കാട്ടിലെ മൃഗങ്ങളുടെ ഇടയിലൂടെ വണ്ടിയിൽ കയറി പോയപ്പോൾ

Total
0
Shares
Safari World with Marine Park Bangkok Tour

തായ്‌ലൻഡിലെ പട്ടായയിലായിരുന്നു ഞങ്ങൾ. ഞങ്ങളെന്നു പറഞ്ഞാൽ ഞാനും ഹാരിസ് ഇക്കയും. ഹാരിസ് ഇക്കയുടെ ടൂർ ഗ്രൂപ്പ് തിരികെ നാട്ടിലേക്ക് പോകുന്ന ദിവസമായിരുന്നു അത്. രാവിലെ തന്നെ ബാങ്കോക്ക് വിമാനത്താവളത്തിലേക്ക് എല്ലാവരുംകൂടി ബസ്സിൽ യാത്രയായി.

കിടിലൻ എക്സ്പ്രസ്സ് വേയിലൂടെ ഏകദേശം രണ്ടു മണിക്കൂർ യാത്രയ്ക്കു ശേഷം ഞങ്ങൾ ബാങ്കോക്കിൽ എത്തിച്ചേർന്നു. ബാങ്കോക്കിലെ സഫാരി പാർക്കിലേക്ക് ആയിരുന്നു ഞങ്ങളുടെ ആദ്യത്തെ എൻട്രി. സഫാരി പാർക്ക് എന്തെന്നാൽ മനുഷ്യനിർമ്മിതമായ വലിയ കാട്ടിൽ എല്ലാ മൃഗങ്ങളെയും പാർപ്പിച്ചിരിക്കുന്ന ഏരിയയാണ്. ലോകത്തിന്റെ വിവിധ ഭാഗങ്ങളിൽ നിന്നുള്ള പക്ഷികളും മൃഗങ്ങളുമൊക്കെ ഇവിടെയുണ്ട്.

ബാങ്കോക്കിലെ സഫാരി വേൾഡും സഫാരി പാർക്കും സഞ്ചാരികളുടെ പ്രിയപ്പെട്ട സ്ഥലങ്ങളാണ്, നമ്മുടെ വണ്ടിയിൽ ഇരുന്ന് കൃത്രിമമായി നിർമ്മിച്ച കാട്ടിലൂടെ യാത്ര ചെയ്ത് മൃഗങ്ങളെ അടുത്ത് കാണാനുള്ള അവസരമാണ് ഇവിടുത്തെ പ്രത്യേകത.

സഫാരി പാർക്കിൽ സഞ്ചാരികൾക്ക് അവരവരുടെ വാഹനങ്ങളുമായി പ്രവേശിക്കാവുന്നതാണ്. പാർക്കിനുള്ളിലെ റോഡിൽക്കൂടി പതിയെ നിരങ്ങിനീങ്ങുന്ന വാഹനങ്ങളിൽ ഇന്നും സഞ്ചാരികൾക്ക് മൃഗങ്ങളെ അടുത്തു കാണാം. ഒരു കാട്ടിലെന്നപോലെ സ്വൈര്യവിഹാരം നടത്തുന്ന പക്ഷികളും മൃഗങ്ങളുമെല്ലാം കാണുന്നവരുടെ കണ്ണിനു കൗതുകം പകരുന്നവയാണ്.

സഫാരി വേൾഡ് തുടങ്ങുമ്പോൾ ജിറാഫ്, ഒട്ടകം, സീബ്ര, പക്ഷികൾ തുടങ്ങിയവയെയാണ് പ്രധാനമായും കാണുവാൻ സാധിക്കുന്നത്. അതുകഴിഞ്ഞു മുന്നോട്ടു പോകുമ്പോൾ പിന്നെ മാനുകളുടെ ഏരിയയായി. പലതരത്തിലെ മാനുകളെ അവിടെ കാണാം. മൃഗങ്ങൾക്കും പക്ഷികൾക്കും വേണ്ട തീറ്റയും, കുളിക്കുവാനും കുടിക്കുവാനുമുള്ള വെള്ളത്തിനായി തടാകങ്ങളും കുളങ്ങളുമൊക്കെ പാർക്കിൽ ഉണ്ടാക്കിയിട്ടുണ്ട്.

സസ്യഭുക്കുകളുടെ ഏരിയയിൽ നിന്നും മാംസഭുക്കുകളുടെ ഏരിയയിലേക്ക് കടക്കുന്ന ഭാഗത്ത് പ്രത്യേകം കമ്പിവേലികൾ കൊണ്ട് അടച്ചിട്ടിട്ടുണ്ട്. മാംസഭുക്കുകളായ മൃഗങ്ങൾ സസ്യഭുക്കുകളുടെ ഏരിയയിലേക്ക് കടന്ന് അവരെ അക്രമിക്കുവാതിരിക്കുവാനായിരിക്കണം ഇങ്ങനെ ഒരു വാതിൽ. സിംഹക്കൂട്ടങ്ങളാണ് അവിടേക്ക് കടക്കുമ്പോൾ ആദ്യമായി കണ്ണിൽപ്പെട്ടത്. ഞങ്ങൾ കാണുമ്പോൾ അവയെല്ലാം ഭക്ഷണമൊക്കെ കഴിച്ചു വിശ്രമത്തിലായിരുന്നു. അതിൽ ചിലർ ഇണചേരാനുള്ള ഒരുക്കത്തിലുമായിരുന്നു.

സിംഹങ്ങളുടെ ഏരിയ പിന്നിട്ടപ്പോൾ പിന്നെ കടുവകളുടെ സാമ്രാജ്യമായി. രണ്ടെണ്ണം തമ്മിൽ കടിപിടികൂടുന്ന കാഴ്ചയാണ് ആദ്യം ഞങ്ങളെ ആകർഷിച്ചത്. ബാക്കിയെല്ലാം വിശ്രമത്തിലായിരുന്നു ശ്രദ്ധ കേന്ദ്രീകരിച്ചിരുന്നത്. മൃഗങ്ങളെയെല്ലാം നിരീക്ഷിക്കുന്നതിനായി പാർക്കിലെ വാച്ചർമാർ പലയിടങ്ങളിലായി വാഹനങ്ങളിൽ നിലയുറപ്പിച്ചിരുന്നു. അവരുടെ ധൈര്യം സമ്മതിക്കണം.

ഏതാണ്ട് അഞ്ഞൂറോളം ഏക്കർ പ്രദേശമാണ് ഇത്തരത്തിൽ കാടാക്കി മാറ്റിയിരിക്കുന്നത്. ടൂറിസം ലക്‌ഷ്യം വെച്ചുള്ള പരിപാടിയാണെങ്കിലും മൃഗങ്ങളെ അവരുടെ ആവാസവ്യവസ്ഥയ്ക്കനുസരിച്ചു പരിപാലിക്കുന്നത് പ്രശംസനീയം തന്നെയാണ്. നമ്മുടെ നാട്ടിലെ ടൂറിസം അധികാരികൾ ഇക്കാര്യത്തിൽ തായ്‌ലൻഡുകാരെ മാതൃകയാക്കേണ്ടതുണ്ട്.

പ്രകൃതിക്ക് കോട്ടം വരുത്താത്ത രീതിയിൽ ഇത്തരത്തിൽ നമുക്കും ചെയ്യാവുന്നതാണ്. പക്ഷെ, പറഞ്ഞിട്ടെന്താ കാര്യം? നമ്മൾ ഇങ്ങനൊക്കെയങ്ങു പോകുന്നു. ആകെയുള്ള ആശ്വാസം ബന്ദിപ്പൂർ, മുത്തങ്ങ, മുതുമല വനത്തിലെ ഫോറസ്റ്റ് സഫാരിയാണ്. എന്തായാലും തായ്‌ലൻഡിൽ വരുന്നവർ തീർച്ചയായും അനുഭവിച്ചിരിക്കേണ്ട ഒന്നാണ് കാട്ടിലെ മൃഗങ്ങളുടെ ഇടയിലൂടെ വണ്ടിയിൽ കയറിയുള്ള ഈ യാത്ര. തായ്ലൻഡ് പാക്കേജുകൾക്ക് നിങ്ങൾക്ക് ഹാരിസ് ഇക്കയെ വിളിക്കാം, റോയൽസ്‌കൈ ഹോളിഡേയ്‌സ്- +91 9846571800.

1 comment
Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

കേരളത്തിൽ റോഡ് ട്രിപ്പിനു പറ്റിയ അഞ്ച് മനോഹര റൂട്ടുകൾ…

യാത്രകൾ പല തരത്തിൽ ആസ്വദിക്കുന്നവരുണ്ട്. ചിലർ സ്ഥലങ്ങലും കാഴ്ചകളും ഒക്കെ കണ്ട് ആസ്വദിക്കും, ചിലർ ഓരോ സ്ഥലത്തെയും ഭക്ഷണങ്ങൾ രുചിച്ച് ആസ്വദിക്കും, ചിലർ കൂട്ടുകാരും കുടുംബവുമൊക്കെയായിട്ട് ഒരു അടിച്ചുപൊളി മൂഡിലായിരിക്കും യാത്ര പോകുന്നത്. മറ്റു ചിലരാകട്ടെ ഡ്രൈവിംഗ് ആയിരിക്കും ഇഷ്ടപ്പെടുക. ഇത്തരത്തിൽ…
View Post

കണ്ണൂർ ജില്ലയിൽ ഫാമിലി ട്രിപ്പ് പോകുവാൻ പറ്റിയ അഞ്ച് സ്ഥലങ്ങൾ

കേരളത്തിലെ വടക്കേയറ്റത്ത് സ്ഥിതി ചെയ്യുന്ന ഒരു ജില്ലയാണ് കണ്ണൂർ. കണ്ണൂർ പട്ടണത്തിന്റെ ആധുനിക ചരിത്രം തുടങ്ങുന്നത് പോർച്ചുഗീസുകാർ മലബാറിൽ പ്രവേശിച്ചതോടുകൂടിയാണ്. പ്രശസ്ത നാടൻ കലാരൂപമായ തെയ്യം കളിയാടുന്നത് കണ്ണൂർ ജില്ലയിലാണ്. തെയ്യം കാണണമെങ്കിൽ ഇവിടേക്ക് തന്നെ വരണം. തെയ്യവും സര്‍ക്കസും ക്രിക്കറ്റും…
View Post

മൂന്നാറിൽ ഫാമിലിയായിട്ട് തങ്ങുവാൻ പറ്റിയ കിടിലൻ സ്ഥലങ്ങൾ

മലയാളികൾ ടൂർ പോകുവാൻ പ്ലാൻ ചെയ്യുമ്പോൾ ആദ്യത്തെ ലിസ്റ്റിൽ വരുന്ന ഒരു സ്ഥലമാണ് മൂന്നാർ. എന്തുകൊണ്ടാണ് മൂന്നാർ എല്ലാവർക്കും ഇത്ര പ്രിയങ്കരമായത് എന്ന ചോദ്യത്തിന് ഇന്ന് വലിയ പ്രസക്തി ഉണ്ടെന്നു തോന്നുന്നില്ല. ഒറ്റവാക്കിൽ പറഞ്ഞാൽ മൂന്നാർ പച്ചപട്ടുടുത്ത ഒരു തണുത്ത സുന്ദരിയാണ്.…
View Post

തൃശ്ശൂരിൽ നിന്നും ഒരു ദിവസം കൊണ്ട് പോയി വരാവുന്ന ടൂറിസ്റ്റു കേന്ദ്രങ്ങൾ

കേരളത്തിന്റെ സാംസ്കാരിക തലസ്ഥാനമായ, പൂരങ്ങളുടെ നാടായ തൃശ്ശൂരിലും പരിസരപ്രദേശങ്ങളിലുമായി ഒത്തിരി വിനോദസഞ്ചാരന്ദ്രങ്ങളുണ്ട്. തൃശ്ശൂരിൽ നിന്നും ഒരു ദിവസംകൊണ്ട് പോയി വരാവുന്ന വിനോദസഞ്ചാര കേന്ദ്രങ്ങൾ ഏതൊക്കെയെന്നു നിങ്ങൾക്കറിയാമോ? കൺഫ്യൂഷൻ ഉണ്ടെങ്കിൽ ചിലത് ഞങ്ങൾ പറഞു തരാം. 1. നെല്ലിയാമ്പതി – തൃശ്ശൂരിന്റെ അയൽജില്ലയായ…
View Post

എന്താണ് ദുബായ് എക്സ്പോ? അവിടെ എന്തൊക്കെ കാണാം? ആകർഷണങ്ങൾ…

ഇപ്പോൾ മാധ്യമങ്ങളിലും സോഷ്യൽ മീഡിയകളിലും, പിന്നെ പ്രവാസി സുഹൃത്തുക്കൾക്കിടയിലും സംസാരവിഷയമായിരിക്കുന്ന ഒന്നാണ് ദുബായ് എക്സ്പോ. എന്താണ് ഈ ദുബായ് എക്സ്പോ എന്ന് ശരിക്കും അറിയാത്ത ചിലരെങ്കിലും നമുക്കിടയിലുണ്ടാകും. അവർക്കായി ദുബായ് എക്സ്പോയുടെ വിശേഷങ്ങൾ പങ്കുവെയ്ക്കാം. ബ്യൂറോ ഒഫ് ഇന്റർനാഷണൽ എക്സ്പോസിഷൻസിന്റെ മേൽനോട്ടത്തിൽ…
View Post

കോഴിക്കോട് നിന്നും വൺ ഡേ ട്രിപ്പ് പോകാൻ പറ്റിയ അഞ്ച് സ്ഥലങ്ങൾ…

കേരളത്തിൽ ഏറ്റവും കൂടുതൽ സഞ്ചാരികൾ വസിക്കുന്നത് മലബാർ മേഖലകളിലാണ്. സോഷ്യൽ മീഡിയയിലെ ട്രാവൽ ഗ്രൂപ്പുകളിൽ നിറഞ്ഞ സാന്നിധ്യത്തോടെയാണ് ഇവരുടെ മുന്നേറ്റം. ഇവരിൽ കൂടുതൽപേരും മലപ്പുറം, കോഴിക്കോട് ജില്ലകളിൽ നിന്നുള്ളവരാണ്. അതുകൊണ്ട് ഇത്തവണ സ്വൽപ്പം വടക്കൻ വിശേഷങ്ങളാണ് നിങ്ങള്ക്ക് മുന്നിൽ പങ്കുവെയ്ക്കാൻ പോകുന്നത്.…
View Post

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post