സിംഗപ്പൂരിൽ നിന്നും എൻ്റെ ജീവിതത്തിലെ ആദ്യത്തെ കപ്പൽ യാത്ര…

Total
9
Shares

സിംഗപ്പൂർ എയർപോർട്ടിൽ നിന്നും നേരെ ഞങ്ങൾ പോയത് കപ്പലിലേക്ക് കയറുവാനായി പോർട്ടിലേക്ക് ആയിരുന്നു. ആദ്യമായിട്ടാണ് ഒരു കപ്പൽ യാത്ര പോകുന്നത്. അതും റോയൽ കരീബിയൻ എന്ന കമ്പനിയുടെ Quantam of the Seas എന്ന അത്യാഡംബര പടുകൂറ്റൻ കപ്പൽ. എയർപോർട്ടിലേതു പോലെത്തന്നെ ഇമിഗ്രെഷൻ, ചെക്കിംഗ് പരിപാടികളെല്ലാം കഴിഞ്ഞു നേരെ കപ്പലിലേക്ക് നടന്നു. ഏതാണ്ട് നമ്മൾ ഫ്ളൈറ്റിലേക്ക് നടന്നു കയറുന്നതു പോലെത്തന്നെ. ഞങ്ങളുടെ പാസ്‌പോർട്ടുകൾ കപ്പലിൽ വാങ്ങി സൂക്ഷിക്കുകയും പകരം സീ പാസ്സ് എന്നൊരു സാധനം തരികയും ചെയ്തു.

ഇനി അടുത്ത മൂന്നു – നാലു ദിവസങ്ങൾ ഈ കപ്പലിലാണ് ഞങ്ങളുടെ ജീവിതം. അതൊരു പുതിയ അനുഭവമായിരിക്കും എന്ന് ഉറപ്പാണ്. കപ്പൽ കണ്ടപ്പോൾ പടുകൂറ്റൻ ഫ്‌ളാറ്റ്‌ സമുച്ഛയങ്ങൾ പോലെയായിരുന്നു എനിക്ക് തോന്നിയത്. ഏഴാമത്തെ നിലയിലാണ് ഞങ്ങളുടെ റൂമുകൾ. കപ്പലിലേക്ക് കയറുമ്പോൾ ഉച്ചയ്ക്ക് 12 മണി ആയിട്ടുണ്ടായിരുന്നു. ഉച്ചയ്ക്ക് ഒരു മണിയോടെ ആയിരിക്കും ഞങ്ങളുടെ റൂമുകൾ റെഡിയാകുക എന്ന് അവർ അറിയിച്ചു.

റൂം റെഡിയാകാൻ ഒരു മണിക്കൂർ ബാക്കിയുണ്ടായിരുന്നതിനാൽ ഞാൻ കപ്പലിലെ കാഴ്ചകളെല്ലാം കണ്ടു അതിശയത്തോടെ അങ്ങിങ്ങു നടന്നു. ഷോപ്പുകളും റെസ്റ്റോറന്റുകളും ബാറുകളും മുകളിലേക്ക് പോകുവാനുള്ള ലിഫ്റ്റുകളുമെല്ലാം അതിശയിപ്പിക്കുന്ന തരത്തിലുള്ളവയായിരുന്നു. ശരിക്കും ഞാൻ അപ്പോൾ ഒരു കപ്പലിനുള്ളിൽ ആണെന്ന ചിന്തയേ മനസ്സിൽ തോന്നിയിരുന്നില്ല, മറിച്ച് ഏതോ ഒരു ഉഗ്രൻ ഷോപ്പിംഗ് മാളിലൂടെ നടക്കുന്ന പ്രതീതിയായിരുന്നു.

ഏതാണ്ട് മൂവായിരത്തി അഞ്ഞൂറോളം ആളുകൾ ആ കപ്പലിൽ യാത്രക്കാരായിത്തന്നെ ഉണ്ടാകും. രണ്ടായിരത്തി അഞ്ഞൂറോളം ആളുകൾ ജീവനക്കാരായും ഉണ്ടാകും. ഇങ്ങനെയാണ് എനിക്ക് അറിയുവാൻ സാധിച്ചത്. കപ്പലിലെ യാത്രക്കാർക്ക് റെസ്റ്റോറന്റുകളിൽ നിന്നും ഭക്ഷണം ഫ്രീയാണ്. മദ്യം, വൈഫൈ തുടങ്ങിയവയ്ക്ക് പ്രത്യേകം പേയ്മെന്റ് നൽകേണ്ടി വരും. കൂടാതെ എന്തെങ്കിലും സാധനങ്ങൾ വേണമെങ്കിൽ കപ്പലിനുള്ളിലെ ഷോപ്പുകളിൽ നിന്നും നമുക്ക് വാങ്ങാവുന്നതുമാണ്. പക്ഷേ നല്ല ‘കത്തി’ വിലയായിരിക്കും എന്നുമാത്രം.

സമയം ഒരു മണിയോടടുത്തപ്പോൾ റൂം റെഡിയായോ എന്നറിയുവാനായി ഞാൻ ഏഴാമത്തെ നിലയിലേക്ക് ചെന്നു. 7626 എന്ന റൂം ആയിരുന്നു എന്റേത്. ആ റൂമിൽ ഞാനും നമ്മുടെ മാനുക്കയും ആയിരുന്നു താമസക്കാരായിട്ടുള്ളത്. ഞാൻ റൂം നമ്പർ തപ്പി ഒടുവിൽ 7626 എന്ന റൂം കണ്ടെത്തി. ഭാഗ്യം, അത് അപ്പോൾ റെഡിയാക്കി ഇട്ടിരിക്കുന്നതായിരുന്നു. റൂമിൽ എന്റെയും മാനുക്കയുടെയും സീ പാസ്സുകൾ വെച്ചിട്ടുണ്ടായിരുന്നു.

സീ പാസ്സ് ഒരിക്കലും നഷ്ടപ്പെടാതിരിക്കുവാൻ ശ്രദ്ധിക്കണം എന്ന് ആദ്യമേ തന്നെ ഞങ്ങൾക്ക് മുന്നറിയിപ്പ് ലഭിച്ചിട്ടുണ്ടായിരുന്നു. അഥവാ അത് എന്തെങ്കിലും കാരണവശാൽ നഷ്ടപ്പെട്ടാൽ ഉടൻ തന്നെ കപ്പൽ അധികൃതരെ അറിയിക്കുകയും വേണം. അല്ലെങ്കിൽ നമ്മുടെ പാസ്സ് ആരെങ്കിലും എടുത്ത് ഷിപ്പിൽ എന്തെങ്കിലും പർച്ചേസുകൾ നടത്തുകയോ, ഗാംബ്ലിംഗ് നടത്തുകയോ ഒക്കെ ചെയ്‌താൽ അതിൻ്റെ ബില്ല് നമ്മുടെ പേരിൽ വരും. ഈ ബില്ല് ക്ലിയർ ചെയ്താലേ നമുക്ക് നമ്മുടെ പാസ്സ്‌പോർട്ട് തിരികെ ലഭിക്കുകയുള്ളൂ.

റൂമിൽ ചെന്നപാടെ നല്ല ക്ഷീണം ഉണ്ടായിരുന്നതിനാൽ ഞാൻ കിടന്നുറങ്ങി. കുറച്ചു സമയത്തിനുശേഷം ഉറക്കമുണർന്നപ്പോൾ റൂമിൽ മാനുക്ക എത്തിയിരുന്നു. വൈകുന്നേരം കപ്പലിൽ ഒരു മോക്ക് ഡ്രിൽ ഉണ്ടെന്ന് അറിയിച്ചതിനെത്തുടർന്ന് ഞങ്ങൾ അത് കാണുവാനായി താഴത്തെ നിലയിലേക്ക് ചെന്നു. ഞങ്ങളെ ഒരു റെസ്റ്റോറന്റിൽ ഇരുത്തിയശേഷം മോക്ക് ഡ്രിൽ വീഡിയോ കാണിച്ചു തന്നു. നിർഭാഗ്യവശാൽ ഞങ്ങൾക്ക് അത് വീഡിയോ ഷൂട്ട് ചെയ്യുവാൻ സാധിച്ചിരുന്നില്ല.

ഡ്രിൽ കഴിഞ്ഞയുടനെ എല്ലാ യാത്രക്കാരും റെസ്റ്റോറന്റിൽ ഭക്ഷണം കഴിക്കാനുള്ള തിരക്കായി. ആദ്യമായി കപ്പൽ റെസ്റ്റോറന്റിൽ കയറിയതു മൂലമുണ്ടായ ആകാംക്ഷ കാരണമുണ്ടായ ഉന്തും തള്ളും തിരക്കുമാണതെന്ന് നമുക്ക് ഊഹിക്കാവുന്നതേയുള്ളൂ. റെസ്റ്റോറന്റിൽ നിന്നും ഞങ്ങൾ മുകളിലെ ഡെക്കിലേക്ക് പോയി. അവിടെയാണ് സിമ്മിംഗ് പൂളുകൾ ഉള്ളത്. പലതരത്തിലുള്ള കുറെ പൂളുകൾ കപ്പലിൽ ഉണ്ടായിരുന്നു. ചിലരൊക്കെ പൂളുകളിൽ കുളിക്കുന്നുണ്ടായിരുന്നു. ബാക്കി ചിലർ കാഴ്ചകൾ ആസ്വദിച്ചുകൊണ്ട് ഇരിക്കുകയും നടക്കുകയുമൊക്കെ ചെയ്യുന്നു. ശരിക്കും ഒരു സ്വർഗ്ഗത്തിൽ വന്നതുപോലെ…

അപ്പോഴും ഞങ്ങളുടെ കപ്പൽ പോർട്ടിൽ നിന്നും പുറപ്പെട്ടിട്ടുണ്ടായിരുന്നില്ല. ഞാനും മാനുക്കയും കൂടി കപ്പലിന്റെ മുകൾത്തട്ടിൽ നിന്നുകൊണ്ട് പോർട്ടിന്റെ എതിർവശത്തെ കാഴ്ചകൾ ആസ്വദിക്കുകയായിരുന്നു അപ്പോൾ. അവിടെ മറ്റു കപ്പലുകൾ കടന്നു പോകുന്ന കാഴ്ച അതിമനോഹരമായിരുന്നു. വൈകുന്നേരം ആയതിനാൽ വെയിലൊക്കെ മാറി അൽപ്പം ഇരുൾ മൂടിയ കാഴ്ചയായി. ഞങ്ങളുടെ ലഗേജുകൾ താഴെ വന്നിട്ടുണ്ട് എന്നറിഞ്ഞതിനാൽ വേഗം താഴേക്ക് ചെന്നു. ബാഗ് കളക്ട് ചെയ്തുകൊണ്ട് റൂമിൽ തിരിച്ചെത്തിയ ശേഷം അവിടത്തെ വിൻഡോയിലൂടെ പുറത്തേക്ക് ചുമ്മാ നോക്കിയതായിരുന്നു ഞാൻ… അതാ ഞങ്ങളുടെ കപ്പൽ സിംഗപ്പൂർ പോർട്ടിൽ നിന്നും പുറപ്പെട്ടിരിക്കുന്നു. കപ്പൽ യാത്ര തുടങ്ങിയ കാര്യം ഞങ്ങൾ അറിഞ്ഞതേയില്ല.

സിങ്കപ്പൂർ – മലേഷ്യ – തായ്‌ലൻഡ് രാജ്യങ്ങൾ സന്ദർശിച്ച് തിരികെ സിങ്കപ്പൂരിലേക്കാണ് വരുന്നതാണ് ഈ കപ്പലിന്റെ റൂട്ട്. ഇനി അടുത്ത ദിവസം രാവിലെ കപ്പൽ മലേഷ്യയിൽ അടുക്കും എന്നറിഞ്ഞു. നേരം ഇരുട്ടിയതോടെ ഞങ്ങൾ ബാക്കി കാര്യങ്ങളിലേക്ക് കടന്നു. കപ്പൽ വിശേഷങ്ങൾ അവസാനിക്കുന്നില്ല. ഇനി അടുത്ത എപ്പിസോഡിൽ കാണാം. To contact Bonvo: +91 8594022166, +91 7594022166.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post

പ്രളയവും കോവിഡും തളർത്തി; കണ്ണീരോടെ കോട്ടയത്തെ ‘മാംഗോ മെഡോസ്’

പ്രകൃതിയെയും സസ്യജാലങ്ങളെയും ഒരേപോലെ സ്നേഹിക്കുന്നവര്‍ക്കും ആസ്വദിക്കുന്നവര്‍ക്കും വേണ്ടിയുള്ളതാണ് കോട്ടയം ജില്ലയിലെ കടുത്തുരുത്തിയ്ക്ക് സമീപമുള്ള മാംഗോ മെഡോസ് എന്ന മഹാപ്രപഞ്ചം. ലോകത്തിലെ ആദ്യത്തെ അഗ്രിക്കള്‍ച്ചറല്‍ തീംപാര്‍ക്ക് എന്ന ഖ്യാതി കേട്ട മാംഗോ മെഡോസ് ഇപ്പോൾ സങ്കടാവസ്ഥയിലാണ്. തുടരെയുണ്ടായ പ്രളയവും, പിന്നാലെ വന്ന കോവിഡും…
View Post

മോസ്‌ക്കോ എയർപോർട്ടിൽ എനിക്കുണ്ടായ അനുഭവങ്ങൾ…

ദുബായിൽ നിന്നും ലോകത്തിലെ ഏറ്റവും വലിയ യാത്രാവിമാനമായ എയർബസ് A380 യിലെ യാത്രയും ആസ്വദിച്ചു ഞങ്ങൾ മോസ്‌കോ എയർപോർട്ടിൽ ഇന്ത്യൻ സമയം 12 മണിയോടടുപ്പിച്ച് എത്തിച്ചേർന്നു. തിരക്കിൽ നിന്നും ഒഴിഞ്ഞുമാറി ഞങ്ങൾ ഇമിഗ്രെഷൻ കൗണ്ടറിലേക്ക് നീങ്ങി. കൂടെയുണ്ടായിരുന്ന സഹീർ ഭായി ഇമിഗ്രെഷൻ…
View Post

ബെംഗളൂരു നഗരത്തിനുള്ളിൽ നിങ്ങൾ കണ്ടിരിക്കേണ്ട 15 സ്ഥലങ്ങൾ..

ബെംഗളൂരു ഇന്ത്യയിലെ വലിയ മെട്രോ നഗരങ്ങളിൽ ഒന്നാണ്. അതുകൊണ്ടു തന്നെ ഇവിടെ കാഴ്ചകളും ധാരാളമുണ്ട്. ബെംഗളുരുവിലേക്ക് വരുന്നവർക്ക് സന്ദർശിക്കാവുന്ന 15 സ്ഥലങ്ങളെയാണ് ഈ ലേഖനത്തിലൂടെ പരിചയപ്പെടുത്തുവാൻ പോകുന്നത്. 1 ടിപ്പു സുൽത്താൻ സമ്മർ പാലസ് : ബെംഗളൂരുവിലെ കെആർ മാർക്കറ്റിനു സമീപമാണ്…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

കേരളത്തിൽ ടൂറിസം ഉണരുന്നു; തുറന്ന ടൂറിസം സെന്ററുകൾ ഇവയാണ്

കോവിഡ് മഹാമാരിയെ തുടര്‍ന്ന് അടച്ചിട്ടിരുന്ന വനംവകുപ്പിന് കീഴിലുള്ള ഇക്കോ ടൂറിസം സെന്ററുകള്‍ കഴിഞ്ഞ ദിവസം മുതല്‍ സഞ്ചാരികള്‍ക്കായി തുറന്നു നല്‍കി. പരിഷ്‌കരിച്ച കോവിഡ് മാനദണ്ഡങ്ങള്‍ കര്‍ശനമായി പാലിച്ചുകൊണ്ടായിരിക്കും സെന്ററുകള്‍ പ്രവര്‍ത്തിക്കുക. ഇത്തരത്തിൽ തുറന്നിരിക്കുന്ന ടൂറിസം സെന്ററുകളുടെ വിവരങ്ങൾ ജില്ല തിരിച്ച് താഴെ…
View Post

മൂന്നാറിൽ ഫാമിലിയായിട്ട് തങ്ങുവാൻ പറ്റിയ കിടിലൻ സ്ഥലങ്ങൾ

മലയാളികൾ ടൂർ പോകുവാൻ പ്ലാൻ ചെയ്യുമ്പോൾ ആദ്യത്തെ ലിസ്റ്റിൽ വരുന്ന ഒരു സ്ഥലമാണ് മൂന്നാർ. എന്തുകൊണ്ടാണ് മൂന്നാർ എല്ലാവർക്കും ഇത്ര പ്രിയങ്കരമായത് എന്ന ചോദ്യത്തിന് ഇന്ന് വലിയ പ്രസക്തി ഉണ്ടെന്നു തോന്നുന്നില്ല. ഒറ്റവാക്കിൽ പറഞ്ഞാൽ മൂന്നാർ പച്ചപട്ടുടുത്ത ഒരു തണുത്ത സുന്ദരിയാണ്.…
View Post

കണ്ണൂർ ജില്ലയിൽ ഫാമിലി ട്രിപ്പ് പോകുവാൻ പറ്റിയ അഞ്ച് സ്ഥലങ്ങൾ

കേരളത്തിലെ വടക്കേയറ്റത്ത് സ്ഥിതി ചെയ്യുന്ന ഒരു ജില്ലയാണ് കണ്ണൂർ. കണ്ണൂർ പട്ടണത്തിന്റെ ആധുനിക ചരിത്രം തുടങ്ങുന്നത് പോർച്ചുഗീസുകാർ മലബാറിൽ പ്രവേശിച്ചതോടുകൂടിയാണ്. പ്രശസ്ത നാടൻ കലാരൂപമായ തെയ്യം കളിയാടുന്നത് കണ്ണൂർ ജില്ലയിലാണ്. തെയ്യം കാണണമെങ്കിൽ ഇവിടേക്ക് തന്നെ വരണം. തെയ്യവും സര്‍ക്കസും ക്രിക്കറ്റും…
View Post