ഏറെ ഞെട്ടിച്ച ഒരു അപകടവാർത്ത; വില്ലനായത് പുലർച്ചെയുള്ള ഡ്രൈവിംഗ്??

Total
0
Shares

ഇന്നു രാവിലെ ഞെട്ടിക്കുന്ന വാർത്തയാണ് ഫേസ്‌ബുക്ക് തുറന്നു നോക്കിയപ്പോൾ കാണുവാൻ സാധിച്ചത്. പ്രശസ്ത വയലിനിസ്റ്റ് ബാലഭാസ്കർ ഈ ലോകത്തു നിന്നും വിട വാങ്ങിയിരിക്കുന്നു. ദിവസങ്ങൾക്ക് മുൻപ് ബാലഭാസ്കറും കുടുംബവും സഞ്ചരിച്ചിരുന്ന കാർ അപകടത്തിൽപ്പെട്ട് അദ്ദേഹത്തിൻ്റെ രണ്ടു വയസ്സുള്ള മകൾ മരണപ്പെടുകയും ബാലഭാസ്കറിനും ഭാര്യയ്ക്കും ഡ്രൈവറിനും സാരമായ പരിക്കുകളേൽക്കുകയും ചെയ്തിരിരുന്നു. തൃശ്ശൂർ വടക്കുംനാഥ ക്ഷേത്ര ദർശനം കഴിഞ്ഞു മടങ്ങുകയായിരുന്നു ബാലഭാസ്കറും കുടുംബവും. പുലർച്ചെ നാലര മണിയോടെ ഇവർ സഞ്ചരിച്ചിരുന്ന ഇന്നോവ കാർ നിയന്ത്രണംവിട്ടു മരത്തിലിടിക്കുകയായിരുന്നു. തിരുവനന്തപുരത്ത് കഴക്കൂട്ടം പള്ളിപ്പുറം ഭാഗത്തു വെച്ചായിരുന്നു അപകടം. ഡ്രൈവർ ഉറങ്ങിപ്പോയതാണ് അപകടകാരണമെന്ന് പറയപ്പെടുന്നു. അപകടത്തിൽ രണ്ടു വയസ്സുകാരിയായ മകൾ തേജസ്വിനി ബാല മരിച്ചു. ഡ്രൈവർ അർജ്ജുനും ഭാര്യ ലക്ഷ്മിയും ആശുപത്രിയിൽ ചികിത്സയിലാണ്. അപകടത്തിൽ കാർ പൂർണ്ണമായും തകർന്ന നിലയിലാണ്.

എന്തുകൊണ്ടാകാം പുലർച്ചെ രണ്ടു മണിക്കും അഞ്ചു മണിക്കും ഇടയിൽ ഇത്തരത്തിൽ അപകടങ്ങൾ കൂടുതലായും നടക്കുവാൻ കാരണം? പുലര്‍ച്ചെയുണ്ടാകുന്ന അപകടങ്ങള്‍ ഡ്രൈവര്‍ പകുതിമയക്കത്തിലാകുന്നത് കൊണ്ടാണ് എന്നാണ് റിപ്പോര്‍ട്ടുകള്‍. രാത്രിയില്‍ ഡ്രൈവ് ചെയ്യുന്ന ശീലമുണ്ടോ നിങ്ങള്‍ക്ക്? എന്നാല്‍, അത് പ്രോത്സാഹിപ്പിക്കേണ്ടന്നാണ് എൻ്റെ അഭിപ്രായം. രാത്രിയില്‍ ഡ്രൈവ് ചെയ്യുന്നത് ചിലര്‍ക്കൊരു ത്രില്ലാണ്. മറ്റു ചിലര്‍ക്ക് അത് പകല്‍ സമയത്തെ ട്രാഫിക്കില്‍ നിന്നുള്ള മോചനമാണ്. വിജനമായ നിരത്തില്‍ കൂടുതല്‍ വേഗത്തില്‍ വണ്ടിയോടിക്കാം എന്നതാണ് രാത്രി യാത്രയുടെ പ്രധാന ഗുണങ്ങളും. ഈ പറയുന്ന എനിക്കും രാത്രി ഡ്രൈവിംഗ് തന്നെയാണ് ഇഷ്ടം. പക്ഷേ യഥാർത്ഥത്തിൽ രാത്രി ഡ്രൈവിംഗിനു പിന്നിൽ ഗുരുതരമായ ഒരു അപകടം ഒളിഞ്ഞിരിക്കുന്നുണ്ടെന്ന കാര്യം ആരും ഓർക്കുന്നില്ല. നമ്മൾ എത്ര വലിയ പരിചയ സമ്പന്നനായ ഡ്രൈവർ ആണെങ്കിലും പുലർച്ചെ വരുന്ന ഉറക്കത്തെ എല്ലായ്പ്പോഴും പിടിച്ചു നിർത്തുവാൻ സാധിക്കണമെന്നില്ല. കാറിന്റെ ഗ്ളാസ്സ് താഴ്ത്തിയിടുന്നതോ പാട്ട് ഉറക്കെ വെക്കുന്നതോ ഒന്നും ഉറക്കത്തെ പൂർണ്ണമായും അകറ്റി നിർത്തില്ല.

ഒരാള്‍ക്ക് വാഹനമോടിക്കാന്‍ കഴിയാത്ത വിധം തലച്ചോര്‍ മയക്കത്തിലേക്ക് പോകുന്നത് ഏതു അവസ്ഥയിലാണ് എന്ന് എളുപ്പത്തില്‍ വിവരിക്കാന്‍ സാധിക്കുകയില്ല. കേവലം സെക്കന്‍ഡുകള്‍ മതി അപകടകരമായ സ്ഥിതിയിലേക്ക് കാര്യങ്ങള്‍ ചെന്നെത്തുന്ന വിധത്തില്‍ നിങ്ങളുടെ ശരീരം ഉറക്കത്തിന്റെ ആലസ്യത്തിലേക്ക് വീഴാന്‍. ഈ സമയത്ത് ഡ്രൈവ് ചെയ്തു കൊണ്ടിരിക്കുന്ന നിങ്ങൾ പോലും ഇത് അറിയില്ല. നമ്മുടെ ശരീരം ഉറക്കത്തിലേക്ക് വഴുതി വീഴും മുൻപ് ചില സൂചനകൾ നമുക്ക് നൽകാറുണ്ട്. അവ മനസ്സിലാക്കി പ്രവർത്തിച്ചാൽ മാത്രമേ അപകടങ്ങളിൽ നിന്നും രക്ഷ നേടുവാൻ സാധിക്കുകയുള്ളൂ.

അത്തരം സൂചനകൾ ഇവയാണ് – ഡ്രൈവിംഗിനിടയിൽ കണ്ണുകൾക്ക് ഭാരം അനുഭവപ്പടുക, കണ്ണുകൾ ചിമ്മിചിമ്മി തുറക്കേണ്ട സാഹചര്യം ഉണ്ടാകുക, ഡ്രൈവിംഗിൽ നിന്നും ശ്രദ്ധ പതറി മറ്റു കാര്യങ്ങളിലേക്ക് ചിന്തകൾ പോകുക, തുടർച്ചയായി കോട്ടുവാ ഇടുക. ഇവയ്‌ക്കെല്ലാം പുറമെ ശരീരത്തിനു മൊത്തത്തിൽ ഒരു അസ്വസ്ഥത അനുഭവപ്പെടും. ഇത്തരം അനുഭവങ്ങൾ ഉണ്ടാകുന്ന നിമിഷം ഒട്ടും വൈകാതെ നിങ്ങളുടെ ഡ്രൈവിംഗ് അവസാനിപ്പിച്ച് വണ്ടി സുരക്ഷിതമായ പാതയോരത്ത് നിർത്തി അൽപ്പ സമയം വിശ്രമിക്കുക. ഡ്രൈവിംഗ് അറിയുന്ന ആരെങ്കിലും കൂടെയുണ്ടെങ്കിൽ അവർക്ക് നിയന്ത്രണം കൈമാറുക. ഞാൻ ദൂരയാത്രകൾ പോകുമ്പോൾ ഇങ്ങനെ ചില ഇടവേളകളിൽ വിശ്രമം നൽകിക്കൊണ്ടാണ് ഡ്രൈവ് ചെയ്യാറുള്ളത്. അല്ലെങ്കിൽ വഴിയിൽ എവിടെയെങ്കിലും റൂമെടുത്ത് തങ്ങും. എന്തുവന്നാലും ഒരു പരീക്ഷണത്തിന് ഞാൻ മുതിരാറില്ല.

ഇത്തരത്തിൽ അപകടങ്ങൾ ധാരാളം ഉണ്ടാകുന്നുണ്ടെങ്കിലും നമ്മുടെ രാത്രിയാത്രകൾക്ക് യാതൊരുവിധ മാറ്റങ്ങളും ഉണ്ടാകാറില്ല. ഒഴിവാക്കാൻ പറ്റാത്ത യാത്രകൾ ആണെങ്കിൽ ഈ പറഞ്ഞ കാര്യങ്ങൾ എല്ലാവരും ഒന്നോർത്തു വെക്കുക. അമിതമായ ആവേശവും ആത്മവിശ്വാസവും മാറ്റി വച്ച്‌കൊണ്ട് ശരീരം സ്വാഭാവികമായി ആവശ്യപ്പെടുന്ന വിശ്രമം അനുവദിച്ചുകൊണ്ട് ആസ്വാദ്യകരമായി വാഹനമോടിക്കുക. ഇത് എഴുതി നിർത്തുമ്പോഴും വിടരും മുമ്പേ കൊഴിഞ്ഞുപോയ ആ പാവം മോളുടെയും കലാകാരനായ അച്ഛന്റെയും മുഖമാണ് എൻ്റെയുള്ളിൽ ഒരു വിങ്ങലായി നിൽക്കുന്നത്. ഇനി ഒരു കുടുംബത്തിനും ഇതുപോലുള്ള അപകടങ്ങൾ സംഭവിക്കാതിരിക്കട്ടെ.

4 comments
  1. Great post. I used to be checking constantly this blog and I am inspired!
    Very helpful information particularly the final section 🙂
    I take care of such information a lot. I used to be looking for this particular information for a very lengthy time.
    Thanks and best of luck.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

കേരളത്തിൽ റോഡ് ട്രിപ്പിനു പറ്റിയ അഞ്ച് മനോഹര റൂട്ടുകൾ…

യാത്രകൾ പല തരത്തിൽ ആസ്വദിക്കുന്നവരുണ്ട്. ചിലർ സ്ഥലങ്ങലും കാഴ്ചകളും ഒക്കെ കണ്ട് ആസ്വദിക്കും, ചിലർ ഓരോ സ്ഥലത്തെയും ഭക്ഷണങ്ങൾ രുചിച്ച് ആസ്വദിക്കും, ചിലർ കൂട്ടുകാരും കുടുംബവുമൊക്കെയായിട്ട് ഒരു അടിച്ചുപൊളി മൂഡിലായിരിക്കും യാത്ര പോകുന്നത്. മറ്റു ചിലരാകട്ടെ ഡ്രൈവിംഗ് ആയിരിക്കും ഇഷ്ടപ്പെടുക. ഇത്തരത്തിൽ…
View Post

കണ്ണൂർ ജില്ലയിൽ ഫാമിലി ട്രിപ്പ് പോകുവാൻ പറ്റിയ അഞ്ച് സ്ഥലങ്ങൾ

കേരളത്തിലെ വടക്കേയറ്റത്ത് സ്ഥിതി ചെയ്യുന്ന ഒരു ജില്ലയാണ് കണ്ണൂർ. കണ്ണൂർ പട്ടണത്തിന്റെ ആധുനിക ചരിത്രം തുടങ്ങുന്നത് പോർച്ചുഗീസുകാർ മലബാറിൽ പ്രവേശിച്ചതോടുകൂടിയാണ്. പ്രശസ്ത നാടൻ കലാരൂപമായ തെയ്യം കളിയാടുന്നത് കണ്ണൂർ ജില്ലയിലാണ്. തെയ്യം കാണണമെങ്കിൽ ഇവിടേക്ക് തന്നെ വരണം. തെയ്യവും സര്‍ക്കസും ക്രിക്കറ്റും…
View Post

മൂന്നാറിൽ ഫാമിലിയായിട്ട് തങ്ങുവാൻ പറ്റിയ കിടിലൻ സ്ഥലങ്ങൾ

മലയാളികൾ ടൂർ പോകുവാൻ പ്ലാൻ ചെയ്യുമ്പോൾ ആദ്യത്തെ ലിസ്റ്റിൽ വരുന്ന ഒരു സ്ഥലമാണ് മൂന്നാർ. എന്തുകൊണ്ടാണ് മൂന്നാർ എല്ലാവർക്കും ഇത്ര പ്രിയങ്കരമായത് എന്ന ചോദ്യത്തിന് ഇന്ന് വലിയ പ്രസക്തി ഉണ്ടെന്നു തോന്നുന്നില്ല. ഒറ്റവാക്കിൽ പറഞ്ഞാൽ മൂന്നാർ പച്ചപട്ടുടുത്ത ഒരു തണുത്ത സുന്ദരിയാണ്.…
View Post

തൃശ്ശൂരിൽ നിന്നും ഒരു ദിവസം കൊണ്ട് പോയി വരാവുന്ന ടൂറിസ്റ്റു കേന്ദ്രങ്ങൾ

കേരളത്തിന്റെ സാംസ്കാരിക തലസ്ഥാനമായ, പൂരങ്ങളുടെ നാടായ തൃശ്ശൂരിലും പരിസരപ്രദേശങ്ങളിലുമായി ഒത്തിരി വിനോദസഞ്ചാരന്ദ്രങ്ങളുണ്ട്. തൃശ്ശൂരിൽ നിന്നും ഒരു ദിവസംകൊണ്ട് പോയി വരാവുന്ന വിനോദസഞ്ചാര കേന്ദ്രങ്ങൾ ഏതൊക്കെയെന്നു നിങ്ങൾക്കറിയാമോ? കൺഫ്യൂഷൻ ഉണ്ടെങ്കിൽ ചിലത് ഞങ്ങൾ പറഞു തരാം. 1. നെല്ലിയാമ്പതി – തൃശ്ശൂരിന്റെ അയൽജില്ലയായ…
View Post

കോഴിക്കോട് നിന്നും വൺ ഡേ ട്രിപ്പ് പോകാൻ പറ്റിയ അഞ്ച് സ്ഥലങ്ങൾ…

കേരളത്തിൽ ഏറ്റവും കൂടുതൽ സഞ്ചാരികൾ വസിക്കുന്നത് മലബാർ മേഖലകളിലാണ്. സോഷ്യൽ മീഡിയയിലെ ട്രാവൽ ഗ്രൂപ്പുകളിൽ നിറഞ്ഞ സാന്നിധ്യത്തോടെയാണ് ഇവരുടെ മുന്നേറ്റം. ഇവരിൽ കൂടുതൽപേരും മലപ്പുറം, കോഴിക്കോട് ജില്ലകളിൽ നിന്നുള്ളവരാണ്. അതുകൊണ്ട് ഇത്തവണ സ്വൽപ്പം വടക്കൻ വിശേഷങ്ങളാണ് നിങ്ങള്ക്ക് മുന്നിൽ പങ്കുവെയ്ക്കാൻ പോകുന്നത്.…
View Post

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post

എന്താണ് ദുബായ് എക്സ്പോ? അവിടെ എന്തൊക്കെ കാണാം? ആകർഷണങ്ങൾ…

ഇപ്പോൾ മാധ്യമങ്ങളിലും സോഷ്യൽ മീഡിയകളിലും, പിന്നെ പ്രവാസി സുഹൃത്തുക്കൾക്കിടയിലും സംസാരവിഷയമായിരിക്കുന്ന ഒന്നാണ് ദുബായ് എക്സ്പോ. എന്താണ് ഈ ദുബായ് എക്സ്പോ എന്ന് ശരിക്കും അറിയാത്ത ചിലരെങ്കിലും നമുക്കിടയിലുണ്ടാകും. അവർക്കായി ദുബായ് എക്സ്പോയുടെ വിശേഷങ്ങൾ പങ്കുവെയ്ക്കാം. ബ്യൂറോ ഒഫ് ഇന്റർനാഷണൽ എക്സ്പോസിഷൻസിന്റെ മേൽനോട്ടത്തിൽ…
View Post