500 രൂപയ്ക്ക് കാട്ടിനുള്ളിൽ ഒരു കിടിലൻ കുട്ടവഞ്ചി സവാരിയും ഭക്ഷണവും…

Total
10
Shares

അതിരാവിലെ തന്നെ ഞങ്ങൾ എഴുന്നേറ്റു റെഡിയായി പ്ലാൻ ചെയ്തപോലെ രാവിലെ നാലുമണിക്കു തന്നെ എറണാകുളത്തു നിന്നും ആനക്കട്ടിയിലെ എസ്.ആർ. ജംഗിൾ റിസോർട്ടിലേക്ക് യാത്ര തിരിച്ചു. വെളുപ്പിനെ ആയതിനാൽ റോഡിൽ തിരക്ക് വളരെ കുറവായിരുന്നു. ഏകദേശം രാവിലെ എട്ടുമണിയോടെ ഞങ്ങൾ ആനക്കട്ടിയിൽ എത്തിച്ചേർന്നു. റിസോർട്ടിലെ മാനേജരും സുഹൃത്തുമായ സലീഷേട്ടൻ ഞങ്ങളെ കാത്തു നിൽക്കുകയായിരുന്നു. ചെന്നപാടെ ഞങ്ങൾ കുറച്ചു സമയം വിശ്രമിച്ചു. പിന്നീട് സലീഷേട്ടൻ ഞങ്ങളെ ഒരുഗ്രൻ സംഭവം കാണിക്കാമെന്നു പറഞ്ഞു പുറത്തേക്ക് കൊണ്ടുപോയി.

ഞങ്ങൾ പുറത്തേക്ക് ഇറങ്ങിയപ്പോൾ കുറെ മലയാളി ഫാമിലികൾ റിസോർട്ടിൽ വന്നിട്ടുണ്ടായിരുന്നു. അവരെല്ലാം നമ്മൾ മുൻപ് ചെയ്ത വീഡിയോ കണ്ടിട്ടായിരുന്നു അവിടെയെത്തിയത്. സലീഷേട്ടൻ കുട്ടികളടക്കം എല്ലാവരോടും നല്ല കമ്പനിയായിരുന്നു. ആ ടീമിനെ ഞങ്ങൾക്ക് സലീഷേട്ടൻ പരിചയപ്പെടുത്തു തന്നു. അവർ ശിരുവാണി പുഴയിൽ കുളിക്കാൻ പോകുകയാണെന്ന് പറഞ്ഞു പോയി.

ഞങ്ങൾ പോകുവാൻ പോകുന്നത് ബർളിക്കാട് എന്ന സ്ഥലത്തുള്ള ഒരു കിടിലൻ കുട്ടവഞ്ചി യാത്രയ്ക്കായിരുന്നു.തമിഴ്‌നാട് സർക്കാർ നടത്തുന്ന ഒരു ആക്ടിവിറ്റിയാണത്രെ അത്. വെള്ളി, ശനി, ഞായർ ദിവസങ്ങളിൽ മാത്രമേ അവിടെ കുട്ടവഞ്ചിയാത്രയും മറ്റും നടക്കുകയുള്ളൂ. കുട്ടവഞ്ചി സവാരി, ഭക്ഷണം, റിവർ ബാത്ത് എന്നിവയ്ക്ക് 500 രൂപയാണ് ഒരാൾക്ക് നിരക്ക്.
കൂടാതെ അവിടെ താമസ സൗകര്യങ്ങളും ലഭ്യമാണ് (ഇതിനു വേറെ ചാർജ്ജ് കൊടുക്കണം). സംഭവം കേട്ടപ്പോൾത്തന്നെ ഞാനും ശ്വേതയും ഹാപ്പിയായിരുന്നു. അങ്ങനെ ഞങ്ങളും സലീഷേട്ടനും കൂടി റിസോർട്ടിലെ താർ ജീപ്പുമായി യാത്ര തിരിച്ചു.

പോകുന്ന വഴിയിൽ നടുറോഡിൽ ഒരു മഞ്ഞനിറത്തിലുള്ള സുന്ദരനായ ഒരു ഓന്ത് കിടക്കുന്നുണ്ടായിരുന്നു. ഞങ്ങൾ വണ്ടി അതിനുമേൽ കയറാതെ ജീപ്പ് വെട്ടിച്ചുമാറ്റി നിർത്തി. മൃഗസ്നേഹിയായ സലീഷേട്ടൻ അവിടെയിറങ്ങി അടുത്തു ചെന്നു പരിശോധിച്ചു. മൃതപ്രായനായിരുന്നു ആ പാവം ഓന്ത്. സലീഷേട്ടൻ അതിനെ എടുത്ത് വഴിയരികിൽ കൊണ്ടു വെക്കുകയും വെള്ളം കൊടുക്കുകയുമൊക്കെ ചെയ്തു. പിന്നീട് ഞങ്ങൾ വീണ്ടും യാത്ര തുടർന്നു.

ഞങ്ങൾ ആനക്കട്ടി കടന്നു കേരളത്തിലെത്തി മുള്ളി ചെക്ക് പോസ്റ്റ് വഴി വീണ്ടും തമിഴ്‌നാട്ടിലേക്ക് കടക്കുകയാണ് ചെയ്തത്. ചെക്ക്പോസ്റ്റ് എത്തിയപ്പോൾ സലീഷേട്ടൻ ജീപ്പിന്റെ നിയന്ത്രണം എനിക്കു വിട്ടുതന്നു. സലീഷേട്ടന് ലൈസൻസ് ഉണ്ടായിരുന്നില്ലാത്തതിനാൽ ചെക്ക്‌പോസ്റ്റിൽ പ്രശ്നമാകുകയായിരുന്നതിനാലാണ് അങ്ങനെ ചെയ്തത്. മുള്ളി ചെക്ക്പോസ്റ്റ് കഴിഞ്ഞു ഞങ്ങൾ ബെർളിക്കാട് ലക്ഷ്യമാക്കി നീങ്ങി. പിന്നീട് അങ്ങോട്ട് ഓഫ്‌റോഡ് ആയിരുന്നു. കട്ട ഓഫ്‌റോഡ് തുടങ്ങിയപ്പോൾ ഡ്രൈവിംഗ് വീണ്ടും സലീഷേട്ടൻ ഏറ്റെടുത്തു. അങ്ങനെ ഒരു കിടിലൻ ഓഫ്‌റോഡ് ഫോറസ്റ്റ് യാത്രയൊക്കെ കഴിഞ്ഞു ഞങ്ങൾ ബെർളിക്കാട് എത്തിച്ചേർന്നു.

http://coimbatorewilderness.com/ എന്ന വെബ്‌സൈറ്റ് മുഖേന ഓൺലൈനായി ബുക്ക് ചെയ്തിട്ട് വേണം ഇവിടേക്ക് വരുവാൻ. അല്ലെങ്കിൽ പിന്നെ അനക്കട്ടി SR ജംഗിൾ റിസോർട്ടിൽ വരികയാണെങ്കിൽ അവർ കൊണ്ടുപോകും ഈ ആക്ടിവിറ്റിയ്ക്ക്. ഞങ്ങൾ അവിടെ ചെന്നപ്പോൾ അധികം തിരക്കുകൾ ഒന്നുമില്ലായിരുന്നു. ഈ ആക്ടിവിറ്റികളെക്കുറിച്ച് അധികമാർക്കും അറിയില്ല എന്ന് തോന്നുന്നു. ഞങ്ങൾ അവിടെ ചെന്ന് ബുക്ക് ചെയ്തതിന്റെ രേഖകളൊക്കെ കാണിച്ചു. പിന്നീട് കുട്ടവഞ്ചി യാത്രയ്ക്കായി ലൈഫ് ജാക്കറ്റുകൾ ഒക്കെ ധരിച്ചുകൊണ്ട് പുഴയരികിലേക്ക് നടന്നു.

കുട്ടവഞ്ചി എന്നു പേര് മാത്രമേയുള്ളൂ. വഞ്ചി ഫൈബർ കൊണ്ട് നിർമ്മിച്ചിട്ടുള്ളവയാണ്. എന്തായാലും സംഭവം കൊള്ളാം. ഞങ്ങൾ മൂന്നു പേരും വഞ്ചിയിൽ കയറി. ഒപ്പം തമിഴ്നാട്ടുകാരനായ വഞ്ചിക്കാരൻ ചേട്ടനും. പ്രളയം വന്ന സമയത്ത് ഇവിടെയൊക്കെ നന്നായി വെള്ളം പൊങ്ങിയെന്നും മറ്റുമുള്ള വിശേഷങ്ങൾ ആ ചേട്ടൻ ഞങ്ങളോട് വിവരിച്ചു. മഴയൊന്നും ഇല്ലാതിരുന്നതിനാൽ ഞങ്ങൾ പോയ സമയത്ത് അത്യാവശ്യം ചൂട് ഉണ്ടായിരുന്നു. വല്ലാത്തൊരു നിശ്ശബ്ദതയായിരുന്നു അവിടമാകെ അനുഭവപ്പെട്ടത്. ഇവിടെ വരുന്നവർ രാവിലെതന്നെ ബോട്ടിംഗ് നടത്തുവാൻ ശ്രമിക്കുക. ഉച്ചയായാൽ നല്ല ചൂട് ആയിരിക്കും.

ബോട്ടിംഗ് നടത്തുന്നതിനിടയിൽ തമിഴ്‌നാട്ടിൽ നിന്നും വന്ന മറ്റൊരു ടീമിനെക്കൂടി ഞങ്ങൾ കണ്ടു. സ്വസ്ഥമായി ചെലവഴിക്കുവാനായിരിക്കണം അവരും ഇവിടെ വന്നിരിക്കുന്നത്. പക്ഷെ ഞാനും ശ്വേതയും ആ സമയം വല്ലാതെ ക്ഷീണിതനായിരുന്നു. അതിനൊരു കാരണമുണ്ട്. ഞങ്ങൾ വരുന്നവഴി അങ്കമാലിയിലെ 24 മണിക്കൂറും പ്രവർത്തിക്കുന്ന ഒരു പ്രമുഖ ഹോട്ടലിൽ നിന്നും അതിരാവിലെ മസാലദോശ കഴിച്ചിരുന്നു. അതിൽ നിന്നും ഞങ്ങൾക്ക് വൈകാതെ പണിയും കിട്ടി. നല്ല ഒന്നാന്തരം ഫുഡ് പോയിസൺ. കുട്ടവഞ്ചിയിൽ നിന്നും കരയിലേക്ക് ഇറങ്ങിയപ്പോൾത്തന്നെ ആ ഫുഡ് പോയിസണിന്റെ ലക്ഷണങ്ങൾ വീണ്ടും ഞങ്ങളിൽ കണ്ടുതുടങ്ങി. അതോടെ അവിടെ നിന്നും ഭക്ഷണം ഒന്നും കഴിക്കാതെ ഞങ്ങൾ റിസോർട്ടിലേക്ക് തിരികെ യാത്രയായി.

ഇതിൽ നിന്നും ഞങ്ങൾക്ക് ഒരു കാര്യം വ്യക്തമായി. 24 മണിക്കൂറും പ്രവർത്തിക്കുന്ന ഹോട്ടലുകളിൽ നിന്നും അതിരാവിലെ ആരും ഭക്ഷണം കഴിക്കുവാൻ നിൽക്കരുത്. ഞങ്ങൾ മൂന്നു ദിവസത്തോളം അതിൻ്റെ സൈഡ് എഫക്ട് അനുഭവിച്ചു. ഇനി ഇത്തരം കാര്യങ്ങളിൽ എല്ലാവരും ശ്രദ്ധ ചെലുത്തണം. ആനക്കട്ടിയിലുള്ള SR Jungle Resort ന്റെ കൂടുതൽ വിവരങ്ങൾക്ക് വിളിക്കാം: 8973950555.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post

പ്രളയവും കോവിഡും തളർത്തി; കണ്ണീരോടെ കോട്ടയത്തെ ‘മാംഗോ മെഡോസ്’

പ്രകൃതിയെയും സസ്യജാലങ്ങളെയും ഒരേപോലെ സ്നേഹിക്കുന്നവര്‍ക്കും ആസ്വദിക്കുന്നവര്‍ക്കും വേണ്ടിയുള്ളതാണ് കോട്ടയം ജില്ലയിലെ കടുത്തുരുത്തിയ്ക്ക് സമീപമുള്ള മാംഗോ മെഡോസ് എന്ന മഹാപ്രപഞ്ചം. ലോകത്തിലെ ആദ്യത്തെ അഗ്രിക്കള്‍ച്ചറല്‍ തീംപാര്‍ക്ക് എന്ന ഖ്യാതി കേട്ട മാംഗോ മെഡോസ് ഇപ്പോൾ സങ്കടാവസ്ഥയിലാണ്. തുടരെയുണ്ടായ പ്രളയവും, പിന്നാലെ വന്ന കോവിഡും…
View Post

മോസ്‌ക്കോ എയർപോർട്ടിൽ എനിക്കുണ്ടായ അനുഭവങ്ങൾ…

ദുബായിൽ നിന്നും ലോകത്തിലെ ഏറ്റവും വലിയ യാത്രാവിമാനമായ എയർബസ് A380 യിലെ യാത്രയും ആസ്വദിച്ചു ഞങ്ങൾ മോസ്‌കോ എയർപോർട്ടിൽ ഇന്ത്യൻ സമയം 12 മണിയോടടുപ്പിച്ച് എത്തിച്ചേർന്നു. തിരക്കിൽ നിന്നും ഒഴിഞ്ഞുമാറി ഞങ്ങൾ ഇമിഗ്രെഷൻ കൗണ്ടറിലേക്ക് നീങ്ങി. കൂടെയുണ്ടായിരുന്ന സഹീർ ഭായി ഇമിഗ്രെഷൻ…
View Post

ട്രെയിൻ യാത്രകൾ – മലയാളികളും മറ്റു സംസ്ഥാനക്കാരും തമ്മിലെ വ്യത്യാസങ്ങൾ..

ട്രെയിനിൽ യാത്ര ചെയ്യാത്തവർ നമുക്കിടയിൽ കുറവായിരിക്കും. ഒരിക്കലെങ്കിലും തീവണ്ടിയിൽ കയറിയിട്ടുള്ളവരാണ് നമ്മളെല്ലാം. ചെറിയ യാത്രകളിൽ നമുക്ക് ട്രെയിനിലെ സംഭവങ്ങളും കാഴ്ചകളും ഒന്നും ശരിക്കു മനസ്സിലാക്കുവാൻ സാധിക്കില്ലെങ്കിലും ദൂരയാത്രകളിൽ ട്രെയിൻ നമുക്കൊരു വീട് തന്നെയായി മാറും. എന്നാൽ കേരളം, തമിഴ്‌നാട്, കർണാടക സംസ്ഥാനങ്ങൾ…
View Post

കണ്ണൂർ ജില്ലയിൽ ഫാമിലി ട്രിപ്പ് പോകുവാൻ പറ്റിയ അഞ്ച് സ്ഥലങ്ങൾ

കേരളത്തിലെ വടക്കേയറ്റത്ത് സ്ഥിതി ചെയ്യുന്ന ഒരു ജില്ലയാണ് കണ്ണൂർ. കണ്ണൂർ പട്ടണത്തിന്റെ ആധുനിക ചരിത്രം തുടങ്ങുന്നത് പോർച്ചുഗീസുകാർ മലബാറിൽ പ്രവേശിച്ചതോടുകൂടിയാണ്. പ്രശസ്ത നാടൻ കലാരൂപമായ തെയ്യം കളിയാടുന്നത് കണ്ണൂർ ജില്ലയിലാണ്. തെയ്യം കാണണമെങ്കിൽ ഇവിടേക്ക് തന്നെ വരണം. തെയ്യവും സര്‍ക്കസും ക്രിക്കറ്റും…
View Post

മൂന്നാറിൽ ഫാമിലിയായിട്ട് തങ്ങുവാൻ പറ്റിയ കിടിലൻ സ്ഥലങ്ങൾ

മലയാളികൾ ടൂർ പോകുവാൻ പ്ലാൻ ചെയ്യുമ്പോൾ ആദ്യത്തെ ലിസ്റ്റിൽ വരുന്ന ഒരു സ്ഥലമാണ് മൂന്നാർ. എന്തുകൊണ്ടാണ് മൂന്നാർ എല്ലാവർക്കും ഇത്ര പ്രിയങ്കരമായത് എന്ന ചോദ്യത്തിന് ഇന്ന് വലിയ പ്രസക്തി ഉണ്ടെന്നു തോന്നുന്നില്ല. ഒറ്റവാക്കിൽ പറഞ്ഞാൽ മൂന്നാർ പച്ചപട്ടുടുത്ത ഒരു തണുത്ത സുന്ദരിയാണ്.…
View Post

ബെംഗളൂരു നഗരത്തിനുള്ളിൽ നിങ്ങൾ കണ്ടിരിക്കേണ്ട 15 സ്ഥലങ്ങൾ..

ബെംഗളൂരു ഇന്ത്യയിലെ വലിയ മെട്രോ നഗരങ്ങളിൽ ഒന്നാണ്. അതുകൊണ്ടു തന്നെ ഇവിടെ കാഴ്ചകളും ധാരാളമുണ്ട്. ബെംഗളുരുവിലേക്ക് വരുന്നവർക്ക് സന്ദർശിക്കാവുന്ന 15 സ്ഥലങ്ങളെയാണ് ഈ ലേഖനത്തിലൂടെ പരിചയപ്പെടുത്തുവാൻ പോകുന്നത്. 1 ടിപ്പു സുൽത്താൻ സമ്മർ പാലസ് : ബെംഗളൂരുവിലെ കെആർ മാർക്കറ്റിനു സമീപമാണ്…
View Post