ലേ ലഡാക്ക് ഒരു വികാരമാണ് – പ്രത്യേകിച്ച് വണ്ടി പ്രേമികൾക്കിടയിൽ…

Total
8
Shares

ലേ – ലഡാക്കിലെ കാഴ്ചകൾ ആസ്വദിക്കുകയായിരുന്നു ഞങ്ങൾ. കൂടെ എല്ലാവിധ സപ്പോർട്ടുകളോടെ അവിടത്തെ എക്സ്പെർട്ട് ട്രാവൽ ഗൈഡ് കാക്കായും. ലേയിൽ നിന്നും മണാലിയിലേക്കുള്ള ഹൈവേയിലൂടെയുള്ള യാത്രയിൽ ഞങ്ങൾ ഒരു കിടിലൻ ലൊക്കേഷനിൽ എത്തിച്ചേർന്നു.ഒരിക്കലും വാക്കുകൾ കൊണ്ട് വർണ്ണിക്കുവാൻ കഴിയാത്തയത്ര സൗന്ദര്യം വഴിഞ്ഞൊഴുകുന്ന ഒരു കിടിലൻ സ്ഥലം. ആ സ്ഥലത്ത് ഞങ്ങൾ വണ്ടി നിർത്തുകയും അവിടെ മലകൾക്കിടയിലുള്ള നിരപ്പായ ഗ്രൗണ്ടിൽ വണ്ടി ഒന്നുരണ്ടുവട്ടം കറക്കുകയുമൊക്കെ ചെയ്തു. മുൻപേ പറഞ്ഞില്ലേ, അവിടത്തെ പ്രകൃതി സൗന്ദര്യം വാക്കുകൾ കൊണ്ട് വർണ്ണിക്കുവാൻ കഴിയില്ലെന്ന്. അതിനാൽ ഇതോടൊപ്പമുള്ള വീഡിയോയിൽ അത് കാണുക.

കിടിലൻ കാഴ്ചകളും ആസ്വദിച്ചുകൊണ്ട് ഞങ്ങൾ വീണ്ടും യാത്ര തുടർന്നു. റോഡ് ആണെങ്കിൽ നല്ല കിടിലൻ കണ്ടീഷൻ.. കണ്ടാൽ ആർക്കും ഒന്ന് ഡ്രൈവ് ചെയ്യുവാൻ തോന്നിപ്പോകും. ഞങ്ങൾ കാറിലും എമിൽ ബുള്ളറ്റിലുമായിരുന്നു യാത്ര. കുറച്ചു ദൂരം സഞ്ചരിച്ചു കഴിഞ്ഞു ഞങ്ങൾ ഒരു ചെറിയ ടൗൺഷിപ്പിൽ എത്തിച്ചേർന്നു. അതൊരു ഇടത്താവളം ആയിരുന്നു. അവിടെയുള്ള ജംഗ്‌ഷനിൽ നിന്നും ഇടത്തേക്ക് പോയാൽ പാന്ഗോങ് തടാകത്തിലേക്കും, വലത്തേക്ക് പോയാൽ മണാലിയും ആണ്. ഇവിടങ്ങളിലേക്കു പോകുന്നവരെല്ലാം വിശ്രമിക്കുന്ന ഒരു സ്ഥലമാണ് ഈ ടൗൺഷിപ്പ്.

ഞങ്ങൾ അവിടെ ഒരു ചായക്കടയിൽ ചായ കുടിക്കുവാനായി കയറി. കടയിലേക്ക് കയറുന്നതിനിടെയാണ് അവിടെ പാർക്ക് ചെയ്തിരുന്ന കേരള രജിസ്‌ട്രേഷൻ ബൈക്കുകൾ ഞങ്ങളുടെ ശ്രദ്ധയിൽപ്പെട്ടത്. ‘കേരള – കശ്മീർ – നേപ്പാൾ – ഭൂട്ടാൻ – നോർത്ത് ഈസ്റ്റ്’ എന്നുള്ള സ്റ്റിക്കർ ആ വണ്ടികളിൽ കണ്ടു. ഞങ്ങൾ കടയിൽക്കയറിയപ്പോൾ അവിടെ ചായയും കുടിച്ചിരിക്കുകയാണ് ആ വണ്ടികളിൽ വന്ന നമ്മുടെ പിള്ളേർ. അവർ മൂന്നു പേരുണ്ടായിരുന്നു, രണ്ടു തൃശ്ശൂർക്കാരും ഒരു പത്തനംതിട്ടക്കാരനും. ഞങ്ങൾ പരസ്പരം പരിചയപ്പെടുകയും വിശേഷങ്ങൾ പങ്കുവെയ്ക്കുകയുമൊക്കെയുണ്ടായി. അവർ കേരളത്തിൽ നിന്നും കാശ്മീരിൽ എത്തിയിട്ട് അവിടെ നിന്നും മണാലി വഴി നേപ്പാൾ, ഭൂട്ടാൻ എന്നിവിടങ്ങളിലൊക്കെ പോകുവാനാണ് പ്ലാൻ.

മലയാളി റൈഡർമാരെ പരിചയപ്പെട്ടു, അവർക്കൊപ്പം ചായയും കുടിച്ച ശേഷം ഞങ്ങൾ വീണ്ടും കാണാമെന്ന ഉറപ്പോടെ പിരിഞ്ഞു. അവിടെ നിന്നും ഹാരിസ് ഇക്കയായിരുന്നു ബുള്ളറ്റ് ഓടിച്ചിരുന്നത്. പിന്നീട് ഞങ്ങൾ അവിടെ അടുത്തുള്ള ഹിമിസ് മൊണാസ്ട്രി കാണുവാനായിരുന്നു പോയത്. അവിടേക്കുള്ള യാത്രയ്ക്കിടയിൽ കണ്ട കാഴ്ചകൾ ഏതോ ഗൾഫ് രാജ്യത്തെ ഓർമ്മിപ്പിക്കുന്ന തരത്തിലുള്ളതായിരുന്നു. ഒമാനിലും മറ്റും സഞ്ചരിച്ചവർക്ക് മനസ്സിലാകും.

അങ്ങനെ ഞങ്ങൾ മനോഹരമായ കവാടവും കടന്നു ഹിമിസ് മൊണാസ്ട്രിയിൽ എത്തിച്ചേർന്നു. ലേയിലെ ഏറ്റവും പുരാതനമായ മൊണാസ്ട്രിയാണ് അതെന്നു ഞങ്ങളോട് കാക്കാ പറഞ്ഞു തന്നു. വലിയ മലനിരകൾക്കു നടുവിലായി വളരെ മനോഹരമായ രീതിയിലായിരുന്നു ആ മൊണാസ്ട്രി സ്ഥിതി ചെയ്തിരുന്നത്. ശരിക്കും അതൊരു മൊണാസ്ട്രി ആയിരുന്നില്ല, ഒരു മനോഹരമായ സ്തൂപം ആയിരുന്നു. ഞങ്ങൾ ഈ യാത്രയിൽ ഇതുവരെ കണ്ട സ്തൂപങ്ങളിൽ നിന്നും വളരെ വ്യത്യസത്യമായിരുന്നു. അവിടത്തെ കാഴ്ചകൾ കണ്ടതിനു ശേഷം ഞങ്ങൾ വീണ്ടും യാത്ര തിരിച്ചു.

അവിടുന്ന് പിന്നീട് ഞാനായിരുന്നു ബുള്ളറ്റ് ഓടിച്ചിരുന്നത്. വല്ലാത്തൊരു ഫീൽ തന്നെയായിരുന്നു അതുവഴി ബുള്ളറ്റിലൂടെയുള്ള യാത്ര. വെറുതെയല്ല ലേ – ലഡാക്ക് ഒക്കെ ആളുകൾ ബുള്ളറ്റിൽ പോകുന്നത്. അമ്മാതിരി ഫീൽ അല്ലേ..!! അങ്ങനെ ഞങ്ങൾ രാത്രിയോടെ തിരികെ കാക്കായുടെ ഹോംസ്റ്റേയിൽ എത്തിച്ചേർന്നു. അവിടെ കുറച്ചുനേരം കാക്കായുടെ ചെറിയ കുട്ടിയെ ഞങ്ങൾ കളിപ്പിച്ചു. പിന്നീട് കുറച്ചു കഴിഞ്ഞു ഞങ്ങൾ ഷോപ്പിംഗിനായി ലേ പട്ടണത്തിലേക്ക് നീങ്ങി. അവിടെ നിന്നും വേണ്ട സാധനങ്ങളൊക്കെ വാങ്ങി ഞങ്ങൾ വീണ്ടും തിരികെ ഹോംസ്‌റ്റേയിൽ എത്തി. ഇനി ലേയിലെ അടുത്ത കാഴ്ചകൾ അടുത്ത ദിവസം കാണാം.

ലേയിൽ വരുന്ന സഞ്ചാരികൾക്ക് താമസത്തിനായും, ബൈക്ക് വാടകയ്ക്കായും, മറ്റെന്തു സഹായത്തിനായും കാക്കായെ ധൈര്യമായി വിളിക്കാം. To contact KAKA in Leh: 9469669943, 6005254159.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

കേരളത്തിൽ റോഡ് ട്രിപ്പിനു പറ്റിയ അഞ്ച് മനോഹര റൂട്ടുകൾ…

യാത്രകൾ പല തരത്തിൽ ആസ്വദിക്കുന്നവരുണ്ട്. ചിലർ സ്ഥലങ്ങലും കാഴ്ചകളും ഒക്കെ കണ്ട് ആസ്വദിക്കും, ചിലർ ഓരോ സ്ഥലത്തെയും ഭക്ഷണങ്ങൾ രുചിച്ച് ആസ്വദിക്കും, ചിലർ കൂട്ടുകാരും കുടുംബവുമൊക്കെയായിട്ട് ഒരു അടിച്ചുപൊളി മൂഡിലായിരിക്കും യാത്ര പോകുന്നത്. മറ്റു ചിലരാകട്ടെ ഡ്രൈവിംഗ് ആയിരിക്കും ഇഷ്ടപ്പെടുക. ഇത്തരത്തിൽ…
View Post

കണ്ണൂർ ജില്ലയിൽ ഫാമിലി ട്രിപ്പ് പോകുവാൻ പറ്റിയ അഞ്ച് സ്ഥലങ്ങൾ

കേരളത്തിലെ വടക്കേയറ്റത്ത് സ്ഥിതി ചെയ്യുന്ന ഒരു ജില്ലയാണ് കണ്ണൂർ. കണ്ണൂർ പട്ടണത്തിന്റെ ആധുനിക ചരിത്രം തുടങ്ങുന്നത് പോർച്ചുഗീസുകാർ മലബാറിൽ പ്രവേശിച്ചതോടുകൂടിയാണ്. പ്രശസ്ത നാടൻ കലാരൂപമായ തെയ്യം കളിയാടുന്നത് കണ്ണൂർ ജില്ലയിലാണ്. തെയ്യം കാണണമെങ്കിൽ ഇവിടേക്ക് തന്നെ വരണം. തെയ്യവും സര്‍ക്കസും ക്രിക്കറ്റും…
View Post

മൂന്നാറിൽ ഫാമിലിയായിട്ട് തങ്ങുവാൻ പറ്റിയ കിടിലൻ സ്ഥലങ്ങൾ

മലയാളികൾ ടൂർ പോകുവാൻ പ്ലാൻ ചെയ്യുമ്പോൾ ആദ്യത്തെ ലിസ്റ്റിൽ വരുന്ന ഒരു സ്ഥലമാണ് മൂന്നാർ. എന്തുകൊണ്ടാണ് മൂന്നാർ എല്ലാവർക്കും ഇത്ര പ്രിയങ്കരമായത് എന്ന ചോദ്യത്തിന് ഇന്ന് വലിയ പ്രസക്തി ഉണ്ടെന്നു തോന്നുന്നില്ല. ഒറ്റവാക്കിൽ പറഞ്ഞാൽ മൂന്നാർ പച്ചപട്ടുടുത്ത ഒരു തണുത്ത സുന്ദരിയാണ്.…
View Post

തൃശ്ശൂരിൽ നിന്നും ഒരു ദിവസം കൊണ്ട് പോയി വരാവുന്ന ടൂറിസ്റ്റു കേന്ദ്രങ്ങൾ

കേരളത്തിന്റെ സാംസ്കാരിക തലസ്ഥാനമായ, പൂരങ്ങളുടെ നാടായ തൃശ്ശൂരിലും പരിസരപ്രദേശങ്ങളിലുമായി ഒത്തിരി വിനോദസഞ്ചാരന്ദ്രങ്ങളുണ്ട്. തൃശ്ശൂരിൽ നിന്നും ഒരു ദിവസംകൊണ്ട് പോയി വരാവുന്ന വിനോദസഞ്ചാര കേന്ദ്രങ്ങൾ ഏതൊക്കെയെന്നു നിങ്ങൾക്കറിയാമോ? കൺഫ്യൂഷൻ ഉണ്ടെങ്കിൽ ചിലത് ഞങ്ങൾ പറഞു തരാം. 1. നെല്ലിയാമ്പതി – തൃശ്ശൂരിന്റെ അയൽജില്ലയായ…
View Post

എന്താണ് ദുബായ് എക്സ്പോ? അവിടെ എന്തൊക്കെ കാണാം? ആകർഷണങ്ങൾ…

ഇപ്പോൾ മാധ്യമങ്ങളിലും സോഷ്യൽ മീഡിയകളിലും, പിന്നെ പ്രവാസി സുഹൃത്തുക്കൾക്കിടയിലും സംസാരവിഷയമായിരിക്കുന്ന ഒന്നാണ് ദുബായ് എക്സ്പോ. എന്താണ് ഈ ദുബായ് എക്സ്പോ എന്ന് ശരിക്കും അറിയാത്ത ചിലരെങ്കിലും നമുക്കിടയിലുണ്ടാകും. അവർക്കായി ദുബായ് എക്സ്പോയുടെ വിശേഷങ്ങൾ പങ്കുവെയ്ക്കാം. ബ്യൂറോ ഒഫ് ഇന്റർനാഷണൽ എക്സ്പോസിഷൻസിന്റെ മേൽനോട്ടത്തിൽ…
View Post

കോഴിക്കോട് നിന്നും വൺ ഡേ ട്രിപ്പ് പോകാൻ പറ്റിയ അഞ്ച് സ്ഥലങ്ങൾ…

കേരളത്തിൽ ഏറ്റവും കൂടുതൽ സഞ്ചാരികൾ വസിക്കുന്നത് മലബാർ മേഖലകളിലാണ്. സോഷ്യൽ മീഡിയയിലെ ട്രാവൽ ഗ്രൂപ്പുകളിൽ നിറഞ്ഞ സാന്നിധ്യത്തോടെയാണ് ഇവരുടെ മുന്നേറ്റം. ഇവരിൽ കൂടുതൽപേരും മലപ്പുറം, കോഴിക്കോട് ജില്ലകളിൽ നിന്നുള്ളവരാണ്. അതുകൊണ്ട് ഇത്തവണ സ്വൽപ്പം വടക്കൻ വിശേഷങ്ങളാണ് നിങ്ങള്ക്ക് മുന്നിൽ പങ്കുവെയ്ക്കാൻ പോകുന്നത്.…
View Post

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post