‘ആറു വാലി’ എന്ന കശ്മീരിലെ മനോഹരമായ ഒരു താഴ്‌വാരത്തിലേക്ക് ഒരു യാത്ര…

Total
0
Shares

കശ്മീരിലെ പഹൽഗം എന്ന ടൗണിൽ നിന്നും ഞങ്ങൾ ‘ആറു വാലി’ എന്ന മനോഹരമായ താഴ്വാരത്തേക്കാണ് യാത്രയായത്. പോകുന്ന വഴിയിൽ ഞങ്ങളുടെ എതിരെ വന്ന പോലീസ് വാഹനം കണ്ടു ഞങ്ങൾ ശരിക്കും ഒന്നു പേടിച്ചു. കാരണം ആ വാഹനത്തിന്റ തുറന്ന റൂഫിലൂടെ തോക്കൊക്കെ പിടിച്ച പോലീസുകാർ നിൽക്കുന്നുണ്ടായിരുന്നു എന്നതു തന്നെ. പക്ഷേ അതിൽ അസ്വാഭാവികതകൾ ഒന്നുംതന്നെയില്ലെന്നും ഇതൊക്കെ അവിടത്തെ പതിവു കാഴ്ചകൾ ആണെന്നും ഞങ്ങളുടെ കൂടെയുണ്ടായിരുന്ന കാശ്മീരി ഗൈഡ് ഷാഫി പറഞ്ഞു.

ഞങ്ങൾ പോകുന്ന വഴിയിൽ ആർമി വാഹനങ്ങളും ടൂറിസ്റ്റുകളുമൊക്കെ ധാരാളം ഉണ്ടായിരുന്നു. മഞ്ഞുകാലത്ത് അവിടെയെല്ലാം മഞ്ഞുവീണ് മൂടിപ്പോകുമെന്നു ഷാഫി പറഞ്ഞു. കശ്മീരിലെ ആളുകളുടെ സൗന്ദര്യം (പ്രത്യേകിച്ച് സ്ത്രീകളുടെ) വളരെ പ്രശസ്തമാണല്ലോ. അതു നേരിട്ട് അനുഭവിച്ചപ്പോളാണ് സത്യമാണെന്നു ശരിക്കും ബോധ്യപ്പെട്ടത്. സൗന്ദര്യത്തോടൊപ്പം നല്ല മനസ്സിന് ഉടമകളുമായിരുന്നു അവരിൽ ഭൂരിഭാഗം ആളുകളും.

പോകുന്ന വഴിയിൽ ഞങ്ങളുടെ ഇടതു വശത്തായി മനോഹരമായ ഒരു ചെറിയ നദി ഒഴുകുന്നുണ്ടായിരുന്നു. നദിക്കരയിൽ ആളുകളൊക്കെ പ്രകൃതിഭംഗി ആസ്വദിക്കുന്നുണ്ടായിരുന്നു. മിക്കവരും ടൂറിസ്റ്റുകൾ ആണ്. ഞങ്ങൾ പോകുന്ന ‘ആറു വാലി’ ധാരാളം സിനിമകളിലൂടെ നമ്മൾ കണ്ടിട്ടുണ്ട്. അതിൽ എടുത്തു പറയുകയാണെങ്കിൽ സൽമാൻഖാൻ അഭിനയിച്ച ‘ബജ്‌രംഗി ഭായിജാൻ’ എന്ന സിനിമയിലെ കുറേ സീനുകൾ ആറുവാലിയിൽ ആണത്രേ ഷൂട്ട് ചെയ്തിരിക്കുന്നത്. ആ ചിത്രത്തിൽ നമ്മൾ പാക്കിസ്ഥാൻ ഏരിയകളായി കണ്ട മനോഹരമായ താഴ്വാരങ്ങൾ ഇവിടെ ആയിരുന്നിരിക്കണം.

പോകെപ്പോകെ വഴിയുടെ വീതി കുറഞ്ഞു വന്നിരുന്നു. പക്ഷേ കാഴ്ചകളുടെ സൗന്ദര്യം പതിന്മടങ്ങു വർധിച്ചു കൊണ്ടും ഇരുന്നു. എതിരെ വലിയൊരു വാഹനം വന്നാൽ പണി കിട്ടുന്ന തരത്തിലുള്ളതായിരുന്നു ഞങ്ങൾ സഞ്ചരിച്ചിരുന്ന, മലമടക്കുകളിലൂടെയുള്ള ആ വഴി. അതിലൂടെ ആളുകളെല്ലാം ഹോണടിച്ചു വെറുപ്പിച്ചുകൊണ്ട് വളരെ അശ്രദ്ധയോടെയായിരുന്നു ഡ്രൈവ് ചെയ്തിരുന്നത്. അത് നമ്മളെപ്പോലുള്ള സഞ്ചാരികൾക്ക് വളരെ അരോചകമായി തോന്നും.

കുറച്ചുകൂടി ചെന്നപ്പോൾ ആ കുഞ്ഞൻ വഴിയിൽ ഒട്ടും പ്രതീക്ഷിക്കാതെ ഒരു ട്രാഫിക് ബ്ലോക്ക്. രണ്ടു വാഹനങ്ങൾക്ക് കഷ്ടിച്ച് കടന്നുപോകാൻ കഴിയുന്ന ആ വഴിയിലൂടെ കടന്നു പോകുവാൻ ഞങ്ങൾ നന്നായി കഷ്ടപ്പെട്ടു. ഡ്രൈവ് ചെയ്യുകയായിരുന്ന എമിൽ ഒഴികെ ഞങ്ങളെല്ലാം കാറിൽ നിന്നും ഇറങ്ങി സൈഡ് പറഞ്ഞു കൊടുത്തിരുന്നു. ഇടതു വശത്ത് നല്ല താഴ്ചയാണ്. ഒരു പൊടിക്ക് ഇടത്തേക്ക് വണ്ടി നീങ്ങിയാൽ നേരെ താഴേക്ക് പോകും. ശ്രദ്ധയോടെ, അപകടമൊന്നും കൂടാതെ, മനസ്സാന്നിധ്യം കൈവിടാതെ അതെല്ലാം തരണം ചെയ്ത എമിലിനെ എത്ര അഭിനന്ദിച്ചാലും മതിയാവില്ല. അങ്ങനെ ഒരു കണക്കിനു ഞങ്ങൾ ആ ബ്ലോക്കിൽ നിന്നും രക്ഷപ്പെട്ടു.

കാശ്മീരിനെ എന്തുകൊണ്ടാണ് ‘ഭൂമിയിലെ സ്വർഗ്ഗം’ എന്നു വിശേഷിപ്പിക്കുന്നത് എന്ന് മനസ്സിലാക്കിത്തരുന്ന കാഴ്ചകൾ ആയിരുന്നു പിന്നീട് അങ്ങോട്ട് ഞങ്ങളെ സ്വാഗതം ചെയ്തത്. ഓരോ ഭാരതീയരും ഒരിക്കലെങ്കിലും സന്ദർശിച്ചിരിക്കേണ്ട സ്ഥലമാണ് കശ്മീർ. ഈ സ്വർഗ്ഗത്തിനു വേണ്ടിയാണു പാക്കിസ്ഥാൻ നമ്മളുമായി സ്ഥിരം അടിയുണ്ടാക്കുന്നതും, അവസാനം പണി ഇരന്നു വാങ്ങുന്നതും. എന്തൊക്കെ വന്നാലും കശ്മീർ നമ്മൾ വിട്ടുകൊടുക്കാനേ പാടില്ല.

അങ്ങനെ കിടിലൻ റോഡുകളിലൂടെ സഞ്ചരിച്ചു ഞങ്ങൾ ആറു വാലിയിൽ എത്തിച്ചേർന്നു. അവിടെ ധാരാളം ടൂറിസ്റ്റുകൾ ഉണ്ടായിരുന്നു. കുതിരയുടെ മേൽ കയറി പതിയെ സഞ്ചരിക്കുവാനുള്ള അവസരം അവിടെയുണ്ട്. ഫാമിലിയായി വരുന്നവർ അതൊക്കെ ആസ്വദിക്കുന്ന കാഴ്ചയും ഞങ്ങൾ കണ്ടു. രണ്ടു ദിവസം കൊണ്ടുതന്നെ ഷാഫി ഞങ്ങളുടെ ട്രിപ്പിൽ ഒരംഗമായി മാറിയിരുന്നു. മേഘാലയയിൽ പങ്കജ് ആയിരുന്നുവെങ്കിൽ കാശ്മീരിൽ ഷാഫി, എളുപ്പത്തിൽ ഇങ്ങനെ നിർവ്വചിക്കാം.

ആറു വാലിയിലെ മനോഹാരിത ആസ്വദിച്ചു മതിയാകുന്നതിനു മുൻപേ ഞങ്ങൾക്ക് അവിടെ നിന്നും തിരികെ പോരേണ്ടി വന്നു. ഞങ്ങൾക്കിടയിൽ വില്ലനായത് അവിടത്തെ കാലാവസ്ഥാ മാറ്റങ്ങളായിരുന്നു. അങ്ങനെ ഞങ്ങൾ തിരികെ ശ്രീനഗറിലേക്ക് യാത്രയായി. വന്ന വഴിയിലൂടെ തന്നെ ഒരു തിരിച്ചുപോക്ക്.

തിരികെ ശ്രീനഗറിൽ എത്തിയപ്പോൾ ഹാരിസ് ഇക്കയ്ക്ക് KFC കഴിക്കണം എന്നൊരു പൂതി. അല്ലെങ്കിലും പുള്ളി ഒരു KFC Fan ആണെന്ന് നിങ്ങൾക്കെല്ലാം അറിയാമായിരിക്കും. പണ്ട് മലേഷ്യയിൽ പോയപ്പോൾ ദിവസവും ഞങ്ങളെ രണ്ടു നേരം KFC തീറ്റിച്ച ആളാണ്. ആ വീഡിയോകൾ ഒക്കെ നിങ്ങൾ കണ്ടിട്ടുണ്ടാകും എന്നു വിചാരിക്കുന്നു. കണ്ടവർക്ക് മനസ്സിലാകും. അങ്ങനെ KFC യൊക്കെ കഴിച്ചശേഷം, ഷാഫിയോട് ‘ഗുഡ് നൈറ്റ്’ പറഞ്ഞു ഞങ്ങൾ തിരികെ ഹോട്ടൽ റൂമിലേക്ക് യാത്രയായി.

Our Sponsors: 1) Dream Catcher Resort, Munnar: 9745637111. 2) SR Jungle Resort, Anaikatty: 9659850555, 8973950555. (Follow to get discounts: https://www.instagram.com/sr_jungle_resort_coimbatore/). 3) Goosebery Mens Apparel: http://goosebery.co.in(TECHTRAVELEAT എന്ന കൂപ്പൺ കോഡ് ഉപയോഗിച്ചാൽ 25% ഡിസ്‌കൗണ്ട് ലഭിക്കും). 4) Rotary Club Kochi United. 5) DBS Automotive: 97452 22566. 6) Kairali Ford: 81380 14455. Special Thanks to 1) Le Meridien, Kochi. 2) Redband Racing, Thrissur. 3) Nexus Communication, Penta Menaka, Kochi. 4) Royalsky Holidays – 9846571800.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

കേരളത്തിൽ റോഡ് ട്രിപ്പിനു പറ്റിയ അഞ്ച് മനോഹര റൂട്ടുകൾ…

യാത്രകൾ പല തരത്തിൽ ആസ്വദിക്കുന്നവരുണ്ട്. ചിലർ സ്ഥലങ്ങലും കാഴ്ചകളും ഒക്കെ കണ്ട് ആസ്വദിക്കും, ചിലർ ഓരോ സ്ഥലത്തെയും ഭക്ഷണങ്ങൾ രുചിച്ച് ആസ്വദിക്കും, ചിലർ കൂട്ടുകാരും കുടുംബവുമൊക്കെയായിട്ട് ഒരു അടിച്ചുപൊളി മൂഡിലായിരിക്കും യാത്ര പോകുന്നത്. മറ്റു ചിലരാകട്ടെ ഡ്രൈവിംഗ് ആയിരിക്കും ഇഷ്ടപ്പെടുക. ഇത്തരത്തിൽ…
View Post

കണ്ണൂർ ജില്ലയിൽ ഫാമിലി ട്രിപ്പ് പോകുവാൻ പറ്റിയ അഞ്ച് സ്ഥലങ്ങൾ

കേരളത്തിലെ വടക്കേയറ്റത്ത് സ്ഥിതി ചെയ്യുന്ന ഒരു ജില്ലയാണ് കണ്ണൂർ. കണ്ണൂർ പട്ടണത്തിന്റെ ആധുനിക ചരിത്രം തുടങ്ങുന്നത് പോർച്ചുഗീസുകാർ മലബാറിൽ പ്രവേശിച്ചതോടുകൂടിയാണ്. പ്രശസ്ത നാടൻ കലാരൂപമായ തെയ്യം കളിയാടുന്നത് കണ്ണൂർ ജില്ലയിലാണ്. തെയ്യം കാണണമെങ്കിൽ ഇവിടേക്ക് തന്നെ വരണം. തെയ്യവും സര്‍ക്കസും ക്രിക്കറ്റും…
View Post

മൂന്നാറിൽ ഫാമിലിയായിട്ട് തങ്ങുവാൻ പറ്റിയ കിടിലൻ സ്ഥലങ്ങൾ

മലയാളികൾ ടൂർ പോകുവാൻ പ്ലാൻ ചെയ്യുമ്പോൾ ആദ്യത്തെ ലിസ്റ്റിൽ വരുന്ന ഒരു സ്ഥലമാണ് മൂന്നാർ. എന്തുകൊണ്ടാണ് മൂന്നാർ എല്ലാവർക്കും ഇത്ര പ്രിയങ്കരമായത് എന്ന ചോദ്യത്തിന് ഇന്ന് വലിയ പ്രസക്തി ഉണ്ടെന്നു തോന്നുന്നില്ല. ഒറ്റവാക്കിൽ പറഞ്ഞാൽ മൂന്നാർ പച്ചപട്ടുടുത്ത ഒരു തണുത്ത സുന്ദരിയാണ്.…
View Post

എന്താണ് ദുബായ് എക്സ്പോ? അവിടെ എന്തൊക്കെ കാണാം? ആകർഷണങ്ങൾ…

ഇപ്പോൾ മാധ്യമങ്ങളിലും സോഷ്യൽ മീഡിയകളിലും, പിന്നെ പ്രവാസി സുഹൃത്തുക്കൾക്കിടയിലും സംസാരവിഷയമായിരിക്കുന്ന ഒന്നാണ് ദുബായ് എക്സ്പോ. എന്താണ് ഈ ദുബായ് എക്സ്പോ എന്ന് ശരിക്കും അറിയാത്ത ചിലരെങ്കിലും നമുക്കിടയിലുണ്ടാകും. അവർക്കായി ദുബായ് എക്സ്പോയുടെ വിശേഷങ്ങൾ പങ്കുവെയ്ക്കാം. ബ്യൂറോ ഒഫ് ഇന്റർനാഷണൽ എക്സ്പോസിഷൻസിന്റെ മേൽനോട്ടത്തിൽ…
View Post

തൃശ്ശൂരിൽ നിന്നും ഒരു ദിവസം കൊണ്ട് പോയി വരാവുന്ന ടൂറിസ്റ്റു കേന്ദ്രങ്ങൾ

കേരളത്തിന്റെ സാംസ്കാരിക തലസ്ഥാനമായ, പൂരങ്ങളുടെ നാടായ തൃശ്ശൂരിലും പരിസരപ്രദേശങ്ങളിലുമായി ഒത്തിരി വിനോദസഞ്ചാരന്ദ്രങ്ങളുണ്ട്. തൃശ്ശൂരിൽ നിന്നും ഒരു ദിവസംകൊണ്ട് പോയി വരാവുന്ന വിനോദസഞ്ചാര കേന്ദ്രങ്ങൾ ഏതൊക്കെയെന്നു നിങ്ങൾക്കറിയാമോ? കൺഫ്യൂഷൻ ഉണ്ടെങ്കിൽ ചിലത് ഞങ്ങൾ പറഞു തരാം. 1. നെല്ലിയാമ്പതി – തൃശ്ശൂരിന്റെ അയൽജില്ലയായ…
View Post

കോഴിക്കോട് നിന്നും വൺ ഡേ ട്രിപ്പ് പോകാൻ പറ്റിയ അഞ്ച് സ്ഥലങ്ങൾ…

കേരളത്തിൽ ഏറ്റവും കൂടുതൽ സഞ്ചാരികൾ വസിക്കുന്നത് മലബാർ മേഖലകളിലാണ്. സോഷ്യൽ മീഡിയയിലെ ട്രാവൽ ഗ്രൂപ്പുകളിൽ നിറഞ്ഞ സാന്നിധ്യത്തോടെയാണ് ഇവരുടെ മുന്നേറ്റം. ഇവരിൽ കൂടുതൽപേരും മലപ്പുറം, കോഴിക്കോട് ജില്ലകളിൽ നിന്നുള്ളവരാണ്. അതുകൊണ്ട് ഇത്തവണ സ്വൽപ്പം വടക്കൻ വിശേഷങ്ങളാണ് നിങ്ങള്ക്ക് മുന്നിൽ പങ്കുവെയ്ക്കാൻ പോകുന്നത്.…
View Post

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post