അവതാർ മൗണ്ടൻസിൻ്റെ കാഴ്ചകളും ഒരു കിടിലൻ കേബിൾ കാർ റൈഡും

Total
0
Shares

ഷാൻജിയാജി നാഷണൽ പാർക്കിലെ അവതാർ മലനിരകളുടെ സൗന്ദര്യം പലരീതിയിൽ ആസ്വദിച്ചു നടക്കുകയായിരുന്നു ഞങ്ങൾ. ബൈലോങ് എലിവേറ്ററിൽ കയറിയതിനു ശേഷം ഞങ്ങൾ വിശപ്പടക്കാനുള്ള മാർഗ്ഗം തേടുകയായിരുന്നു. അങ്ങനെയാണ് അവിടെയുള്ള കെ.എഫ്.സി.യിൽ ഞങ്ങൾ കയറിയത്. കെ.എഫ്.സി. ചിക്കനും പെപ്‌സിയുമൊക്കെ കഴിച്ചു ഞങ്ങൾ വിശപ്പടക്കി. ലോകത്ത് എവിടെ പോയാലും കെ.എഫ്.സി.യ്ക്ക് ഒരേ രുചി തന്നെയായിരിക്കും. ആ ഒരു ചിന്തയിൽ നിന്നാണ് ഞങ്ങൾ അവിടെത്തന്നെ കയറിയത്.

വിശപ്പടക്കിയ ശേഷം ഞങ്ങൾ അവതാർ മൗണ്ടൻസിൻ്റെ മുകളിലൂടെയുള്ള കേബിൾകാർ യാത്രയ്ക്കായി തയ്യാറെടുത്തു. ഞങ്ങൾ നിന്നിരുന്ന സ്ഥലത്തു നിന്നും കേബിൾ കാർ സ്റ്റേഷനിലേക്ക് ഒരു ബസ്സിൽ കയറി യാത്രയായി. അങ്ങനെ ഞങ്ങൾ കേബിൾ കാർ സ്റ്റേഷനിൽ എത്തിച്ചേർന്നു.

അവിടെ ധാരാളം ഷോപ്പുകളും ഹോട്ടലുകളുമൊക്കെ ഉണ്ടായിരുന്നു. പലതരത്തിലുള്ള ഭക്ഷണ വിഭവങ്ങളുടെ കലവറ തന്നെയായിരുന്നു അവിടം. പക്ഷെ നമ്മുടെയാളുകൾക്ക് അതിൻ്റെ രുചിയും മണവുമൊന്നും പിടിക്കില്ല. ഞങ്ങൾ അവിടെ നിന്നും മുകൾ ഭാഗത്തേക്ക് നടത്തമാരംഭിച്ചു.

നല്ല കയറ്റം തുടങ്ങുന്നയിടത്തു നിന്നും എനിക്ക് ഒരു ചൈനീസ് അപ്പൂപ്പനെ കൂട്ടുകിട്ടി. അപ്പൂപ്പൻ അവിടെ കയറ്റം കയറുവാൻ ബുദ്ധിമുട്ടുള്ളവർക്കായി ഡോളി സർവ്വീസ് നടത്തുന്നയാളായിരുന്നു. ചിരിച്ചു കളിച്ചു നടക്കുന്നതിനിടെ ഡോളിയുമായി അപ്പൂപ്പന്റെ കൂട്ടുകാർ ഞങ്ങൾക്ക് സമീപത്തെത്തി. അപ്പോഴാണ് എനിക്ക് അപ്പൂപ്പന്റെ സ്നേഹപ്രകടനത്തിനു പിന്നിലെ കാരണം മനസിലായത്. ഡോളി സർവ്വീസ് ഉപയോഗിക്കുവാനായി എന്നെ കാൻവാസ്‌ ചെയ്യുകയായിരുന്നു പുള്ളിക്കാരൻ. ഒരുകണക്കിനായിരുന്നു അവിടെ നിന്നും രക്ഷപ്പെട്ടത്. എങ്കിലും പോരുന്ന സമയത്ത് ചിരിയോടെ കൈതന്നിട്ടായിരുന്നു അപ്പൂപ്പൻ എന്നെ യാത്രയാക്കിയത്.

അങ്ങനെ ഞങ്ങൾ നടന്നു കേബിൾ കാർ യാത്രയ്ക്കായുള്ള ടിക്കറ്റ് കൗണ്ടറിൽ ചെന്നു ടിക്കറ്റുകൾ എടുത്തു യാത്രയ്ക്ക് തയ്യാറായി. അതിനു മുൻപ് ഒരാൾ അവിടത്തെ ടിക്കറ്റുകൾ വില കുറച്ച് ബ്ലാക്കിൽ തരാമെന്നു പറഞ്ഞു ഞങ്ങളുടെയടുത്ത് എത്തിയിരുന്നു. പക്ഷേ അത്തരം ഫ്രോഡ് പരിപാടികൾക്ക് കൂട്ട് നിൽക്കുവാൻ ഞങ്ങൾ തയ്യാറായിരുന്നില്ല. പക്കാ ഉഡായിപ്പ് ആയിരിക്കും അതൊക്കെ.

ടിക്കറ്റുകൾ എടുത്തശേഷം ഞങ്ങൾ കേബിൾ കാറിലേക്ക് കയറി. ഞങ്ങളെയും കൊണ്ട് കേബിൾ കാർ യാത്രയായി. ലോകപ്രശസ്തമായ അവതാർ മലനിരകൾക്ക് മുകളിലൂടെ, ഇടയിലൂടെ അത്ഭുതംകൂറുന്ന കാഴ്ചകൾ കണ്ടുകൊണ്ട് ഞങ്ങൾ ഒഴുകി നീങ്ങി. എനിക്കാണെങ്കിൽ ഉയരം നല്ല പേടിയാണ്. എങ്കിലും മനോഹരമായ ആയ അനുഭവം വീഡിയോ പകർത്തുവാൻ സാധിച്ചു. പ്രകൃതിയുടെ ഒരു അത്ഭുത പ്രതിഭാസം തന്നെയാണ് അവതാർ മലനിരകൾ. ശരിക്കും ഒരു ഹെലികോപ്റ്ററിൽ പറക്കുന്ന ഫീൽ ആയിരുന്നു ഞങ്ങൾക്ക് ആ കേബിൾകാർ യാത്ര സമ്മാനിച്ചത്.

മനോഹരമായ കേബിൾകാർ യാത്രയ്ക്കു ശേഷം ഞങ്ങൾ സ്റ്റേഷനിൽ ഇറങ്ങി. അവിടെ നിന്നും ബസ്സിൽ കയറി ഞങ്ങൾ എന്ട്രന്സിലേക്ക് യാത്രയായി. അങ്ങനെ ഞങ്ങൾ അവതാർ മലനിരകളോട് വിടപറഞ്ഞുകൊണ്ട് അവിടം വിട്ടു തിരികെ യാത്രയായി. To contact Saheer Bhai in China : https://www.instagram.com/saheerchn/, Whatsapp: 008615669591916.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post

പ്രളയവും കോവിഡും തളർത്തി; കണ്ണീരോടെ കോട്ടയത്തെ ‘മാംഗോ മെഡോസ്’

പ്രകൃതിയെയും സസ്യജാലങ്ങളെയും ഒരേപോലെ സ്നേഹിക്കുന്നവര്‍ക്കും ആസ്വദിക്കുന്നവര്‍ക്കും വേണ്ടിയുള്ളതാണ് കോട്ടയം ജില്ലയിലെ കടുത്തുരുത്തിയ്ക്ക് സമീപമുള്ള മാംഗോ മെഡോസ് എന്ന മഹാപ്രപഞ്ചം. ലോകത്തിലെ ആദ്യത്തെ അഗ്രിക്കള്‍ച്ചറല്‍ തീംപാര്‍ക്ക് എന്ന ഖ്യാതി കേട്ട മാംഗോ മെഡോസ് ഇപ്പോൾ സങ്കടാവസ്ഥയിലാണ്. തുടരെയുണ്ടായ പ്രളയവും, പിന്നാലെ വന്ന കോവിഡും…
View Post

മോസ്‌ക്കോ എയർപോർട്ടിൽ എനിക്കുണ്ടായ അനുഭവങ്ങൾ…

ദുബായിൽ നിന്നും ലോകത്തിലെ ഏറ്റവും വലിയ യാത്രാവിമാനമായ എയർബസ് A380 യിലെ യാത്രയും ആസ്വദിച്ചു ഞങ്ങൾ മോസ്‌കോ എയർപോർട്ടിൽ ഇന്ത്യൻ സമയം 12 മണിയോടടുപ്പിച്ച് എത്തിച്ചേർന്നു. തിരക്കിൽ നിന്നും ഒഴിഞ്ഞുമാറി ഞങ്ങൾ ഇമിഗ്രെഷൻ കൗണ്ടറിലേക്ക് നീങ്ങി. കൂടെയുണ്ടായിരുന്ന സഹീർ ഭായി ഇമിഗ്രെഷൻ…
View Post

ബെംഗളൂരു നഗരത്തിനുള്ളിൽ നിങ്ങൾ കണ്ടിരിക്കേണ്ട 15 സ്ഥലങ്ങൾ..

ബെംഗളൂരു ഇന്ത്യയിലെ വലിയ മെട്രോ നഗരങ്ങളിൽ ഒന്നാണ്. അതുകൊണ്ടു തന്നെ ഇവിടെ കാഴ്ചകളും ധാരാളമുണ്ട്. ബെംഗളുരുവിലേക്ക് വരുന്നവർക്ക് സന്ദർശിക്കാവുന്ന 15 സ്ഥലങ്ങളെയാണ് ഈ ലേഖനത്തിലൂടെ പരിചയപ്പെടുത്തുവാൻ പോകുന്നത്. 1 ടിപ്പു സുൽത്താൻ സമ്മർ പാലസ് : ബെംഗളൂരുവിലെ കെആർ മാർക്കറ്റിനു സമീപമാണ്…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

കേരളത്തിൽ ടൂറിസം ഉണരുന്നു; തുറന്ന ടൂറിസം സെന്ററുകൾ ഇവയാണ്

കോവിഡ് മഹാമാരിയെ തുടര്‍ന്ന് അടച്ചിട്ടിരുന്ന വനംവകുപ്പിന് കീഴിലുള്ള ഇക്കോ ടൂറിസം സെന്ററുകള്‍ കഴിഞ്ഞ ദിവസം മുതല്‍ സഞ്ചാരികള്‍ക്കായി തുറന്നു നല്‍കി. പരിഷ്‌കരിച്ച കോവിഡ് മാനദണ്ഡങ്ങള്‍ കര്‍ശനമായി പാലിച്ചുകൊണ്ടായിരിക്കും സെന്ററുകള്‍ പ്രവര്‍ത്തിക്കുക. ഇത്തരത്തിൽ തുറന്നിരിക്കുന്ന ടൂറിസം സെന്ററുകളുടെ വിവരങ്ങൾ ജില്ല തിരിച്ച് താഴെ…
View Post

മൂന്നാറിൽ ഫാമിലിയായിട്ട് തങ്ങുവാൻ പറ്റിയ കിടിലൻ സ്ഥലങ്ങൾ

മലയാളികൾ ടൂർ പോകുവാൻ പ്ലാൻ ചെയ്യുമ്പോൾ ആദ്യത്തെ ലിസ്റ്റിൽ വരുന്ന ഒരു സ്ഥലമാണ് മൂന്നാർ. എന്തുകൊണ്ടാണ് മൂന്നാർ എല്ലാവർക്കും ഇത്ര പ്രിയങ്കരമായത് എന്ന ചോദ്യത്തിന് ഇന്ന് വലിയ പ്രസക്തി ഉണ്ടെന്നു തോന്നുന്നില്ല. ഒറ്റവാക്കിൽ പറഞ്ഞാൽ മൂന്നാർ പച്ചപട്ടുടുത്ത ഒരു തണുത്ത സുന്ദരിയാണ്.…
View Post

കണ്ണൂർ ജില്ലയിൽ ഫാമിലി ട്രിപ്പ് പോകുവാൻ പറ്റിയ അഞ്ച് സ്ഥലങ്ങൾ

കേരളത്തിലെ വടക്കേയറ്റത്ത് സ്ഥിതി ചെയ്യുന്ന ഒരു ജില്ലയാണ് കണ്ണൂർ. കണ്ണൂർ പട്ടണത്തിന്റെ ആധുനിക ചരിത്രം തുടങ്ങുന്നത് പോർച്ചുഗീസുകാർ മലബാറിൽ പ്രവേശിച്ചതോടുകൂടിയാണ്. പ്രശസ്ത നാടൻ കലാരൂപമായ തെയ്യം കളിയാടുന്നത് കണ്ണൂർ ജില്ലയിലാണ്. തെയ്യം കാണണമെങ്കിൽ ഇവിടേക്ക് തന്നെ വരണം. തെയ്യവും സര്‍ക്കസും ക്രിക്കറ്റും…
View Post