ഥലത്ത് വല്ല ഫ്ലാറ്റും പണിത് വാടകയ്ക്ക് കൊടുത്തുകൂടെ എന്നുള്ള ചോദ്യങ്ങളൊക്കെ ഇവർ പാടെ അവഗണിക്കുകയായിരുന്നു. ഫലമോ ഫ്ലാറ്റുകളിലെ ആളുകൾ ശുദ്ധവായു ലഭിക്കുവാൻ നെട്ടോട്ടമോടുമ്പോൾ ഇവർക്ക് ഇവരുടെ വീടിന്റെ ഉമ്മറത്ത് ചുമ്മാ അങ്ങിരുന്നാൽ മതി.

സോഷ്യൽ മീഡിയയിൽ ആലുങ്കൽ ഫാമിനെക്കുറിച്ച് ധാരാളം വാർത്തകൾ വന്നതിനാൽ അത്യാവശ്യം പ്രശസ്തിയും നേടിയിരിക്കുന്നു ഇവിടം. ധാരാളമാളുകൾ ഇന്ന് ഫാം സന്ദര്ശിക്കുവാനായി എത്തുന്നുണ്ട്. പഠനത്തിനായുള്ള വിദ്യാർത്ഥികൾ അടക്കമുള്ളവർക്ക് ഇവിടം സന്ദർശിക്കുവാനും കാര്യങ്ങൾ മനസ്സിലാക്കുവാനും ഇവർ പ്രത്യേകിച്ച് ഫീസുകൾ ഒന്നും തന്നെ വാങ്ങുന്നില്ല. പിന്നെ സന്ദർശകർക്ക് വേണമെങ്കിൽ എന്തെങ്കിലും Donation ആയി നൽകാം. പക്ഷെ ആ തുക ഇവർ വിനിയോഗിക്കുന്നത് മരങ്ങൾ നട്ടുപിടിപ്പിക്കുവാനും പരിപാലിക്കുവാനുമൊക്കെയായിരിക്കും. ഫാം കൂടുതൽ മെച്ചപ്പെടുത്തി ആളുകൾക്ക് പ്രവേശന ഫീസ് ഒക്കെ വെച്ചുകൊണ്ട് ഒരു അഗ്രിക്കൾച്ചറൽ പാർക്ക് തുടങ്ങുവാൻ ഒക്കെ ഇവർക്ക് പ്ലാനുകൾ ഉണ്ടെന്ന് പുരുഷോത്തമ കമ്മത്തിന്റെ മകനും ഫാമിന്റെ ഇപ്പോഴത്തെ മേൽനോട്ടക്കാരനുമായ ആനന്ദ് പറയുന്നു.

ചെടികൾക്കും മരങ്ങൾക്കും പുറമെ വിവിധ തരത്തിലുള്ള കോഴികൾ, പശു തുടങ്ങിയവയെയും ഇവിടെ വളർത്തുന്നുണ്ട്. വിവിധ്ധ് തരത്തിലുള്ള കോഴിമുട്ടകൾ ഇവിടെ വിൽക്കുന്നുണ്ട്. ഇതിനെല്ലാം പുറമെ തേനീച്ച കൃഷിയും ഇവിടെ ചെയ്യുന്നുണ്ട്. തേനെടുക്കുന്ന രീതിയൊക്കെ ഇവിടെ വന്നാൽ നിങ്ങൾക്ക് കാണുവാൻ സാധിക്കും. ഇവിടെ സന്ദർശിക്കുന്നവർക്ക് ഇവിടെ നിന്നും വൃക്ഷത്തൈകളൊക്കെ ചെറിയ വില കൊടുത്ത് വാങ്ങിക്കൊണ്ടു പോകുവാൻ സാധിക്കും. എറണാകുളം നഗരമധ്യത്തിൽ 2 ഏക്കർ വരുന്ന ഈ ഓർഗാനിക് ഫാം… ഇവിടം സ്വർഗ്ഗമാണ്. ഇവിടെ സന്ദർശിക്കാൻ താൽപര്യമുള്ളവർക്ക് വിളിക്കാം: 97450 07941.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post

പ്രളയവും കോവിഡും തളർത്തി; കണ്ണീരോടെ കോട്ടയത്തെ ‘മാംഗോ മെഡോസ്’

പ്രകൃതിയെയും സസ്യജാലങ്ങളെയും ഒരേപോലെ സ്നേഹിക്കുന്നവര്‍ക്കും ആസ്വദിക്കുന്നവര്‍ക്കും വേണ്ടിയുള്ളതാണ് കോട്ടയം ജില്ലയിലെ കടുത്തുരുത്തിയ്ക്ക് സമീപമുള്ള മാംഗോ മെഡോസ് എന്ന മഹാപ്രപഞ്ചം. ലോകത്തിലെ ആദ്യത്തെ അഗ്രിക്കള്‍ച്ചറല്‍ തീംപാര്‍ക്ക് എന്ന ഖ്യാതി കേട്ട മാംഗോ മെഡോസ് ഇപ്പോൾ സങ്കടാവസ്ഥയിലാണ്. തുടരെയുണ്ടായ പ്രളയവും, പിന്നാലെ വന്ന കോവിഡും…
View Post

മോസ്‌ക്കോ എയർപോർട്ടിൽ എനിക്കുണ്ടായ അനുഭവങ്ങൾ…

ദുബായിൽ നിന്നും ലോകത്തിലെ ഏറ്റവും വലിയ യാത്രാവിമാനമായ എയർബസ് A380 യിലെ യാത്രയും ആസ്വദിച്ചു ഞങ്ങൾ മോസ്‌കോ എയർപോർട്ടിൽ ഇന്ത്യൻ സമയം 12 മണിയോടടുപ്പിച്ച് എത്തിച്ചേർന്നു. തിരക്കിൽ നിന്നും ഒഴിഞ്ഞുമാറി ഞങ്ങൾ ഇമിഗ്രെഷൻ കൗണ്ടറിലേക്ക് നീങ്ങി. കൂടെയുണ്ടായിരുന്ന സഹീർ ഭായി ഇമിഗ്രെഷൻ…
View Post

ബെംഗളൂരു നഗരത്തിനുള്ളിൽ നിങ്ങൾ കണ്ടിരിക്കേണ്ട 15 സ്ഥലങ്ങൾ..

ബെംഗളൂരു ഇന്ത്യയിലെ വലിയ മെട്രോ നഗരങ്ങളിൽ ഒന്നാണ്. അതുകൊണ്ടു തന്നെ ഇവിടെ കാഴ്ചകളും ധാരാളമുണ്ട്. ബെംഗളുരുവിലേക്ക് വരുന്നവർക്ക് സന്ദർശിക്കാവുന്ന 15 സ്ഥലങ്ങളെയാണ് ഈ ലേഖനത്തിലൂടെ പരിചയപ്പെടുത്തുവാൻ പോകുന്നത്. 1 ടിപ്പു സുൽത്താൻ സമ്മർ പാലസ് : ബെംഗളൂരുവിലെ കെആർ മാർക്കറ്റിനു സമീപമാണ്…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

കേരളത്തിൽ ടൂറിസം ഉണരുന്നു; തുറന്ന ടൂറിസം സെന്ററുകൾ ഇവയാണ്

കോവിഡ് മഹാമാരിയെ തുടര്‍ന്ന് അടച്ചിട്ടിരുന്ന വനംവകുപ്പിന് കീഴിലുള്ള ഇക്കോ ടൂറിസം സെന്ററുകള്‍ കഴിഞ്ഞ ദിവസം മുതല്‍ സഞ്ചാരികള്‍ക്കായി തുറന്നു നല്‍കി. പരിഷ്‌കരിച്ച കോവിഡ് മാനദണ്ഡങ്ങള്‍ കര്‍ശനമായി പാലിച്ചുകൊണ്ടായിരിക്കും സെന്ററുകള്‍ പ്രവര്‍ത്തിക്കുക. ഇത്തരത്തിൽ തുറന്നിരിക്കുന്ന ടൂറിസം സെന്ററുകളുടെ വിവരങ്ങൾ ജില്ല തിരിച്ച് താഴെ…
View Post

മൂന്നാറിൽ ഫാമിലിയായിട്ട് തങ്ങുവാൻ പറ്റിയ കിടിലൻ സ്ഥലങ്ങൾ

മലയാളികൾ ടൂർ പോകുവാൻ പ്ലാൻ ചെയ്യുമ്പോൾ ആദ്യത്തെ ലിസ്റ്റിൽ വരുന്ന ഒരു സ്ഥലമാണ് മൂന്നാർ. എന്തുകൊണ്ടാണ് മൂന്നാർ എല്ലാവർക്കും ഇത്ര പ്രിയങ്കരമായത് എന്ന ചോദ്യത്തിന് ഇന്ന് വലിയ പ്രസക്തി ഉണ്ടെന്നു തോന്നുന്നില്ല. ഒറ്റവാക്കിൽ പറഞ്ഞാൽ മൂന്നാർ പച്ചപട്ടുടുത്ത ഒരു തണുത്ത സുന്ദരിയാണ്.…
View Post

കണ്ണൂർ ജില്ലയിൽ ഫാമിലി ട്രിപ്പ് പോകുവാൻ പറ്റിയ അഞ്ച് സ്ഥലങ്ങൾ

കേരളത്തിലെ വടക്കേയറ്റത്ത് സ്ഥിതി ചെയ്യുന്ന ഒരു ജില്ലയാണ് കണ്ണൂർ. കണ്ണൂർ പട്ടണത്തിന്റെ ആധുനിക ചരിത്രം തുടങ്ങുന്നത് പോർച്ചുഗീസുകാർ മലബാറിൽ പ്രവേശിച്ചതോടുകൂടിയാണ്. പ്രശസ്ത നാടൻ കലാരൂപമായ തെയ്യം കളിയാടുന്നത് കണ്ണൂർ ജില്ലയിലാണ്. തെയ്യം കാണണമെങ്കിൽ ഇവിടേക്ക് തന്നെ വരണം. തെയ്യവും സര്‍ക്കസും ക്രിക്കറ്റും…
View Post